Għenha Tagħmel Preżentazzjoni fl-​Iskola

Waħda mill-​iskejjel tat-​taħriġ fil-​Ġermanja għandha numru kbir taʼ studenti minn pajjiżi barranin. Dawn ġejjin mill-​Afrika t’Isfel, minn Franza, mill-​Ġeorġja, mill-​Indja, minn dik li qabel kienet il-​Jugoslavja, mil-​Libanu, mill-​Polonja, mir-​Russja, mill-​Ukraina, u mill-​Vjetnam.

Waħda mill-​istudenti kitbet: “Meta ġietna l-​opportunità li nagħmlu preżentazzjoni fl-​iskola, jien offrejt li nagħmilha. Is-​suġġett li għażilt kien ‘Tweġibiet Prattiċi għall-​Mistoqsijiet li Jistaqsu ż-​Żgħażagħ,’ u bbażajt il-​preżentazzjoni fuq il-​ktieb Iż-​Żgħażagħ Jistaqsu—Tweġibiet Prattiċi għall-​Mistoqsijiet Tagħhom. L-​istudenti baqgħu impressjonati bis-​suġġetti li fih il-​ktieb u bis-​suġġerimenti eċċellenti li jagħti.

“Meta spiċċajt, l-​istudenti wrew l-​apprezzament tagħhom b’applaws kbir. Peress li lkoll kemm huma qed jistudjaw il-​lingwi u jifhmu tajjeb l-​Ingliż, stajt inħallilhom 30 kopja bl-​Ingliż tal-​ktieb Iż-​Żgħażagħ Jistaqsu, u wkoll tajt kopja bil-​Ġermaniż lill-​għalliema.”

Fil-jiem taʼ wara, din l-​istudenta kompliet id-​diskussjonijiet tagħha fuq il-​Bibbja maʼ xi wħud mill-​istudenti sħabha, u dawn urew interess. Hi ħallitilhom iżjed letteratura bbażata fuq il-​Bibbja bil-​Bengali, bil-​Ġeorġjan, bl-​Għarbi, bl-​Ispanjol, bil-​Pollakk, bir-​Russu, u bil-​Vjetnamiż.

Forsi int taf b’xi żagħżugħ li jistaʼ jibbenefika mill-​ktieb Iż-​Żgħażagħ Jistaqsu. Fost id-​39 kapitlu li fih insibu: “Kif Jistaʼ Jkolli Ħbieb Veri?,” “Xi Ngħidu dwar is-​Sess Qabel iż-​Żwieġ?,” u “Kif Nistaʼ Nkun Naf jekk Hijiex Imħabba Vera?” Int tistaʼ tibgħat għal kopja billi timla l-​kupun t’hawnhekk u tibagħtu fl-​indirizz muri fuq il-​kupun jew f’indirizz adattat imniżżel f’paġna 5 taʼ din ir-​rivista.

□ Mingħajr ebda obbligu, nixtieqkom tibagħtuli kopja tal-​ktieb muri hawnhekk.

□ Jekk jogħġobkom ikkuntattjawni rigward studju tal-​Bibbja fid-​dar bla ħlas.