Avviżi
◼ Settembru: Għandu jsir sforz speċjali biex jiġu offruti dawn il-pubblikazzjonijiet li ġejjin: Tgħix Għal Dejjem u Hena Fil-Familja jew xi pubblikazzjoni inqas reċenti li l-kongregazzjoni għandha maħżuna. Ottubru: Offri kopji individwali kemm tat-Torri taʼ l-Għassa u kemm taʼ Stenbaħ! Meta jintwera interess, jekk jogħġbok ippreżenta l-browxer X’Jirrikjedi. Novembru: Offri l-ktieb Tgħallem mill-Għalliem il-Kbir. Jekk l-inkwilini jindikaw li m’għandhomx tfal, offri l-ktieb Għarfien jew il-fuljett Tixtieq Tkun Taf Iżjed dwar il-Bibbja? Diċembru: Offri l-ktieb L-Aqwa Bniedem li Qatt Għex. Inkella, offri xi ktieb ieħor bħall-Ktieb Tiegħi taʼ Stejjer mill-Bibbja, jew Int Tistaʼ Tgħix Għal Dejjem Fil-Ġenna Fuq L-Art jekk il-kongregazzjoni għandha maħżunin.
◼ L-uffiċċju lokali ma jfornix letteratura għal pubblikaturi individwali li jitolbuha. L-indokratur li jippresiedi għandu jirranġa li jsir avviż kull xahar qabel ma l-kongregazzjoni tibgħat l-ordni tal-letteratura taʼ kull xahar sabiex dawk kollha li huma interessati li jiksbu letteratura persunali jkunu jistgħu javżaw lill-ħu li jieħu ħsieb il-letteratura. Jekk jogħġobkom, żommu f’moħħkom liema pubblikazzjonijiet huma letteratura li tinkiseb b’rikjesta speċjali.
◼ L-anzjani huma mfakkrin biex isegwu l-istruzzjonijiet mogħtijin f’paġni 13-15 tat-Torri taʼ l-Għassa tal-15 taʼ Lulju, 1991, rigward xi wħud maqtugħin mis-sħubija jew diżassoċjati li forsi għandhom ix-xewqa li jiġu aċċettati lura.
◼ It-taħdita pubblika speċjali għall-istaġun tat-Tifkira 2006 se tingħata l-Ħadd, 30 t’April. Is-suġġett tat-taħdita se jitħabbar iktar ’il quddiem. Dawk il-kongregazzjonijiet li jkollhom iż-żjara taʼ l-indokratur tas-circuit jew xi assemblea fi tmiem dik il-ġimgħa se jkollhom it-taħdita speċjali l-ġimgħa taʼ wara. Ebda kongregazzjoni m’għandu jkollha t-taħdita speċjali qabel il-Ħadd, 30 t’April, 2006.
◼ Ladarba Ottubru fih ħames Sibtijiet u Ħdud, ikun xahar eċċellenti biex taqdi bħala pijunier awżiljarju.
◼ Il-kongregazzjonijiet għandhom jibdew jordnaw il-volumi llegati taʼ The Watchtower u Awake! għall-2005 u l-Watchtower Library—2005 Edition fuq CD-ROM maʼ l-ordni tal-letteratura li jmiss. Il-lista tal-lingwi li bihom se jkunu disponibbli dawn il-pubblikazzjonijiet se tidher fl-“Avviż lill-Kongregazzjonijiet Kollha” li jintbagħat kull xahar. Jekk jogħġobkom innotaw li l-Watchtower Library—2005 Edition hija provvediment għall-membri mgħammdin tal-kongregazzjoni u ssir disponibbli biss permezz tal-kongregazzjoni.