Wẽnnaam tʋʋmdã lekoll lebg-n-gese
B na n kõo sogsg nins sẽn pʋgdã leoor Wẽnnaam tʋʋmdã lekollẽ yʋʋmd 2003, yʋʋm-sar kiuug rasem 29 semenã pʋgẽ. Lekollã yel-gɛt na n maana minit 30 lebg-n-gese, n tik sõss nins b sẽn kõ yʋʋmd 2003, sɩpaolg kiuug rasem a 3 semenã tɛk n tɩ ta yʋʋm-sar kiuug rasem 29 semenã zutu. [Vẽnegre: Zĩis nins b sẽn ka ning sɛb zĩig sokrã poorã, y segd n vaeesa y toor n bao leoorã.—Ges-y École du ministère, s.n. 36-7.]
SÕASG MINIM
1. Bõe yĩng tɩ tar yõod wʋsg tɩ d tʋm ne Biiblã koe-moonegã wakate? [be s.n. 145 s. a 2, zĩ-gũbrã]
2. Wãn-wãn la verse wã sẽn be zĩig ning kɩbarã pʋgẽ wã sõngd tõnd tɩ d bãng a tʋɩɩsgo? [be s.n. 149]
3. Bõe yĩng tɩ tar yõod tɩ d sã n wa karemd Biiblã verse, bɩ d gom n tadg gom-biis nins sẽn zemsã zutu, la wãn-wãn to la d tõe n maan dẽ? [be s.n. 151 s. a 2, zĩ-gũbrã]
4. Tõnd sã n wa zãmsd neb a taabã, wãn-wãn la d na n tũ a Poll saglg ning sẽn yet tɩ d ‘togs sɩd koɛɛgã tɩrg balã,’ la bõe yĩng tɩ rẽ tar yõodo? (2 Tɩm. 2:15) [be s.n. 153 s. a 2, zĩ-gũbrã]
5. Wãn-wãn la a Poll tik ‘Gʋlsg Sõamyã koɛɛga’ zug n ‘sõs ne nebã’? (Tʋʋ. 17:2, 3) [be s.n. 155 s. a 5–s.n. 156 s. a 1]
SÕASG No a 1
6. Tõnd sã n dɩk Biiblã sẽn yaa tõnd pipi vaeesg tʋʋm-teoogã n na n segl sõasga, bõe yĩng tɩ tar yõod tɩ 1) tɩ d ges verse rãmb nins d sẽn vaeesdã sẽn be zĩig ning kɩbarã pʋgẽ wã, 2) d gẽes referãns rãmbã, la 3) d maan vaeesg Biiblã kõnkordãns rãmb pʋsẽ? [be s.n. 34 s. a 3–s.n. 35 s. a 2]
7. Wãn-wãn to la d wilgd kɩs-sɩd hakɩkã, la yaa ne ãnda la d wilgd-a? [w01 1/10 s.n. 22-3]
8. Bõe n wilgd t’a Zeova maanda yɛlã wakat ning a sẽn yãk b yĩnga takɩ? (Dan. 11:35-40; Luk 21:24) [si s.n. 284 s. a 1]
9. Yel-bʋs la d segd n ning d yamẽ, d sã n maan vaeesg sõasg yĩng n dat n yãk tagsa nins d sẽn na n togs sõasgã pʋgẽ wã? [be s.n. 38]
10. Bõe yĩng t’a Zezi sẽn yeel bũmb ning a “Nowe wakata” wɛɛngẽ wã zems ne yɛlã sẽn yaa to-to tõnd wakatã? (Mat. 24:37) [w01 15/11 s.n. 31 s. a 3-4]
SEMEN FÃA BIIBLÃ KARENGO
11. Wãn to la lɛtrã a Poll sẽn tool a Filemo wã wilgd tɩ kiris-ned tʋʋmd yaa sõng nebã tɩ b lebg kiris-neba, la pa b sõng n toeem zãmaanã vɩɩm? (File. 12)
12. Welg-bʋg n be ‘zãage,’ ‘base’ la ‘lʋɩ wã’ sʋka? (Heb. 2:1; 3:12; 6:6) [w99 15/7 s.n. 19 s. 12; w86 1/6 s.n. 14 s. 16-17; w81 1/3 s.n. 23 s. a 8]
13. Wãn to la d tõe n gũus n da wa rɩk gomd ning sẽn yaa ‘a Zeova sã n data’ n maan t’a lebg gom-zaalg bala? (Zak 4:15) [cj s.n. 170 s. a 3-s.n. 171 s. a 1]
14. ‘Gũud a Zeova daarã ne datem kãsengã’ rat n yeelame tɩ bõe, la wãn-wãn to la d tõe n maan dẽ? (2 Pɩɛ. 3:12) [w97 1/9 s.n. 19-20]
15. Sagl-bʋs sẽn tar yõod wʋsg ne kiris-nebã rũndã-rũndã n be koees nins b sẽn da taas tigims a yopoe wã b sẽn gom b yell Wilgr sak a 2 la 3 wã pʋgẽ? (Wil. 2:4, 5, 10, 14, 20; 3:3, 10, 11, 17, 19)