Tafha t-Tweġiba?
(Tistaʼ ssib it-tweġibiet għal dan il-kwizz fil-versi ċitati mill-Bibbja, u l-lista sħiħa tat-tweġibiet hija stampata hawn taħt. Għal iktar informazzjoni, irreferi għall-pubblikazzjoni “Insight on the Scriptures,” pubblikata mix-Xhieda taʼ Jehovah.)
1. Abraham xi xtara għall-400 xekel tal-fidda mingħand ulied Ħet? (Ġenesi 23:16-20)
2. Liema żewġ affarijiet intużaw fiż-żewġ sinjali li Gidgħon talab għalihom ħalli jkollu prova taʼ l-appoġġ divin biex jiġġieled kontra l-Midjanin? (Mħallfin 6:36-40)
3. X’attira daqshekk lil Għakan li spiċċa biex injora l-kmand t’Alla u ġiegħel lill-Iżraelin isofru telfa f’Għaj? (Ġożwè 7:21)
4. Wara li Alla ħalaq mara għal Adam, xi ddikjara li kellhom isiru l-koppji miżżewġin? (Ġenesi 2:24)
5. Liema prattiċi spiritistiċi huma kundannati fil-Bibbja? (Dewteronomju 18:10, 11)
6. Is-Sultan Assweru kif iċċelebra meta għamel lil Ester ir-reġina tiegħu? (Ester 2:18)
7. Ġesù x’bassar li kellu jsir lid-dixxipli tiegħu minħabba f’ismu? (Mattew 10:22)
8. Min kienet il-Midjanija li Fineħas qatel meta Żimri ġabha fil-kamp taʼ Iżrael għal relazzjonijiet immorali? (Numri 25:15)
9. Min hu deskritt fil-31 kapitlu taʼ Proverbji? (Proverbji 31:10)
10. B’liema kelma tibda kull waħda mit-tliet sezzjonijiet tad-dikjarazzjoni li għamel Mikea kontra s-Samarija u Ġerusalemm? (Mikea 1:2; 3:1; 6:1)
11. Min kien responsabbli għall-qtil taʼ l-ewwel imwieled taʼ David, Amnon, li madankollu iktar tard David ħafirlu? (2 Samwel 13:32, 33)
12. Għal liema raġuni l-mara taʼ David, Mikal, “stmerritu f’qalbha,” u minħabba f’hekk baqgħet bla tfal sa ma mietet? (2 Samwel 6:14-16, 20-23)
13. Il-Bibbja maʼ liema ġrajja tassoċja lil Armageddon? (Apokalissi 16:14, 16)
14. F’Listra, il-ġemgħa kif filli kienet se tipprova tagħmel sagrifiċċju għal Pawlu mbagħad ipprovat tħaġġru? (Atti 14:19)
15. Pietru x’għamel waqt li kien qed jipprova jipproteġi lil Ġesù mis-suldati li ġew biex jarrestawh? (Ġwanni 18:10)
16. Fit-tielet tentazzjoni fid-deżert, ix-Xitan xi pprova jġiegħel lil Ġesù jagħmel? (Mattew 4:9)
17. X’sustanza hija użata fil-Bibbja biex tissinifika d-dnub jew il-korruzzjoni? (Mattew 16:6)
18. L-għerf taʼ Salamun kien jingħad li jaqbeż l-għerf taʼ liema rġiel? (1 Slaten 5:11 [4:31, NW])
Tweġibiet għall-Kwizz
1. Post għad-dfin tal-familja
2. Nida u ġeżża
3. “Mantar taʼ Singħar” flimkien maʼ fidda u deheb
4. “Ġisem wieħed”
5. Teħbir, min jitkixxef il-ġejjieni, il-magħmul u s-sħarijiet, min isejjaħ l-erwieħ, tbassir, u oħrajn
6. Għamel pranzu, festa (“amnestija,” NW ) lill-provinċji kollha, u qassam rigali
7. “Kulħadd isir jobgħodkom”
8. Kożbi, bint Sur
9. “Mara taʼ ħila”
10. “Isimgħu”
11. It-tielet tifel taʼ David, Absalom
12. Hi oġġezzjonat għax David ‘qabeż u żifen quddiem il-Mulej’ għax kien ferħan
13. “Il-gwerra taʼ nhar il-Jum il-kbir taʼ Alla li jistaʼ kollox”
14. Waslu xi Lhud minn Antjokja u minn Ikonju u pperswadew lin-nies biex jagħmlu hekk
15. Silet is-sejf u darab lill-qaddej Malku, u qatagħlu widintu l-leminija barra
16. ‘Jinxteħet jadurah’
17. Ħmira
18. Etan, Ħeman, Kalkol, u Darda