Dan Qanqlu Biex Jaġixxi!

Raġel minn Karakas, il-​belt kapitali tal-​Venezwela, żar lil missieru, Rufino, li kien imdaħħal fiż-​żmien. Il-​missier kien jgħix ġewwa La Loma, villaġġ remot fil-​kampanja. L-​iben ħa l-​ktieb Int Tistaʼ Tgħix Għal Dejjem Fil-​Ġenna Fuq L-​Art lil Rufino.

Iktar tard, Xhieda taʼ Jehovah minn Los Humocaros marru jippridkaw ġewwa La Loma. Bi stagħġib kbir, in-​nies bdew jgħidulhom li diġà kien hemm Xhud qed iżurhom. Ix-​Xhieda kkonfondew għax kienu jafu li ma kienx hemm Xhieda jgħixu f’dawk l-​inħawi. Imbagħad xi ħadd uriehom id-​dar taʼ l-​hekk imsejjaħ Xhud​—kienet id-​dar taʼ Rufino!

Rufino tgħidx kemm feraħ meta ltaqaʼ mal-​viżitaturi. Dawk fil-​villaġġ tiegħu għala kienu identifikawh bħala wieħed mix-​Xhieda taʼ Jehovah? Sewwa, Rufino kien beda jaqra l-​ktieb Tgħix Għal Dejjem, u meta wasal f’kapitlu 13, ra l-​istampa taʼ Ġesù jibgħat lis-​segwaċi tiegħu fuq ix-​xogħol taʼ l-​ippridkar. Rufino wasal għall-​konklużjoni li l-​Kristjani llum għandhom jagħmlu l-​istess xogħol. Għalhekk beda jaqsam mal-​ġirien tiegħu l-​veritajiet tal-​Bibbja li kien qed jitgħallem.

Inbeda studju regulari tal-​Bibbja maʼ Rufino, u ntqallu dwar il-​laqgħat tal-​kongregazzjoni. Il-​Ħadd taʼ wara kien fis-​Sala tas-​Saltna. Avolja Rufino kellu 80 sena, kien mexa għal tliet sigħat biex jasal hemmhekk! Minn dak in-​nhar ’il quddiem, qatt ma naqas li jattendi ħlief meta kien marid ħafna. Hu saħansitra nkiteb fl-​Iskola tal-​Ministeru Teokratiku u ta taħdita tajba. Rufino marad is-​sena l-​oħra u miet f’Lulju 1996, bit-​tama soda taʼ rxoxt fuq art magħmula ġenna.

Aħna nemmnu li int ukoll se tibbenefika billi taqra l-​ktieb mimli stampi sbieħ, li fih 256 paġna, Int Tistaʼ Tgħix Għal Dejjem Fil-​Ġenna Fuq L-​Art. Jekk tixtieq li tirċievi kopja jew tixtieq li jkollok studju tal-​Bibbja fid-​dar b’xejn, jekk jogħġbok ikteb lil Watch Tower, The Ridgeway, London NW7 1RN, jew fl-​indirizz li japplika għalik f’paġna 5.