Il-​Koelakant—Ħuta Diffiċli biex Issibha

MINN KITTIEB GĦAL STENBAĦ! FIL-​KENJA

F’APRIL taʼ l-​2001, inqabdet koelakant mara ’l barra mill-​kosta tal-​Kenja.a Il-​ħuta kienet twila 1.7 metru u tiżen 77 kilogramma. Il-​koelakant tingħaraf minn denbha li hu maqsum fi tlieta u mill-​kulur blu tagħha bid-​dbabar bojod fuqu.

Darba kien maħsub li l-​koelakant spiċċat teżisti żmien twil ilu. Imbagħad, fl-​1938, inqabdet koelakant ’il barra mill-​kosta taʼ l-​Afrika t’Isfel. Din is-​sejba kienet waħda mill-​iktar skoperti żooloġiċi taʼ l-​għaġeb fis-​seklu 20. Sa dak iż-​żmien, il-​ħuta kienet magħrufa biss minn fatti li ġew dokumentati dwar il-​fossili. Minn meta nqabdet l-​ewwel darba, koelakanti oħrajn intlemħu qrib il-​Możambik u l-​Madagaskar. Popolazzjonijiet imdaqqsin instabu wkoll qrib il-​Gżejjer tal-​Komoro.

Il-koelakanti nisa ma jbidux bajd li jfaqqsu fl-​ilma. Iżda, dawn huma ovovivipari​—jipproduċu bajd li jiżviluppa u jfaqqas meta jkun għadu fil-​ġisem tal-​mara jew eżatt wara li joħroġ ’il barra. Sbatax-il bajda bħal dawn​—kull waħda daqs ballun tat-​tennis​—instabu ġol-​ħuta mara li nqabdet is-​sena l-​oħra.

Ħlejjaq tal-​baħar, bħalma hi l-​koelakant, juruna kemm huma kbar il-​varjetà u l-​għerf tal-​Ħallieq tagħhom, Alla Jehovah.​—Salm 148:7.

[Nota taʼ taħt]

[Sors taʼ l-​Istampa f’paġna 25]

Ritratt u tpinġijiet: Ichthyology Department/NATIONAL MUSEUMS OF KENYA