Kif Iżommu Sod għall-​Pressjoni minn Dawk taʼ Mparhom

IX-​XEWQA li tkun aċċettat iġġiegħel lil ħafna jċedu għall-​ħsibijiet u l-​azzjonijiet taʼ sħabhom. Iż-​żgħażagħ b’mod speċjali jeħtieġu l-​kuraġġ biex jgħidu le għal prattiċi li jagħmlulhom il-​ħsara, bħalma huma l-​abbuż tad-​drogi u l-​immoralità sesswali. Kif jistgħu jżommu sod għall-​pressjoni minn dawk taʼ mparhom?

Dan l-​aħħar żewġ tfajliet mill-​Polonja kitbu: “L-​ispirtu tad-​dinja qed jidher ċar f’ħafna minn sħabna. Huma jqarrqu waqt il-​lezzjonijiet, jitkellmu ħażin, iħobbu l-​ilbies taʼ l-​aħħar moda, u mużika sfrenata u immorali. Kemm aħna ferħanin li għandna artikli li huma mmirati għalina ż-​żgħażagħ u li jipproteġuna mill-​influwenza taʼ wħud ribellużi u bla skop!

“M’għandniex kliem biex nesprimu l-​gratitudni tagħna għall-​artikli fit-​Torri taʼ l-​Għassa li wrewna li bħala żgħażagħ aħna bżonnjużi u apprezzati. Il-​parir Skritturali li rċivejna għenna nidderieġu l-​passi tagħna fit-​triq it-​tajba biex b’hekk nibqgħu nogħġbu lil Alla Jehovah. Aħna konvinti li l-​aqwa mod taʼ ħajja huwa li naqdu lil Jehovah lealment.”

Iva, iż-​żgħażagħ jistgħu jżommu sod għall-​pressjoni minn dawk taʼ mparhom. Billi ‘jħarrġu s-​sens [tagħhom] biex jagħżlu,’ iż-​żgħażagħ Kristjani jitgħallmu jagħmlu deċiżjonijiet għaqlin li ma jirriflettux “l-​ispirtu taʼ din id-​dinja” imma minflok jirriflettu “l-​Ispirtu taʼ Alla.”—Lhud 5:​14, Saydon; 1 Korintin 2:12.