Kienu Qed Jiġu Osservati

ŻEWĠ żgħażagħ waqfu biex jieħdu l-​kolazzjon f’restorant ġo belt żgħira f’Ohio, l-​Istati Uniti taʼ l-​Amerika. Bħas-​soltu, qabel ma bdew jieklu, baxxew rashom u qalu talba minn taħt l-​ilsien.

Wara dan, waħda mara li kienet qiegħda tosservahom, marret ħdejhom u ħaditilhom il-​kont. Qaltilhom: “F’dinja fejn nisimgħu ħafna affarijiet ħżiena dwar iż-​żgħażagħ tagħna, hija ħaġa tassew sabiħa li tara żewġt irġiel żgħażagħ jieħdu l-​ħin biex jirringrazzjaw lil Alla għall-​ikel li għandhom quddiemhom. Nixtieq inħallsilkom il-​kolazzjon jien.”

Il-ġuvintur baqgħu mbellhin però rnexxielhom jirringrazzjawha. Imma wara dan irraġunaw li ma setgħux iħallu lill-​mara taħseb li kienu qed jitolbu lil xi Alla kwalunkwe. Għalhekk, wieħed minnhom mar ħdejn il-​mara u wara li reġaʼ rringrazzjaha, spjegalha li huma kienu Xhieda taʼ Jehovah.

Ix-Xhieda taʼ Jehovah għandhom id-​drawwa li jistudjaw il-​Bibbja mal-​familji tagħhom, u l-​ġenituri taʼ dawn iż-​żgħażagħ hekk kienu għamlu. Waħda mill-​pubblikazzjonijiet li l-​familji studjaw hija Għarfien Li Jwassal Għall-​Ħajja Taʼ Dejjem. Fost id-​19-il kapitlu li fih, dan il-​ktieb jinkludi kapitlu dwar it-​talb bit-​titlu “Kif Tistaʼ Tersaq Qrib Lejn Alla.”

Tistaʼ titlob kopja taʼ dan il-​ktieb taʼ 192 paġna, li jservi bħala għajnuna għall-​istudju tal-​Bibbja, billi timla u tibgħat il-​kupun t’hawnhekk fl-​indirizz muri fuq il-​kupun jew f’indirizz addattat imniżżel f’paġna 5 taʼ din ir-​rivista.

□ Ibagħtuli kopja tal-​ktieb Għarfien Li Jwassal Għall-​Ħajja Taʼ Dejjem.

□ Jekk jogħġobkom ikkuntattjawni rigward studju tal-​Bibbja fid-​dar bla ħlas.