‘Grazzi lix-​Xhieda taʼ Jehovah għal-​Libertà Reliġjuża’

“QABEL ma tagħlaq il-​bieb lil xi wieħed mix-​Xhieda taʼ Jehovah,” jgħid artiklu fil-​gazzetta USA Today, “ieqaf ftit u aħseb dwar il-​persekuzzjoni tal-​mistħija li huma batew ftit taż-​żmien ilu, u dwar is-​sehem kbir li taw għal-​libertajiet taʼ l-​Ewwel Emenda li lkoll kemm aħna qegħdin ingawdu.” Ix-​Xhieda taʼ Jehovah ġew persegwitati fl-​Istati Uniti matul is-​snin erbgħin għax, fost affarijiet oħra, ma jsellmux lill-​bandiera.​—Eżodu 20:4, 5.

Kien hemm xi 30 każ li jinvolvu lix-​Xhieda taʼ Jehovah u li ttellgħu quddiem il-​Qorti Suprema taʼ l-​Istati Uniti fil-​ħames snin taʼ bejn l-​1938 u l-​1943. L-​artiklu jgħid: “Tant kienu frekwenti d-​drabi li x-​Xhieda tellgħu kawżi bażiċi dwar l-​Ewwel Emenda li l-​Imħallef Harlan Fiske Stone kiteb, ‘Ix-​Xhieda taʼ Jehovah jistħoqqilhom jitħallsu taʼ l-​għajnuna kbira li jagħtu biex isolvu l-​problemi legali tal-​libertajiet ċivili.’”

B’hekk, fil-​konklużjoni tiegħu, l-​artiklu jgħid: “Ir-​reliġjonijiet kollha għandhom jirringrazzjaw lix-​Xhieda taʼ Jehovah għall-​fatt li l-​libertà [reliġjuża] espandiet daqshekk.”

[Sors tal-​Istampa f’paġna 32]

Fl-​isfond, bini: Ritratt minn Josh Mathes, Kollezzjoni tal-​Qorti Suprema taʼ l-​Istati Uniti; isfel fuq ix-​xellug, imħallfin: Kollezzjoni tal-​Qorti Suprema taʼ l-​Istati Uniti