Sinjali taʼ Gwida fi Triq il-​Ħajja

LI KIEKU kont qed tivvjaġġa f’xi triq jew mogħdija li m’intix familjari magħhom, kont tarahom taʼ xkiel is-​sinjali taʼ gwida? X’aktarx li le! Żgur li kont tarahom t’għajnuna biex ma titlifx ir-​rotta li twasslek fid-​destinazzjoni tiegħek.

Iżda xi ngħidu meta niġu biex nivv­jaġġaw fi triq il-​ħajja? Tistaʼ din tiġi mmaniġġata b’suċċess mingħajr sinjali taʼ gwida? Profeta antik t’Alla ammetta l-​limitazzjonijiet taʼ l-​umanità f’dan ir-​rigward. Hu qal: “Jien naf, Mulej, triq il-​bniedem m’hijiex f’idejh, anqas min jimxi ma jistaʼ jidderieġi l-​passi tiegħu.”—Ġeremija 10:23.

Allura, fejn tistaʼ tinstab din id-​direzzjoni hekk bżonnjuża? Is-​sors dipendibbli taʼ gwida bħal din hu l-​Kreatur tal-​bniedem, u s-​sinjali taʼ gwida figurattivi jinstabu fil-​Bibbja. Jehovah, permezz tal-​Kelma tiegħu, jgħid: “Minn warajk jisimgħu widnejk kliem li jwissik u jgħidlek: ‘Din hi t-​triq; għaddi minnha, sew jekk tikser lejn il-​lemin, sew lejn ix-​xellug.’”—Isaija 30:21.

Iva, il-​Kelma t’Alla tagħti gwida dipendibbli għal kull aspett tal-​ħajja tagħna. (Isaija 48:17; 2 Timotju 3:16, 17) Madankollu, b’sogħba, il-​maġġuranza taʼ l-​umanità tivvjaġġa fi triq il-​ħajja b’mod indipendenti minn direzzjoni divina. (Mattew 7:13) Madankollu, is-​sinjali taʼ gwida jibqgħu f’posthom, ma jiċċaqalqux! Se tagħti kashom int waqt li tkun miexi fi triq il-​ħajja?