Stedina . . .

DIŻASTRI naturali, mard qattiel, korruzzjoni minn nies t’awtorità għolja, attakki terroristiċi, gwerer, kriminalità. Bilkemm tgħaddi ġurnata li ma nisimgħux b’xi aħbar simili. Kemm jekk ġejt effettwat personalment minn dawn l-​affarijiet u kemm jekk le, żgur li tistaqsi fiex se tispiċċa d-​dinja u jekk l-​affarijiet qatt se jmorru għall-​aħjar.

Biex jiddiskutu dawn il-​kwistjonijiet, ix-​Xhieda taʼ Ġeħova f’iktar minn 200 pajjiż madwar id-​dinja se jkunu preżenti għat-​taħdita pubblika tant f’waqtha intitolata “Għadu Jikkontrolla Alla?” Din se tikkunsidra dak li jgħid u jwiegħed Alla fil-​Kelma infallibbli tiegħu, il-​Bibbja, dwar dawn il-​mistoqsijiet vitali:

Jinteressah Alla minn dak li jseħħ fuq l-​art?

Kif iħossu dwar l-​umanità?

Jinteressah hu fil-​benesseri tiegħek?

F’ħafna postijiet, it-​taħdita se tingħata nhar il-​Ħadd, 30 t’April, 2006, fis-​Sala tas-​Saltna tax-​Xhieda taʼ Ġeħova. Ix-​Xhieda fl-​inħawi tiegħek se jieħdu pjaċir li jipprovdulek il-​ħin u l-​indirizz.

Int mistieden b’mod kordjali biex tattendi għal din it-​taħdita inkuraġġanti bla ħlas li se toffri tweġiba sodisfaċenti għall-​mistoqsija: Min Qed Jikkontrolla Dak li Qed Jiġri Fuq l-​Art?