Maneg-y n kɩs-y sɩd t’a Zeova tõe n fãag-y lame

Karm-y Sõdb 13:25–14:4 tɩ y na n yãa Israyɛll nebã sẽn wilg to-to tɩ b pa kɩs a Zeova sɩd ye.

Bao-y n bãng-y kibarã sõma. Bõe yĩng tɩ Israyɛll nebã ra segd n kɩs sɩd t’a Zeova tõe n fãag-b lame, b sẽn yi Ezɩptã poore? (Yɩɩn. 78:12-16, 43-53) Bõe n kɩt tɩ b wa pa le kɩs a Zeova sɩda? (Tõo. 1:26-28) Wãn to la a Zozuwe ne a Kalɛɛb wilg tɩ b kɩsa a Zeova sɩda?—Sõd. 14:6-9.

Bao-y n bãng-y n paas-y-yã. Bõe la Israyɛll nebã ra tõe n maan n maneg n kɩs a Zeova sɩda? (Yɩɩn. 9:10; 22:4; 78:11) Bõe yĩng tɩ yaa tɩlɛ tɩ d nand a Zeova, n yaool n tõog n kɩs-a sɩda?—Sõd. 14:11.

Bao-y n bãng-y yam ning y sẽn tõe n dɩkã. Sok-y y meng yaa:

• ‘Bõe n tõe n kɩt tɩ yɩ toog ne-m tɩ m kɩs a Zeova sɩd zãng-zãnga?’

• ‘Bõe la m tõe n maan n maneg n kɩs a Zeova sɩd masã menga, la beoog sẽn wate?’

• ‘To-kãsengã sẽn kolgdã, m tõe n kɩsa sɩd zãng-zãng ne bõe?’—Luk 21:25-28.