¿Á ndákaʼún xa̱ʼa̱ ña̱yóʼo?
¿Á ka̱ʼviún ndiʼi Tutu Ña̱ Nátúʼun xíʼinyó?
¿Ndáaña chindeétáʼan xíʼinyó ña̱ kǒo ndakava-iniyó?
Xíniñúʼu chikaa̱yó ndee̱ ña̱ kaʼviyó tu̱ʼun Ndióxi̱ ndiʼi ki̱vi̱, ta ná ka̱ʼa̱nyó xíʼin Jehová ña̱ ná chindeétáʼanra xíʼinyó ña̱ kunda̱a̱-iniyó ndáaña xíniñúʼuyó ta kaʼviyó xa̱ʼa̱ ña̱yóʼo. Tá saá ná keʼéyó kusi̱í-iniyó kundatuyó ndakiʼinyó ña̱ va̱ʼa chí nu̱únínu (w26.01, página 10 nda̱a̱ 13).
¿Ama ka̱ʼa̱n na̱ yiví “vitin va̱ʼaní ndóo ndiʼiyó ta kǒoka ña̱ sándi̱ʼi̱-iniyó”? (1 Tes. 5:3).
Kivi ka̱ʼa̱nna ña̱yóʼo tá kúma̱ní sandiʼi-xa̱ʼa̱na veʼe-ñu̱ʼu vatá á tá xa̱a̱ sa̱ndíʼi-xa̱ʼa̱naña. Xíniñúʼu kundatuyó ña̱ va̱ʼa kotoyó ndáa ki̱ʼva kuu ña̱yóʼo (w26.02, página 30 xíʼin 31).
¿Ndáa u̱ni̱ ña̱ kivi chindeétáʼan xíʼinyó ña̱ va̱ʼa viíka sanáʼa̱yó xa̱ʼa̱ Ndióxi̱?
Ná kunda̱a̱-iniyó xíʼin ña̱ sándi̱ʼi-inina tá ná kuniñúʼuyó tu̱ʼun Ndióxi̱ tá sánáʼa̱yóna, ná ka̱ʼa̱nyó xa̱ʼa̱ Jehová xíʼinna ta vií ná kuniso̱ʼoyó tá xa̱a̱ káʼa̱nna xíʼinyó (w26.03, página 3 nda̱a̱ 6).
Vií ná ndakanixi̱níyó tá yáʼayó nu̱ú tu̱ndóʼo
Kúnda̱a̱va-iniyó ña̱ ya̱ʼayó nu̱ú ku̱a̱ʼání tu̱ndóʼo ñuyǐví yóʼo. Ni táxiva Jehová ña̱ yáʼayó nu̱ú tu̱ndóʼo, ña̱yóʼo chíndeétáʼanña xíʼinyó ña̱ kundaaka-iniyóra ta su̱víka ña̱ kundaa-iniyó miíyó (w26.04, página 14 nda̱a̱ 16).
¿Ndáa ki̱ʼva kuniñúʼuyó ña̱ káʼa̱n Gálatas 6:5 tá kúni̱yó kaʼvi va̱ʼayó?
Iin tá iin na̱ ndásakáʼnu Ndióxi̱ ndakuiinna xa̱ʼa̱ ña̱ kéʼéna. Tá na̱ va̱lí kúúna na̱ yivána kúú na̱ ndakuiin xa̱ʼa̱ ña̱ kéʼéna. Ndáyáʼviní kunda̱a̱-iniyó nda̱chun kúni̱yó kaʼvi va̱ʼayó, nda̱saa hora kaʼviyó, mií kíndo̱o lugar nu̱ú kaʼviyó, nda̱saa xu̱ʼún chaʼviyó ta ndáa chiñu kúú ña̱ kúniyó kuumiíyó (w26.05, página 15 nda̱a̱ 18).
¿Ndáaña va̱ʼa ndákiʼinyó tá ndíkaa̱yó xíʼin iin grupo ña̱ predicación?
Ta̱ superintendente ña̱ grupo xáʼa̱nra kéʼéra visita ña̱ pastoreo xíʼinyó. Ku̱a̱ʼání ña̱ va̱ʼa ndákiʼinyó tá kitáʼanyó xíʼin na̱ hermano na̱ ñúʼu grupo xíʼinyó (w26.06, página 18 xíʼin 19).
¿Nda̱chun chíkaa̱ Isaías 38:17 ndee̱ xíʼinyó?
Versículo yóʼo káʼa̱nña xíʼinyó ña̱ xíkaní sákana Jehová ku̱a̱chiyó. Tá ni̱ki̱ʼviyó iin ku̱a̱chi ndeé nu̱úra soo ndíko-iniyó xa̱ʼa̱ ña̱ ke̱ʼéyó, káʼa̱n ndáʼviyó xíʼinra ña̱ ná koo káʼnu-inira xa̱ʼa̱yó, ta̱yóʼo nándóso-inira xa̱ʼa̱ ku̱a̱chiyó ta kǒo ndákaʼánkara xa̱ʼa̱ña (w26.07, página 10).
¿Ndáaña xi̱keʼéna chí yéʼé ñuu tiempo xi̱naʼá ña̱ káʼa̱n Biblia xa̱ʼa̱?
Chí yéʼé xi̱xikóna ña̱ʼa ta saátu xi̱ndatiinna ku̱a̱chi á xi̱kaʼa̱nna xa̱ʼa̱ ña̱ʼa ña̱ xi̱ndayáʼvi. Ta saátu xi̱kaʼa̱n na̱ xi̱ndaka̱xin Ndióxi̱ xíʼin na̱ ñuu xa̱ʼa̱ ña̱ xi̱kuni̱ra kunda̱a̱-inina (w26.08, página 31).
¿Ndáa ki̱ʼva káʼa̱n Salmo 91 ña̱ kundaa Jehová miíyó?
Salmo 91 káʼa̱nña, Ndióxi̱ taxira ña̱ xíniñúʼu na̱ ñuura ña̱ va̱ʼa sákuaʼana xa̱ʼa̱ra. Saátu káʼa̱nña ña̱ taxira ña̱ xíniñúʼuna ta kusi̱í-inina ndasakáʼnunara, tá ná kixaa̱ Armagedón Jehová kundaarana ña̱ va̱ʼa kǒo ña̱ kundoʼona. Viíní kundaara iin tá iin na̱ ndásakáʼnu miíra (w26.09, página 3 xíʼin 7).
Tá káʼviyó texto diario, ¿ndáa ki̱ʼva chíndeétáʼanña xíʼinyó?
Tá táváyó tiempo ña̱ kaʼviyó texto diario iin ki̱ʼva ña̱ ndásakáʼnuyó Jehová kúúña. Chíndeétáʼanña xíʼinyó ña̱ ya̱ʼayó nu̱ú tu̱ndóʼo ta saátu ndiʼi ki̱vi̱ nda̱kú koo-iniyó xíʼin Jehová. Chíndeétáʼanña xíʼinyó ña̱ va̱ʼaka xa̱a̱yó kutáʼanyó xíʼinra ta saátu ña̱ kúúmiíyó chiñu ti̱xin ñuura (w26.10, página 25 nda̱a̱ 27).
¿Ndáa ki̱ʼva kundiku̱n na̱ anciano yichi̱ na̱ xi̱ndaa ndikachi tiempo xi̱naʼá?
Ta̱ pastor va̱ʼaní xi̱kachíñura, va̱ʼaní xi̱taxira ña̱ xi̱xixi ndikachi válí sa̱na̱ra ta va̱ʼaní xi̱ndaararí. Va̱ʼaní xi̱keʼéra chiñura saáchi xi̱kiʼinra kuenta xíʼinnrí ña̱ kǒo nda̱a̱ ni iin ña̱ʼa kundoʼorí, kǒo ní xi̱yiʼvíra saáchi xi̱ndaararí nu̱ú kití tí kue̱ʼe̱ (w26.11, página 9).
¿Nda̱chun ni̱ka̱ʼa̱n ta̱ Jesús xíʼin na̱ apóstolra ña̱ ná ndukúna espada? (Luc. 22:36).
Ñuú tá ti̱inna ta̱ Jesús ni̱ka̱ʼa̱nra xíʼin na̱ apóstolra ña̱ ná ndukúna iin espada saáchi xi̱kuni̱ra sanáʼa̱ra iin ña̱ ndáyáʼviní miína, ña̱ kǒo xíniñúʼu kanitáʼanna xíʼin na̱ xi̱saa̱-ini xi̱xini miína (w26.12, página 16 xíʼin 17).