Ifaħħru lill-​Ħallieq Tagħhom b’Mod Sieket

INŻUL ix-​xemx huwa spettakolari minnu nnifsu. Iżda d-​dehra tax-​xemx nieżla minn wara din il-​muntanja partikulari fl-​Alpi Apuani taʼ Toskana, l-​Italja, żgur li m’hawnx bħalha.

Meta tiġi osservata minn ċerta distanza, ix-​xemx tidher li taqaʼ ġol-​muntanja minflok ma tinżel warajha. Għala? Għaliex il-​quċċata tal-​muntanja għandha arkata naturali li taħsibha mnaqqxa bl-​idejn fil-​muntanja. Tabilħaqq, dan il-​promontorju ħa l-​isem mistħoqq taʼ Monte Forato​—il-​Muntanja Minfuda. Minħabba r-​rotazzjoni tad-​dinja madwar ix-​xemx, dawk li jkunu qegħdin iħarsu minn ġo l-​arkata f’żewġ okkażjonijiet biss fis-​sena jistgħu jaraw ix-​xemx donnha qiegħda taqaʼ fuq Monte Forato.

Bħal karatteristiċi oħrajn tal-​ħolqien, is-​smewwiet bla ħajja jfaħħru lill-​Ħallieq tagħhom. Dan kif? Bl-​istess mod bħalma pittura sabiħa tistaʼ ġġib tifħir lill-​artist li pproduċieha. Fil-​fatt, l-​oġġetti fl-​ispazju juru l-​qawwa, l-​għerf, u l-​maestà taʼ Jehovah. Bħalma poġġieha s-​Salmista, “is-​smewwiet ixandru l-​glorja taʼ Alla, għemil idejh tħabbar il-​firxa tas-​sema.” (Salm 19:1; Salm 69:35 [Salm 69:34, NW]) Ladarba x-​xemx u oġġetti oħrajn bla ħajja jfaħħru lill-​Ħallieq tagħhom, kemm iktar għandna nagħmlu dan aħna!—Salm 148:1, 3, 12, 13.