Il-Maġija u s-Seħer Huma Ħżiena

Satana jridek tipprattika l-​maġija. Ħafna jagħmlu sagrifiċċji lill-​antenati jew lill-​ispirti sabiex jipproteġu lilhom infushom mid-​deni. Huma jagħmlu dan għax jibżgħu mill-​poteri tad-​dinja ta’ l-​ispirti. Dawn jilbsu ċrieket jew ċpiepet maġiċi. Jixorbu jew jidilku fuq ġisimhom “mediċini” li jaħsbu li għandhom poter maġiku. Xi nies jaħbu fi djarhom jew ma’ l-​art, xi affarijiet li jemmnu li għandhom poteri protettivi. Oħrajn jużaw “mediċina” maġika għax jemmnu li se ġġibilhom suċċess fin-​negozju, fl-​eżamijiet ta’ l-​iskola, jew fl-​għerusija.

L-​aqwa protezzjoni għalik kontra Satana hi li jkollok lil Jehovah bħala l-​ħabib tiegħek. Alla Jehovah u l-​anġli tiegħu huma ferm iktar qawwijin minn Satana u d-​demonji tiegħu. (Ġakbu 2:19; Apokalissi 12:9) Jehovah hu ħerqan li juri l-​qawwa tiegħu għan-​nom ta’ ħbiebu, jiġifieri, dawk li huma kompletament leali lejh.—2 Kronaki 16:9.

Il-​Kelma t’Alla tgħid: “La tagħmlux . . . sħarijiet.” Jehovah jikkundannahom il-​maġija u s-​seħer għax dawn il-​prattiċi jistgħu jġibu lil dak li jkun taħt il-​poter ta’ Satana x-​Xitan.—Levitiku 19:26.