Wẽnnaam tʋʋmdã lekoll lebg-n-gese
B na n kõo sogsg nins sẽn pʋgdã leoor Wẽnnaam tʋʋmdã lekollẽ yʋʋmd 2004, wao-fugdg kiuug rasem 23 semenã pʋgẽ. Lekollã yel-gɛt na n maana minit 30 lebg-n-gese, n tik sõss nins b sẽn kõ yʋʋmd 2003, sɩpaolg kiuug rasem a 3 semenã tɛk n tɩ ta yʋʋm-sar kiuug rasem 29 semenã zutu. [Vẽnegre: Zĩis nins b sẽn ka ning sɛb zĩig sokrã poorã, y segd n vaeesa y toor n bao leoorã.—Ges-y École du ministère, s.n. 36-7.]
SÕASG MINIM
1. Bõe la d tõe n maan sẽn na yɩl tɩ zãmsg ning d sẽn taasdã yɩ vẽeneg ne d kɛlgdbã la sɩd naf-ba? [be s.n. 158 s. a 1-3]
2. Bõe yĩng tɩ d segd n maag d yĩng n tũus d gom-biisã? [be s.n. 160 s. a 1 la zĩ-gũbr a yiib-n-soabã]
3. Bõn-kãseng bʋg b sẽn baood tɩ b maan sẽn na yɩl tɩ sõasg yɩ sõma la b wilg vẽeneg 1 Korẽnt dãmb 14:9 pʋgẽ, la d sã n wa zãmsd nebã, wãn-wãn la d tõe n tũ no-kãngã? [be s.n. 161 s. a 1-4]
4. Wa d sẽn yã Matɩe 5:3-12 la Mark 10:17-21 pʋgẽ wã, d segd n dɩka togs-n-taar ne bõn-kãseng bʋg a yembr sẽn tɩ loe ne a Zezi zãmsgã? [be s.n. 162 s. a 4]
5. D sã n wa moond koe-noogã bɩ d sã n wa kõt leoor tigingã tigissẽ, bõe yĩng tɩ d segd n tʋlg n modgd n tũnugd ne gom-biis sẽn tar pãng la sẽn be yamleoogo? (Mat. 23:37, 38) [be s.n. 163 s. a 3–s.n. 164 s. a 1]
SÕASG No a 1
6. Sõasg gom-zug yaa bõe, la wãn to la gom-zugã ningr d yamẽ na n sɩd tall yõod ne-do, d sã n wa tũusd tagsa n na n sigl-b sõasg yĩnga? [be s.n. 39 s. a 6–s.n. 40 s. a 1]
7. a) Yɩ yɩlemd tẽebã wɛɛngẽ wã rat n yeelame tɩ bõe, la bõe yĩng tɩ b tõe n yeel tɩ yɩlemdã tẽebã wɛɛngẽ n tar yõod n tɩ yɩɩd yɩlemd buud fãa? b) Wãn-wãn la kiris-nebã tõe n zãgs vɩɩm manesem dẽgdã sẽn piuug dũniyã pʋgẽ wã? [w02-MM 1/2 s.n. a 5-6]
8. Noy nins fãa sẽn be Biiblã pʋgẽ wã sʋka, no-bʋs n tar yõod n tɩ yɩɩda? [w02-MM 1/3 s.n. a 5 s. a 1, 4, 6]
9. Nimbãan-zoeer yaa bõe, la wãn-wãn la a Zezi wilg zʋg-sõng kãngã? [w02 15/4 s.n. 25 s. a 4-5]
10. Wãn to la Yelbũna 11:11 wã paamd pidsg a Zeova sõgen dãmbã tiging zugu? [w02 15/5 s.n. 27 s. a 1-3]
SEMEN FÃA BIIBLÃ KARENGO
11. ‘Vɩɩm tɩɩgã’ b sẽn gom a yell Sɩngr 2:9 pʋgẽ wã makda bõe?
12. Bõe yĩng t’a Lot pagã ki? (Sɩng. 19:26) [w90 15/4 s.n. 18 s. 10]
13. Kɩbar sẽn yaa bãngr-gomdã sẽn be Sɩngr sak 24 pʋgẽ wã, a) a Abrahaam, b) a Izaak, d) a Abrahaam sõgen a Eliezɛɛre, e) yʋgma piigã, la f) a Rebeka makda ãnda bɩ bõe?
14. Wẽnnaam pʋlma a Zakoob ne a Ezayu bɩ? (Sɩng. 25:23)
15. Wãn-wãn la a Rasɛll kõ mak-sõng n yɩ ned sẽn maan modgr ne a sũur fãa t’a Zeova ninga barka? (Sɩng. 30:1-8) [w02 1/8 s.n. 29-30]