X’Nistgħu Ngħidu dwar ir-​Rivisti

It-​Torri taʼ l-​Għassa 15 taʼ Lul.

“Taħseb li l-​ħżiena huma kastigati fl-​infern? [Agħti ċans għal tweġiba.] Il-​Bibbja turina biċ-​ċar x’inhu l-​kastig tad-​dnub. [Aqra Rumani 6:23a.] Allura, huwa l-​infern post taʼ turment bin-​nar? Huwa biss stat taʼ firda minn Alla? Din ir-​rivista tagħti tweġibiet Skritturali għal dawn il-​mistoqsijiet.”

It-​Torri taʼ l-​Għassa 1 t’Awis.

“Ħafna nies jaħsbu li l-​ideat u d-​drawwiet superstizzjużi huma biss xi ħaġa taʼ gost li ma tagħmilx ħsara. [Uri suġġett jew tnejn mill-​kaxxa f’paġna 5.] Qatt ħsibt x’hemm wara ideat bħal dawn? [Wara t-​tweġiba, aqra t-​2 Korintin 11:14.] Din ir-​rivista tagħti l-​ħarsa tal-​Bibbja dwar is-​superstizzjonijiet.”

Stenbaħ 8 t’Awis.

“Ħafna nies iħarsu lejn il-​logħob tal-​flus bħala passatemp soċjali li huwa aċċettat. Oħrajn iħossu li dan jagħmel ħsara lill-​familji u lis-​soċjetà in ġenerali. Din il-​ħarġa taʼ Stenbaħ! tanalizza l-​logħob tal-​flus skond riċerka li ġiet pubblikata dan l-​aħħar. Jaf jinteressak ukoll li taqra kif il-​prinċipji tal-​Bibbja jirreferu għal dan is-​suġġett.” Bħala eżempju, aqra l-​1 Timotju 6:10.