Ġie mar-​Riħ

Ċertu raġel kien miexi fit-​toroq taʼ Mumbai, fl-​Indja, x’ħin buffura riħ ġabitlu fuljett ħdejn saqajh. Kien il-​fuljett Aħbar tas-​Saltna Nru. 36, bit-​titlu “Il-​Millennju l-​Ġdid—X’Qed Joffrilek il-​Futur?” Is-​suġġett ġibidlu l-​attenzjoni. Malajr malajr, ġabar il-​fuljett u qrah kollu. Dan qajjimlu l-​interess, u minħabba li ried ikun jaf iktar staqsa għal Bibbja u xi pubblikazzjonijiet oħrajn.

Il-fuljett, pubblikat mix-​Xhieda taʼ Jehovah, fih informazzjoni li ssaħħaħ il-​fidi. Dan jispjega b’mod ċar li l-​problemi li niffaċċjaw, inkluż il-​mard, il-​faqar, u l-​gwerer, huma kaġunati mir-​“regħba, in-​nuqqas taʼ fiduċja, u l-​egoiżmu—kwalitajiet li mhux la kemm teħles minnhom bir-​riċerka xjentifika, bit-​teknoloġija, jew bil-​politika.” Il-​fuljett juri wkoll li Alla dalwaqt se jeħles l-​art mill-​ħażen kollu.

Tixtieq issir taf iktar dwar il-​wegħdi għall-​futur li tagħti l-​Bibbja? Ix-​Xhieda taʼ Jehovah jgħallmu l-​Bibbja fid-​djar taʼ miljuni taʼ nies billi jużaw pubblikazzjonijiet ibbażati minn fuq il-​Bibbja, inkluż il-​browxer Alla X’Jirrikjedi Minna? Dan il-​browxer iwieġeb mistoqsijiet bħal: Min hu Alla? X’inhu l-​iskop t’Alla għall-​art? X’inhi s-​Saltna t’Alla? Kif tistaʼ l-​Bibbja ttejjeb il-​ħajja tal-​familja tiegħek?

Jekk tixtieq li x-​Xhieda taʼ Jehovah jiġu d-​dar tiegħek biex jgħinuk tifhem x’se jagħmel Alla dalwaqt, huma se jieħdu gost jagħmlu dan u se jagħtuk iktar informazzjoni dwar is-​Saltna t’Alla. Jekk jogħġbok imla l-​kupun t’hawn taħt sabiex ikunu jistgħu jgħinuk.

□ Ibagħtuli kopja tal-​browxer Alla X’Jirrikjedi Minna?

□ Jekk jogħġobkom ikkuntattjawni rigward studju tal-​Bibbja fid-​dar bla ħlas.