Okkażjoni li M’Għandekx Titlifha

“Kull ħaġa tajba li tingħata u kull don perfett” jinżel mingħand Alla, Missierna tas-​sema.—Ġakbu 1:​17.

L-​AKBAR rigal li Alla ta lill-​bnedmin midinbin huwa l-​mezz taʼ salvazzjoni permezz taʼ l-​Iben uniġenitu tiegħu, Ġesù Kristu. Il-​mewt taʼ Ġesù, il-​Feddej tagħna, tagħmilha possibbli li niksbu l-​ħajja taʼ dejjem fuq art magħmula ġenna. F’Luqa 22:19 aħna kmandati biex infakkru l-​mewt tiegħu.

Ix-Xhieda taʼ Jehovah jistidnuk minn qalbhom biex flimkien magħhom tobdi l-​kmand taʼ Ġesù. Din l-​okkażjoni annwali se ssir wara nżul ix-​xemx fid-​data li tikkorrispondi maʼ l-​14 taʼ Nisan fuq il-​kalendarju qamri tal-​Bibbja, jiġifieri l-​Ħadd, 8 t’April, 2001. Ħu nota taʼ din id-​data sabiex ma tinsihiex. Ix-​Xhieda taʼ Jehovah fl-​inħawi tiegħek jistgħu jgħidulek il-​post u l-​ħin eżatt fejn se ssir il-​laqgħa.