होशेय

 २ आपल्या आईला दोष द्या; तिला दोष द्या,

कारण ती माझी बायको नाही+ आणि मी तिचा नवरा नाही.

तिने वेश्‍येसारखं वागायचं* थांबवलं पाहिजे

आणि आपल्या स्तनांच्या मधून व्यभिचार दूर केला पाहिजे,

 ३ नाहीतर ती तिच्या जन्माच्या दिवशी होती, तशी मी तिला नग्न करीन,

मी तिची अवस्था ओसाड रानासारखी,

आणि निर्जल भूमीसारखी करीन,

म्हणजे ती तहानेने तडफडून मरेल.

 ४ मी तिच्या मुलांना दयामाया दाखवणार नाही,

कारण ती वेश्‍येची* मुलं आहेत.

त्यांना आपल्या गर्भात वाढवणारी त्यांची आई निर्लज्जपणे वागली आहे,+ कारण ती म्हणाली,

‘मी माझ्या प्रियकरांमागे जाईन;+

जे मला अन्‍नपाणी पुरवतात,

जे मला लोकर, मलमल, तेल आणि द्राक्षारस पुरवतात, त्यांच्यामागे मी जाईन.’

 ६ म्हणून मी काट्यांचं कुंपण घालून तिला अडवीन;

मी तिच्यासमोर दगडांची भिंत रचीन

 ७ ती आपल्या प्रियकरांच्या मागे धावेल, पण त्यांच्यापर्यंत पोहोचू शकणार नाही;+

ती त्यांना शोधेल, पण तिला ते सापडणार नाहीत.

मग ती म्हणेल, ‘मी माझ्या पहिल्या नवऱ्‍याकडे परत जाईन,+

कारण माझी आधीची स्थिती आतापेक्षा चांगली होती.’+

 ८ तिला धान्य, नवीन द्राक्षारस आणि तेल देणारा मीच होतो, हे तिने ओळखलं नाही,+

मीच तिला भरपूर चांदी दिली,

आणि सोनंही दिलं. पण, तिने ते बआलच्या उपासनेसाठी वापरलं.+

 ९ ‘म्हणून मी कापणीच्या वेळी परत येऊन माझं धान्य घेईन,

मी द्राक्षांच्या हंगामात माझा नवीन द्राक्षारस परत घेईन,+

आणि तिचं उघडं अंग झाकण्यासाठी असलेली लोकरीची आणि मलमलीची वस्त्रं मी हिसकावून घेईन.

१० तिच्या प्रियकरांसमोर मी तिची नग्नता* उघडी करीन,

आणि कोणीही तिला माझ्या हातून सोडवू शकणार नाही.+

११ मी तिचे सगळे आनंदाचे सोहळे बंद करीन,

तिचे उत्सव,+ नवचंद्राचे दिवस,* शब्बाथ आणि नेमलेले सण मी बंद करीन.

‘माझ्या प्रियकरांनी मला दिलेली ही कमाई आहे’;

पण, मी त्यांचं जंगल करून टाकीन,

आणि जंगली जनावरं ती खाऊन टाकतील.

१३ मी त्या सर्व दिवसांचा तिच्याकडून हिशोब मागीन, जेव्हा ती बआलच्या मूर्तींना बलिदानं अर्पण करायची,+

आणि नथ आणि दागदागिने घालून आपल्या प्रियकरांमागे जायची;

पण मला मात्र ती विसरून गेली,’+ असं यहोवा म्हणतो.

१४ ‘म्हणून मी तिची समजूत घालीन;

मी तिला रानात नेईन,

आणि तिच्याशी प्रेमाने बोलीन.

१५ मग, तिचे द्राक्षमळे मी तिला परत देईन,+

आणि अखोरचं खोरं*+ तिच्यासाठी आशेचं द्वार ठरेल;

इजिप्त* देशातून ती बाहेर आली होती, त्या दिवसाप्रमाणे,+

तिच्या तारुण्याच्या दिवसांप्रमाणे, ती तिथे माझं ऐकेल.’

१७ ‘मी तिच्या तोंडून बआलच्या मूर्तींची नावं काढून टाकीन,+

त्यांच्या नावांची पुन्हा कधी आठवण केली जाणार नाही.+

१८ त्या दिवशी मी माझ्या लोकांसाठी रानातल्या पशूंशी,

आकाशातल्या पक्ष्यांशी आणि जमिनीवर रांगणाऱ्‍या जिवांशी करार करीन;+

मी देशातून धनुष्य, तलवार आणि युद्ध नाहीसं करीन,+

आणि ते तिथे निर्भयपणे राहतील.+

१९ मी लग्नाचं वचन देऊन तुला आपली वधू म्हणून कायमचं स्वीकारीन,

आणि तुझ्याशी नीतीने, न्यायाने,

एकनिष्ठ प्रेमाने आणि दयेने+ वागण्याचं मी तुला वचन देईन.

२० मी तुला विश्‍वासू राहण्याचं वचन देईन,

आणि मी जो यहोवा, त्याला तू नक्कीच ओळखशील.’+

२१ यहोवा म्हणतो, ‘त्या दिवशी मी ऐकेन,

मी आकाशाचं ऐकेन

आणि आकाश पृथ्वीचं ऐकेल;+

२२ पृथ्वीही धान्य, नवीन द्राक्षारस आणि तेल यांचं ऐकेल;

आणि हे सर्व इज्रेलचं* ऐकतील.+

२३ बी पेरतात तसं मी तिला माझ्यासाठी जमिनीत पेरीन,+

आणि जिला दया दाखवण्यात आली नव्हती, तिला मी दया दाखवीन;*

जे माझे लोक नव्हते त्यांना,* “तुम्ही माझे लोक आहात” असं मी म्हणीन,+

आणि तेही, “तू आमचा देव आहेस” असं म्हणतील.’”+

४ इस्राएली लोकांनो, यहोवाचा संदेश ऐका,

देशाच्या रहिवाशांविरुद्ध यहोवाचा खटला आहे,+

कारण देशात सत्य, एकनिष्ठ प्रेम किंवा देवाबद्दलचं ज्ञान नाही.+

 २ खोट्या शपथा घेणं, खोटं बोलणं,+ हत्या करणं,+

चोरी आणि व्यभिचार+ सगळीकडे होत आहे,

हत्येमागून हत्या होत आहे.+

 ३ म्हणून हा देश शोक करेल;+

त्यातला प्रत्येक रहिवासी अशक्‍त होत जाईल.

रानातले पशू, आकाशातले पक्षी,

आणि समुद्रातले मासेही नष्ट होतील.

 ४ “म्हणून कोणीही दुसऱ्‍याचा विरोध करू नये किंवा दोष दाखवू नये,+

कारण याजकाचा विरोध करणाऱ्‍या लोकांसारखे तुझे लोक झाले आहेत.+

 ५ म्हणून तू भरदिवसा अडखळशील,

आणि रात्र असल्याप्रमाणे, संदेष्टा तुझ्यासोबत अडखळेल.

 ६ मी माझ्या लोकांचा आवाज बंद करीन,*

कारण त्यांना माझी ओळख नाही.

त्यांनी मला नाकारल्यामुळे,+

मीही त्यांना नाकारीन आणि माझे याजक म्हणून सेवा करू देणार नाही.

तुम्ही आपल्या देवाचं नियमशास्त्र* विसरलात,+

म्हणून मीही तुमच्या मुलांना विसरेन.

 ८ माझ्या लोकांच्या पापांवर ते आपलं पोट भरतात,

त्यांच्या अपराधांसाठी ते हपापले आहेत.*

 ९ लोकांशी आणि याजकांशी मी एकसारखाच व्यवहार करीन;

त्यांच्या वागणुकीबद्दल मी त्यांच्याकडून हिशोब मागीन,

आणि त्यांच्या कृत्यांचे परिणाम मी त्यांना भोगायला लावीन.+

११ व्यभिचार,* द्राक्षारस आणि नवीन द्राक्षारस

योग्य ते करण्याची इच्छा* नष्ट करतात.*+

१२ माझे लोक आपल्या लाकडी मूर्तींचा सल्ला घेतात,

त्यांची काठी* सांगेल तसं ते वागतात;

कारण व्यभिचारी* वृत्तीमुळे ते भरकटले आहेत,

आणि व्यभिचार* करून ते आपल्या देवाच्या अधीन राहायला नकार देतात.

१३ ते पर्वतांच्या माथ्यांवर बलिदानं देतात,+

आणि टेकड्यांवर हवन करतात.

अल्लोन* आणि लिवने* वृक्षांखाली आणि प्रत्येक मोठ्या झाडाखाली ते बलिदानं देतात,+

कारण या झाडांखाली चांगली सावली असते.

म्हणून तुमच्या मुली वेश्‍येसारखी कामं* करतात

आणि तुमच्या सुना व्यभिचार करतात.

१४ मी तुमच्या मुलींना वेश्‍यांसारखं वागल्याबद्दल,*

आणि तुमच्या सुनांना व्यभिचार केल्याबद्दल जबाबदार धरणार नाही.

कारण पुरुष वेश्‍यांसोबत जातात

आणि मंदिरातल्या वेश्‍यांसोबत बलिदानं देतात.

१५ हे इस्राएल, तू वेश्‍येसारखं वागत आहेस,*+

पण यहूदाने तसं पाप करू नये.+

गिलगाल+ किंवा बेथ-आवेन+ इथे येऊ नकोस,

आणि ‘यहोवाच्या जिवाची शपथ!’ असं म्हणून शपथ घेऊ नकोस.+

१८ त्याचं मद्य संपतं,

तेव्हा तो व्यभिचार करतो.*

१९ वारा त्याला आपल्या पंखांत लपेटून टाकेल,*

त्याच्या बलिदानांमुळे त्याची लाजिरवाणी स्थिती होईल.

५ हे याजकांनो, ऐका,+

हे इस्राएलच्या घराण्या, लक्ष दे,

हे राजाच्या घराण्या, ऐक,

तुम्ही मिस्पासाठी पाश असल्यामुळे,

आणि ताबोरवर+ पसरलेल्या जाळ्यासारखे असल्यामुळे

हा न्यायदंड तुमच्यावर येणार आहे.

 ३ मी एफ्राईमला ओळखतो,

आणि इस्राएल माझ्यापासून लपलेला नाही.

 ४ त्यांची कृत्यं त्यांना देवाकडे परत येऊ देत नाहीत,

कारण त्यांच्यामध्ये व्यभिचारी* वृत्ती आहे;+

ते यहोवाला ओळखत नाहीत.

 ५ इस्राएलच्या गर्वाने त्याच्याविरुद्ध* साक्ष दिली आहे;+

इस्राएल आणि एफ्राईम दोघंही आपल्या अपराधांमुळे अडखळून पडले आहेत,

आणि यहूदाही त्यांच्यासोबत अडखळून पडला आहे.+

 ६ ते आपले कळप घेऊन यहोवाला शोधायला गेले,

पण तो त्यांना सापडला नाही.

 ७ त्यांनी यहोवाशी विश्‍वासघात केला आहे,+

कारण त्यांनी परक्या मुलांना जन्म दिला आहे.

११ एफ्राईमने आपल्या शत्रूच्या मागे जाण्याचा निश्‍चय केला,+

म्हणून तो पीडित झाला आहे, न्यायदंडाने चिरडला गेला आहे.

१२ त्यामुळे मी एफ्राईमसाठी कसरीसारखा,*

आणि यहूदाच्या घराण्यासाठी किडीसारखा झालो.

१३ एफ्राईमने आपला रोग पाहिला आणि यहूदाने आपली जखम पाहिली,

तेव्हा एफ्राईम अश्‍शूरकडे गेला+ आणि एका महान राजाकडे त्याने दूत पाठवले.

पण तो तुझा रोग दूर करू शकला नाही,

तो तुझी जखम बरी करू शकला नाही.

१४ कारण मी एफ्राईमसाठी एका तरुण सिंहासारखा,

आणि यहूदाच्या घराण्यासाठी ताकदवान सिंहासारखा* होईन.

मी त्यांना फाडून त्यांचे तुकडे करीन आणि निघून जाईन;+

मी त्यांना उचलून नेईन, तेव्हा कोणीही त्यांना सोडवणार नाही.+

१५ मी माझ्या ठिकाणी परत निघून जाईन आणि त्यांना त्यांच्या पापांचे परिणाम भोगावे लागतील;

मग ते माझी कृपा* शोधतील.+

६ “चला, आपण यहोवाकडे परत जाऊ या,

कारण त्याने फाडून आपले तुकडे केले आहेत,+ पण तोच आपल्याला बरं करेल.

तिसऱ्‍या दिवशी तो आपल्याला उठवेल,

आणि आपण त्याच्यासमोर जिवंत राहू.

पहाट उगवण्याइतकंच त्याचं येणं निश्‍चित आहे;

तो बरसणाऱ्‍या सरींसारखा आपल्याकडे येईल,

पृथ्वीला ओलंचिंब करणाऱ्‍या वसंतातल्या पावसासारखा तो येईल.”

कारण तुझं प्रेम सकाळच्या मेघांसारखं आहे,

लगेच नाहीशा होणाऱ्‍या दवासारखं आहे.

 ५ म्हणून मी संदेष्ट्यांद्वारे त्यांना कापून टाकीन;+

माझ्या तोंडातून निघणाऱ्‍या शब्दांनी मी त्यांना ठार मारीन.+

 ६ कारण मला बलिदानाने नाही, तर एकनिष्ठ प्रेमाने* आनंद होतो,

आणि होमार्पणांनी नाही, तर देवाच्या ज्ञानाने मला आनंद होतो.+

 ८ गिलाद दुष्टांचं नगर आहे,+

ते रक्‍ताच्या पाऊलखुणांनी माखलेलं आहे.+

ते शखेमच्या+ रस्त्यावर खून करतात;

त्यांचं वागणं लाजिरवाणं आहे.

तिथे एफ्राईम व्यभिचार करतो;*+

इस्राएलने स्वतःला दूषित केलं आहे.+

११ हे यहूदा, तुझ्यासाठी तर कापणीचा काळ ठरलेला आहे;

त्या वेळी मी माझ्या बंदिवान लोकांना गोळा करून परत आणीन.”+

७ “जेव्हा जेव्हा मी एफ्राईमला बरं करायचा प्रयत्न करतो, तेव्हा तेव्हा त्यांचे अपराध,+

आणि शोमरोनची दुष्टता+ उजेडात येते.

कारण ते फसवणूक करतात;+

चोर घरफोडी करतात आणि बाहेर लुटारूंच्या टोळ्या लुटालूट करतात.+

त्यांच्या अपराधांनी त्यांना घेरलं आहे;

त्यांचे अपराध माझ्यापासून लपलेले नाहीत.

 ३ ते आपल्या दुष्टतेमुळे राजाला,

आणि आपल्या लबाडीने राजकुमारांना खूश करतात.

 ४ ते सर्व व्यभिचारी आहेत,

रोटी भाजणाऱ्‍याने तापवलेल्या भट्टीसारखे ते आहेत.

 ५ आमच्या राजाच्या उत्सवाच्या दिवशी, अधिकाऱ्‍यांना मळमळू लागलं

​—द्राक्षारसामुळे ते संतापले आहेत.+

रोटी भाजणारा रात्रभर झोपतो,

सकाळी त्याच्या भट्टीतली आग धगधगत असते.

 ७ ते सर्व भट्टीसारखे तापलेले असतात,

ते आपल्या शासकांना* गिळून टाकतात.

त्यांचे सर्व राजे पडले आहेत;+

त्यांच्यापैकी कोणीही मला हाक मारत नाही.+

१० इस्राएलच्या गर्वाने त्याच्याविरुद्ध साक्ष दिली आहे,+

पण ते आपला देव यहोवा याच्याकडे परत आले नाहीत;+

आणि हे सर्व झाल्यावरही त्यांनी त्याचा शोध घेतला नाही.

१४ त्यांनी मनापासून मला मदतीसाठी हाक मारली नाही,+

ते फक्‍त आपल्या अंथरुणांवर पडून ओरडत राहिले.

ते धान्यासाठी आणि नवीन द्राक्षारसासाठी शरीरावर घाव करून घ्यायचे;

ते माझा विरोध करतात.

१५ मी त्यांना शिकवलं आणि त्यांचे हात मजबूत केले,

पण ते माझा विरोध करतात आणि कटकारस्थानं रचतात.

शत्रू यहोवाच्या लोकांविरुद्ध गरुडासारखा येत आहे,+

कारण त्यांनी माझा करार

आणि माझा नियम मोडला आहे.+

त्यांनी सोन्याचांदीच्या मूर्ती बनवल्या,+

त्यामुळे त्यांचा नाश होईल.+

एका कारागिराने ते बनवलं, आणि ते देव नाही;

शोमरोनच्या वासराचे तुकडेतुकडे होतील.

 ७ कारण ते वाऱ्‍याची पेरणी करतात,

आणि ते वादळाची कापणी करतील.+

पेरलेल्या बियाण्याला पीक येत नाही;+

अंकुरापासून पीठ मिळत नाही.

ते राष्ट्रांमध्ये,+

नको असलेल्या भांड्यासारखे होतील.

१० त्यांनी त्यांना पैसे देऊन राष्ट्रांमधून आणलं असलं,

तरी, आता मी त्यांना गोळा करीन;

राजाने आणि अधिकाऱ्‍यांनी टाकलेल्या ओझ्यामुळे,

त्यांना दुःख भोगावं लागेल.+

१४ इस्राएल आपल्या निर्माणकर्त्याला विसरला आहे+ आणि त्याने मंदिरं बांधली आहेत,+

आणि यहूदाने तटबंदी असलेली भरपूर शहरं बांधली आहेत.+

पण मी त्याच्या शहरांमध्ये आग पाठवीन,

आणि ती प्रत्येक शहराचे बुरूज जाळून टाकेल.”+

९ “हे इस्राएल, तू आनंदी होऊ नकोस,+

इतर राष्ट्रांप्रमाणे आनंद करू नकोस.

 २ पण खळ्यामुळे आणि द्राक्षकुंडामुळे त्यांचं पोट भरणार नाही,

आणि त्यांना नवीन द्राक्षारस मिळणार नाही.+

 ३ ते यहोवाच्या देशात टिकणार नाहीत;+

तर, एफ्राईम इजिप्तला परत जाईल,

आणि अश्‍शूरमध्ये तो अशुद्ध गोष्टी खाईल.+

 ४ यापुढे ते यहोवाला द्राक्षारसाचं अर्पण देणार नाहीत;+

त्यांच्या बलिदानांनी त्याला आनंद होणार नाही.+

त्यांचं अन्‍न त्यांच्यासाठीच* आहे;

ते यहोवाच्या मंदिरात* येणार नाही.

 ५ तुमच्या ठरलेल्या सणांच्या वेळी,

आणि यहोवाच्या सणाच्या दिवशी तुम्ही काय कराल?

जंगली झुडपं* त्यांच्या चांदीच्या मौल्यवान वस्तूंचा ताबा घेतील,

आणि त्यांच्या तंबूंमध्ये काटेरी झुडपं येतील.

 ७ हिशोब घेण्याचे दिवस येतील,+

सूड घेण्याचे दिवस येतील,

आणि इस्राएलला हे कळेल.

त्यांचा संदेष्टा मूर्ख ठरेल आणि संदेश सांगणारा माणूस वेडा होईल;

तुमचे अपराध पुष्कळ असल्यामुळे, तुमचा खूप द्वेष केला जाईल.”

पण आता संदेष्टे+ एफ्राईमच्या सर्व मार्गांवर पारध्याच्या फासासारखे आहेत;

त्याच्या देवाच्या मंदिरात* द्वेष आहे.

पण ते पौरच्या बआलकडे गेले;+

त्यांनी स्वतःला लाजिरवाण्या गोष्टीला* समर्पित केलं,+

आणि ज्याच्यावर त्यांचं प्रेम आहे, त्याच्यासारखेच ते घृणास्पद बनले आहेत.

११ एफ्राईमचं वैभव पक्ष्यासारखं उडून जातं;

कोणाला गर्भ राहणार नाही, किंवा कोणी जन्मही देणार नाही.+

१२ त्यांना मुलं झाली तरी,

मी त्यांच्या मुलांना हिरावून घेईन आणि शेवटी त्यांच्यात एकही माणूस उरणार नाही;+

मी त्यांच्याकडे पाठ फिरवल्यावर त्यांची खरंच दुर्दशा होईल!+

१३ कुरणात* लावलेला एफ्राईम माझ्यासाठी सोरसारखा होता;+

आता एफ्राईमला आपल्या मुलांना कत्तलीसाठी आणावं लागेल.”

१४ हे यहोवा, तू त्यांना जे दिलं पाहिजेस, ते त्यांना दे;

ज्यात गर्भ टिकत नाही असं गर्भाशय आणि सुकलेले स्तन.

१५ “त्यांचा सगळा दुष्टपणा गिलगालमध्ये+ होता,

कारण तिथे मी त्यांचा द्वेष करू लागलो.

१७ माझा देव त्यांना नाकारेल,

कारण त्यांनी त्याचं ऐकलं नाही,+

ते बेघर होऊन राष्ट्रा-राष्ट्रांतून भटकतील.+

त्याला जितकी जास्त फळं येतात, तितक्या जास्त वेदी तो बांधतो;+

त्याची जमीन जितकं जास्त पीक देते, तितकेच सुंदर पूजेचे खांब तो उभे करतो.+

 २ त्यांचं हृदय ढोंगी आहे;

आता त्यांना दोषी ठरवलं जाईल.

 ४ ते पोकळ शब्द बोलतात, खोट्या शपथा घेतात+ आणि करार करतात;

त्यामुळे त्यांनी केलेला न्याय शेतात उगवणाऱ्‍या विषारी झुडपांसारखा आहे.+

त्याचे लोक त्या मूर्तीसाठी रडतील,

तसंच, परक्या देवांचे जे पुजारी तिच्यामुळे आणि तिच्या वैभवामुळे आनंदी व्हायचे तेही रडतील,

कारण तिला त्यांच्यापासून दूर बंदिवासात नेलं जाईल.

एफ्राईमला लज्जित केलं जाईल,

आणि चुकीचा सल्ला पाळल्यामुळे इस्राएलची लाजिरवाणी स्थिती होईल.+

 ७ फांदी तोडून पाण्यावर टाकावी,

तसा शोमरोन आणि त्याच्या राजाचा नक्कीच नाश केला जाईल.*+

आणि त्यांचे दोन अपराध त्यांच्यावर बांधले जातील*

तेव्हा राष्ट्रांना त्यांच्याविरुद्ध एकत्र केलं जाईल.

११ एफ्राईम शिकवलेली गाय* होती; तिला धान्याची मळणी करायला आवडायचं,

म्हणून मी तिच्या सुंदर मानेवर ओझं लादलं नाही.

यहोवाला शोधण्याची संधी असेपर्यंत+

स्वतःसाठी सुपीक जमिनीची नांगरणी करा,+

म्हणजे तो येऊन तुम्हाला नीतीचं शिक्षण देईल.+

१३ पण तुम्ही दुष्टतेची नांगरणी केली,

आणि अनीतीची कापणी केली.+

तुम्ही लबाडीचं फळ खाल्लं;

कारण तुम्ही स्वतःच्या विचारांवर

आणि आपल्या योद्ध्यांवर भरवसा ठेवला.

१४ तुमच्या लोकांविरुद्ध युद्धाचा गोंधळ ऐकू येईल;

ज्याप्रमाणे आर्बेलच्या घराण्याचा शल्मनने नाश केला,

तेव्हा युद्धाच्या दिवशी आईला तिच्या मुलांसोबत जमिनीवर आपटून ठार मारलं गेलं,

त्याप्रमाणे तटबंदी असलेली तुमची सगळी शहरं उद्ध्‌वस्त होतील.+

११ “इस्राएल लहान मुलगा होता, तेव्हा मी त्याच्यावर प्रेम केलं,+

मी माझ्या मुलाला इजिप्तमधून बोलावलं.+

 २ त्यांनी* त्यांना जितकं जास्त बोलावलं,

तितकेच ते दूर गेले.+

ते बआलच्या मूर्तींना बलिदानं देत राहिले+

आणि कोरलेल्या मूर्तींपुढे अर्पणं करत राहिले.+

 ३ मीच एफ्राईमला चालायला शिकवलं,+ आणि त्यांना उचलून घेतलं;+

पण मी त्यांना बरं केलं, हे त्यांनी ओळखलं नाही.

 ४ मी त्यांना दयेने आणि प्रेमाने आपल्याजवळ ओढून घेतलं;*+

मी त्यांच्या मानेवरून* जू* काढलं,

आणि प्रेमाने प्रत्येकाला अन्‍न आणून दिलं.

 ५ ते इजिप्तला परत जाणार नाहीत, पण अश्‍शूर त्यांचा राजा होईल,+

कारण ते माझ्याकडे परत यायला तयार झाले नाहीत.+

 ६ एफ्राईमच्या शहरांविरुद्ध तलवार फिरेल,+

आणि ती त्याचे अडसर तोडून त्यांचा नाश करेल, कारण त्यांनी दुष्ट योजना केल्या आहेत.+

माझं मन बदललं आहे;

आणि त्याच वेळी माझ्या हृदयात कालवाकालव झाली आहे.+

मी पुन्हा एफ्राईमचा नाश करणार नाही,+

कारण मी माणूस नाही, तर देव आहे,

मी तुमच्यासोबत असणारा पवित्र देव आहे;

आणि मी संतापाच्या भरात तुमच्याकडे येणार नाही.

१० ते यहोवामागे चालतील आणि तो सिंहासारखा गरजेल;+

तो गर्जना करेल, तेव्हा त्याची मुलं पश्‍चिमेकडून थरथर कापत येतील.+

११ ते इजिप्तमधून पक्ष्यांसारखे,

आणि अश्‍शूरमधून कबुतरासारखे थरथर कापत येतील;+

आणि मी त्यांना त्यांच्या घरी परत आणीन,” असं यहोवा म्हणतो.+

१२ “एफ्राईमने मला खोटेपणाने

आणि इस्राएलच्या घराण्याने मला फसवणुकीने घेरलं आहे.+

पण यहूदा अजूनही देवासोबत फिरतो,*

आणि तो परमपवित्र देवाला विश्‍वासू आहे.”+

 २ यहोवाचा यहूदाविरुद्ध एक खटला आहे;+

तो याकोबकडून त्याच्या वागणुकीचा हिशोब घेईल,

आणि त्याच्या कृत्यांप्रमाणे त्याला प्रतिफळ देईल.+

 ३ त्याने आईच्या गर्भात आपल्या भावाची टाच धरली,+

आणि तो जोमाने देवासोबत लढला.+

 ५ यहोवा सैन्यांचा देव आहे,+

यहोवा या नावाने त्याची आठवण केली जाते.*+

 ६ “म्हणून आपल्या देवाकडे परत या,+

एकनिष्ठ प्रेमाने आणि न्यायाने वागायचं सोडू नका,+

आणि देवाची सतत वाट पाहत राहा.

 ७ पण व्यापाऱ्‍याच्या* हातात फसवं तराजू आहे;

त्याला लुबाडायला आवडतं.+

 ८ एफ्राईम सारखं म्हणतो, ‘मी खरंच श्रीमंत झालोय;+

मला धनसंपत्ती मिळाली आहे.+

ठरलेल्या वेळी होणाऱ्‍या सणाच्या दिवसांप्रमाणे,

मी तुम्हाला पुन्हा तंबूंमध्ये राहायला लावीन.

१० मी संदेष्ट्यांशी बोललो,+

मी त्यांना पुष्कळ दृष्टान्त दाखवले.

१२ याकोब अरामच्या* प्रदेशात* पळून गेला;+

तिथे इस्राएलने+ बायको मिळावी म्हणून चाकरी केली,+

बायको मिळावी म्हणून त्याने मेंढरांची राखण केली.+

१३ यहोवाने एका संदेष्ट्याद्वारे इस्राएलला इजिप्तमधून बाहेर आणलं,+

आणि एका संदेष्ट्याद्वारे त्याचं रक्षण केलं.+

१४ एफ्राईमने देवाला खूप चीड आणली;+

त्याचा रक्‍तदोष त्याच्याच डोक्यावर राहील;

त्याने केलेल्या अपमानाबद्दल त्याचा प्रभू त्याची परतफेड करेल.”+

१३ “एफ्राईम बोलायचा तेव्हा लोक थरथर कापायचे;

तो इस्राएलमध्ये प्रतिष्ठित होता.+

 २ आता ते आपल्या पापांमध्ये भर घालतात

आणि आपल्या चांदीपासून मूर्ती* बनवतात;+

कारागिरांप्रमाणे ते कुशलतेने मूर्ती बनवतात.

 ३ म्हणून ते सकाळच्या मेघांसारखे,

लगेच नाहीशा होणाऱ्‍या दवासारखे,

वादळाने खळ्यातून* उडून जाणाऱ्‍या भुशासारखे,

आणि धुराड्यातून बाहेर पडणाऱ्‍या धुरासारखे होतील.

 ४ पण इजिप्तपासून मीच तुमचा देव यहोवा आहे;+

तुम्हाला माझ्याशिवाय दुसरा कोणी देव माहीत नव्हता,

आणि माझ्याशिवाय कोणी तारणकर्ता नाही.+

 ६ ते आपल्या कुरणांमध्ये* तृप्त होते,+

ते तृप्त झाले आणि त्यांचं हृदय गर्विष्ठ बनलं.

 ७ मी त्यांच्यासाठी तरुण सिंहासारखा,+

आणि वाटेवर लपून बसलेल्या चित्त्यासारखा होईन.

 ८ पिल्लं हरवलेल्या अस्वलीसारखा मी त्यांच्यावर हल्ला करीन,

आणि मी त्यांची छाती* फाडीन.

 ९ हे इस्राएल, तो तुझा नाश करेल,

कारण तू माझ्यावर, तुला मदत करणाऱ्‍यावर उलटलास.

११ मी तुला रागावून राजा दिला,+

आणि माझ्या क्रोधात मी त्याला तुझ्याकडून काढून घेईन.+

तो एका मूर्ख मुलासारखा आहे;

जन्माच्या वेळी तो गर्भाशयाच्या मुखाजवळ येत नाही.

१४ मी त्यांना कबरेच्या* तावडीतून सोडवीन;

मी त्यांना मृत्यूकडून परत आणीन.+

१५ जरी त्याची गवतामध्ये भरभराट झाली,

तरी पूर्वेचा, म्हणजे यहोवाकडून येणारा वारा

वाळवंटातून येईल आणि त्याची विहीर सुकवेल आणि त्याचा झरा आटवेल.

१६ शोमरोनने आपल्या देवाविरुद्ध बंड केलंय,+

म्हणून तिला दोषी ठरवलं जाईल.+

त्यांचा तलवारीने नाश होईल,+

त्यांच्या मुलांना आपटून मारलं जाईल,

आणि त्यांच्या गरोदर बायकांना चिरून टाकलं जाईल.”

१४ “हे इस्राएल, तुझ्या देवाकडे, यहोवाकडे परत ये,+

कारण तुझ्या अपराधामुळे तू अडखळून पडला आहेस.

 २ यहोवाकडे परत ये आणि त्याला असं म्हण,

‘कृपा करून आमच्या अपराधाची क्षमा कर+ आणि जे चांगलं आहे त्याचा स्वीकार कर,

म्हणजे, जशी आम्ही वासरं अर्पण करतो, तशी आमच्या ओठांची स्तुती तुला अर्पण करू.+

आम्ही घोड्यांवर स्वार होणार नाही,+

आणि आमच्या हातांनी घडवलेल्या गोष्टींना आम्ही पुन्हा कधीही, “हे आमच्या देवा!” असं म्हणणार नाही,

कारण अनाथाला* दया दाखवणारा तूच आहेस.’+

मी माझ्या स्वतःच्या इच्छेने त्यांच्यावर प्रेम करीन,+

कारण त्यांच्यावरचा माझा राग गेला आहे.+

 ५ मी इस्राएलसाठी पहाटेच्या दवासारखा होईन;

तो भुईकमळासारखा फुलेल

आणि त्याची मुळं लबानोनच्या झाडांच्या मुळांसारखी खोलवर रुजतील.

 ६ त्याच्या फांद्या पसरतील,

त्याचं सौंदर्य जैतुनाच्या झाडासारखं,

आणि त्याचा सुगंध लबानोनच्या झाडांसारखा असेल.

कारण यहोवाचे मार्ग सरळ आहेत,+

नीतिमान त्यांवर चालतील;

पण पापी लोक त्यांवर अडखळतील.