Zacarías

“Ña̱yóʼo kúú ña̱ ni̱ka̱ʼa̱n Jehová kundoʼo na̱ ndóo chí Hadrac,

ta ku̱a̱ʼa̱ntuña nu̱ú na̱ ndóo chí Damasco,

saáchi Jehová xítora ña̱ kéʼé ndiʼi na̱ yiví

xíʼin ña̱ kéʼé ndiʼi na̱ tribu ñuu Israel,

 2 ni̱ka̱ʼa̱ntura xa̱ʼa̱ ña̱ kundoʼo na̱ ñuu Hamat, na̱ ndóo yatin xíʼin ñuu kán,

ta saátu ña̱ kundoʼo na̱ ndóo chí ñuu Tiro xíʼin Sidón, ñuu nu̱ú ndóo na̱ ndíchiní.

Ku̱a̱ʼání plata ni̱xa̱a̱na xi̱kuumiína nda̱a̱ táki̱ʼva ku̱a̱ʼání kúú yáká* ña̱ íyo nu̱ú ñuʼú,

ta saátu ku̱a̱ʼání oro ni̱xa̱a̱na xi̱kuumiína nda̱a̱ táki̱ʼva ku̱a̱ʼání kúú nda̱ʼyi̱ ndóo chí calle.

 4 Kotondó. Jehová kindaara ndiʼi ña̱ʼa ña̱ kúúmiína

ta kuchiñura sandíʼi-xa̱ʼa̱ra na̱ soldadona chí mar;

ta koko* ndiʼi ñuuna.

 5 Na̱ ñuu Asquelón kunina ña̱yóʼo ta yi̱ʼvínína;

na̱ ñuu Gaza kundi̱ʼiní-inina;

saátu na̱ ñuu Ecrón saáchi iin ña̱ kaʼanní nu̱ú kúú ña̱ kundoʼo na̱ xi̱ndaaní-inina.

Kǒoka rey kuumií na̱ ñuu Gaza

ta kǒoka na̱ kundoo ñuu Asquelón.

 6 Na̱ ke̱e inka ñuu kúú na̱ kundoo chí Asdod,

ta sakúkaʼi̱n nu̱ú na̱ filisteo.

 7 Tavái̱ ña̱ʼa ña̱ kúúmiíka ni̱i̱ ña̱ ñúʼu yuʼú na̱ filisteo

ta saátu ña̱ʼa ña̱ kini ña̱ ñúʼu xa̱ʼa̱ nu̱ʼuna,

ta na̱yóʼo kindo̱ona ña̱ kachíñuna nu̱ú Ndióxi̱yó;

xa̱a̱na koona nda̱a̱ táki̱ʼva íyo iin na̱ níʼi yichi̱ nu̱ú iin na̱ tribu chí Judá,

ta na̱ ñuu Ecrón xa̱a̱na koona nda̱a̱ táki̱ʼva íyo na̱ jebuseo.

 8 Koi̱ chí yéʼé veʼi̱ ña̱ va̱ʼa kundai̱ña nu̱ú nda̱a̱ ndáakana, ni kúúna na̱ ku̱a̱ʼa̱n á na̱ va̱xi,

ta nda̱a̱ ni iin na̱ yiví na̱ ndi̱va̱ʼa-ini va̱ása ndikókana ya̱ʼana kán,

saáchi vitin xi̱ninu̱úi̱ ña̱ kéʼéna.*

Nda̱kúní íyo ña̱ kéʼéra ta sakǎkura yóʼó,

vitání-inira ta yósóra* iin burro,

yósóra iin burro loʼo, se̱ʼe iin burro síʼi.

10 Sandíʼi-xa̱ʼíi̱ carreta tú xíka nu̱ú ku̱a̱chi tú íyo chí ñuu ta̱ Efraín

ta kǒoka kuáyi̱ koo chí ñuu Jerusalén.

Ta̱kán ka̱ʼa̱nra xíʼin ndiʼi na̱ ñuu ña̱ kǒoka ku̱a̱chi koo;

kaʼndachíñura chí nu̱ú íyo iin mar iinsaá nda̱a̱ nu̱ú íyo inka mar

ta saátu nda̱a̱ nu̱ú íyo yu̱ta Éufrates iinsaá nda̱a̱ táʼví ña̱ xíkáva̱ʼa kíndo̱o nu̱ú ñuʼú.

11 Xa̱ʼa̱ ni̱i̱ ña̱ xi̱niñúʼu yóʼó ñá ñaʼá ña̱ ke̱ʼún iin trato xíʼi̱n,

sañávai̱ na̱ ñuún na̱ ñúʼu ini iin ya̱vi̱ kúnú ña̱ yi̱chí ini.

Vitin káʼi̱n xíʼin yóʼó ñá ñaʼá:

‘Nda̱a̱ u̱vi̱ yichi̱ ndataxii̱ ña̱ va̱ʼa ndaʼún.

ta̱ Efraín koo flecha tú kuniñúʼi̱ xíʼin kuxu̱n yóʼo.

Sandákáxíi̱-ini* na̱ se̱ʼe yóʼó Sion,

ta koona contra xíʼin se̱ʼe yóʼó Grecia,

ta nda̱a̱ táki̱ʼva íyo iin espada ta̱ xíni̱ní kanitáʼan saá koún’.*

14 Jehová na̱ʼa̱ra ña̱ íyora xíʼin na̱ ñuura,

ta kamaní ku̱ʼu̱n flechara nda̱a̱ táki̱ʼva kéʼé iin taxa.

Táta káʼnu Jehová tivira ndiki̱

ta kamaní ku̱ʼu̱nra xíʼin ta̱chí ña̱ ndeéní káni ña̱ va̱xi chí sur.

15 Jehová ta̱ xáʼndachíñu nu̱ú na̱ ángel ndakiʼinra tu̱ʼun na̱ ñuura,

tá na̱ sáa̱-ini xíniñaʼá ná kaninana xíʼin yu̱u̱ ña̱ xátana xíʼin yoʼo̱ válí,* kǒo nda̱a̱ ni iin ña̱ kundoʼona ta kuchiñuvana kanitáʼanna xíʼinna.

Koʼona ta nda̱ʼyi̱ kóʼóna nda̱a̱ táki̱ʼva kéʼé na̱ xíʼi vino;

ta kutú ti̱xinna nda̱a̱ táki̱ʼva chútú ko̱ʼo̱ kúnú ini xíʼin vino,

nda̱a̱ táki̱ʼva ndákutú ti̱tu̱n altar xíʼin ni̱i̱ kití.

16 Jehová Ndióxi̱na sakǎkurana ki̱vi̱ kán,

nda̱a̱ táki̱ʼva kéʼé iin ta̱ pastor ta̱ sáka̱ku ndikachi* sa̱na̱ra saá keʼéra xíʼinna saáchi kúúna na̱ ñuura;

saáchi koona nda̱a̱ táki̱ʼva íyo yu̱u̱ ña̱ liviní ña̱ níndoso sa̱tá iin corona ña̱ yéʼe̱ ña̱ kánduʼú* nu̱ú ñuʼúra.

17 Ndióxi̱ va̱ʼaní-inira ta káʼnuníra.

Trigo taxiña ndee̱ ndaʼa̱ na̱ ta̱a válí,