Avviżi

◼ Awissu: Jistaʼ jintuża kwalunkwe browxer taʼ 32 paġna minn dawn li ġejjin: Gawdi l-​Ħajja fuq l-​Art Għal Dejjem!, Għandek Int Temmen fit-​Trinità?, “Ħares! Qed Nagħmel l-​Affarijiet Kollha Ġodda,” Ktieb għan-​Nies Kollha, Meta Xi Ħadd Li Tħobb Imut, Veru li Alla Jimpurtah Minna?, u X’Inhu l-​Iskop tal-​Ħajja?​—Kif Tistaʼ Ssibu? Settembru: Għandu jsir sforz speċjali biex jiġu offruti dawn il-​pubblikazzjonijiet li ġejjin: Tgħix Għal Dejjem u Hena Fil-​Familja jew xi pubblikazzjoni inqas reċenti li l-​kongregazzjoni għandha maħżuna. Ottubru: Offri kopji individwali kemm tat-​Torri taʼ l-​Għassa u kemm taʼ Stenbaħ! Meta jintwera interess, jekk jogħġbok ippreżenta l-​browxer X’Jirrikjedi. Novembru: Offri l-​ktieb Tgħallem mill-​Għalliem il-​Kbir. Jekk l-​inkwilini jindikaw li m’għandhomx tfal, offri l-​ktieb Għarfien jew il-​fuljett Tixtieq Tkun Taf Iżjed dwar il-​Bibbja?

◼ Peress li Ottubru għandu ħames Sibtijiet u Ħdud, ikun xahar eċċellenti biex wieħed jaqdi bħala pijunier awżiljarju.

◼ Paġna 5 taʼ din il-​ħarġa tal-​Ministeru tas-​Saltna għandha tinżamm biex tintuża f’konnessjoni mal-​programm taʼ l-​assemblea tas-​circuit għas-​sena taʼ servizz 2006.

◼ L-​indokratur li jippresiedi, jew xi ħadd inkarigat minnu, għandu jawditja l-​kontijiet tal-​kongregazzjoni fl-​1 taʼ Settembru jew kemm jistaʼ jkun malajr wara din id-​data. Jekk hemm xi kont bankarju ieħor, bħal per eżempju tal-​manutenzjoni jew tal-​kostruzzjoni, għandhom isiru arranġamenti sabiex jiġi awditjat dan il-​kont. Meta dan ikun sar, għandu jsir avviż lill-​kongregazzjoni mar-​rapport tal-​kontijiet li jmiss.

◼ L-​inventarju annwali tal-​letteratura u r-​rivisti kollha disponibbli għandu jsir fil-​31 t’Awissu, 2005, jew kemm jistaʼ jkun qrib din id-​data. Dan l-​inventarju huwa simili għal dak li jagħmel il-​koordinatur tal-​letteratura meta kull xahar jgħodd kollox, u t-​totali jridu jitniżżlu fil-​formola tal-​Literature Inventory (S-18). L-​ammont totali taʼ rivisti disponibbli jistaʼ jinkiseb mill-​ħu (aħwa) inkarigat mir-​rivisti. Is-​segretarju tal-​kongregazzjoni li tieħu ħsieb il-​koordinazzjoni għandu jiċċekkja l-​inventarju. Hu u l-​indokratur li jippresiedi tal-​kongregazzjoni li tieħu ħsieb il-​koordinazzjoni mbagħad jiffirmaw il-​formola. Kull kongregazzjoni li tieħu ħsieb il-​koordinazzjoni se tirċievi tliet formoli tal-​Literature Inventory (S-18). Jekk jogħġobkom ibagħtu l-​oriġinali bil-​posta lill-​uffiċċju lokali f’Malta mhux iktar tard mis-​6 taʼ Settembru. Żommu kopja għall-​files tagħkom. It-​tielet kopja tistaʼ tintuża bħala karta biex taħdmu fuqha.

◼ Il-​kongregazzjonijiet għandhom jibdew jordnaw it-​2006 Calendar of Jehovah’s Witnesses, Neżaminaw l-​Iskrittura Kuljum​—2006, u t-​2006 Yearbook of Jehovah’s Witnesses maʼ l-​ordni tagħhom tal-​letteratura li jmiss. Lista tal-​lingwi kollha li bihom se jkunu disponibbli dawn il-​pubblikazzjonijiet se tidher fl-​“Avviż lill-​Kongregazzjonijiet Kollha,” li jintbagħat lill-​kongregazzjonijiet kollha kull xahar.