Affarijiet Fundamentali biex Żwieġ Jirnexxi

“Ftit qerq: dan hu fundamentali biex relazzjoni romantika tirnexxi,” tgħid La Presse. Il-​gazzetta Kanadiża kienet qiegħda tirrapporta dwar studju li pinġa l-​gideb bħala kwalità sabiħa. L-​istudju ġie pubblikat fil-​Journal of Social and Personal Relationships (Ġurnal tar-​Relazzjonijiet Soċjali u Persunali). Il-​professur Tim Cole, mill-​Università De Paul, f’Chicago, l-​Istati Uniti taʼ l-​Amerika, jgħid: “Billi nqarrqu [jew nigdbu] ftit, nistgħu nippreservaw il-​benefiċċji taʼ relazzjoni [romantika] mingħajr ma nipperikolawha.”

Madankollu, huwa l-​qerq tassew fundamentali biex żwieġ jirnexxi? Il-​Bibbja tħeġġeġ lill-​Kristjani: “Warrbu minnkom il-​gideb u għidu l-​verità wieħed lill-​ieħor, għax aħna membri taʼ xulxin.” (Efesin 4:25) Huwa siewi dan il-​parir? Meta prokuratur tad-​divorzju ġie mistoqsi, X’inhi waħda mill-​iktar raġunijiet li għaliha l-​koppji jisseparaw? hu wieġeb: “Għaliex ma jafux ikunu onesti maʼ xulxin, juru lil xulxin kif qed iħossuhom u x’inhuma l-​ħsibijiet tagħhom, u kif jittrattaw lil xulxin bħala ħbieb tal-​qalb.”

Għalhekk, x’inhu s-​sigriet għal żwieġ hieni? Kapitlu 3 tal-​ktieb Is-​Sigriet taʼ l-​Hena fil-​Familja huwa intitolat “Żewġ Ċwievet Għal Żwieġ Dejjiemi.” Dan jikkunsidra żewġ fatturi vitali li jagħmluha possibbli għall-​koppja biex tgħix ferħana flimkien, u jwassalha għal ħafna barkiet. Tistaʼ titlob kopja taʼ dan il-​ktieb billi timla l-​kupun t’hawn u tibagħtu fl-​indirizz muri fuq il-​kupun jew f’indirizz addattat imniżżel f’paġna 5 taʼ din ir-​rivista.

□ Nixtieq nirċievi kopja tal-​ktieb Is-​Sigriet taʼ l-​Hena fil-​Familja.

□ Jekk jogħġobkom ikkuntattjawni rigward studju tal-​Bibbja fid-​dar bla ħlas.