स्तोत्रं

१ सुखी आहे तो माणूस, जो दुष्टांच्या सल्ल्याप्रमाणे वागत नाही;

पापी लोकांच्या मार्गात उभा राहत नाही,+

आणि निंदा करणाऱ्‍यांसोबत बसत नाही!+

 २ तर तो यहोवाच्या* नियमशास्त्रावर मनापासून प्रेम करतो,+

आणि रात्रंदिवस त्याच्यावर विचार करतो.*+

 ३ तो वाहत्या पाण्याजवळ लावलेल्या अशा झाडासारखा होईल,

जे आपल्या ऋतूमध्ये फळ देतं,

आणि ज्याची पानं कोमेजत नाहीत.

 ४ पण, दुष्टांचं तसं नाही;

ते वाऱ्‍याने उडून जाणाऱ्‍या भुशासारखे असतात.

 ५ म्हणून, न्यायाच्या वेळी दुष्ट टिकू शकणार नाहीत;+

आणि पापी लोक नीतिमान लोकांमध्ये उभे राहू शकणार नाहीत.+

 ६ कारण नीतिमान माणसांचे मार्ग यहोवाला माहीत असतात,+

पण दुष्टांचा आणि त्यांच्या मार्गांचा अंत होईल.+

 २ पृथ्वीवरचे राजे यहोवाच्या आणि त्याच्या अभिषिक्‍ताच्या*+ विरोधात उभे राहतात;

शासक त्यांच्याविरुद्ध एकत्र येतात.*+

 ३ ते म्हणतात: “आपण त्यांच्या बेड्या तोडून टाकू,

त्यांची बंधनं काढून फेकू!”

 ४ स्वर्गात राजासनावर बसलेला त्यांना हसेल;

यहोवा त्यांची थट्टा करेल.

 ५ त्या वेळी तो रागाने त्यांच्याशी बोलेल;

तो आपल्या भयानक क्रोधाने त्यांना घाबरवून सोडेल.

 ६ तो म्हणेल: “मी माझ्या पवित्र पर्वतावर, सीयोनवर+

माझ्या निवडलेल्या राजाला राजासनावर बसवलंय.”+

तो मला म्हणाला: “तू माझा मुलगा आहेस;+

आज मी तुझा पिता बनलोय.+

 ८ माझ्याकडे माग, म्हणजे मी सर्व राष्ट्रं तुला वारसा म्हणून देईन

आणि सबंध पृथ्वीची मालकी तुला देईन.+

 ९ तू लोखंडाच्या राजदंडाने त्यांचे तुकडेतुकडे करशील,+

मातीचं मडकं फोडावं, तसा त्यांचा चुराडा करशील.”+

११ यहोवाचं भय मानून त्याची सेवा करा,

आनंदाने त्याच्याबद्दल आदर बाळगा.

१२ देवाच्या मुलाचा सन्मान करा,*+ नाहीतर देव* संतापेल

आणि तुमचा नाश होईल,+

कारण देवाचा क्रोध लगेच भडकतो.

 २ बरेच जण माझ्याबद्दल* म्हणतात,

“देव त्याला वाचवणार नाही.”+ (सेला )*

 ३ पण हे यहोवा, तू माझ्याभोवती ढालीसारखा आहेस,+

तू माझं वैभव,+ माझी मान वर करणारा आहेस.+

 ४ मी यहोवाला मोठ्याने हाक मारीन,

तेव्हा तो त्याच्या पवित्र पर्वतावरून मला उत्तर देईल.+ (सेला )

 ५ मी स्वस्थपणे पडून शांत झोप घेईन,

रात्र सुखरूपपणे घालवून जागा होईन,

कारण यहोवा सतत मला सांभाळतो.+

 ६ हजारो लोकांनी मला चारही बाजूंनी घेरलं,

तरी मी घाबरणार नाही.+

तू माझ्या सगळ्या शत्रूंचा जबडा फोडशील,

तू दुष्टांचे दात पाडशील.+

 ३ यहोवा आपल्या एकनिष्ठ सेवकावर विशेष कृपा करेल* हे लक्षात ठेवा;

मी यहोवाला हाक मारीन तेव्हा तो माझं ऐकेल.

 ५ चांगल्या मनाने* बलिदानं अर्पण करा

आणि यहोवावर भरवसा ठेवा.+

 ७ ज्यांच्याकडे धान्याची आणि नव्या द्राक्षारसाची रेलचेल आहे,

त्यांच्यापेक्षा जास्त आनंद तू माझ्या मनाला दिला आहेस.

 ८ मी स्वस्थपणे पडून शांत झोप घेईन,+

कारण हे यहोवा, फक्‍त तूच मला सुरक्षित ठेवतोस.+

 २ हे माझ्या राजा, माझ्या देवा! माझ्या याचनेकडे लक्ष दे,

कारण मी तुला विनवणी करतोय.

 ३ हे यहोवा, तू सकाळी माझी हाक ऐकशील;+

सकाळी मी माझी चिंता तुला सांगीन+ आणि आतुरतेने वाट पाहीन.

 ४ कारण तू दुष्टता पाहून आनंदी होणारा देव नाहीस;+

वाईट गोष्टी करणारा कोणीही तुझ्याजवळ राहू शकत नाही.+

 ७ मी तर तुझ्या अपार एकनिष्ठ प्रेमामुळे+ तुझ्या मंदिरात येईन;+

आदरपूर्ण भीतीने मी तुझ्या पवित्र मंदिराकडे तोंड करून दंडवत घालीन.+

 ८ हे यहोवा, माझ्या शत्रूंनी मला घेरलंय;

म्हणून, मला तुझ्या नीतिमान मार्गांवर चालव.

 ९ कारण त्यांचा एकही शब्द भरवशालायक नाही;

त्यांच्या मनात फक्‍त कपट भरलंय;

त्यांचं तोंड म्हणजे उघडी कबर!

१० पण देव त्यांना दोषी ठरवेल;

ते स्वतःच्याच कारस्थानांमुळे अडखळून पडतील.+

त्यांच्या अनेक अपराधांमुळे त्यांना हाकलून लाव,

कारण त्यांनी तुझ्याविरुद्ध बंड केलंय.

११ पण तुझा आश्रय घेणारे सर्व आनंदी होतील;+

ते सतत जल्लोष करतील.

तू त्यांच्या वैऱ्‍यांना त्यांच्याजवळ येऊ देणार नाहीस;

तुझ्या नावावर प्रेम करणारे तुझ्यामुळे हर्षित होतील.

१२ कारण हे यहोवा, तू नीतिमान लोकांना आशीर्वाद देशील;

तुझ्या कृपेची मोठी ढाल त्यांचं संरक्षण करेल.+

६ हे यहोवा, रागाच्या भरात माझं ताडन करू नकोस,

क्रोधाने मला शिक्षा करू नकोस.+

 ४ हे यहोवा, परत ये आणि माझी* सुटका कर;+

तुझ्या एकनिष्ठ प्रेमामुळे मला वाचव.+

 ५ कारण मृत लोक तुझा उल्लेख* करत नाहीत;

कबरेत* कोण तुझी स्तुती करेल?+

 ६ मी कण्हून कण्हून थकलोय;+

रात्रभर माझा बिछाना अश्रूंनी ओलाचिंब होतो;

माझ्या पलंगावर आसवांचा पूर येतो.+

 ७ शोकाने माझे डोळे थकले आहेत;+

छळ करणाऱ्‍यांमुळे माझी दृष्टी अंधूक झाली आहे.

 ८ दुष्टपणे वागणाऱ्‍यांनो, तुम्ही सगळे माझ्यापासून दूर व्हा,

कारण यहोवा माझ्या रडण्याचा आवाज नक्की ऐकेल.+

 ९ यहोवा माझी कृपेची याचना ऐकेल;+

यहोवा माझ्या प्रार्थनेचं उत्तर देईल.

१० माझे सर्व शत्रू लज्जित आणि भयभीत होतील;

एकाएकी झालेल्या अपमानामुळे* ते माघार घेतील.+

दावीदचं शोकगीत. बन्यामीन वंशातला कूश दावीदला जे बोलला,

त्यामुळे त्याने यहोवाला उद्देशून हे गीत गायलं.

 २ नाहीतर, सिंह फाडतो तसे ते मला फाडून माझे तुकडेतुकडे करतील,+

ते मला उचलून नेतील आणि मला सोडवणारा कोणीच नसेल.

 ३ हे यहोवा, माझ्या देवा, जर या बाबतीत मी दोषी असेन,

जर मी अन्यायीपणे वागलो असेन,

 ४ जर माझं भलं करणाऱ्‍याचं मी नुकसान केलं असेल,+

किंवा कारण नसताना माझ्या शत्रूला लुटलं असेल,*

 ५ तर शत्रूने माझा पाठलाग करून मला गाठावं;

त्याने मला पायाखाली तुडवावं

आणि माझं वैभव धुळीला मिळवावं. (सेला )

 ६ हे यहोवा, क्रोधित होऊन ऊठ;

माझ्या संतापलेल्या वैऱ्‍यांविरुद्ध उभा राहा;+

माझ्यासाठी जागा हो आणि न्याय व्हावा असा हुकूम कर.+

 ७ राष्ट्रांना तुझ्याभोवती एकत्र होऊ दे

आणि उच्च स्थानावरून त्यांच्याविरुद्ध कारवाई कर.

हे यहोवा, माझं नीतिमत्त्व

आणि माझा खरेपणा+ पाहून माझा न्याय कर.

 ९ कृपा करून दुष्टांच्या वाईट कृत्यांचा अंत कर;

पण, नीतिमानांचा मार्ग भक्कम कर.+

११ देव नीतिमान न्यायाधीश आहे,+

तो दररोज आपले न्यायदंड घोषित करतो.

१२ जर एखाद्याने पश्‍चात्ताप केला नाही,+ तर देव आपल्या तलवारीला धार लावतो;+

तो आपलं धनुष्य ताणून सज्ज करतो.+

१३ तो आपली घातक शस्त्रं तयार करतो

आणि आपले जळते बाण सज्ज करतो.+

१४ पोटात दुष्टतेचं बीज असणाऱ्‍याकडे पाहा;

तो संकटाचा गर्भ वाढवतो आणि लबाडीला जन्म देतो.+

१६ त्याने आणलेलं संकट त्याच्यावरच उलटेल;+

त्याचा अत्याचार त्याच्याच माथी येईल.

१७ मी यहोवाच्या न्यायाबद्दल त्याची प्रशंसा करीन;+

सर्वोच्च देव यहोवा+ याच्या नावाची स्तुती गाईन.*+

 २ तुझा विरोध करणाऱ्‍यांमुळे,

तू लहान मुलांच्या आणि तान्ह्या बाळांच्या तोंडून+ सामर्थ्य प्रकट केलं आहेस.

 ३ तू आपल्या हातांनी निर्माण केलेलं आकाश*

आणि तू घडवलेले चंद्र-तारे+ जेव्हा मी पाहतो,

तेव्हा माझ्या मनात विचार येतो,

 ४ नाशवंत माणूस काय आहे, की तू त्याला आठवणीत ठेवावं?

 ५ तू त्याला स्वर्गदूतांपेक्षा काहीसं कमी बनवलंस;

तू त्याला गौरवाचा आणि वैभवाचा मुकुट घातलास.

 ६ तुझ्या हातांच्या कार्यांवर तू त्याला अधिकार दिलास;+

तू सर्व गोष्टी त्याच्या पायांखाली ठेवल्या.*

 ७ मेंढरांचे व गुरांचे कळप,

आणि सर्व जंगली पशू;*+

 ८ आकाशातले पक्षी व समुद्रातले मासे,

तसंच, समुद्रात फिरणारे सर्व जीव!

९ हे यहोवा, मी अगदी पूर्ण मनाने तुझी स्तुती करीन;

तू केलेल्या अद्‌भुत गोष्टींचं मी वर्णन करीन.+

 २ मी तुझ्यामुळे आनंद करीन आणि हर्षित होईन;

हे सर्वोच्च देवा, मी तुझ्या नावाची स्तुती गाईन.*+

 ३ माझे शत्रू माघार घेतील;+

ते अडखळून पडतील आणि तुझ्यासमोरून नष्ट होतील.

 ४ कारण तू माझ्या हक्काचं समर्थन करतोस;

तू आपल्या राजासनावर बसून नीतीने न्याय करतोस.+

 ६ शत्रूंचा कायमचा नाश झालाय;

तू त्यांची शहरं उद्ध्‌वस्त केली आहेस,

त्यांची आठवणही कोणाला राहणार नाही.+

 ७ पण यहोवा राजासनावर बसून सर्वकाळासाठी राज्य करेल;+

त्याने न्यायासाठी आपलं राजासन स्थिर केलंय.+

 ८ तो सबंध पृथ्वीचा* नीतीने न्याय करेल;+

तो नीतीने राष्ट्रांचा न्यायनिवाडा करेल;+

ו [वाव ]

 ९ अत्याचार सोसणाऱ्‍यांसाठी यहोवा सुरक्षित आश्रय* होईल,+

संकटाच्या वेळी तो त्यांचा सुरक्षित आश्रय ठरेल.+

१० तुझं नाव जाणणारे तुझ्यावर भरवसा ठेवतील;+

हे यहोवा, तुझा शोध घेणाऱ्‍यांना तू कधीही त्यागणार नाहीस.+

११ सीयोनमध्ये राहणाऱ्‍या यहोवाची स्तुती गा;

त्याच्या कार्यांबद्दल सर्व लोकांना सांगा.+

१३ हे यहोवा, मरणाच्या दारातून मला परत आणणाऱ्‍या देवा,+

माझ्यावर कृपा कर; माझा द्वेष करणारे मला कसे छळतात ते पाहा.

१४ म्हणजे मी सीयोनच्या मुलीच्या फाटकांजवळ, तुझी प्रशंसनीय कार्यं घोषित करीन;+

तू केलेल्या तारणाच्या कृत्यांबद्दल मी आनंद करीन.+

१५ राष्ट्रांनी खोदलेल्या खड्ड्यात, ती स्वतःच पडली आहेत;

त्यांनी लपवलेल्या जाळ्यात, त्यांचाच पाय अडकलाय.+

१७ दुष्ट लोक आणि देवाला विसरणारी राष्ट्रं

परत कबरेकडे* जातील.

१८ पण गरिबांकडे कायम दुर्लक्ष केलं जाणार नाही;+

दीनदुबळ्यांची आशा कधीच नाहीशी होणार नाही.+

 २ दुष्ट गर्विष्ठपणे असाहाय्य माणसाचा पाठलाग करतो,+

पण त्याने रचलेल्या कटकारस्थानांमध्ये तो स्वतःच अडकेल.+

 ३ दुष्ट आपल्या स्वार्थी इच्छांबद्दल फुशारक्या मारतो+

आणि लोभी माणसाला आशीर्वाद देतो;*

נ [नून ]

तो यहोवाचा अनादर करतो.

 ४ दुष्ट आपल्या गर्वामुळे देवाचा शोध घेत नाही;

“देवच नाही,” अशी त्याला खातरी आहे.+

 ५ तो जे काही करतो त्यात त्याची भरभराट होते,+

पण तुझे नियम त्याच्या समजण्यापलीकडे आहेत.+

 ७ त्याच्या तोंडात कायम शिव्याशाप, लबाड्या आणि धमक्या असतात;+

छळाच्या आणि नाशाच्या गोष्टी त्याच्या जिभेवर असतात.+

 ८ तो वस्त्यांजवळ टपून बसलेला असतो;

लपण्याच्या ठिकाणातून बाहेर येऊन, तो निर्दोष माणसाची हत्या करतो.+

१० लाचार चिरडला जातो आणि त्याला धुळीला मिळवलं जातं;

असाहाय्य माणसं त्याच्या तावडीत* सापडतात.

लाचार लोक तुझ्याकडे येतात;+

तू अनाथाला* मदत करतोस.+

१५ दुष्ट आणि वाईट माणसाचा हात मोडून टाक,+

म्हणजे जेव्हा तू त्याची दुष्टता शोधशील,

तेव्हा तुला ती सापडणार नाही.

१८ तू अनाथांना आणि चिरडलेल्यांना न्याय देशील,+

म्हणजे यापुढे पृथ्वीवरचा तुच्छ मानव त्यांना घाबरवू शकणार नाही.+

 २ सरळ मनाच्या लोकांना मारण्यासाठी,

दुष्ट अंधारात कसं आपलं धनुष्य वाकवतात

आणि आपला बाण ताणतात, ते पाहा.

 ३ जर पायाच* ढासळला असेल,

तर नीतिमानांनी काय करावं?”

 ५ यहोवा नीतिमानासोबतच दुष्टाचंही परीक्षण करतो;+

हिंसाचाराची आवड असलेल्यांचा तो द्वेष करतो.+

 ६ तो दुष्टांवर संकटांचा* वर्षाव करेल;

त्यांच्या प्याल्यात आग, गंधक+ आणि होरपळणारा* वारा असेल.

१२ हे यहोवा, मला वाचव, कारण एकनिष्ठ माणसांपैकी एकही उरला नाही;

प्रामाणिक लोक नाहीसे झाले आहेत.

 २ माणसं एकमेकांशी खोटं बोलतात;

ते आपल्या ओठांनी खोटी स्तुती करतात आणि कपटी* मनाने बोलतात.+

 ३ खोटी स्तुती करणारे ओठ;

आणि फुशारक्या मारणारी जीभ+ यहोवा कापून टाकेल.

आम्ही आपल्या ओठांनी वाटेल ते बोलू;

आम्हाला हुकूम देणारा कोण?”+

 ५ “दीनदुबळ्यांवर जुलूम होत आहेत;

गोरगरीब उसासे टाकत आहेत;+

म्हणून, मी उठून कारवाई करीन.

 ६ यहोवाचे शब्द शुद्ध आहेत;+

ते मातीच्या भट्टीत,* सात वेळा शुद्ध केलेल्या चांदीसारखे आहेत.

 ७ हे यहोवा तू त्यांना सांभाळशील;+

या पिढीपासून सर्वकाळापर्यंत, तू त्यांच्यापैकी प्रत्येकाचं रक्षण करशील.

 ८ माणसं नीच कामांना प्रोत्साहन देतात,

त्यामुळे दुष्ट लोक बिनधास्त फिरत आहेत.+

 ५ मी तर तुझ्या एकनिष्ठ प्रेमावर भरवसा ठेवतो;+

तुझ्या तारणाच्या कार्यांमुळे माझं मन हर्षित होईल.+

ते वाईट कामं करतात आणि त्यांची वागणूक घृणास्पद आहे;

चांगली कामं करणारा एकही नाही.+

 ३ ते सगळे भरकटले आहेत;+

सगळेच्या सगळे भ्रष्ट आहेत.

चांगली कामं करणारा एकही नाही,

एकसुद्धा नाही!

 ५ पण ते भीतीने कावरेबावरे होतील,+

कारण यहोवा नीतिमान लोकांसोबत* आहे.

 ६ दुर्जनांनो, तुम्ही गरिबाच्या योजना धुळीला मिळवू पाहता,

पण यहोवा त्याचा आश्रय आहे.+

बंदिवासात असलेल्या आपल्या लोकांना यहोवा गोळा करेल,

तेव्हा याकोब आनंदी होवो, इस्राएल हर्ष करो!

 २ असा मनुष्य, जो निर्दोषपणे* चालतो,+

योग्य ते करतो+

आणि मनातसुद्धा खरं बोलतो.+

 ३ तो आपल्या जिभेने बदनामी करत नाही,+

आपल्या शेजाऱ्‍याचं वाईट करत नाही,+

आणि आपल्या मित्रांची निंदा करत नाही.*+

 ४ तो वाईट कामं करणाऱ्‍यांना तुच्छ लेखतो,+

पण यहोवाचं भय मानणाऱ्‍यांचा आदर करतो.

 ५ तो व्याजाने पैसे उसने देत नाही+

आणि निर्दोष माणसाविरुद्ध लाच घेत नाही.+

 ३ पृथ्वीवरचे पवित्र आणि प्रतिष्ठित जन

यांच्यामुळे मला खूप आनंद होतो.”+

मी कधीही त्यांच्यासाठी रक्‍ताची पेयार्पणं ओतणार नाही;

माझ्या ओठांवर त्यांची* नावं कधीही येणार नाहीत.+

तुझ्या सहवासात* अमाप सुख आहे;+

तुझ्या उजव्या हाताला सर्वकाळाचा आनंद* आहे.

१७ हे यहोवा, मी न्यायासाठी केलेली फिर्याद ऐक;

माझ्या मदतीच्या याचनेकडे लक्ष दे;

मी निष्कपट मनाने केलेल्या प्रार्थनेचं उत्तर दे.+

 ३ तू माझ्या हृदयाचं परीक्षण केलं आहेस; तू रात्रीच्या वेळी मला पारखलं आहेस;+

तू मला शुद्ध केलं आहेस,+

मी कोणतीही दुष्ट योजना केली नाही

आणि माझ्या तोंडून कोणतीही वाईट गोष्ट निघाली नाही, हे तुला दिसेल.

 ४ इतरांनी काहीही केलं,

तरी मी तुझ्या तोंडून निघालेल्या शब्दांप्रमाणे, लुटारूंच्या मार्गांपासून दूर राहतो.+

 ५ माझी पावलं तुझ्याच मार्गांवर राहू दे,

म्हणजे माझे पाय अडखळणार नाहीत.+

 ७ अद्‌भुत रितीने तुझं एकनिष्ठ प्रेम दाखव;+

हे देवा, तुझ्या विरोधकांपासून बचाव होण्यासाठी,

जे तुझ्या उजव्या हाताला आश्रय घेतात,

त्यांचं तू तारण करतोस.

 ८ तुझ्या डोळ्याच्या बाहुलीसारखं मला सांभाळ;+

तुझ्या पंखांनी माझ्यावर पाखर घाल.*+

 ९ माझ्या जिवावर उठलेल्या शत्रूंनी मला घेरलंय;

माझ्यावर हल्ला करणाऱ्‍या दुष्टांपासून माझं रक्षण कर.+

११ ते आम्हाला सर्व बाजूंनी वेढतात;+

आम्हाला खाली पाडण्याची संधी शोधतात.

१२ शिकारीचे तुकडेतुकडे करायला उतावीळ झालेल्या सिंहासारखा माझा शत्रू आहे;

तो टपून बसलेल्या तरुण सिंहासारखा आहे.

१३ हे यहोवा, ऊठ आणि त्याच्याशी सामना करून+ त्याला खाली पाड;

तुझ्या तलवारीने त्या दुष्टापासून माझी* सुटका कर.

१४ हे यहोवा, या जगातल्या* लोकांपासून माझी सुटका कर

त्यांचा वाटा याच जीवनात आहे;+

तू त्यांना पुष्कळ चांगल्या गोष्टी देऊन तृप्त करतोस+

आणि ते आपल्या मुलांसाठी वारसा ठेवून जातात.

१५ पण माझ्या नीतिमत्त्वामुळे तू माझ्यावर कृपा करशील;

मी जागा होऊन तुला* पाहीन, तेव्हा मला समाधान मिळेल.+

 ३ यहोवा स्तुतिपात्र आहे, मी त्याला प्रार्थना करतो;

तो मला माझ्या शत्रूंपासून वाचवेल.+

 ४ मृत्यूच्या दोरांनी मला वेढलं;+

नीच माणसांच्या महापुराने मला घाबरवून सोडलं.+

 ५ कबरेच्या* दोरांनी मला घेरलं;

मी मृत्यूच्या सापळ्यांत अडकलो.+

 ६ संकटात मी यहोवाला हाक मारली,

मी माझ्या देवाला मदतीची याचना करत राहिलो.

त्याने त्याच्या मंदिरातून माझी हाक ऐकली,+

आणि माझी मदतीची याचना त्याच्या कानापर्यंत पोहोचली.+

 ७ तेव्हा पृथ्वी हादरली आणि थरथरू लागली;+

पर्वत लटपटू लागले

 ८ त्याच्या नाकपुड्यांतून धूर,

आणि त्याच्या तोंडातून भस्म करणारी आग निघू लागली;+

त्याच्यासमोर निखारे धगधगत होते.

 ९ खाली उतरताना त्याने आकाशाला वाकवलं,+

त्याच्या पायांखाली काळाकुट्ट अंधार होता.+

११ मग त्याने स्वतःला अंधाराने झाकून घेतलं,+

त्याच्याभोवती घनदाट काळ्या ढगांचा मंडप होता.+

१२ त्याच्यासमोर असलेल्या तेजाने,

ढगांतून गारा आणि निखारे बाहेर पडले.

१३ यहोवा आकाशात गर्जू लागला;+

सर्वोच्च देवाचा आवाज ऐकू आला.+

१४ त्याने बाण मारून माझ्या शत्रूंची पांगापांग केली;+

वीज पाडून त्यांचा गोंधळ उडवला.+

१५ हे यहोवा, तुझ्या धमकावण्यामुळे जमिनीचे पाये उघडे पडले;

तुझ्या नाकपुड्यांतून निघणाऱ्‍या जोरदार श्‍वासाने,

नद्यांचे तळ* दिसू लागले.+

१६ तो उंचावरून खाली वाकला;

त्याने मला धरून, खोल पाण्यातून बाहेर काढलं.+

१७ त्याने माझा द्वेष करणाऱ्‍या, माझ्यापेक्षा बलवान असलेल्या,

माझ्या शक्‍तिशाली शत्रूपासून मला सोडवलं.+

१८ माझ्या संकटाच्या दिवशी ते माझ्यावर उठले,+

पण यहोवा माझ्या पाठीशी होता.

१९ त्याने मला सुरक्षित ठिकाणी* आणलं;

तो माझ्यावर खूश होता, म्हणून त्याने मला वाचवलं.+

२० यहोवा माझ्या नीतिमत्त्वाप्रमाणे;

माझ्या हातांच्या निर्दोषतेप्रमाणे* मला प्रतिफळ देतो.+

२१ कारण मी यहोवाच्या मार्गांनी चाललो;

माझ्या देवाला सोडून देण्याचा दुष्टपणा मी केला नाही.

२२ त्याचे सर्व न्याय-निर्णय* माझ्यासमोर आहेत;

मी त्याच्या कायद्यांकडे दुर्लक्ष करणार नाही.

२३ मी त्याच्यासमोर नेहमी निर्दोष राहीन,+

स्वतःला अपराधापासून दूर ठेवीन.+

२४ यहोवाने मला माझ्या नीतिमत्त्वाप्रमाणे;

माझ्या हातांच्या निर्दोषतेप्रमाणे मला प्रतिफळ द्यावं.+

२५ जो एकनिष्ठ, त्याच्याशी तू एकनिष्ठपणे वागतोस;+

प्रामाणिक माणसाशी तू प्रामाणिकपणे वागतोस.+

२६ जो शुद्ध, त्याच्याशी तू शुद्धतेने वागतोस,+

पण कपटी माणसाशी तू हुशारीने वागतोस.+

२७ कारण तू दीनदुबळ्यांना* वाचवतोस,+

पण गर्विष्ठांना* तू खाली पाडतोस.+

२८ हे यहोवा, तूच माझा दिवा पेटवतोस,

माझ्या देवा, तू माझ्या अंधाराला प्रकाशात बदलतोस.+

२९ तुझ्या मदतीने मी लुटारूंच्या टोळीवर तुटून पडू शकतो;+

देवाच्या सामर्थ्याने मी तट ओलांडू शकतो.+

३० खऱ्‍या देवाचा मार्ग परिपूर्ण आहे;+

यहोवाचे शब्द शुद्ध आहेत.+

३२ खरा देवच माझ्यावर सामर्थ्याचं वस्त्र पांघरतो,+

तो माझा मार्ग मोकळा करेल.+

३३ तो माझे पाय हरणाच्या पायांसारखे चपळ करतो;

तो मला उंच ठिकाणी उभं करतो.+

३४ तो माझ्या हातांना युद्धकला शिकवतो;

माझे बाहू तांब्याचं धनुष्य वाकवू शकतात.

३५ तू मला तुझी तारणाची ढाल देतोस,+

तुझा उजवा हात मला आधार देतो*

३६ माझ्या पावलांसाठी तू मार्ग रुंद करतोस;

माझे पाय घसरणार नाहीत.+

३७ मी आपल्या शत्रूंचा पाठलाग करून त्यांना गाठीन;

त्यांचा सर्वनाश होईपर्यंत मी परत येणार नाही.

३८ मी त्यांना असं चिरडून टाकीन, की ते पुन्हा उठूच शकणार नाहीत;+

ते माझ्या पायांजवळ पडतील.

३९ तू मला शक्‍ती देऊन युद्धासाठी सज्ज करशील;

माझ्या वैऱ्‍यांना तू माझ्यासमोर खाली पाडशील.+

४० तू माझ्या शत्रूंना माझ्यापुढून माघार घ्यायला लावशील,

माझा द्वेष करणाऱ्‍यांचा मी अंत करीन.*+

४१ ते मदतीची याचना करतात, पण त्यांना वाचवायला कोणीही नाही;

ते यहोवालाही हाक मारतात, पण तो त्यांना उत्तर देत नाही.

४२ वाऱ्‍यासोबत उडून जाणाऱ्‍या धुळीसारखा मी त्यांचा भुगा करीन;

रस्त्यावरच्या चिखलासारखं मी त्यांना फेकून देईन.

४४ माझ्याबद्दल नुसतं ऐकूनही ते माझी आज्ञा पाळतील;

विदेशी लोक घाबरत घाबरत माझ्यापुढे येतील.+

४५ विदेशी लोकांचं धैर्य खचेल,

ते थरथर कापत आपल्या गडांमधून बाहेर येतील.

४७ खरा देव माझ्या शत्रूंचा बदला घेतो;+

तो राष्ट्रांना माझ्या अधीन करतो.

हे देवा, माझ्यावर हल्ला करणाऱ्‍यांपासून तू मला दूर उंचावर ठेवतोस;+

हिंसाचार करणाऱ्‍यापासून तू मला वाचवतोस.

४९ म्हणून हे यहोवा, मी राष्ट्रांमध्ये तुझा महिमा करीन,+

मी तुझ्या नावाचं गुणगान करीन.*+

५० तो आपल्या राजाचं अद्‌भुत रितीने तारण करतो;*+

तो आपल्या अभिषिक्‍तावर;+

दावीदवर आणि त्याच्या संततीवर*+ सर्वकाळ एकनिष्ठ प्रेम करतो.

१९ आकाश देवाच्या गौरवाचं वर्णन करतं;+

अंतराळ त्याच्या हस्तकृती* जाहीर करतं.+

 २ प्रत्येक दिवशी त्यांचे शब्द खळखळत्या झऱ्‍यासारखे वाहतात;

प्रत्येक रात्री ते ज्ञान प्रकट करतात.

 ३ बोल नाहीत, शब्द नाहीत;

त्यांचा ध्वनीही ऐकू येत नाही.

 ४ पण त्यांचा आवाज* सबंध पृथ्वीवर;

आणि त्यांचा संदेश पृथ्वीच्या कानाकोपऱ्‍यांत पोहोचला आहे.+

 ५ तो वरासारखा आपल्या शयनगृहातून* बाहेर पडतो;

शूरवीराप्रमाणे आपल्या मार्गावरून धावताना त्याला आनंद होतो.

 ६ तो आकाशाच्या एका टोकावर उगवतो,

आणि दुसऱ्‍या टोकापर्यंत प्रवास करतो;+

त्याच्या उष्णतेपासून काहीच लपू शकत नाही.

 ८ यहोवाचे आदेश नीतिमान आहेत, ते मनाला आनंद देतात;+

यहोवाच्या आज्ञा निर्मळ* आहेत, त्या डोळ्यांत तेज आणतात.+

१० ते सोन्यापेक्षा, भरपूर शुद्ध* सोन्यापेक्षाही मौल्यवान आहेत;+

आणि मधापेक्षा, पोळ्यातून झिरपणाऱ्‍या मधापेक्षाही गोड आहेत.+

११ ते तुझ्या सेवकाला सावध करतात;+

त्यांचं पालन केल्यामुळे मोठं प्रतिफळ मिळतं.+

१३ गर्विष्ठ कृत्यांपासून तुझ्या या सेवकाला आवर;+

त्यांना माझ्यावर सत्ता गाजवू देऊ नकोस.+

तेव्हाच मी निष्कलंक होईन+

आणि पुष्कळ पापांपासून* निर्दोष ठरीन.

 २ तो तुला पवित्र ठिकाणावरून मदत पाठवो,+

सीयोनवरून तुझा सांभाळ करो.+

 ३ तुझ्या सर्व अर्पणांची* तो आठवण ठेवो;

तू दिलेल्या होमार्पणाचा तो आनंदाने* स्वीकार करो. (सेला )

 ४ तुझ्या मनातल्या सर्व इच्छा तो पूर्ण करो,+

आणि तुझ्या सर्व योजना सफल करो.

तो त्याच्या पवित्र स्वर्गातून त्याला उत्तर देतो;

तो आपल्या उजव्या हाताने अद्‌भुत रितीने त्याचं तारण करतो.*+

 ७ कोणी रथांवर, तर कोणी घोड्यांवर भरवसा ठेवतं,+

पण आम्ही तर आमचा देव यहोवा याच्या नावाची स्तुती करू!+

 २ तू त्याचा मानस* पूर्ण केला आहेस,+

त्याच्या तोंडून निघालेली विनंती तू नाकारली नाहीस. (सेला )

 ३ तू भरपूर आशीर्वाद घेऊन त्याच्या भेटीला येतोस;

तू त्याच्या डोक्यावर शुद्ध* सोन्याचा मुकुट ठेवतोस.+

 ४ त्याने तुझ्याकडे आयुष्य मागितलं आणि तू ते त्याला दिलंस,+

पुष्कळ वर्षांचं,* सदासर्वकाळाचं जीवन तू त्याला दिलंस.

 ६ त्याला तुझ्याकडून कायम आशीर्वाद मिळत राहतील;+

तुझ्या सहवासाच्या* आनंदामुळे तू त्याला हर्षित करतोस.+

 ७ कारण राजा यहोवावर भरवसा ठेवतो;+

सर्वोच्च देवाच्या एकनिष्ठ प्रेमामुळे तो कधीच डळमळणार नाही.*+

 ८ तुझे सर्व शत्रू तुझ्या हाती लागतील;

तुझा द्वेष करणारे तुझ्या उजव्या हातात सापडतील.

१० त्यांच्या वंशजांना तू पृथ्वीवरून नष्ट करशील;

त्यांच्या संततीला मानवांमधून नाहीसं करशील.

११ कारण तुझं वाईट करण्याचा त्यांचा इरादा होता;+

पण त्यांचे बेत यशस्वी होणार नाहीत.+

 २ माझ्या देवा, मी दिवसा तुला विनवणी करतो, पण तू उत्तर देत नाहीस;+

रात्रीही मी तुला हाका मारत राहतो.

 ३ पण तू पवित्र आहेस,+

इस्राएलची स्तुती तुझ्या सभोवती आहे.*

 ४ आमच्या वाडवडिलांनी तुझ्यावर भरवसा ठेवला;+

त्यांनी तुझ्यावर विश्‍वास ठेवला आणि तू त्यांना संकटातून सोडवत राहिलास.+

 ५ त्यांनी तुला हाक मारली आणि तू त्यांना वाचवलंस;

त्यांनी तुझ्यावर भरवसा ठेवला आणि त्यांची निराशा झाली नाही.*+

 ६ पण मी माणूस नाही, तर नुसताच एक किडा आहे,

माणसं माझी थट्टा करतात* आणि लोक मला तुच्छ लेखतात.+

 ७ मला पाहणारे माझी थट्टा करतात;+

ते मला हसतात आणि डोकं हलवून माझी मस्करी करतात.+ ते म्हणतात:

 ९ तूच मला माझ्या आईच्या उदरातून* बाहेर आणलंस,+

मी आईच्या अंगावर पीत होतो, तेव्हापासून तू मला सुरक्षित ठेवलंस.

११ माझ्यापासून दूर राहू नकोस, कारण संकट जवळ आलंय;+

मला साहाय्य करणारा तुझ्याशिवाय कोणीही नाही.+

१२ पुष्कळ तरण्या बैलांनी मला घेरलंय;+

बाशानच्या दांडग्या बैलांनी मला वेढलंय.+

१३ शिकारीचे तुकडेतुकडे करणाऱ्‍या, एखाद्या गरजणाऱ्‍या सिंहासारखा,+

माझ्या शत्रूंनी मला गिळण्यासाठी जबडा पसरलाय.+

१४ मला पाण्यासारखं ओतण्यात आलंय;

माझी सगळी हाडं सांध्यांतून निखळली आहेत.

माझं हृदय मेणासारखं झालंय,+

ते आतल्या आत वितळतंय.+

१५ एखाद्या खापरीसारखी माझी शक्‍ती सुकून गेली आहे;+

माझी जीभ टाळूला चिकटली आहे;+

तू मला मरणाच्या धुळीत लोळवलं आहेस.+

१६ कुत्र्यांनी मला वेढलंय;+

दुर्जनांच्या टोळीसारखा त्यांनी माझ्याभोवती गराडा घातलाय,+

एखाद्या सिंहासारखे ते माझ्या हातापायांच्या चिंधड्या करतात.+

१८ ते माझी वस्त्रं आपसात वाटून घेतात,

आणि माझ्या कपड्यांसाठी चिठ्ठ्या टाकतात.+

२० तलवारीपासून माझा जीव वाचव,

कुत्र्यांच्या पंजांपासून* माझ्या अनमोल जीवनाचं* रक्षण कर.+

२१ सिंहाच्या जबड्यातून+ आणि रानबैलांच्या शिंगांपासून मला वाचव;

माझ्या प्रार्थनेचं उत्तर दे आणि मला सोडव.

२२ मी आपल्या भावांसमोर तुझं नाव घोषित करीन;+

मंडळीत मी तुझी स्तुती करीन.+

२४ कारण जुलूम सहन करणाऱ्‍याच्या दुःखाकडे त्याने दुर्लक्ष केलं नाही;

किंवा ते तुच्छ लेखलं नाही.+

२५ मी मोठ्या मंडळीत तुझी स्तुती करीन;+

तुझी भीती बाळगणाऱ्‍यांसमोर मी आपले नवस फेडीन.

२६ नम्र लोक खातील आणि तृप्त होतील;+

यहोवाचा शोध घेणारे त्याची स्तुती करतील.+

२८ कारण राज्य यहोवाचं आहे;+

तो राष्ट्रांवर शासन करतो.

२९ पृथ्वीवरचे सर्व श्रीमंत* लोक मेजवानी करतील आणि त्याला नमन करतील;

धुळीला मिळणारे सर्व त्याच्यापुढे गुडघे टेकतील;

त्यांच्यापैकी कोणीही आपला जीव वाचवू शकत नाही.

३० त्यांचे वंशज* त्याची सेवा करतील;

येणाऱ्‍या पिढीला यहोवाबद्दल सांगितलं जाईल.

 २ तो मला हिरव्यागार कुरणांत* विसावा घेऊ देतो;

भरपूर पाणी असलेल्या ठिकाणी,* तो मला विश्रांतीसाठी नेतो.+

 ४ मी काळोख्या दरीतून चालत असलो,+

तरी मला कशाचीही भीती वाटत नाही,+

कारण तू माझ्यासोबत असतोस;+

तुझ्या काठीने आणि आकड्याने मला सुरक्षित वाटतं.*

तू माझ्या डोक्याला, तजेला देणारं तेल लावतोस;+

माझा प्याला काठोकाठ भरला आहे.+

२४ पृथ्वी आणि तिच्यावर असलेलं सर्वकाही यहोवाचं आहे;+

उपजाऊ जमीन आणि तिच्यावर राहणारे सर्व त्याचेच आहेत.

 २ कारण त्याने समुद्रांवर तिचा पाया घातलाय;+

त्याने नद्यांवर तिला स्थिर केलंय.

 ४ ज्याचे हात निर्दोष आणि मन शुद्ध आहे;+

ज्याने माझ्या जिवाची* खोटी शपथ घेतली नाही;

किंवा कपटी मनाने शपथ घेतली नाही,+ असा माणूस.

 ५ त्याला यहोवाकडून आशीर्वाद मिळतील;+

त्याचं तारण करणारा देव त्याला नीतिमान ठरवेल.*+

 ७ दरवाजांनो, आपली डोकी वर करा;+

प्राचीन काळातल्या प्रवेशद्वारांनो, उघडा!*

तो बलवान आणि शक्‍तिशाली यहोवा आहे;+

तो युद्धात पराक्रमी असलेला यहोवा आहे.+

 ९ दरवाजांनो, आपली डोकी वर करा;+

प्राचीन काळातल्या प्रवेशद्वारांनो, उघडा!

 २ माझ्या देवा, तुझ्यावर माझा भरवसा आहे;+

मला लज्जित होऊ देऊ नकोस.+

 ३ तुझी आशा बाळगणाऱ्‍यांना लज्जित व्हावं लागणार नाही,+

पण, कारण नसताना दगा देणारे लज्जित होतील.+

 ४ हे यहोवा, तुझे मार्ग मला दाखव;+

तुझ्या वाटेने चालायला मला शिकव.+

 ५ तुझ्या खऱ्‍या मार्गावर मला चालव आणि मला मार्गदर्शन कर,+

कारण तू माझं तारण करणारा देव आहेस.

तुझ्या एकनिष्ठ प्रेमानुसार,+

तुझ्या चांगुलपणामुळे माझी आठवण कर.+

 ९ तो नम्र लोकांना नीतीच्या* मार्गाने नेतो,+

तो नम्र लोकांना आपला मार्ग शिकवतो.+

१० जे यहोवाचा करार+ आणि त्याच्या स्मरण-सूचना+ पाळतात,

त्यांच्याशी तो नेहमी एकनिष्ठ प्रेमाने आणि विश्‍वासूपणे वागतो.

१२ जो माणूस यहोवाची भीती बाळगतो,+

त्याने कोणता मार्ग निवडावा, हे तो त्याला शिकवेल.+

१३ त्याचं भलं होईल;+

त्याचे वंशज* सबंध पृथ्वीवर राहतील.+

१४ जे यहोवाची भीती बाळगतात, त्यांच्याशी त्याची जवळची मैत्री असते,+

तो त्यांना आपला करार कळवतो.+

१५ माझे डोळे सतत यहोवाकडे लागलेले आहेत,+

कारण तोच माझे पाय जाळ्यातून सोडवेल.+

१६ माझ्याकडे लक्ष दे* आणि माझ्यावर कृपा कर

कारण मी एकटा आणि असाहाय्य आहे.

१७ माझ्या मनाला खूप यातना होत आहेत;+

माझ्या दुःखातून मला सोडव.

१८ माझं दुःख, माझ्या यातना बघ;+

माझ्या सर्व पापांची क्षमा कर.+

१९ माझे शत्रू असंख्य झाले आहेत;

ते किती खुनशीपणे माझा द्वेष करतात, ते पाहा.

२१ खरेपणा आणि सरळपणा माझं रक्षण करोत,+

कारण मी तुझ्यावर आशा ठेवतो.+

२६ हे यहोवा, माझा न्याय कर, कारण मी खरेपणाने चाललोय;+

मी यहोवावर भरवसा ठेवलाय; माझा भरवसा कधीही ढळला नाही.+

 २ हे यहोवा, मला पारख आणि माझी परीक्षा घे;

माझ्या मनातले खोल विचार* आणि माझं हृदय शुद्ध कर.+

 ३ कारण तुझं एकनिष्ठ प्रेम सतत माझ्या डोळ्यांपुढे असतं;

मी तुझ्या खऱ्‍या मार्गाने चालतो.+

 ४ फसवणूक करणाऱ्‍यांसोबत मी राहत* नाही,+

ढोंगी लोकांपासून* मी दूर राहतो.

 ५ दुष्टांची संगत मला नकोशी वाटते,+

आणि मी दुर्जनांची सोबत नाकारतो.*+

 ६ हे यहोवा, मी निर्दोषतेने माझे हात धुईन;

मी तुझ्या वेदीभोवती फिरेन.

 ७ मी मोठ्याने तुझी उपकारस्तुती करीन;+

मी तुझ्या सर्व अद्‌भुत कार्यांचं वर्णन करीन.

 ८ हे यहोवा, तू राहत असलेलं घर;+

आणि तुझ्या गौरवाचं ठिकाण मला प्रिय वाटतं.+

 ९ पापी लोकांसोबत माझा नाश करू नकोस;+

हिंसक लोकांसोबत* माझा जीव घेऊ नकोस.

१० त्यांचे हात लाजिरवाणी कृत्यं करतात;

त्यांचा उजवा हात लाचखोरी करतो.

१२ मी सुरक्षित ठिकाणी उभा आहे;+

मी मोठ्या मंडळीत* यहोवाची स्तुती करीन.+

 २ माझं मांस खाण्यासाठी दुष्टांनी माझ्यावर हल्ला केला,+

पण माझे विरोधक आणि माझे शत्रू स्वतःच अडखळून पडले.

 ३ संपूर्ण सैन्याने जरी माझ्याविरुद्ध छावणी केली,

तरीही माझं हृदय घाबरणार नाही.+

ते माझ्याशी युद्ध करायला आले,

तरीही मी भरवसा ठेवीन.

 ४ मी यहोवाकडे एकच विनंती केली आहे;

माझी एवढीच इच्छा आहे,

की मी आयुष्यभर यहोवाच्या घरात राहावं,+

म्हणजे मला यहोवाचा चांगुलपणा पाहता येईल

आणि त्याच्या मंदिराकडे बघण्याचं* सुख मला मिळेल.+

 ५ कारण संकटाच्या दिवशी तो मला आपल्या आश्रयात लपवेल;+

तो मला त्याच्या तंबूमध्ये, त्याच्या गुप्त ठिकाणी लपवेल;+

तो मला उंच खडकावर ठेवेल.+

 ६ मला घेरणाऱ्‍या शत्रूंवर, मी आता वर्चस्व मिळवलंय;

मी आनंदाने जल्लोष करत त्याच्या तंबूमध्ये बलिदानं अर्पण करीन;

मी यहोवाची स्तुती गाईन.*

 ७ हे यहोवा, मी हाक मारीन तेव्हा माझं ऐक;+

माझ्यावर कृपा कर आणि मला उत्तर दे.+

 ८ “मला शोधा,” या तुझ्या आज्ञेची आठवण

मला माझं मन करून देतं;

हे यहोवा, मी तुझा शोध घेईन.+

तू माझा सहायक आहेस;+

माझं तारण करणाऱ्‍या देवा, माझा त्याग करू नकोस, मला सोडू नकोस.

१० माझ्या स्वतःच्या आईवडिलांनी जरी मला सोडून दिलं,+

तरी यहोवा मला जवळ घेईल.+

११ हे यहोवा, तुझा मार्ग मला शिकव,+

माझ्या शत्रूंपासून वाचण्यासाठी मला सरळ मार्गाने ने.

१२ मला माझ्या विरोधकांच्या हाती देऊ नकोस,+

कारण माझ्याविरुद्ध खोटे साक्षीदार उठले आहेत,+

ते माझा घात करण्याच्या धमक्या देतात.

१३ मी जिवंतांच्या देशात यहोवाचा चांगुलपणा पाहीन, असा विश्‍वास मला नसता,

तर आज मी कुठे असतो?*+

१४ यहोवावर आशा ठेव;+

धैर्यवान हो आणि आपलं मन खंबीर कर.+

२८ हे यहोवा, तू माझा खडक आहेस;+ मी तुला हाक मारत राहतो;

माझ्या हाकेकडे दुर्लक्ष करू नकोस.

तू मला उत्तर दिलं नाहीस,

तर कबरेत* जाणाऱ्‍यांसारखी माझी स्थिती होईल.+

 २ तुझ्या घराच्या परमपवित्र स्थानाकडे मी हात उंचावतो;+

माझ्या मदतीच्या याचना ऐक.

 ४ त्यांच्या वाईट कृत्यांप्रमाणे

आणि त्यांच्या कामांप्रमाणे त्यांची परतफेड कर.+

त्यांच्या वागणुकीप्रमाणे

आणि त्यांनी केलेल्या कार्यांप्रमाणे त्यांना मोबदला दे.+

 ५ कारण ते यहोवाच्या कार्यांकडे;

त्याच्या हाताच्या कार्यांकडे जराही लक्ष देत नाहीत.+

 ७ यहोवा माझी ताकद+ आणि माझी ढाल आहे;+

मी मनापासून त्याच्यावर भरवसा ठेवतो.+

 ८ यहोवा त्याच्या लोकांचं सामर्थ्य आहे;

तो त्यांचा गड आहे; त्याच्या अभिषिक्‍ताचं तो अद्‌भुत रितीने तारण करतो.+

 २ यहोवाच्या गौरवशाली नावाचा महिमा करा;

पवित्र वस्त्रं घालून* यहोवाला नमन* करा.

 ३ यहोवाचा आवाज ढगांवरून ऐकू येतो;

गौरवशाली देव गर्जना करतो.+

 ५ यहोवाच्या आवाजाने देवदार वृक्ष खाली पडतात;

यहोवाच्या आवाजाने लबानोनचे देवदार वृक्ष कोसळतात.+

 ६ तो लबानोनला* वासरासारख्या उड्या मारायला लावतो,

तो सिर्योनला+ तरण्या रानबैलासारख्या उड्या मारायला लावतो.

 ८ यहोवाच्या आवाजामुळे ओसाड रान भीतीने थरथरू लागतं;+

यहोवा कादेशच्या ओसाड रानाचा+ थरकाप उडवतो.

१० यहोवा आकाशातल्या महासागरावर* विराजमान आहे;+

यहोवा आपल्या राजासनावर बसून सर्वकाळ राज्य करतो.+

३० हे यहोवा, मी तुझा महिमा करीन, कारण तू मला वर आणलं* आहेस;

माझ्या दुःखाबद्दल तू माझ्या शत्रूंना आनंद करू दिला नाहीस.+

 ५ कारण त्याचा क्रोध क्षणभरासाठी असतो,+

पण त्याची कृपा* आयुष्यभरासाठी असते.+

 ८ हे यहोवा, मी तुला हाक मारत राहिलो;+

मी यहोवाला कृपेची याचना करत राहिलो.

११ मी शोक करत होतो, पण तू मला आनंदाने नाचायला लावलंस;

मी पांघरलेलं गोणपाट काढून, तू मला आनंदाचं वस्त्र घातलंस.

माझ्यासाठी पर्वतावरच्या गडासारखा हो;

सुरक्षित आश्रय होऊन मला वाचव.+

 ३ कारण तू माझा खडक आणि माझा गड आहेस;+

तुझ्या नावासाठी+ तू मला मार्ग दाखवशील आणि सांभाळशील.+

 ४ त्यांनी गुप्तपणे माझ्यासाठी पसरलेल्या जाळ्यातून तू मला सोडवशील,+

कारण तू माझा दुर्ग आहेस.+

 ६ बिनकामाच्या, निरुपयोगी मूर्तींची उपासना करणाऱ्‍यांचा मी द्वेष करतो;

माझा भरवसा तर यहोवावर आहे.

 ७ तुझ्या एकनिष्ठ प्रेमामुळे मी मनापासून आनंदी होईन,

कारण तू माझं दुःख पाहिलं आहेस;+

मला* होणाऱ्‍या यातना तू जाणतोस.

 ८ तू मला शत्रूंच्या हाती दिलं नाहीस;

तर एका सुरक्षित* ठिकाणी तू मला उभं केलं आहेस.

१० दुःखाने माझं जीवन संपवून टाकलंय+

आणि कण्हण्यात माझं आयुष्य गेलंय.+

माझ्या अपराधामुळे मी दुर्बळ झालोय;

माझी हाडं झिजली आहेत.+

११ माझे सर्व शत्रू, खासकरून माझे शेजारी

मला तुच्छ लेखतात.+

माझ्या ओळखीचे लोक मला घाबरतात;

चारचौघांत मला पाहिल्यावर, ते माझ्यापासून दूर पळतात.+

१२ त्यांनी माझी आठवण मनातून काढून टाकली आहे;

मेलेल्या माणसाप्रमाणे ते मला विसरून गेले आहेत.

१३ भीतीने मला घेरलंय,+

कारण मी बऱ्‍याच खोट्या अफवा ऐकल्या आहेत.

ते माझ्याविरुद्ध एकत्र येऊन,

मला मारून टाकण्याचा* कट रचतात.+

दुष्टांची लाजिरवाणी स्थिती होऊ दे;+

ते कबरेत* कायमचे गप्प होवोत.+

१८ खोटं बोलणारे मुके होऊ दे,+

नीतिमानांना तुच्छ लेखून, त्यांच्याशी गर्विष्ठपणे आणि उद्धटपणे बोलणाऱ्‍यांची वाचा जाऊ दे.

२० तू त्यांना माणसांच्या कटकारस्थानांपासून,

आपल्या जवळ, एका गुप्त ठिकाणी लपवशील;+

तू निंदा करणाऱ्‍यांच्या हल्ल्यांपासून,*

त्यांना आपल्या आश्रयात लपवशील.+

यहोवा विश्‍वासू लोकांचं रक्षण करतो,+

पण गर्विष्ठपणे वागणाऱ्‍यांची तो चांगलीच परतफेड करतो.+

२४ यहोवाची वाट पाहणाऱ्‍यांनो,+

धैर्यवान व्हा! आपलं मन खंबीर करा!+

 ३ मी गप्प राहिलो, तेव्हा दिवसभर कण्हून कण्हून

माझी हाडं झिजू लागली.+

 ५ शेवटी मी माझं पाप तुझ्याजवळ कबूल केलं;

मी माझी चूक लपवली नाही.+

 ६ म्हणूनच, तू सापडू शकतोस तोपर्यंत+

प्रत्येक एकनिष्ठ माणसाने तुला प्रार्थना करावी.+

 ७ तू माझा आश्रय आहेस;

तू मला संकटापासून सुरक्षित ठेवशील.+

 ९ बुद्धी नसलेल्या घोड्यासारखे किंवा खेचरासारखे होऊ नका;+

त्यांना आवरण्यासाठी लगाम किंवा दोरी लागते,

तेव्हाच ते तुमच्याजवळ येतात.”

१० दुष्टाला पुष्कळ दुःखं भोगावी लागतात;

पण यहोवावर भरवसा ठेवणाऱ्‍यावर तो आपल्या एकनिष्ठ प्रेमाची पाखर घालतो.*+

११ नीतिमान लोकांनो, यहोवामुळे आनंद करा आणि हर्षित व्हा;

सरळ मनाच्या लोकांनो, आनंदाने जयजयकार करा.

 २ वीणा* वाजवून यहोवाला धन्यवाद द्या;

मोठी वीणा वाजवून त्याची स्तुती गा.*

 ३ कुशलपणे वाद्य वाजवून, आनंदाने जल्लोष करत

त्याच्यासाठी एक नवीन गीत गा.+

 ४ कारण यहोवाचा शब्द खरा आहे,+

आणि त्याची सर्व कार्यं भरवशालायक आहेत.

 ६ यहोवाच्या शब्दाने आकाश निर्माण करण्यात आलं,+

त्याच्या श्‍वासाने त्यातलं सर्वकाही* अस्तित्वात आलं.

 ७ बांध घालून अडवावं, तसं तो महासागरांचं पाणी अडवतो;+

तो उसळतं पाणी कोठारांत साठवतो.

 ९ कारण तो बोलला आणि सर्वकाही अस्तित्वात आलं;+

त्याने आज्ञा दिली आणि ते स्थिर झालं.+

१० यहोवाने राष्ट्रांच्या योजना निष्फळ केल्या आहेत;+

त्याने त्यांचे संकल्प* धुळीला मिळवले आहेत.+

११ पण यहोवाचे निर्णय सर्वकाळ टिकून राहतील;+

त्याच्या मनातले विचार पिढ्या न्‌ पिढ्या कायम राहतात.

१२ ज्या राष्ट्राचा देव यहोवा आहे;

ज्या लोकांना त्याने आपली संपत्ती म्हणून निवडलंय, ते सुखी आहेत!+

१३ यहोवा स्वर्गातून खाली पाहतो;

तो सर्व माणसांना न्याहाळतो.+

१४ आपल्या निवासस्थानातून,

तो पृथ्वीच्या रहिवाशांना पाहतो.

१५ तोच सर्वांचं हृदय घडवतो;

तो त्यांच्या सर्व कार्यांचं परीक्षण करतो.+

१६ मोठ्या सैन्यामुळे राजाचं रक्षण होत नाही;+

अफाट सामर्थ्य शूरवीराला वाचवू शकत नाही.+

१७ विजय मिळवण्यासाठी* घोड्यावर भरवसा ठेवणं व्यर्थ आहे;+

त्याची प्रचंड ताकद सुटकेची खातरी देऊ शकत नाही.

१८ पाहा! यहोवाचं भय मानणाऱ्‍यांवर;

त्याच्या एकनिष्ठ प्रेमाची आस धरणाऱ्‍यांवर त्याची नजर असते.+

१९ तो त्यांना* मृत्यूपासून वाचवतो

आणि दुष्काळातही जिवंत ठेवतो.+

२१ आमच्या मनाला त्याच्यामुळे आनंद होतो,

कारण आम्ही त्याच्या पवित्र नावावर भरवसा ठेवतो.+

३४ मी नेहमी यहोवाची स्तुती करीन;

त्याची स्तुती सतत माझ्या ओठांवर असेल.

 २ मी यहोवाबद्दल बढाई मारीन;+

नम्र लोक ऐकतील आणि त्यांना आनंद होईल.

 ३ माझ्यासोबत यहोवाचा महिमा करा;+

आपण सर्व मिळून त्याच्या नावाची स्तुती करू.

 ५ त्याच्यावर भरवसा ठेवणाऱ्‍यांचे चेहरे प्रसन्‍न झाले;

त्यांना लज्जित व्हावं लागलं नाही.

 ७ यहोवाची भीती बाळगणाऱ्‍यांभोवती त्याचा स्वर्गदूत छावणी करतो,+

आणि तो त्यांची सुटका करतो.+

 ८ यहोवा किती चांगला आहे, याची पारख करून पाहा;*+

त्याचा आश्रय घेणारा सुखी असतो!

 ९ यहोवाच्या सर्व पवित्र सेवकांनो, त्याची भीती बाळगा,

त्याची भीती बाळगणाऱ्‍यांना काहीच कमी पडत नाही.+

१० तरुण, ताकदवान सिंहांचीही* एकवेळ उपासमार होईल,

पण यहोवाचा शोध घेणाऱ्‍यांना काहीच कमी पडणार नाही.+

११ माझ्या मुलांनो, या आणि मी सांगतो ते ऐका;

मी तुम्हाला यहोवाची भीती बाळगायला शिकवीन.+

१३ त्याने आपली जीभ वाईट गोष्टी बोलण्यापासून;+

आणि आपलं तोंड कपटीपणाच्या गोष्टींपासून आवरावं.+

१४ वाइटापासून वळून, चांगलं ते करा;+

शांती टिकवून ठेवण्याचा सतत प्रयत्न करा.+

१५ यहोवाची नजर नीतिमानांवर असते,+

तो त्यांची मदतीची याचना ऐकतो.+

१६ पण वाईट गोष्टी करणाऱ्‍यांकडे यहोवा पाठ फिरवतो;

तो पृथ्वीवरून त्यांचं नामोनिशाण मिटवून टाकतो.+

१७ नीतिमान लोकांनी हाक मारली आणि यहोवाने ती ऐकली;+

त्यांच्या सर्व संकटांपासून त्याने त्यांना सोडवलं.+

१८ यहोवा दुःखी लोकांच्या जवळ असतो;+

मनाने खचलेल्यांना* तो वाचवतो.+

१९ नीतिमान माणसावर बरेच कठीण प्रसंग* येतात,+

पण त्या सर्वांतून यहोवा त्याला वाचवतो.+

२० त्याच्या सगळ्या हाडांचं तो रक्षण करतो;

त्यांतलं एकही मोडण्यात आलं नाही.+

२१ संकटामुळे दुष्टाचा मृत्यू होईल,

नीतिमानांचा द्वेष करणाऱ्‍यांना दोषी ठरवलं जाईल.

३५ हे यहोवा, माझ्या विरोधकांशी माझ्या बाजूने वाद कर;+

माझ्याशी लढणाऱ्‍यांविरुद्ध लढ.+

 २ तुझी छोटी ढाल* घे; तुझी मोठी ढालही हाती घे+

आणि माझा बचाव करण्यासाठी ऊठ.+

 ५ त्यांना वाऱ्‍यावर उडून जाणाऱ्‍या भुशासारखं होऊ दे;

यहोवाचा स्वर्गदूत त्यांना हाकलून लावो.+

 ६ यहोवाचा स्वर्गदूत त्यांचा पाठलाग करेल

तेव्हा त्यांच्या वाटेवर अंधार होऊ दे आणि त्यांचा पाय घसरू दे.

 ७ कारण त्यांनी विनाकारण मला पकडण्यासाठी जाळं लपवून ठेवलंय;

त्यांनी विनाकारण माझ्यासाठी खड्डा खणलाय.

 ८ त्यांच्या ध्यानीमनी नसताना त्यांच्यावर संकट कोसळू दे;

त्यांनी लपवलेल्या जाळ्यात त्यांनाच अडकू दे;

त्यात पडून त्यांचा नाश होऊ दे.+

 ९ पण मी* यहोवामुळे आनंद करीन;

त्याच्या तारणाच्या कार्यांमुळे मी हर्षित होईन.

तू बलवानांच्या हातून असाहाय्य लोकांना वाचवतोस,+

निराधार आणि गरीब लोकांना तू लुबाडणाऱ्‍यांपासून वाचवतोस.”+

११ दुष्ट साक्षीदार पुढे येतात,+

मला माहीत नसलेल्या गोष्टींबद्दल ते मला प्रश्‍न विचारतात.

१२ ते माझ्या चांगल्या वागणुकीची परतफेड वाइटाने करून,+

मला* शोक करायला लावतात.

१३ ते आजारी पडले, तेव्हा मी गोणपाट पांघरलं;

मी उपास करून माझ्या जिवाला त्रास दिला.

आणि मी त्यांच्यासाठी केलेल्या प्रार्थनेचं जेव्हा उत्तर मिळालं नाही,

१४ तेव्हा एखादा मित्र किंवा स्वतःचा भाऊ गेल्यासारखा, मी शोक करत फिरलो;

आईसाठी शोक करणाऱ्‍यासारखा मी दुःखाने वाकलो.

१५ पण जेव्हा मी अडखळलो, तेव्हा त्यांनी एकत्र जमून आनंद साजरा केला;

माझ्यावर अचानक हल्ला करण्यासाठी ते सगळे टपून बसले;

त्यांनी माझ्या चिंधड्या उडवल्या; ते गप्प बसले नाहीत.

१६ अधर्मी मला तुच्छ लेखून माझी थट्टा करतात,*

ते माझ्यावर दातओठ खातात.+

त्यांच्या हल्ल्यांपासून मला* वाचव,+

तरुण सिंहांपासून* माझ्या अनमोल जीवनाचं* रक्षण कर.+

१८ मग मी मोठ्या मंडळीत तुझी उपकारस्तुती करीन;+

आणि लोकांच्या समुदायात तुझं गुणगान करीन.

१९ विनाकारण माझे शत्रू बनलेल्यांना, माझ्या संकटाबद्दल आनंद करू देऊ नकोस;

विनाकारण माझा द्वेष करणाऱ्‍यांना,+ दुष्टपणे डोळे मिचकावू देऊ नकोस.+

२० कारण ते शांतीच्या गोष्टी करत नाहीत,

तर देशातल्या शांतिप्रिय लोकांविरुद्ध दुष्ट योजना करत राहतात.+

२१ ते मोठमोठ्याने हसून माझ्यावर आरोप लावतात,

ते म्हणतात, “हो, तूच केलंस! आम्ही आपल्या डोळ्यांनी पाहिलं.”

२४ हे यहोवा, माझ्या देवा, तू नीतिमान आहेस. तूच माझा न्याय कर;+

त्यांना माझ्या संकटाबद्दल आनंद करू देऊ नकोस.

२६ जे माझ्या संकटाबद्दल आनंद करतात,

त्या सर्वांना लज्जित आणि अपमानित होऊ दे.

२७ पण माझ्या नीतिमत्त्वाबद्दल आनंद करणाऱ्‍यांना जल्लोष करू दे;

त्यांनी सतत असं म्हणावं:

३६ दुष्टाचा अपराध त्याच्या मनाशी बोलतो;

देवाची भीती त्याला माहीतच नाही.+

 २ तो मनातल्या मनात स्वतःची इतकी प्रशंसा करतो,

की त्याला आपला अपराध दिसत नाही आणि त्याबद्दल घृणाही वाटत नाही.+

 ३ त्याच्या तोंडचे शब्द कपटीपणाचे आणि हानिकारक असतात;

चांगलं ते करण्याची सखोल समज त्याच्याजवळ नाही.

त्याने चुकीचा मार्ग धरलाय;

तो वाईट गोष्टी नाकारत नाही.

 ५ हे यहोवा, तुझं एकनिष्ठ प्रेम आकाशाला भिडलंय,+

तुझा विश्‍वासूपणा आभाळापर्यंत पोहोचलाय.

 ६ तुझं नीतिमत्त्व भव्य पर्वतांसारखं* आहे;+

तुझे निर्णय विशाल, अथांग सागरासारखे आहेत.+

 ८ तुझ्या घरातल्या उत्कृष्ट गोष्टींनी ते तृप्त होतात;+

तुझ्या सुखांच्या भरून वाहणाऱ्‍या नदीतून तू त्यांना पिऊ देतोस.+

 ९ जीवनाचा उगम तुझ्याजवळ आहे;+

तुझ्या प्रकाशानेच आम्हाला प्रकाश दिसतो.+

१० तुला ओळखणाऱ्‍यांना तू नेहमी एकनिष्ठ प्रेम दाखवत राहा,+

सरळ मनाच्या लोकांना तुझं नीतिमत्त्व पाहू दे.+

१२ पाहा! अपराधी तिथे पडले आहेत;

तू त्यांना खाली पाडलं आहेस आणि त्यांना उठता येत नाही.+

३७ दुष्ट माणसांमुळे संतापू नकोस

किंवा दुर्जनांचा हेवा करू नकोस.+

 २ ते पाहता पाहता गवतासारखे सुकून जातील+

आणि कोवळ्या, हिरव्यागार गवतासारखे कोमेजून जातील.

 ३ यहोवावर भरवसा ठेव आणि चांगलं ते कर;+

देशात* राहा आणि विश्‍वासूपणे वाग.+

 ४ यहोवालाच आपला सर्वात मोठा आनंद मान,

म्हणजे तो तुझ्या मनातल्या इच्छा पूर्ण करेल.

 ५ आपला मार्ग यहोवाच्या हाती सोपवून दे;+

त्याच्यावर विसंबून राहा, म्हणजे तो तुझ्या वतीने कार्य करेल.+

 ६ तो तुझं नीतिमत्त्व पहाटेच्या प्रकाशासारखं

आणि तुझा न्याय दुपारच्या उन्हासारखा चमकू देईल.

 ७ यहोवापुढे शांत राहा+

आणि आतुरतेने* त्याची वाट पाहा.

आपल्या दुष्ट योजना सफल करणाऱ्‍या माणसामुळे

संतापू नकोस.+

 ८ राग सोडून दे आणि क्रोध झटकून टाक;+

संतापाच्या भरात वाईट गोष्टी करू नकोस.*

 ९ कारण दुष्ट लोकांचा नाश होईल,+

पण जे यहोवाची आशा धरतात त्यांना पृथ्वीचा वारसा मिळेल.+

१० थोड्याच काळाने दुष्ट लोक नाहीसे होतील;+

त्यांच्या पूर्वीच्या ठिकाणी तू त्यांना शोधलंस,

तरी ते तुला सापडणार नाहीत.+

११ पण नम्र लोकांना पृथ्वीचा वारसा मिळेल,+

भरपूर शांती असल्यामुळे त्यांच्या आनंदाला सीमा राहणार नाही.+

१२ दुष्ट माणूस नीतिमानाविरुद्ध षड्यंत्र करतो;+

तो त्याच्यावर दातओठ खातो.

१३ पण यहोवा त्या दुष्टावर हसेल,

कारण त्याच्या नाशाचा दिवस येणार, हे त्याला माहीत असतं.+

१४ दीनदुबळ्यांना आणि गोरगरिबांना खाली पाडण्यासाठी;

सरळ मार्गाच्या लोकांची कत्तल करण्यासाठी,

दुष्ट आपल्या तलवारी उपसतात आणि आपली धनुष्यं ताणतात.

१५ पण त्यांची तलवार त्यांच्याच हृदयात शिरेल;+

त्यांची धनुष्यं मोडून टाकली जातील.

१६ नीतिमानाजवळ थोडं थोडकंच असलं,

तरी बऱ्‍याच दुष्ट लोकांच्या समृद्धीपेक्षा ते चांगलं आहे.+

१७ कारण दुष्टांचे हात तोडून टाकले जातील,

पण नीतिमानांना यहोवा आधार देईल.

१८ निर्दोष माणसांच्या परिस्थितीची* यहोवाला जाणीव असते,

त्यांचा वारसा सर्वकाळ टिकून राहील.+

१९ संकटाच्या काळात त्यांना लज्जित व्हावं लागणार नाही;

दुष्काळातही त्यांच्याजवळ भरपूर अन्‍न असेल.

२० पण दुष्टांचा नाश होईल;+

यहोवाचे शत्रू कुरणांतल्या हिरव्यागार गवतासारखे सुकून जातील;

ते धुरासारखे नाहीसे होतील.

२१ दुष्ट माणूस उसनं घेऊन परत देत नाही,

पण नीतिमान माणूस मोठ्या मनाचा* आणि उदार असतो.+

२२ देव ज्यांना आशीर्वाद देतो त्यांना पृथ्वीचा वारसा मिळेल,

पण तो ज्यांना शाप देतो त्यांचा नाश होईल.+

२३ यहोवाला एखाद्या माणसाच्या वागणुकीमुळे आनंद होतो,+

तेव्हा तो त्याच्या पावलांना वाट दाखवतो.*+

२४ असा माणूस अडखळला, तरी जमिनीवर आपटणार नाही,+

कारण यहोवा आपल्या हाताने त्याला सावरेल.+

२५ मी तरुण होतो आणि आता म्हातारा झालोय,

पण आजपर्यंत मी एकाही नीतिमान माणसाला निराधार झालेलं,+

किंवा त्याच्या मुलाबाळांना अन्‍नासाठी* भीक मागत असलेलं पाहिलं नाही.+

२६ तो गरजूंना नेहमी उदारपणे मदत करतो,+

त्याच्या मुलाबाळांना देवाकडून आशीर्वाद मिळतात.

२७ वाइटापासून फिरून चांगलं ते कर,+

म्हणजे तू सर्वकाळ टिकून राहशील.

२८ कारण यहोवा न्यायप्रिय आहे,

तो आपल्या एकनिष्ठ सेवकांना सोडून देणार नाही.+

ते नेहमी सुरक्षित राहतील;+

पण, दुष्टांच्या वंशजांचा नाश केला जाईल.+

२९ नीतिमान लोकांना पृथ्वीचा वारसा मिळेल,+

आणि ते तिच्यावर सर्वकाळ राहतील.+

३० नीतिमान माणसाच्या तोंडून बुद्धीचे बोल निघतात,*

त्याची जीभ न्यायाबद्दल सांगते.+

३२ दुष्ट माणूस नीतिमानावर टपलेला असतो,

त्याचा जीव घेण्याची तो संधी शोधत असतो.

३३ पण यहोवा नीतिमानाला त्याच्या हाती देणार नाही;+

न्याय करताना तो नीतिमानाला दोषी ठरवणार नाही.+

३४ यहोवाची आशा धर आणि त्याच्या मार्गावर चाल,

म्हणजे तो तुझा गौरव करून तुला पृथ्वीचा वारसा देईल.

३५ मी दुष्ट आणि क्रूर माणसाला,

आपल्या मातीत जोमाने वाढणाऱ्‍या हिरव्यागार झाडासारखं बहरताना पाहिलंय.+

३६ पण तो अचानक गेला आणि कायमचा नाहीसा झाला;+

मी त्याला शोधत राहिलो, तरी तो सापडला नाही.+

३७ निर्दोष माणसाकडे* लक्ष दे

आणि सरळ मनाच्या माणसाला+ पाहा,

कारण त्याला भविष्यात शांती लाभेल.+

३८ पण सर्व अपराध्यांचा नाश केला जाईल;

दुष्टांच्या भविष्याचा अंत होईल.+

३९ यहोवा नीतिमानांचं तारण करतो;+

संकटाच्या काळात तो त्यांचा दुर्ग होतो.+

त्यांना दुष्टांच्या हातून सोडवून, तो त्यांचा बचाव करेल,

कारण ते त्याचा आश्रय घेतात.+

३८ हे यहोवा, रागाच्या भरात मला ताडन करू नकोस,

क्रोधाच्या भरात मला शिक्षा करू नकोस.+

 २ कारण तुझे बाण माझ्या शरीरात खोलवर रुतले आहेत,

तुझ्या नाराजीचं* दडपण माझ्यावर आहे.+

 ५ माझ्या मूर्खपणामुळे

माझ्या जखमा चिघळल्या आहेत आणि त्यांतून दुर्गंधी येत आहे.

 ६ मी दुःखाने पार खचून गेलोय;

दिवसभर मी खिन्‍नपणे फिरतो.

 ८ मी सुन्‍न पडलोय आणि पार चिरडून गेलोय;

माझ्या हृदयाच्या वेदनांमुळे मी तळमळून ओरडतोय.

 ९ हे यहोवा, माझ्या सर्व इच्छा तुझ्यासमोर आहेत

आणि माझे उसासे तुझ्यापासून लपलेले नाहीत.

१० माझं हृदय काळजीमुळे बेचैन झालंय, माझ्यात त्राण उरला नाही,

माझ्या डोळ्यांचा प्रकाश नाहीसा झालाय.+

११ माझ्या पीडेमुळे माझे मित्र आणि साथीदार मला टाळतात;

माझे जवळचे सोबतीसुद्धा माझ्यापासून दूर राहतात.

१२ माझा जीव घेऊ पाहणारे सापळे रचतात;

मला इजा करू पाहणारे, माझा नाश करण्याची भाषा करतात;+

दिवसभर ते कपटी योजना करत राहतात.

१३ पण मी बहिरा असल्यासारखा, ऐकत नाही;+

मुका असल्यासारखा, तोंड उघडत नाही.+

१४ मी ऐकू न येणाऱ्‍या माणसासारखा झालोय;

तो आपला बचाव करण्यासाठी काहीच बोलू शकत नाही.

१५ कारण हे यहोवा, मी तुझी वाट पाहिली,+

हे यहोवा, माझ्या देवा, तू मला उत्तर दिलंस.+

१६ कारण मी म्हणालो: “माझ्या संकटांमुळे त्यांना आनंद करू देऊ नकोस,

किंवा माझा पाय घसरल्यामुळे त्यांना माझ्यावर वरचढ होऊ देऊ नकोस.”

१७ मला सतत वेदना होत होत्या,+

मी कोसळण्याच्या बेतात होतो.

१८ माझ्या पापामुळे मी अस्वस्थ झालो होतो;+

मी माझा अपराध कबूल केला.+

१९ माझे शत्रू शक्‍तिशाली आणि उत्साही* आहेत,

विनाकारण माझा द्वेष करणारे पुष्कळ झाले आहेत.*

२० ते माझ्या चांगल्या वागणुकीची परतफेड वाइटाने करतात;

चांगलं ते करण्याचा प्रयत्न केल्यामुळे, ते माझा विरोध करतात.

३९ मी म्हणालो: “आपल्या जिभेने पाप करू नये+

म्हणून मी सांभाळीन.

दुष्ट माणूस माझ्यासमोर असेपर्यंत,

मी आपल्या तोंडाला लगाम घालीन.”*+

 २ मी गप्प बसलो आणि शांत राहिलो;+

चांगल्या गोष्टींबद्दलही बोललो नाही.

 ४ “हे यहोवा माझं आयुष्य अगदी थोडं आहे;

आणि मला मोजकेच दिवस देण्यात आले आहेत, हे ओळखायला मला मदत कर.+

 ५ खरंच, तू मला अगदी थोडे दिवस* दिले आहेस;+

माझा जीवनकाळ तुझ्यापुढे काहीच नाही.+

 ९ मी अबोल झालो;

मला तोंड उघडता येईना,+

कारण हे सर्व तू केलं होतंस.+

११ तू माणसाच्या अपराधाची शिक्षा देऊन त्याला सुधारतोस;+

कपड्यांना जशी कसर लागते, तसा तू, त्याने साठवलेल्या मौल्यवान गोष्टी खाऊन टाकतोस.

कारण माझ्या सर्व वाडवडिलांसारखाच मीही तुझ्यासमोर एखाद्या विदेश्‍यासारखा,+

तात्पुरत्या आलेल्या एखाद्या प्रवाशासारखा* आहे.+

१३ माझा मृत्यू होऊन मी कायमचा निघून जाण्याआधी,

तुझी निष्ठुर नजर माझ्यावरून हटव, म्हणजे मी आनंदी होईन.”

४० मी यहोवाची मनापासून आशा धरली,*

तेव्हा त्याने माझ्याकडे लक्ष दिलं* आणि माझी मदतीची याचना ऐकली.+

 २ त्याने उसळत्या पाण्याच्या खळग्यातून मला वर आणलं,

दलदलीतून मला बाहेर ओढलं.

त्याने मला खडकावर उभं केलं;

त्याने माझी पावलं स्थिर केली.

पुष्कळ जण विस्मयाने पाहतील

आणि यहोवावर भरवसा ठेवतील.

 ४ जो माणूस यहोवावर भरवसा ठेवतो;

जो बंडखोरी करणाऱ्‍यांवर किंवा खोटं बोलणाऱ्‍यांवर विसंबून राहत नाही, तो सुखी आहे!

 ५ हे यहोवा, माझ्या देवा,

तू किती महान कार्यं केली आहेस!

तुझ्या कार्यांबद्दल सांगण्याचा आणि त्यांचं वर्णन करण्याचा मी प्रयत्न जरी केला,

तरी मला ते करता येणार नाही, कारण ती असंख्य आहेत!+

 ६ बलिदानं आणि अर्पणं तुला नको होती,*+

पण तू माझे कान ऐकण्यासाठी उघडलेस.+

 ८ हे माझ्या देवा, तुझ्या इच्छेप्रमाणे करायला मला आनंद वाटतो*+

आणि तुझं नियमशास्त्र माझ्या हृदयावर लिहिलेलं आहे.+

पाहा! मी आपलं तोंड बंद ठेवत नाही,+

हे यहोवा, तुला हे चांगलं माहीत आहे.

माझ्या डोक्यावरच्या केसांपेक्षा त्यांची संख्या जास्त आहे,

त्यांमुळे मी अगदी खचून गेलोय.

१४ माझ्या जिवावर उठलेल्या सर्वांना

लज्जित आणि अपमानित होऊ दे.

माझ्यावर आलेलं संकट पाहून आनंद करणाऱ्‍यांना

शरमेने माघार घ्यायला लाव.

१५ “बरं झालं! बरं झालं!” असं म्हणून जे माझी थट्टा करतात,

त्यांची लाजिरवाणी स्थिती होऊ दे.

१६ पण जे तुझा शोध घेतात,+

त्यांना तुझ्यामुळे आनंदित व हर्षित होऊ दे.+

४१ जो गरिबाला दया दाखवतो, तो सुखी आहे;+

संकटाच्या दिवशी यहोवा त्याला सोडवेल.

त्याला पृथ्वीवर सुखी म्हटलं जाईल;+

तू त्याला कधीच त्याच्या शत्रूंच्या मर्जीवर* सोपवणार नाहीस.+

 ३ तो अंथरुणाला खिळलेला असताना यहोवा त्याला सांभाळेल;+

त्याच्या आजारात तू त्याचा बिछाना बदलशील.

तो बोलण्यासाठी काहीतरी वाईट शोधतो,

मग बाहेर जाऊन सगळ्यांमध्ये ते पसरवतो.

 ७ माझा द्वेष करणारे सगळे आपसात कुजबुजतात;

माझ्याविरुद्ध कट रचून ते म्हणतात:

 ८ “त्याच्यावर भयानक संकट कोसळलंय;

आता तो खाली पडलाय, तो पुन्हा उठणार नाही.”+

 ९ माझा जवळचा मित्र, ज्याच्यावर माझा खूप भरवसा होता,+

जो माझी भाकर खात होता, त्यानेही माझ्याविरुद्ध लाथ उगारली आहे.*+

१० पण हे यहोवा, तू माझ्यावर कृपा कर आणि मला बरं कर,

म्हणजे मी त्यांची परतफेड करीन.

११ माझा शत्रू माझ्याविरुद्ध विजयाचा जल्लोष करू शकत नाही,+

यावरून मला कळतं, की तू माझ्यावर संतुष्ट आहेस.

१२ माझ्या खरेपणामुळे तू मला सावरतोस;+

तू सर्वकाळ मला आपल्यासमोर ठेवशील.+

१३ इस्राएलचा देव, यहोवा याची

सर्वकाळ स्तुती होत राहो!+

४२ हे देवा, हरिणीला जशी पाण्याच्या झऱ्‍याची ओढ लागते,

तशी माझ्या जिवाला* तुझी ओढ लागली आहे.

 ४ पूर्वी, मी कसा सर्वांसोबत चालत,

अदबीने* त्यांच्या पुढे-पुढे चालत, देवाच्या घराकडे जायचो;

आम्ही सगळे कसे आनंदाने उपकारस्तुती करत,

सणाच्या वेळी उत्सव साजरा करणाऱ्‍या घोळक्यासारखे जायचो;+

हे सगळं आठवलं, की माझं मन खूप खिन्‍न होतं.

यार्देन नदीच्या देशात आणि हर्मोन पर्वताच्या शिखरांवर,

मिस्हार पर्वतावर,* मी तुझी आठवण करतोय.

 ७ धबधब्यांच्या जोरदार आवाजाने,

लाटा एकमेकांना हाका मारतात.

१० माझे शत्रू खुनशीपणे* मला टोमणे मारतात;

दिवसभर ते मला असा टोमणा मारतात: “कुठे आहे तुझा देव?”+

त्यांनी मला मार्ग दाखवावा+

तुझ्या पवित्र पर्वताकडे आणि तुझ्या वैभवी उपासना मंडपाकडे त्यांनी मला न्यावं.+

 ४ म्हणजे माझा सर्वात मोठा आनंद असलेल्या देवाजवळ,

त्याच्या वेदीजवळ मी येईन.+

४४ हे देवा, तू पूर्वीच्या दिवसांत,

आमच्या वाडवडिलांच्या काळात केलेल्या कार्यांबद्दल

आम्ही आपल्या कानांनी ऐकलंय,

आमच्या वाडवडिलांनी आम्हाला त्यांबद्दल सांगितलंय.+

 २ तू आपल्या सामर्थ्याने राष्ट्रांना हाकलून लावलंस;+

तू त्यांना चिरडून बाहेर घालवलंस+

 ३ त्यांनी आपल्या तलवारीने त्या देशाचा ताबा घेतला नाही;+

त्यांच्या स्वतःच्या बळावर त्यांनी विजय मिळवला नाही.+

तर तुझ्या उजव्या हाताने, तुझ्या सामर्थ्याने+ आणि कृपेनेच* त्यांना विजय मिळाला,

कारण तुझं त्यांच्यावर प्रेम होतं.+

 ५ तुझ्या ताकदीने आम्ही आपल्या वैऱ्‍यांना हाकलून लावू;+

तुझ्या नावाने आम्ही आपल्याविरुद्ध उठणाऱ्‍यांना पायाखाली तुडवू.+

 ६ कारण माझा भरवसा माझ्या धनुष्यावर नाही,

माझी तलवार मला वाचवू शकत नाही.+

 ७ तूच आम्हाला आमच्या शत्रूंपासून वाचवलंस,+

आमचा द्वेष करणाऱ्‍यांना तूच लज्जित केलंस.

 ८ आम्ही दिवसभर देवाची स्तुती करू,

तुझ्या नावाची आम्ही सर्वकाळ उपकारस्तुती करू. (सेला )

 ९ पण आता तू आम्हाला सोडून दिलं आहेस आणि आम्हाला लज्जित केलं आहेस,

आता तू आमच्या सैन्यांसोबत लढाईला जात नाहीस.

१० तू आम्हाला आमच्या शत्रूंपासून माघार घ्यायला लावतोस;+

आमचा द्वेष करणारे त्यांना हवं ते लुटून नेतात.

११ मेंढरांसारखं खाऊन टाकण्यासाठी तू आम्हाला त्यांच्या हाती देतोस;

तू राष्ट्रांमध्ये आमची पांगापांग केली आहेस.+

१२ तू आपल्या लोकांना अगदीच कमी भावात विकून टाकतोस;+

त्यांना विकून* तू आपला फायदा करून घेत नाहीस.

१३ आमच्या शेजाऱ्‍यांमध्ये तू आमची लाजिरवाणी स्थिती केली आहेस,

आमच्या आजूबाजूचे लोक आम्हाला हसतात आणि आमची थट्टा करतात.

१४ राष्ट्रांमध्ये तू आम्हाला हसण्याचा विषय* बनवलं आहेस,+

लोक आम्हाला पाहून तिरस्काराने डोकं हलवतात.

१५ दिवसभर मला अपमानित वाटतं,

मला तोंड दाखवायला जागा उरली नाही.

१६ कारण आमचे शत्रू टोमणे मारतात आणि आमचा अपमान करतात,

ते आमचा सूड घेतात.

१७ ही सगळी संकटं येऊनही, आम्ही तुला विसरलो नाही,

तुझा करार आम्ही मोडला नाही.+

१८ आमचं हृदय भरकटलं नाही;

आमच्या पावलांनी तुझा मार्ग सोडला नाही.

१९ पण तू आम्हाला, कोल्हे राहतात त्या ठिकाणी चिरडलंस;

तू काळ्याकुट्ट अंधाराने आम्हाला झाकून टाकलंस.

२० जर आम्ही आपल्या देवाचं नाव विसरलो असू,

किंवा प्रार्थना करण्यासाठी परक्या देवापुढे हात पसरत असू,

२१ तर देवाला हे समजणार नाही का?

२२ तुझ्यामुळे दिवसभर आम्हाला मृत्यूचा सामना करावा लागतो;

कत्तल केल्या जाणाऱ्‍या मेंढरांसारखी आमची स्थिती झाली आहे.+

२५ कारण आम्ही जमिनीवर पडलो आहोत;

आम्ही धुळीला मिळालो आहोत.+

 ३ हे शूरा,+ कमरेला तलवार बांध;+

तुझं वैभव आणि तुझा सन्मान धारण कर.+

 ५ तुझे बाण तीक्ष्ण आहेत, त्यांमुळे राष्ट्रं तुझ्यासमोर पडतात;+

ते राजाच्या शत्रूंच्या हृदयांत शिरतात.+

 ६ देव तुला सदासर्वकाळासाठी राज्याधिकार देतो;*+

तुझा राजदंड न्यायाचा* राजदंड आहे.+

१० हे मुली, लक्ष दे आणि कान देऊन ऐक;

आपल्या लोकांना विसर; आपल्या वडिलांचं घर विसर.

तो तुझा प्रभू आहे,

म्हणून तू त्याला वाकून नमस्कार कर.

१३ राजमहालात* राजकुमारी* अतिशय सुंदर आणि तेजस्वी दिसत आहे;

तिची वस्त्रं सोन्याने* सुशोभित आहेत.

१५ त्यांना आनंदाने मिरवत आणि जल्लोष करत आणलं जाईल;

त्या राजाच्या महालात प्रवेश करतील.

४६ देव आमचा आश्रय आणि आमचं सामर्थ्य आहे,+

संकटाच्या वेळी साहाय्य करण्यासाठी तो नेहमी तयार असतो.+

 २ म्हणून पृथ्वी जरी हादरली;

किंवा पर्वत कोसळून सागराच्या तळाला गेले, तरी आम्ही घाबरणार नाही.+

 ३ समुद्र जरी गर्जना करून फेसाळू लागला;+

किंवा त्याच्या खवळण्यामुळे पर्वत हादरू लागले, तरी आम्ही घाबरणार नाही. (सेला )

 ४ एका नदीच्या प्रवाहांमुळे, देवाचं शहर आनंदी होतं;+

सर्वोच्च देवाचा महान आणि पवित्र उपासना मंडप आनंदी होतो.

 ६ राष्ट्रं खवळली होती आणि राज्यं उलथून टाकण्यात आली होती,

पण देवाने आवाज चढवताच पृथ्वी विरघळली.+

 ७ सैन्यांचा देव यहोवा आपल्यासोबत आहे;+

याकोबचा देव आपला सुरक्षित आश्रय* आहे. (सेला )

 ८ या आणि यहोवाची कार्यं पाहा,

बघा, त्याने पृथ्वीवर किती अद्‌भुत कार्यं केली आहेत!

राष्ट्रांमध्ये माझा महिमा केला जाईल;+

सबंध पृथ्वीवर माझा महिमा केला जाईल.”+

११ सैन्यांचा देव यहोवा आपल्यासोबत आहे;+

याकोबचा देव आपला सुरक्षित आश्रय आहे.+ (सेला )

 २ कारण सर्वोच्च देव यहोवा, विस्मयकारक देव आहे;+

तो सबंध पृथ्वीचा महान राजा आहे.+

 ३ तो आपल्याला राष्ट्रांवर विजय मिळवून देतो;

तो राष्ट्रांना आपल्या पायांशी आणतो.+

 ४ तो आपल्यासाठी वारसा निवडतो;+

एक असा देश, ज्याच्यावर त्याच्या लाडक्या याकोबला गर्व आहे.+ (सेला )

 ५ लोक जल्लोष करत असताना देव येतो;*

ते शिंग* वाजवत असताना यहोवा येतो.

 ७ देव सबंध पृथ्वीचा राजा आहे;+

म्हणून सखोल समज दाखवा आणि त्याची स्तुती करा.

 ९ लोकांचे प्रधान एकत्र जमले आहेत;

अब्राहामच्या देवाच्या लोकांसोबत ते एकत्र जमले आहेत.

४८ आमच्या देवाच्या शहरात, त्याच्या पवित्र पर्वतावर,

यहोवा महान आणि सगळ्यात स्तुतिपात्र आहे.

 २ उत्तरेच्या टोकावर सीयोन पर्वत,

महान राजाची नगरी आहे.+

 ३ तिच्या मजबूत बुरुजांमध्ये,

देवाने स्वतःला एक सुरक्षित आश्रय* म्हणून प्रकट केलंय.+

 ४ कारण पाहा! राजे एकत्र जमले;*

ते सोबत मिळून पुढे सरसावले.

 ६ ते तिथे भीतीने थरथर कापू लागले,

प्रसूतिवेदना होणाऱ्‍या स्त्रीसारखी त्यांची स्थिती झाली.

 ८ पूर्वी ज्याबद्दल ऐकलं होतं, ते आता आम्ही,

सैन्यांचा देव यहोवा याच्या नगरीत, आमच्या देवाच्या नगरीत

आपल्या डोळ्यांनी पाहिलंय;

देव सर्वकाळ या नगरीचं रक्षण करतो.+ (सेला )

 ९ हे देवा, तुझ्या मंदिरामध्ये

आम्ही तुझ्या एकनिष्ठ प्रेमाबद्दल विचार* करतो.+

१२ सीयोनभोवती फिरा; तिला फेरा घाला;

तिचे बुरूज मोजा.+

 २ लहानांनो व मोठ्यांनो;

श्रीमंतांनो व गरिबांनो, ऐका!

 ३ मी आपल्या तोंडाने बुद्धीच्या गोष्टी सांगीन

आणि माझ्या हृदयातले विचार,*+ समजबुद्धी प्रकट करतील.

 ४ मी एका म्हणीकडे लक्ष देईन;

मी वीणेवर* माझं कोडं उलगडून सांगीन.

 ५ माझा नाश करू पाहणाऱ्‍यांची दुष्टता* मला घेरते;

अशा संकटांच्या काळात मी का घाबरू?+

 ६ ते तर आपल्या संपत्तीवर भरवसा ठेवतात+

आणि आपल्या श्रीमंतीची बढाई मारतात.+

 ७ पण त्यांच्यापैकी कोणीही आपल्या भावाला कधीच सोडवू शकत नाही,

किंवा त्याच्याबद्दल देवाला खंडणी देऊ शकत नाही.+

 ८ (त्यांच्या जिवाच्या* खंडणीचं* मोल इतकं मोठं आहे,

की ते भरणं त्यांना कधीच शक्य होणार नाही);

 ९ त्यांच्या भावाने सर्वकाळ जगावं आणि कबर* पाहू नये,+

म्हणून त्यांच्यापैकी कोणीही त्याला सोडवू शकत नाही.

१० ते बुद्धिमान लोकांनाही मरताना पाहतात;

मूर्ख आणि अविचारी लोकही सोबत नाश होतात,+

आणि त्यांना आपली संपत्ती इतरांसाठी सोडून जावी लागते.+

११ आपली घरं कायम टिकून राहावीत;

आपले तंबू पिढ्या न्‌ पिढ्या राहावेत, असं त्यांना मनोमन वाटत असतं.

१२ पण माणसाला सन्मान मिळाला, तरी त्याचं जीवन कायम टिकत नाही;+

नाश होणाऱ्‍या पशूंपेक्षा तो काही चांगला नाही.+

१३ जे मूर्ख असतात;

तसंच, जे त्यांच्यामागे जातात आणि त्यांच्या पोकळ शब्दांनी खूश होतात, त्यांचीही हीच गत होते.+ (सेला )

मृत्यू त्यांचा मेंढपाळ होईल;

सकाळ झाल्यावर नीतिमान त्यांच्यावर सत्ता चालवतील.+

१५ पण मला* मात्र देव कबरेच्या* तावडीतून* सोडवेल;+

तोच मला सावरेल. (सेला )

१६ एखादा माणूस धनवान झाला,

किंवा त्याच्या घराचं वैभव वाढलं, तरी भिऊ नकोस.

१७ कारण जेव्हा त्याचा मृत्यू होतो, तेव्हा तो आपल्यासोबत काहीही घेऊन जाऊ शकत नाही;+

त्याचं वैभव त्याच्यासोबत जात नाही.+

२० जो माणूस ही गोष्ट समजून घेत नाही, त्याचा सन्मान जरी झाला,+

तरी तो माणूस, नाश होणाऱ्‍या पशूंपेक्षा काही चांगला नाही.

५० सर्व देवांपेक्षा श्रेष्ठ देव यहोवा+ बोलला आहे;

तो पूर्वेपासून पश्‍चिमेपर्यंत राहणाऱ्‍या

पृथ्वीच्या सर्व रहिवाशांना बोलावतो.

 ५ “बलिदानाच्या आधारावर माझ्याशी करार करणाऱ्‍या,+

माझ्या एकनिष्ठ लोकांना माझ्यापुढे जमवा.”

 ६ आकाश देवाचं नीतिमत्त्व घोषित करतं,

कारण देव स्वतः न्याय करणारा आहे.+ (सेला )

 ७ “माझ्या लोकांनो, ऐका. मी तुमच्याशी बोलेन;

हे इस्राएल, मी तुझ्याविरुद्ध साक्ष देईन.+

 ८ मी काही तुझ्या बलिदानांमुळे,

किंवा सतत माझ्यापुढे असलेल्या तुझ्या होमार्पणांमुळे तुला ताडन करत नाही.+

 ९ तुझ्या घरचा बैल घेण्याची,

किंवा तुझ्या मेंढवाड्यातले बकरे घेण्याची मला गरज नाही.+

१० कारण, रानातले सर्व जंगली पशू माझे आहेत;+

हजारो पर्वतांवरचे प्राणीही माझेच आहेत.

११ पर्वतांवरच्या प्रत्येक पक्ष्याबद्दल मला माहीत आहे;+

रानात राहणारे असंख्य प्राणी माझेच आहेत.

१४ देवाला उपकारस्तुतीचं बलिदान दे;+

सर्वोच्च देवाला केलेले नवस फेड.+

“माझ्या नियमांबद्दल सांगण्याचा,+

किंवा माझ्या कराराबद्दल+ बोलण्याचा तुला काय हक्क?

१७ कारण तू शिक्षेचा* तिरस्कार करतोस,

आणि माझ्या शब्दांकडे तू सतत पाठ फिरवतोस.*+

१८ एखाद्या चोराला पाहिल्यावर, तू त्याला चांगला समजतोस,*+

तू व्यभिचार करणाऱ्‍यांची संगत धरतोस.

१९ तू आपल्या तोंडाने वाईट गोष्टी पसरवतोस,

तुझ्या जिभेवर सतत फसवणुकीच्या गोष्टी असतात.+

२० तू बसून आपल्याच भावाविरुद्ध बोलतोस;+

आपल्या सख्ख्या भावाचे दोष तू दुसऱ्‍यांना सांगतोस.*

२१ तू या गोष्टी केल्या, तेव्हा मी गप्प राहिलो;

त्यामुळे तुला वाटलं, की मीही तुझ्यासारखाच आहे.

पण आता मी तुला ताडन करीन,

मी तुझ्याविरुद्ध माझा वाद मांडीन.+

२२ देवाला विसरणाऱ्‍यांनो, जरा या गोष्टीकडे लक्ष द्या;+

नाहीतर, मी तुमचे फाडून तुकडे करीन, तेव्हा तुम्हाला सोडवणारा कोणीही नसेल.

२३ जो उपकारस्तुतीचं बलिदान अर्पण करतो तोच माझा गौरव करतो,+

आणि जो योग्य मार्गाने चालत राहील,

त्याचं मी तारण करीन.”+

 २ माझा दोष अगदी पूर्णपणे धुऊन टाक+

आणि माझ्या पापापासून मला शुद्ध कर.+

 ३ कारण माझ्या चुका मी चांगल्या ओळखून आहे,

माझं पाप सतत माझ्या डोळ्यांपुढे असतं.*+

 ४ मी तुझ्याविरुद्ध, हो इतर कोणाहीपेक्षा* तुझ्याविरुद्ध पाप केलंय;+

तुझ्या नजरेत जे वाईट, ते मी केलंय.+

म्हणून तुझं बोलणं नीतीचं

आणि तुझा न्याय योग्य आहे.+

 ५ पाहा! मी तर जन्मतःच दोषी आहे;

माझ्या आईला गर्भ राहिला, त्या क्षणापासूनच मी पापी आहे.+

 ६ हे देवा, प्रामाणिक हृदय पाहून तुला आनंद होतो;+

माझ्या हृदयाला बुद्धीची शिकवण दे.

 ८ मला सौख्याचे आणि आनंदाचे शब्द ऐकू दे,

म्हणजे तू चिरडलेली माझी हाडं हर्ष करतील.+

 ९ माझ्या पापांपासून आपलं तोंड फिरव,+

माझे सर्व अपराध पुसून टाक.+

१० हे देवा, माझ्यात शुद्ध मन उत्पन्‍न कर,+

माझ्यात एक नवीन, स्थिर मनोवृत्ती निर्माण कर.+

११ आपल्यापुढून मला घालवून देऊ नकोस;

तुझी पवित्र शक्‍ती* माझ्यापासून काढून घेऊ नकोस.

१२ तुझ्या तारणाचा आनंद मला पुन्हा अनुभवू दे;+

तुझ्या आज्ञा पाळण्याची इच्छा माझ्यात जागृत कर.*

१३ मी अपराध्यांना तुझे मार्ग शिकवीन,+

म्हणजे पापी लोक तुझ्याकडे परत येतील.

१४ हे देवा, माझं तारण करणाऱ्‍या देवा,+ मला रक्‍ताच्या दोषापासून मुक्‍त कर,+

म्हणजे मी आनंदाने सर्वांना तुझ्या नीतीबद्दल सांगीन.+

१५ हे यहोवा, माझे ओठ उघड,

म्हणजे मी आपल्या तोंडाने तुझी स्तुती गाईन.+

१६ तुला बलिदान नकोय, नाहीतर मी ते दिलं असतं;+

होमार्पणाने तुला आनंद होत नाही.+

१८ तू आपल्या कृपेमुळे सीयोनचं भलं कर;

यरुशलेमच्या भिंती मजबूत कर.

१९ मग तुला नीतीच्या बलिदानांमुळे,

होमार्पणांमुळे आणि पूर्णपणे दिलेल्या अर्पणांमुळे आनंद होईल;

मग तुझ्या वेदीवर बैलांची अर्पणं दिली जातील.+

 २ तुझी जीभ धारदार वस्तऱ्‍यासारखी आहे;+

ती कारस्थानं रचते आणि फसवणूक करते.+

 ३ तुझं चांगल्यापेक्षा वाइटावर;

आणि योग्य ते बोलण्यापेक्षा खोटं बोलण्यावर, जास्त प्रेम आहे. (सेला )

 ५ म्हणूनच, देव तुला कायमचं खाली ओढेल;+

तो तुला धरून तुझ्या तंबूमधून खेचून काढेल;+

जिवंतांच्या देशातून तो तुला उपटून टाकेल.+ (सेला )

 ६ नीतिमान हे पाहतील तेव्हा त्यांना विस्मय वाटेल,+

ते त्या दुष्टाला पाहून हसतील+ आणि म्हणतील:

 ७ “या माणसाने देवाला आपला आश्रय* बनवलं नाही,+

त्याने आपल्या भरपूर श्रीमंतीवर भरवसा ठेवला+

आणि तो आपल्या दुष्ट योजनांवर* अवलंबून राहिला.”*

 ८ पण मी देवाच्या घरात असलेल्या हिरव्यागार जैतुनाच्या झाडासारखा होईन;

माझा भरवसा देवाच्या एकनिष्ठ प्रेमावर+ सदासर्वकाळ राहील.

 ९ तू केलेल्या कार्यांमुळे मी सतत

तुझ्या एकनिष्ठ सेवकांसमोर तुझी स्तुती करीन.+

त्यांची कामं वाईट आणि घृणास्पद आहेत;

चांगली कामं करणारा एकही नाही.+

 ३ ते सगळे भरकटले आहेत;

सगळेच्या सगळे भ्रष्ट आहेत.

चांगली कामं करणारा एकही नाही,

एकसुद्धा नाही!+

 ५ पण ते भीतीने कावरेबावरे होतील,

पूर्वी कधीही घाबरले नव्हते इतके ते घाबरतील,*

कारण तुझ्यावर हल्ला करणाऱ्‍यांची* हाडं देव विखरून टाकेल.

बंदिवासात असलेल्या आपल्या लोकांना यहोवा गोळा करेल,

तेव्हा याकोब आनंदी होवो, इस्राएल हर्ष करो!

५४ हे देवा, तुझ्या नावाने मला वाचव,+

तुझ्या शक्‍तीने माझं समर्थन कर.*+

 २ हे देवा, माझी प्रार्थना ऐक;+

माझ्या तोंडून निघणाऱ्‍या शब्दांकडे लक्ष दे.

 ३ कारण अनोळखी लोक माझ्याविरुद्ध उठतात,

क्रूर माणसं माझा जीव घ्यायला पाहतात.+

 ४ पाहा! देव माझा सहायक आहे;+

मला साहाय्य करणाऱ्‍यांसोबत यहोवा आहे.

 ५ तो माझ्या शत्रूंची त्यांच्याच दुष्टाईने परतफेड करेल;+

तुझ्या विश्‍वासूपणामुळे त्यांचा नाश कर.*+

 ५ मला धडकी भरली आहे,

भीतीने मी थरथर कापत आहे.

 ७ मी दूर कुठेतरी उडून गेलो असतो;+

ओसाड रानात जाऊन राहिलो असतो.+ (सेला )

 ८ सोसाट्याच्या वाऱ्‍यापासून आणि वादळापासून वाचण्यासाठी,

मी लगेच आश्रयाचं ठिकाण शोधलं असतं.”

१० ते रात्रंदिवस शहराच्या तटबंदीवरून फेऱ्‍या मारतात;

शहरात दुष्टाई आणि गुन्हेगारी माजली आहे.+

११ त्यावर संकट ओढवलंय;

अत्याचार आणि फसवणूक चौकात ठाण मांडून बसले आहेत.+

१२ मला टोमणे मारणारा कोणी शत्रू नाही;+

नाहीतर, मी ते सहन केलंही असतं.

माझ्याविरुद्ध उठलेला कोणी वैरी नाही;

नाहीतर, मी त्याच्यापासून लपलो असतो.

१४ पूर्वी आपण जिवाभावाचे मित्र होतो;

आपण सर्व लोकांसोबत मिळून देवाच्या घराकडे चालत जायचो.

१७ सकाळपासून संध्याकाळपर्यंत, मी दुःखाने आक्रोश करत असतो,*+

देव माझा आवाज ऐकतो.+

२० त्याने* आपल्याच मित्रांवर हल्ला केला;+

त्याने आपला करार मोडला.+

२१ त्याचे शब्द लोण्याहून मऊ आहेत,+

पण त्याच्या मनात खोट आहे.

त्याचे शब्द तेलापेक्षा गुळगुळीत आहेत,

पण ते उपसलेल्या तलवारींसारखे आहेत.+

२२ तुझं सगळं ओझं यहोवावर टाकून दे,+

म्हणजे तो तुला सांभाळेल.+

 २ माझे वैरी दिवसभर माझ्यावर हल्ला करतात;

पुष्कळ जण गर्विष्ठपणे माझ्याविरुद्ध लढतात.

 ५ ते दिवसभर माझ्या प्रयत्नांवर पाणी फिरवतात;

माझं नुकसान कसं करता येईल, याचाच ते विचार करत असतात.+

 ६ ते हल्ला करण्यासाठी लपून बसतात;

माझा जीव घेण्यासाठी,+

ते माझ्या प्रत्येक पावलावर नजर ठेवतात.+

१२ हे देवा, तुला दिलेली वचनं मला पूर्ण करायची आहेत;+

मी तुला उपकारस्तुतीची अर्पणं देईन.+

१३ कारण मी जिवंत राहावं आणि तुझी सेवा करत राहावी,+

म्हणून तू मला* मृत्यूपासून वाचवलं आहेस+

 ४ सिंहांनी मला* घेरलंय;+

मला फाडून खायला टपलेल्यांमध्ये मला झोपावं लागतं.

 ५ हे देवा, तुझा सन्मान आकाशापेक्षाही उंच आहे;

सबंध पृथ्वीवर तुझा गौरव होवो!+

 ६ माझे पाय अडकावेत, म्हणून त्यांनी जाळं पसरवून ठेवलंय;+

मी* दुःखाने अगदी वाकून गेलोय.+

त्यांनी माझ्यासाठी खड्डा खणून ठेवलाय,

पण ते स्वतःच त्याच्यात पडले आहेत.+ (सेला )

 ७ माझं मन खंबीर आहे, हे देवा,+

माझं मन खंबीर आहे.

 ९ हे यहोवा, मी सर्व लोकांमध्ये तुझी स्तुती करीन;+

मी राष्ट्रांमध्ये तुझा महिमा गाईन.*+

११ हे देवा, तुझा सन्मान आकाशापेक्षाही उंच आहे;

सबंध पृथ्वीवर तुझा गौरव होवो!+

 २ तुम्ही तर आपल्या मनात अनीतीच्या योजना आखता+

आणि आपल्या हातांनी देशात हिंसाचार करता.+

 ३ दुष्ट जन्मापासूनच* वाईट मार्गाने जातात;*

ते जन्मापासूनच बहकलेले आणि खोटं बोलणारे असतात.

 ४ त्यांचं विष सापांच्या विषासारखं असतं;+

ते आपले कान झाकून घेणाऱ्‍या नागासारखे बहिरे असतात.

 ५ मांत्रिकांनी कितीही कुशलपणे मंत्र म्हटले,

तरीही तो त्यांचं ऐकत नाही.

 ९ तुमच्या पातेल्यांना काट्यांच्या जळणाची उष्णता लागण्याआधीच,

देव त्या ओल्या आणि सुक्या फांद्या, वादळी वाऱ्‍याने उडवाव्यात तशा उडवून नेईल.+

१० देवाने सूड घेतला आहे, हे पाहून नीतिमान माणसाला आनंद होईल;+

त्याचे पाय दुष्टांच्या रक्‍तात भिजतील.+

 २ दुष्टपणे वागणाऱ्‍यांपासून माझी सुटका कर,

आणि क्रूर* माणसांपासून मला वाचव.

 ३ बघ! ते माझ्यावर हल्ला करण्यासाठी टपून बसतात;+

बलवान माणसं माझ्यावर हल्ला करतात.

 ६ ते दररोज संध्याकाळी परत येतात;+

ते कुत्र्यांसारखे गुरगुरत*+ शहरात फिरतात.+

 ९ हे माझ्या देवा, तू माझी ताकद आहेस, मी तुझी वाट पाहीन;+

कारण देव माझा सुरक्षित आश्रय* आहे.+

१० माझ्याबद्दल एकनिष्ठ प्रेम दाखवणारा देव माझ्या मदतीला धावून येईल;+

देव माझ्या शत्रूंचा पराभव झालेला मला दाखवेल.+

तुझ्या सामर्थ्याने त्यांना इकडे तिकडे भटकायला लाव;

हे यहोवा, तू आमची ढाल आहेस,+ त्यांना खाली पाड.

१३ तुझ्या क्रोधात त्यांचा नाश कर;+

त्यांचा अंत कर; ते नाहीसे होवोत.

१४ त्यांना संध्याकाळी परत येऊ दे;

त्यांना कुत्र्यांप्रमाणे गुरगुरत* शहरात फिरू दे.+

१५ त्यांना अन्‍नाच्या शोधात वणवण फिरायला लाव;+

त्यांना पोटभर खायला न मिळो, डोकं टेकायला जागा न मिळो.

१६ पण मी तर तुझ्या सामर्थ्याचं गुणगान करीन;+

मी पहाटेच तुझ्या एकनिष्ठ प्रेमाबद्दल आनंदाने सांगीन.

१७ माझ्या देवा, तू माझी ताकद आहेस, मी तुझी स्तुती गाईन,*+

कारण देव माझा सुरक्षित आश्रय आहे, तो मला एकनिष्ठ प्रेम दाखवतो.+

 ४ तुझं भय मानणाऱ्‍यांसाठी ध्वज उभार,*

म्हणजे ते त्याच्याकडे धावतील आणि बाण चुकवतील. (सेला )

 ५ तुझ्या प्रिय लोकांची सुटका व्हावी,

म्हणून तुझ्या उजव्या हाताने आम्हाला वाचव आणि आमची प्रार्थना ऐक.+

“मी आनंदित होऊन शखेम वारसा म्हणून देईन,+

मी सुक्कोथचं खोरं* मोजून देईन.+

 ७ गिलाद माझा आहे आणि मनश्‍शेही माझा आहे,+

एफ्राईम माझ्या डोक्यावरचा टोप* आहे.

११ आमच्या संकटात आम्हाला साहाय्य कर,

कारण मानवांकडून मिळणारं तारण व्यर्थ आहे.+

 २ माझं हृदय दुःखाने व्याकूळ असेल,*

तेव्हा मी पृथ्वीच्या टोकावरून तुला हाक मारीन.+

 ३ कारण तू माझा आश्रय आहेस,

तू मला शत्रूंपासून सुरक्षित ठेवणारा मजबूत बुरूज आहेस.+

 ४ मी सर्वकाळ तुझ्या तंबूमध्ये राहीन;+

तुझ्या पंखांच्या सावलीत मी आश्रय घेईन.+ (सेला )

 ८ मग मी सर्वकाळ तुझ्या नावाची स्तुती गाईन,*+

आणि दररोज माझे नवस फेडीन.+

 २ तो माझा खडक, माझं तारण आणि माझा सुरक्षित आश्रय* आहे;+

मी कधीच डळमळून पडणार नाही.+

 ६ तो माझा खडक, माझं तारण आणि माझा सुरक्षित आश्रय आहे;

मी कधीच डळमळणार नाही.+

१० लुबाडणूक करून आपण यशस्वी होऊ, असा विचार करू नका;

चोरीने मिळवलेल्या संपत्तीवर खोटी आशा लावू नका.

१२ हे यहोवा, एकनिष्ठ प्रेमही तुझंच आहे,+

कारण तू प्रत्येकाला त्याच्या कार्यांप्रमाणे फळ देतोस.+

कोरड्या, रुक्ष आणि निर्जल देशात,

तुझ्या ओढीने माझा जीव कासावीस झालाय.+

 २ मी तुला तुझ्या पवित्र ठिकाणी पाहिलंय;

तुझं सामर्थ्य आणि तुझं वैभव मी पाहिलंय.+

 ३ कारण तुझं एकनिष्ठ प्रेम जीवनापेक्षाही मौल्यवान आहे,+

माझे ओठ तुझं गुणगान करतील.+

 ४ मी आयुष्यभर तुझी स्तुती करीन;

मी आपले हात उंचावून तुला हाक मारीन.

 ५ सगळ्यात चांगला आणि उत्तम वाटा मिळाल्यामुळे मी* तृप्त आहे,

म्हणून माझे ओठ आनंदाने तुझी स्तुती गातील.+

 ६ मी बिछान्यावर पडलेलो असताना तुझी आठवण करतो,

रात्रीच्या प्रहरी मी तुझ्याबद्दल विचार* करतो.+

 ७ कारण मला साहाय्य करणारा तू आहेस,+

तुझ्या पंखांच्या सावलीत आनंदी होऊन, मी मोठ्याने तुझी स्तुती करतो.+

 ८ मी सतत तुला धरून राहतो;

तुझा उजवा हात मला आधार देतो.+

 ९ पण जे माझ्या जिवावर* उठले आहेत,

ते मृत्यूच्या खोल खळग्यात जातील.

१० त्यांना तलवारीच्या स्वाधीन केलं जाईल;

कोल्हे त्यांना खाऊन टाकतील.

देवाची शपथ घेणारा प्रत्येक जण हर्ष करेल,*

पण खोटं बोलणाऱ्‍यांचं तोंड कायमचं बंद केलं जाईल.

 २ दुष्टांच्या गुप्त कारस्थानांपासून मला वाचव,+

अपराध्यांच्या समुदायापासून मला सोडव.

 ३ ते आपली जीभ तलवारीसारखी धारदार करतात;

आपल्या क्रूर शब्दांच्या बाणांनी ते नेम धरतात.

 ४ आपल्या लपण्याच्या ठिकाणाहून ते निर्दोष माणसावर बाण चालवतात;

ते न घाबरता, अचानक त्याच्यावर हल्ला करतात.

 ५ आपले दुष्ट इरादे ते सोडत नाहीत;*

सापळे कसे रचायचे यावर ते चर्चा करतात.

 ६ ते वाईट कृत्यं करण्याचे नवनवीन मार्ग शोधतात;

गुप्तपणे ते चतुर योजना करतात;+

त्यांच्या मनातल्या विचारांचा थांगपत्ता लागत नाही.

 ७ पण देव त्यांच्यावर बाण चालवेल;+

ते अचानक बाणाने जखमी होतील.

 ८ त्यांची जीभच त्यांच्या नाशाचं कारण बनेल;+

त्यांना पाहणारे सर्व जण तुच्छतेने डोकं हलवतील.

 ९ तेव्हा सगळी माणसं भयभीत होतील,

ती देवाची कार्यं जाहीर करतील,

त्याच्या कार्यांबद्दल त्यांना सखोल समज मिळेल.+

१० नीतिमान माणूस यहोवामुळे आनंद करेल आणि त्याचा आश्रय घेईल;+

सरळ मनाचे सर्व लोक हर्ष करतील.*

६५ हे देवा, सीयोनमध्ये+ तुझी स्तुती होईल;

आम्ही तुला केलेले नवस फेडू.+

 ३ माझ्या चुकांनी मला घेरलंय,+

पण तू आमचे अपराध क्षमा करतोस.+

 ४ तुझ्या अंगणांत राहण्यासाठी+

तू ज्याला निवडतोस आणि आपल्याजवळ येऊ देतोस,

तो माणूस सुखी आहे!

तुझ्या मंदिराच्या,

तुझ्या पवित्र मंदिराच्या+ उत्तम गोष्टींनी आम्ही तृप्त होऊ.+

 ५ हे आमच्या तारण करणाऱ्‍या देवा,

तू नीतीने विस्मयकारक गोष्टी करून आमच्या प्रार्थनांचं उत्तर देशील.+

तू सबंध पृथ्वीवरच्या लोकांचा आणि

दूर समुद्रांपलीकडे राहणाऱ्‍यांचा भरवसा आहेस.+

 ६ तू* आपल्या शक्‍तीने पर्वतांना स्थिर केलंस;

तू* खूप सामर्थ्यशाली आहेस.+

 ७ तू* खवळलेल्या समुद्राला शांत करतोस,+

त्याच्या लाटांची गर्जना आणि राष्ट्रांचा गोंधळ तू शांत करतोस.+

 ८ दूरदूरच्या ठिकाणी राहणारे तुझी चिन्हं पाहून विस्मित होतील;+

सूर्य उगवतो तिथपासून, तो मावळतो तिथपर्यंत, तू सर्व लोकांना आनंदाने जल्लोष करायला लावशील.

 ९ तू पृथ्वीची काळजी घेतोस,

तिला सुपीक आणि फलदायी करतोस.*+