“Aħna l-​Kattoliċi Għandna Ħafna x’Nitgħallmu Minnhom”

DIN ir-​rimarka dwar ix-​Xhieda taʼ Jehovah saret minn għalliema f’Bari, l-​Italja, waqt il-​lezzjoni tagħha dwar l-​istorja tar-​reliġjon fi skola sekondarja. L-​għalliema kienet qalet lill-​klassi li hi kienet se tuża xi video­cassettes bħala għajnuna biex tgħallem. Malli semaʼ dan, wieħed mill-​istudenti, Roberto, li għandu 18-il sena, issuġġerixxa li tinkludi lir-​reliġjon tiegħu fid-​diskussjoni. Hu offrielha l-​vidjo Jehovah’s Witnesses​—The Organization Behind the Name. Hi aċċettat l-​offerta taʼ Roberto, u l-​klassi koll­ha taʼ madwar 30 student raw il-​vidjo. “Kollha ġew impressjonati mill-​unità, l-​organizzazzjoni, u l-​imħabba profonda li tisboq fost ix-​Xhieda taʼ Jehovah,” jgħid Roberto. “Stagħġbu saħansitra iktar meta saru jafu li 40 miljun kopja taʼ It-​Torri taʼ l-​Għassa u 36 miljun kopja taʼ Stenbaħ! jiġu stampati kull xahar.”

“Ma kontx naħseb li intom organizzati daqshekk,” ikkummentaw lil Roberto ħafna minn sħabu tal-​klassi wara li raw il-​vidjo. Rigward ix-​Xhieda taʼ Jehovah, l-​għalliema qalet lill-​klassi: “Osservaw kif il-​fidi tagħhom tqanqalhom biex ikunu daqshekk uniti u organizzati. Aħna l-​Kattoliċi għandna ħafna x’nitgħallmu minnhom.” Il-​vidjo u d-​diskussjoni fil-​klassi li kien hemm wara għenu ħafna biex jippromwovu fehma aħjar dwar ix-​Xhieda taʼ Jehovah.