Jagħti lin-​Nies Tama Ġenwina

ŻAGĦŻUGĦ taʼ 17-il sena, minn dik li qabel kienet ir-​repubblika Sovjetika taʼ Moldova, kiteb lill-​uffiċċju tax-​Xhieda taʼ Jehovah hemmhekk biex jesprimi l-​apprezzament tiegħu għas-​serje t’artikli “X’Tama Hemm għaż-​Żgħażagħ tal-​Lum?” fil-​ħarġa tat-​8 taʼ Settembru, 1998, tar-​rivista Awake! Il-​kittieb spjega:

“Bilkemm stajt inżomm id-​dmugħ, u ħassejt li kelli niktbilkom biex nirringrazzjakom. L-​artikli reġgħu fakkruni f’dak li għaddejt minnu ftit taż-​żmien ilu. Meta kont kważi wasalt biex nagħmel suwiċidju, ix-​Xhieda taʼ Jehovah salvawni, mingħajr ma rrealizzaw. Il-​fatt li tkellimt magħhom dwar tama għall-​futur u saħħaħt il-​fiduċja tiegħi fil-​ħniena tal-​Ħallieq, għenni biex nirkupra bil-​mod il-​mod mill-​istat taʼ disperazzjoni li kont waqajt fih.

“Il-​fatt li tgħinu lin-​nies jitgħallmu dwar l-​iskop t’Alla li jġib kundizzjonijiet t’għajxien aħjar juri tabilħaqq l-​imħabba li għandkom għall-​proxxmu tagħkom. Huwa evidenti li dawn l-​isforzi ma jsirux għalxejn. L-​isforzi tagħkom biex tiġbdu għall-​attenzjoni l-​iktar problemi importanti tas-​soċjetà huma taʼ min ifaħħarhom. Komplu agħmlu dan ix-​xogħol utli. Jien inħares ’il quddiem lejn kull ħarġa ġdida taʼ din ir-​rivista.”

Fil-paragrafu “Għala Stenbaħ! Huwa Pubblikat,” li jidher f’paġna 4 taʼ kull ħarġa, hemm dan il-​kliem: “Din ir-​rivista tibni fiduċja fil-​wegħda tal-​Ħallieq għal dinja ġdida mimlija paċi u sigurtà li dalwaqt se tieħu post is-​sistema preżenti t’affarijiet li hija mill-​agħar u mingħajr liġi.” Il-​wegħda t’Alla bbażata fuq il-​Bibbja tat is-​saħħa lil miljuni taʼ nies madwar id-​dinja biex ikampaw mal-​problemi f’dan iż-​żmien mimli inkwiet.

Int tistaʼ ssib deskrizzjoni mill-​isbaħ taʼ din it-​tama ġenwina li l-​Ħallieq tagħna qed joffri fil-​browxer taʼ 32 paġna X’Inhu l-​Iskop tal-​Ħajja? Kif Tistaʼ Ssibu? Ara b’mod speċjali s-​sezzjonijiet “L-​Iskop t’Alla Dalwaqt Se Jiġi Rrealizzat” u “Għix għal Dejjem f’Ġenna tal-​Art.” Int tistaʼ tikseb kopja taʼ dan il-​browxer billi timla u tibgħat il-​kupun mehmuż fl-​indirizz li jidher fuq il-​kupun jew fl-​indirizz addattat imniżżel f’paġna 5 taʼ din ir-​rivista.

◻ Ibagħtuli kopja tal-​browxer X’Inhu l-​Iskop tal-​Ħajja? Kif Tistaʼ Ssibu?

◻ Jekk jogħġobkom ikkuntattjawni rigward studju tal-​Bibbja fid-​dar bla ħlas.