तळटीप

c काही अभ्यासकांचं असं म्हणणं आहे, की कदाचित या माणसांनी नाझीर होण्याचा नवस केला असेल. (गण. ६:१-२१) हा नवस मोशेच्या नियमशास्त्रानुसार करण्यात आला असल्यामुळे, साहजिकच आता त्याला काही महत्त्व उरलं नव्हतं. तरीपण, पौलने कदाचित असा तर्क केला असेल, की या माणसांनी यहोवाला वचन दिलं असल्यामुळे तो नवस पूर्ण करणं चुकीचं ठरणार नाही. त्यामुळे, त्यांच्यासोबत मंदिरात जाणं आणि त्यांचा खर्च उचलणं पौलला चुकीचं वाटलं नाही. त्यांनी नक्की कोणत्या प्रकारचा नवस केला होता हे आपल्याला माहीत नाही. पण, प्राण्यांचं बलिदान करण्यात (नाझीर करायचे त्याप्रमाणे) पौल नक्कीच सामील झाला नसेल. कारण यावरून असं दिसून आलं असतं की या बलिदानांद्वारे माणसाच्या पापांचं शुद्धीकरण होतं असं तो मानतो. पण, ख्रिस्ताच्या परिपूर्ण बलिदानामुळे पापांच्या क्षमेसाठी प्राण्यांच्या बलिदानांची गरज उरली नव्हती. पौलने आपल्या विवेकाच्या विरोधात कोणतीही गोष्ट केली नसेल, याची आपण खातरी बाळगू शकतो.