“Meta Żort is-​Sala tas-​Saltna”

Laura,a studenta universitarja, ngħatat l-​inkarigu li tattendi għal servizz reliġjuż u tikteb rapport dwar l-​esperjenza tagħha. Hi għażlet lix-​Xhieda taʼ Jehovah, u semmiet il-​komponiment tagħha, “Meta Żort is-​Sala tas-​Saltna.” Laura x’sabet differenti dwar ix-​Xhieda? Fost il-​ħafna affarijiet li semmiet kien hemm dawn li ġejjin.

It-Tfal: “It-​tfal kollha kienu fl-​istess kamra mal-​kbar. Fil-​knejjes kollha li attendejt, it-​tfal ma jibqgħux mal-​ġenituri u jkollhom jattendu għad-​Duttrina taʼ nhar taʼ Ħadd.”

L-Armonija Razzjali: “Ġeneralment, il-​knejjes jiġbdu lejhom membri taʼ ċerta razza jew grupp etniku. . . . Madankollu, ix-​Xhieda taʼ Jehovah kienu kollha bil-​qegħda ħdejn xulxin u mhux imqassmin fi klikek.”

Spirtu ospitabbli: “Kien hemm ħafna nies li ġew ikellmuni. . . . Xi wħud saħansitra staqsewni jekk kontx qed nistudja l-​Bibbja maʼ xi ħadd. Madankollu, ma ħassejtx li kienu qed jissikkawni. Id-​deċiżjoni . . . ħallewha f’idejja.”

L-ebda ġbir: “L-​iktar ħaġa li impressjonatni kienet il-​fatt li ħadd ma ħareġ jiġbor. . . . Fil-​knejjes kollha fejn mort kienu jiġbru l-​flus saħansitra mill-​klassijiet tat-​tfal.”

Illum hawn kważi 90,000 kongregazzjoni tax-​Xhieda taʼ Jehovah madwar id-​dinja. Għax ma żżurx l-​eqreb waħda fil-​lokalità tiegħek?

[Nota taʼ taħt]