Is-​Siġra taʼ l-​Ewwel tas-​Sena Hija Tradizzjoni Russa? Hija Drawwa Kristjana?

“FIL-​BIDU tas-​snin tletin tas-​seklu dsatax, is-​siġra li dejjem tħaddar kienet għadha magħrufa bħala ‘idea Ġermaniża mill-​isbaħ.’ Fl-​aħħar taʼ dawk l-​għaxar snin, din kienet ‘saret drawwa’ fid-​djar taʼ nies li kellhom stat għoli fis-​soċjetà ġewwa San Pietruburgu. . . . Fis-​seklu dsatax, il-​kleru u dawk foqra biss ma kinux adattaw id-​drawwa li jarmaw is-​siġra li dejjem tħaddar fi djarhom. . . .

“Qabel, din is-​siġra . . . ma kinitx daqshekk imfittxa. Il-​konnessjoni li kellha bħala simbolu tal-​mewt u l-​fatt li kienet assoċjata mad-​‘dinja taʼ taħt l-​art’ skond it-​tradizzjoni Russa, kif ukoll it-​tradizzjoni li s-​siġra tiġi armata fuq il-​bjut tat-​taverni, kellhom kuntrast mal-​bidliet fl-​attitudnijiet li seħħew f’nofs is-​seklu dsatax. . . . Huwa mifhum li sakemm tiġi adottata t-​tradizzjoni li jiżżejnu d-​djar bis-​siġra, it-​tradizzjoni barranija se jkollha l-​istess sinifikat li ngħata lis-​siġra tal-​Milied fil-​Punent, il-​konnessjoni tagħha mat-​tema tal-​Milied. . . .

“Il-​proċess biex is-​siġra tinbidel f’simbolu Kristjan ma kienx faċli fir-​Russja. Kien hemm l-​oppożizzjoni mill-​Knisja Ortodossa. Fiċ-​ċelebrazzjoni l-​ġdida, il-​kleru ra ‘azzjoni demonika,’ tradizzjoni pagana, li xejn ma kellha x’taqsam mat-​twelid tas-​Salvatur, u barra minn hekk, kienet tradizzjoni tal-​Punent.”​—Il-​Professoressa Yelena V. Dushechkina, tabiba tax-​xjenzi filoloġiċi fl-​Università taʼ l-​Istat taʼ San Pietruburgu.

[Sors tal-​Istampa f’paġna 32]

Ritratt: Nikolai Rakhmanov