Avviżi

◼ Offerta taʼ letteratura għal Marzu: Għarfien Li Jwassal Għall-​Ħajja Taʼ Dejjem. Se jsir sforz speċjali biex jinbdew studji tal-​Bibbja fid-​djar. April u Mejju: Ir-​rivisti It-​Torri taʼ l-​Għassa u Stenbaħ! Fejn jinstab l-​interess fiż-​żjajjar lura, offri l-​ktieb Għarfien jew il-​browxer X’Jirrikjedi, bil-​mira li tibda studji tal-​Bibbja fid-​djar. Ġunju: Alla X’Jirrikjedi Minna? jew Għarfien Li Jwassal Għall-​Ħajja Taʼ Dejjem. Ikkonċentra fuq li tibda studji tal-​Bibbja fid-​djar.

◼ Pubblikaturi li jixtiequ jaqdu bħala pijunieri awżiljarji f’April għandhom jagħmlu l-​pjanijiet tagħhom issa u jitfgħu l-​applikazzjoni tagħhom kmieni. Dan se jgħin lill-​anzjani biex jagħmlu l-​arranġamenti tas-​servizz taʼ l-​għalqa li huma meħtieġa u jaraw li jkollhom biżżejjed rivisti u letteratura oħra disponibbli. L-​ismijiet taʼ dawk kollha li jiġu approvati bħala pijunieri awżiljarji għandhom jitħabbru fil-​kongregazzjoni.

◼ Il-​Mafkar se jinżamm il-​Ħadd, 8 t’April, 2001. Mhux se jsiru laqgħat dak in-​nhar ħlief dawk tas-​servizz taʼ l-​għalqa. L-​anzjani jistgħu jagħmlu arranġamenti xierqa biex l-​istudju tat-​Torri taʼ l-​Għassa jsir f’xi ħin ieħor.

◼ Is-​Soċjetà ma taqdix ir-​rikjesti taʼ pubblikaturi individwali għal-​letteratura. L-​indokratur li jippresiedi jrid jiftiehem biex isir avviż kull xahar qabel ma tintbagħat lis-​Soċjetà r-​rikjesta taʼ kull xahar tal-​kongregazzjoni għal-​letteratura, sabiex dawk kollha li huma interessati f’li jiksbu xi letteratura persunali jkunu jistgħu jinformaw lill-​ħu inkarigat mil-​letteratura. Jekk jogħġobkom żommu f’moħħkom liema pubblikazzjonijiet huma letteratura li tinkiseb b’rikjesta speċjali.