Ittra mill-​Uffiċċju

Għeżież Pubblikaturi tas-​Saltna:

Matul is-​sena taʼ servizz 2004 tassew kellna ħafna x’nagħmlu fix-​xogħol taʼ Jehovah. (1 Kor. 15:58) Jekk nirriflettu fuq ftit mill-​istatistiċi, se niġu megħjunin biex napprezzaw dak li twettaq. Ħafna minnkom ħadtu sehem fix-​xogħol taʼ pijunier awżiljarju flimkien mal-​pijunieri regulari u speċjali u missjunarji. Kif ukoll ma rridux ninsew lil dawk li jaħdmu f’Betel. Ix-​xogħol tagħhom jikkontribwixxi direttament għall-​produzzjoni u t-​tqassim taʼ l-​ikel spiritwali li għandna bżonn. (Sof. 3:9, New World Translation) Aħna lkoll napprezzaw is-​sagrifiċċji li dawn l-​aħwa jagħmlu. Minħabba li jħobbu lil Jehovah u lill-​ġirien tagħhom, dawn l-​uħud warrbu ambizzjonijiet u karrieri fid-​dinja. Napprezzaw ukoll il-​kontribut tal-​familji tagħhom li wkoll jappoġġawhom fl-​inkarigu li għandhom.—Mħ. 11:​35-40, NW.

Rajna wkoll tkabbir kontinwu fl-​għalqa barranija fejn qed jiġu kondotti iktar minn 50 studju tal-​Bibbja u għandhom attendenza regulari taʼ iktar minn 70 ruħ għat-​taħdita pubblika. Kellna wkoll quċċata ġdida għall-​attendenza tat-​Tifkira taʼ 983 ruħ. Fl-​istaġun tat-​Tifkira kien hemm 132 li qdew bħala pijunieri awżiljarji—xi wħud għal iktar minn xahar. Filwaqt li nħarsu ’l quddiem għal din is-​sena taʼ servizz, ejjew nitolbu lil Jehovah biex minkejja kemm għandna żmien jew hi x’inhi s-​sitwazzjoni tagħna, infittxu modi kif nistgħu nżidu s-​sehem tagħna fix-​xogħol tant importanti taʼ l-​ippridkar. (Mt. 7:7; 10:11) Aħna nistennew b’ħerqa li jkollna ħafna x’nagħmlu għaliex dan iġib ferħ u barkiet.

Ħutkom,

L-Uffiċċju taʼ Malta