Il-Ħbieb t’Alla Jagħmlu Dak li Hu Tajjeb

Meta jkollok ħabib li tammirah u tirrispettah, tipprova tkun bħalu. “Tajjeb u sewwa l-​Mulej,” tgħid il-​Bibbja. (Salm 25:8) Biex inkunu l-​ħbieb t’Alla, irridu nkunu tajbin u retti. Il-​Bibbja tgħid: ‘Ixbhu lil Alla, bħala wlied maħbuba, u imxu fl-​imħabba.’ (Efesin 5:1, 2) Dawn huma ftit pariri kif nistgħu nagħmlu dan:

Għin lil oħrajn. “Ħa nagħmlu l-​ġid ma’ kulħadd.”—Galatin 6:10.

Aħdem iebes. “Iqis il-​ħalliel li ma jisraqx aktar; imma jaħdem bl-​onestà b’idejh.”—Efesin 4:28.

Żomm ruħek nadif fiżikament u moralment. “Ħa nitnaddfu minn kull tidnis tal-​ġisem u tar-​ruħ, u ntemmu l-​qdusija tagħna fil-​biża’ ta’ Alla.”—2 Korintin 7:1.

Ittratta lill-​membri tal-​familja tiegħek b’imħabba u rispett. “Kull wieħed minnkom, għandu jħobb lil martu bħalu nnifsu, u l-​mara għandha ġġib rispett lil żewġha. Intom it-​tfal, isimgħu mill-​ġenituri tagħkom.”—Efesin 5:33–6:1.

Uri mħabba lejn oħrajn. “Ejjew inħobbu ’l xulxin, għax l-​imħabba ġejja minn Alla.”—1 Ġwann 4:7.

Obdi l-​liġijiet tal-​pajjiż. “Kull bniedem għandu jobdi lill-​[gvern] . . . Agħtu lil kulħadd dak li ħaqqu, taxxi lil min imissu t-​taxxi.”—Rumani 13:1, 7.