सफन्या

आकाशातल्या पक्ष्यांना आणि समुद्रातल्या माशांना नाहीसं करीन,+

दुष्टांसोबत मी सर्व अडथळेही*+ नाहीसे करीन;

आणि मी सबंध पृथ्वीवरून मानवांचा नाश करीन,” असं यहोवा म्हणतो.

 ४ “मी यहूदाविरुद्ध आणि यरुशलेमच्या सर्व रहिवाशांविरुद्ध,

आपला हात उगारीन.

या ठिकाणातून मी बआलचं नामोनिशाण मिटवून टाकीन,*+

याजकांचं आणि परक्या देवांच्या पुजाऱ्‍यांचं नावही उरणार नाही.+

 ५ जे आपल्या छतांवर आकाशाच्या सैन्याला नमन करतात,+

जे एकीकडे यहोवाला नमन करून त्याच्याशी एकनिष्ठ राहण्याची शपथ घेतात;+

आणि दुसरीकडे मल्कामशीही एकनिष्ठ राहण्याची शपथ घेतात,+

 ६ जे यहोवाच्या इच्छेप्रमाणे चालायचं सोडून देतात;+

आणि जे यहोवाला शोधत नाहीत किंवा त्याचा सल्ला घेत नाहीत,+ त्या सर्वांचा नाश होईल.”

 ७ सर्वोच्च प्रभू यहोवा याच्यासमोर शांत राहा,

कारण यहोवाचा दिवस जवळ आला आहे.+

 ८ “यहोवाच्या बलिदानाच्या दिवशी मी सर्व अधिकाऱ्‍यांकडून,

राजाच्या मुलांकडून+ आणि विदेश्‍यांसारखा पेहराव करणाऱ्‍यांकडून हिशोब घेईन.

आणि जे आपल्या मालकाच्या घरात मोठ्या प्रमाणात हिंसाचार आणि फसवणूक करतात,

त्या सर्वांकडून मी हिशोब घेईन.”

१० यहोवा म्हणतो, “त्या दिवशी,

मासे फाटकाकडून+ ओरडण्याचा आवाज येईल,

शहराच्या नवीन भागातून+ शोक करण्याचा आवाज येईल,

आणि टेकड्यांवरून मोठ्या धडाक्याचा आवाज येईल.

कारण सर्व व्यापाऱ्‍यांचा नाश करण्यात आला आहे;

आणि चांदी तोलून देणाऱ्‍या सर्वांना ठार मारण्यात आलं आहे.*

१२ त्या वेळी मी दिवे घेऊन यरुशलेमचा कोपरा न्‌ कोपरा शोधीन,

आणि ‘यहोवा चांगलं करणार नाही आणि वाईटही करणार नाही,’

असा विचार करणाऱ्‍या बेपर्वा लोकांकडून मी हिशोब घेईन.+

ते घरं बांधतील पण त्यांत राहू शकणार नाहीत;

आणि द्राक्षमळे लावतील पण त्यांचा द्राक्षारस पिऊ शकणार नाहीत.+

१५ तो क्रोधाचा दिवस आहे,+

तो संकटाचा आणि यातनांचा दिवस आहे,+

तो वादळाचा आणि नाशाचा दिवस आहे,

तो अंधाराचा आणि काळोखाचा दिवस आहे,+

तो ढगांचा आणि भयंकर काळोखाचा दिवस आहे,+

१६ तो तटबंदीच्या शहरांविरुद्ध आणि उंच बुरुजांविरुद्ध,*+

रणशिंगाचा आणि युद्धाच्या ललकारीचा दिवस आहे.+

१७ मी माणसांवर संकट आणीन

आणि ते आंधळ्यांसारखे चालतील,+

कारण त्यांनी यहोवाविरुद्ध पाप केलं आहे.+

त्यांचं रक्‍त धुळीसारखं ओतलं जाईल

आणि त्यांचं मांस* शेणासारखं फेकून दिलं जाईल.+

१८ यहोवाच्या क्रोधाच्या दिवशी त्यांचं सोनं किंवा चांदी त्यांना वाचवू शकणार नाही;+

त्याच्या आवेशाच्या आगीने संपूर्ण पृथ्वी भस्म होईल,+

कारण तो पृथ्वीवर राहणाऱ्‍या सगळ्या लोकांचा सर्वनाश करेल; तो नाश खरोखर भयंकर असेल.”+

२ अरे निर्लज्ज राष्ट्रा,+

एकत्र हो, आपल्या लोकांना गोळा कर.+

 २ हुकूम अंमलात येण्याआधी,

आणि दिवस भुशासारखा उडून जाण्याआधी,

यहोवाचा भयानक क्रोध तुमच्यावर येण्याआधी,+

आणि यहोवाच्या क्रोधाचा दिवस तुमच्यावर येण्याआधी,

 ३ अहो पृथ्वीवरच्या सर्व नम्र लोकांनो,

देवाच्या नीतिनियमांप्रमाणे* चालणाऱ्‍यांनो,

यहोवाला शोधा.+

 ४ कारण गाझा शहर उजाड होईल,

आणि अष्कलोन ओसाड पडेल.+

अश्‍दोदला दिवसाढवळ्या* हाकलून लावलं जाईल,

आणि एक्रोनला उपटून टाकलं जाईल.+

हे कनान, हे पलिष्टी लोकांच्या राष्ट्रा, मी तुझा नाश करीन,

तुझ्यात एकही रहिवासी उरणार नाही.

 ७ तो यहूदाच्या घराण्यातल्या उरलेल्यांचा+ प्रदेश होईल;

ते तिथे चरतील.

कारण त्यांचा देव यहोवा त्यांच्याकडे लक्ष देईल,*

आणि तो त्यांना बंदिवासातून गोळा करेल.”+

 ८ “मवाबने केलेली निंदा+ आणि अम्मोनी लोकांनी केलेला अपमान मी ऐकला आहे,+

त्यांनी माझ्या लोकांना टोमणे मारले आणि त्यांचा देश बळकावण्याच्या धमक्या दिल्या.”+

 ९ इस्राएलचा देव, सैन्यांचा देव यहोवा म्हणतो, “माझ्या जिवाची शपथ,

मवाब सदोमसारखा होईल,+

आणि अम्मोन गमोरासारखा होईल.+

१० त्यांच्या गर्वाच्या बदल्यात हेच त्यांच्या पदरी पडेल,+

कारण त्यांनी सैन्यांचा देव यहोवा याच्या लोकांना टोमणे मारले आणि त्यांना तुच्छ लेखलं.

११ त्यांना यहोवाची दहशत बसेल;*

कारण तो पृथ्वीवरच्या सर्व देवांना नाहीसं* करेल,

आणि राष्ट्रांची सर्व बेटं आपापल्या जागेवरून त्याला नमन* करतील.+

१३ तो उत्तरेकडे आपला हात उगारेल आणि अश्‍शूरचा नाश करेल,

आणि तो निनवेला वाळवंटासारखं रुक्ष* आणि उजाड करून टाकेल.+

उंबरठ्यावर नुसतेच दगडधोंडे असतील;

कारण तो देवदाराच्या चौकटींना उघडं पाडेल.

१५ हीच ती गर्विष्ठ नगरी आहे, जी अगदी निर्धास्त बसली होती,

ती मनात म्हणायची, ‘मीच सगळ्यात श्रेष्ठ आहे, माझ्याशिवाय कोणीच नाही.’

तिचे याजक पवित्र गोष्टी दूषित करतात;+

ते कायदा मोडतात.+

पहाट जशी न चुकता उगवते,

तसा तो दररोज सकाळी आपले न्याय-निर्णय प्रकट करतो.+

 ७ तिचं ठिकाण नष्ट होऊ नये म्हणून,+

मी म्हणालो, ‘आता तरी तू नक्कीच माझं भय मानशील आणि ताडन* स्वीकारशील,’+

 ८ यहोवा म्हणतो, ‘ज्या दिवशी मी लूट घेण्यासाठी उठीन,*

त्या दिवसापर्यंत माझी धीराने वाट पाहत राहा;+

कारण मी राष्ट्रांना गोळा करण्याचा, राज्यांना एकत्र आणण्याचा,

आणि त्यांच्यावर माझा संताप, माझा सगळा क्रोध ओतण्याचा निर्णय* घेतला आहे;+

कारण माझ्या आवेशाच्या आगीने संपूर्ण पृथ्वी भस्म होईल.+

 ९ तेव्हा मी लोकांची भाषा बदलून त्यांना एक शुद्ध भाषा देईन,

म्हणजे ते सर्व जण यहोवा या नावाने मला हाक मारतील,

आणि खांद्याला खांदा लावून माझी सेवा करतील.’*+

१० मला प्रार्थना करणारे, म्हणजे पांगापांग झालेले माझे लोक,

कूशच्या नद्यांच्या प्रदेशातून, माझ्यासाठी भेट आणतील.+

११ त्या दिवशी, माझ्याविरुद्ध केलेल्या तुझ्या सर्व बंडखोर कृत्यांबद्दल,

तुला लज्जित केलं जाणार नाही.+

कारण मी तुझ्यामधून गर्विष्ठपणे बढाया मारणाऱ्‍यांना काढून टाकीन;

मग माझ्या पवित्र पर्वतावर, तू पुन्हा कधीही गर्विष्ठपणे वागणार नाहीस.+

१२ मी तुझ्यामध्ये नम्र आणि दीनदुबळ्या लोकांना राहू देईन,+

आणि ते यहोवा या माझ्या नावामध्ये आश्रय घेतील.

१३ इस्राएलचे उरलेले लोक+ अनीतीने वागणार नाहीत;+

ते खोटं बोलणार नाहीत किंवा आपल्या जिभेने कोणाची फसवणूक करणार नाहीत.

१८ तुझ्या सणांना येऊ न शकल्यामुळे जे दुःख करतात,+ त्यांना मी गोळा करीन;

परक्या देशात निंदा सहन करत असल्यामुळे ते तुझ्याकडे येऊ शकले नाहीत.+

१९ पाहा! त्या वेळी मी तुझ्यावर अत्याचार करणाऱ्‍या सर्वांना शिक्षा देईन;+

जे* लंगडत होते त्यांना मी वाचवीन,+

आणि ज्या देशात त्यांना लज्जित व्हावं लागलं होतं,

त्या देशात मी त्यांना स्तुती आणि प्रतिष्ठा* मिळवून देईन.

२० ज्या वेळी मी तुम्हाला गोळा करीन,

त्या वेळी मी तुम्हाला परत आणीन.

मी तुमच्यादेखत तुमच्या बंदिवानांना परत आणीन,+

आणि अशा रितीने पृथ्वीवरच्या सर्व राष्ट्रांमध्ये तुम्हाला प्रतिष्ठा* आणि स्तुती मिळवून देईन,”+ असं यहोवा म्हणतो.