Wẽnnaam tʋʋmdã lekoll lebg-n-gese
B na n kõo sogsg nins sẽn pʋgdã leoor Wẽnnaam tʋʋmdã lekollẽ yʋʋmd 2006, sigr kiuugã rasem 26 semennã pʋgẽ. Lekollã yel-gɛt na n maana minit 30 lebg-n-gese, n tik sõss nins b sẽn kõ yʋʋmd 2006, sig-noy kiuugã pipi daar semennã n tɩ ta sigr kiuugã rasem 26 semennã zutu. [Vẽnegre: Zĩis nins b sẽn ka ning sebr ning sẽn tar leoorã sokrã poorã, yãmb mengã n segd n maan vaeesg n bãng leoorã.—Ges-y École du ministère, seb-neng 36-7 pʋgẽ.]
SÕSG MINIM
1. Koe-zom yaa bõe, la bõe yĩng t’a tar yõodo? [be seb-neng 111, zĩ-gũbsã]
2. Wãn to la d tõe n toeem d goamã tʋʋlem d sõsgã pʋgẽ? [be seb-neng 112 sull a 3-6, zĩ-gũbri]
3. Wãn to la d tõe n wɛgs d sõsgã ne yamleoogo, la bõe yĩng tɩ rẽ tar yõodo? [be seb-neng 115 sull a 1 n tɩ ta seb-neng 116 sull a 2, zĩ-gũbsã]
4. D sã n wa zãmsd neb a taabã, bõe yĩng tɩ tar yõod wʋsg tɩ d gom ne nonglem, la bõe n tõe n sõng-d tɩ d maan dẽ? [be seb-neng 118 sull a 2 n tɩ ta seb-neng 119 sull a 5]
5. Wilg-y nus bilsg la nen-wamdã sẽn pukd bũmb ningã yõod sõsg pʋgẽ. (Mat. 12:48, 49) [be seb-neng 121, zĩ-gũbsi]
SÕSG No 1
6. Wãn to la a Zoob sebrã pẽgd a Zeova la a wilgdẽ t’a noyã sɩd yaa tɩrse? [si seb-neng 100 sull 39, 41]
7. Bõe n wilgd tɩ Yɩɩl Sõamyã wã sɩd yita Wẽnnaam nengẽ? [si seb-neng 102 sull 10-11]
8. Yelbũna 13:16 pʋgẽ wã, ‘nin-yẽesengã’ võor yaa bõe? [w04 15/7 seb-neng 28 sull a 3-4]
9. Wãn to la vʋʋsem sõngã yaa sõngda, la bõe la rẽ bãngr segd n kɩt tɩ d maane? (Zã 14:25, 26) [be seb-neng 19 sull a 2-3]
10. B tõe n kʋms n yeelame tɩ yaa bõe yĩng la a Zezi wa-yã, la ra yaa waoong bʋg yell la a sẽn da gomd Matɩe 16:28 pʋgẽ wã? [w04-MM 1/3 seb-neng 29 zĩ-gũbrã]
BIIBLÃ KARENG SEMEN-SEMENNÃ
11. Zãms-bʋg la d tõe n paam ne leokr ning a Zoob sẽn taas a Zeova tɩ be Zoob 42:1-6 pʋgẽ wã?
12. Yaa “tags-yaals” bʋs la tẽnsã tagsda? (Yɩɩl 2:1, 2)
13. Yaa yẽbg bʋg n na n sãam? (Yɩɩl 11:3)
14. A Davɩɩd sẽn kos tɩ Wẽnnaam da bas tɩ neb nins sẽn kis yẽ wã wẽgs b nin ne yẽ wã, a ra rat n yeelame tɩ bõe? (Yɩɩl 35:19)
15. Bels-bʋg la d tõe n paam Yɩɩl Sõamyã 40 pʋgẽ, tɩ tõe n sõng-d tɩ d mao ne yel-wẽnã d sẽn dog ne wã, la dũni kãngã yel-beedã toor-toorã? (Yɩɩl 40:2, 3, 6, 13)