Kif Tifhem l-Eżempji tal-Bibbja

Il-Bibbja fiha mijiet t’eżempji. Imma ħafna minn dawk li jaqraw il-Bibbja jsibuha diffiċli biex jifhmuhom. (Mat. 13:13) X’tistaʼ tagħmel biex tifhem dawn l-eżempji aħjar? Forsi tistaʼ tipprova dan li ġej:

• Ifhem x’inhu s-suġġett u maʼ xiex qed jitqabbel. Pereżempju, f’​Rivelazzjoni 3:3 Ġesù jgħid li ġej bħal ħalliel. Allura s-suġġett hu ‘Ġesù ġej’ u qed jitqabbel maʼ “ħalliel.”

• Aħseb x’hemm simili bejn is-suġġett u l-eżempju. Aħseb għala xi ħaġa qed tiġi mqabbla maʼ xi ħaġa oħra u x’hemm komuni bejniethom.

• Agħmel ċert li qed tifhem l-eżempju tajjeb. Kultant wieħed jistaʼ jifhem l-eżempju ħażin. Fl-eżempju li rajna, Ġesù mhux ġej biex jisraq. Minflok, il-kuntest juri li bħalma ħalliel jiġi f’ħin meta n-nies ma jkunux qed jistennew, Ġesù ġej f’ħin meta n-nies ma jkunux qed jistennewh.