२७ मे–२ जून

• स्तो ४४:१९—‘कोल्हे राहतात ते ठिकाण’ कदाचित कशाला सूचित करत असावं? (इन्साइट-१ १२४२)

  तुमचं उत्तर

• या आठवड्याच्या बायबल वाचनातून तुम्हाला कोणती आध्यात्मिक रत्नं मिळाली?

  तुमचं उत्तर

तरुणांनो, शाळेचं शिक्षण पूर्ण झाल्यावर काय करायचं याचा तुम्ही विचार करत आहात का? पायनियर सेवा करता यावी म्हणून कोणती नोकरी करायची हे तुम्ही कदाचित आधीच ठरवलं असेल. किंवा तुम्ही नोकरीसोबत पायनियर सेवा करण्यासाठी कदाचित असा एखादा कोर्स करायचा विचार करत असाल, ज्यामुळे तुम्हाला एखादं कौशल्य शिकून घेता येईल, एखाद्या कामाचं लायसन्स मिळवता येईल किंवा एखादा डिप्लोमा मिळवता येईल. हा तुमच्या आयुष्यातला एक महत्त्वाचा टप्पा आहे! शिक्षणाचे बरेच पर्याय उपलब्ध असल्यामुळे कोणता कोर्स निवडायचा याबाबतीत कदाचित तुमचा गोंधळ होत असेल. किंवा इतर जण खूश होतील असा निर्णय घ्यायचा तुमच्यावर दबाव येत असेल. पण योग्य निर्णय घ्यायला तुम्हाला कशामुळे मदत होईल?

मत्तय ६:३२, ३३ वाचा. मग भाऊबहिणींना विचारा:

• शिक्षणाच्या आणि कामाच्या बाबतीत महत्त्वाचे निर्णय घेण्याआधी तुम्हाला तुमची आध्यात्मिक ध्येयं चांगल्या प्रकारे का माहीत असली पाहिजेत?

  तुमचं उत्तर

• आईवडील आपल्या मुलांना मत्तय ६:३२, ३३ लागू करायला कशी मदत करू शकतात?—स्तो ७८:४-७

  तुमचं उत्तर

जास्त पैसा कमवण्याच्या किंवा नावलौकिक मिळवण्याच्या इच्छेने प्रभावित होऊन निर्णय घेऊ नका. (१यो २:१५, १७) लक्षात असू द्या की भरपूर धनसंपत्ती असलेल्या व्यक्‍तीला राज्याचा संदेश स्वीकारणं कठीण जाऊ शकतं. (लूक १८:२४-२७) आपण एकाच वेळी पैसा कमवण्याच्या मागे लागून  देवासोबतचं आपलं नातं मजबूत करू शकत नाही.—मत्त ६:२४; मार्क ८:३६.

व्यर्थ ठरणाऱ्‍या गोष्टींवर भरवसा ठेवण्यापासून सांभाळून राहा!—पैसा  हा व्हिडिओ दाखवा. मग भाऊबहिणींना विचारा:

• नीतिवचनं २३:४, ५ मुळे तुम्हाला चांगले निर्णय घ्यायला कशी मदत होऊ शकते?

  तुमचं उत्तर