KIBAYÃ PIPI SEBRE

5 A Zafɛt kom-dibli wã yɩɩ a Gomeere, a Magooge, a Madayi, a Yavanne, a Tuballe,+ a Mesɛk+ la a Tɩraase.+

6 A Gomeer kom-dibli wã yɩɩ a Askenaaze, a Rifat ne a Togarma.+

7 A Yavan kom-dibli wã yɩɩ a Eliisa, a Tarsiisi, a Kitim ne a Rodanim.

8 A Kam kom-dibli wã yɩɩ a Kuusi,+ a Mizrayim, a Put ne a Kanaã.+

9 A Kuus kom-dibli wã yɩɩ a Seba,+ a Havila, a Sabta, a Raama+ ne a Sabteka.

A Raama kom-dibli wã yɩɩ a Saba ne a Dedanne.+

10 A Kuus roga a Nimroode.+ A Nimrood n yɩ pipi n lebg pãng soab tẽngã zugu.

11 A Mizrayim roga a Luudi,+ a Anamim, a Lehabim, a Naftuhim,+ 12 a Patrusim,+ a Kasluhim (yaa yẽ pendẽ la Filisti nebã+ yi-yã,) la a Kaftorim.+

13 A Kanaã roga a Sɩdõ+ sẽn yaa a bi-kãsengã, n paas a Hɛte,+ 14 ne Zebuus nebã,+ Amoor nebã,+ Girgas nebã,+ 15 Hevi nebã,+ Arki nebã, Sĩn nebã, 16 Arvaad nebã,+ Zemaar nebã, ne Hamat nebã.

18 A Arpaksaad roga a Sela,+ t’a Sela rog a Ebɛɛre.

19 A Ebɛɛr roga kom-dibli a yiibu. A yembrã yʋʋr la a Pelɛɛge,*+ bala a wakatẽ wã, tẽngã* welgame. A ba-biigã yʋʋr la a Zoktan.

20 A Zoktan roga a Almodaade, a Selɛfe, a Hazarmavɛte, a Yeera,+ 21 a Hadoram, a Uzalle, a Dikla, 22 a Oballe, a Abimayɛlle, a Saba, 23 a Ofɩɩre,+ a Havila+ la a Zobaabe. B fãa yɩɩ a Zoktan kom-dibli.

28 A Abrahaam kom-dibli yɩɩ a Izaak+ ne a Ismayɛll.+

29 Ad b yagensã: A Ismayɛll bi-kãseng a Nebayote,+ a Kedaare,+ a Adbeyɛlle, a Mibsam,+ 30 a Misma, a Duma, a Masa, a Hadaade, a Tema, 31 a Yetʋʋre, a Nafis ne a Kedema. Bãmbã n yɩ a Ismayɛll kom-dibli.

32 A Ketuura+ sẽn yaa a Abrahaam pʋg-rɩkdgã* kom-dibli wã la woto: A Zimranne, a Zoksanne, a Medanne, a Madiyã,+ a Isbake, la a Suwa.+

A Zoksan kom-dibli yɩɩ a Saba ne a Dedan.+

33 A Madiyã kambã yɩɩ a Efa,+ a Efɛɛre, a Hanoke, a Abida ne a Ɛldaa.

B fãa yɩɩ a Ketuura kamb la a yagense.

34 A Abrahaam doga a Izaak.+ A Izaak kom-dibli yɩɩ a Ezayu+ ne a Israyɛll.+

35 A Ezayu kom-dibli yɩɩ a Elifaaz, a Rewuyɛll, a Yewuus, a Yalam la a Koore.+

36 A Elifaaz kom-dibli yɩɩ a Temanne,+ a Omaar, a Zefo, a Gatam, a Kenaaz, a Timna ne a Amalɛk.+

37 A Rewuyɛll kom-dibli yɩɩ a Nahat, a Zeera, a Sama ne a Miiza.+

38 A Seyɩɩr+ kom-dibli yɩɩ a Lotan, a Sobal, a Sibeyon, a Ana, a Dison, a Ezɛɛr ne a Disan.+

39 A Lotan kom-dibli yɩɩ a Hoori, ne a Homam. A Lotan tãoã yʋʋr da yaa a Timna.+

40 A Sobal kom-dibli yɩɩ a Alvan, a Manahat, a Eball, a Sefo ne a Onam.

A Sibeyon kom-dibli yɩɩ a Aya ne a Ana.+

41 A Ana bi-ribl* yɩɩ a Dison.

A Dison kom-dibli yɩɩ a Hemdan, a Ɛsban, a Itran ne a ­Keran.+

42 A Ezɛɛr+ kom-dibli yɩɩ a Bilhan, a Zaavan ne a Akan.

A Disan kom-dibli yɩɩ a Uuz ne a Aran.+

43 Ad rĩm-dãmb nins sẽn dɩ naam Edom+ soolmẽ wã, nand tɩ rĩm dɩ naam Israyɛll nebã*+ zugu: Yaa a Beoor biig a Bela. A tẽngã yʋʋr da yaa Dinaba. 44 A Bela sẽn wa n ki wã, Boosra+ rao a Zeera biig a Zobaab ledg-a lame n sɩng naam dɩɩbo. 45 A Zobaab sẽn wa n ki wa, a Husam sẽn yit Teman nebã soolmẽ wã n ledg-a n sɩng naam dɩɩbo. 46 A Husam sẽn wa n ki wã, a Bedaad biig a Hadaad ledg-a lame n sɩng naam dɩɩbo. Yaa yẽ la sẽn tõog Madiyã Mowaab soolmẽ* wã. A tẽngã yʋʋr da boondame tɩ Avite. 47 A Hadaad sẽn wa n ki wã, Masreka rao a Samla n ledg-a n sɩng naam dɩɩbo. 48 A Samla sẽn wa n ki wã, Rehobot rao a Sawull ledg-a lame n dɩ naam. Yaa Rehobot ning sẽn be kʋɩlgã noorã. 49 A Sawull sẽn wa n ki wã, a Akboor biig a Baal-hanaan n ledg-a n sɩng naam dɩɩbo. 50 A Baal-hanaan sẽn wa n ki wã, a Hadaad n ledg-a n sɩng naam dɩɩbo. A tẽngã yʋʋr da boondame tɩ Pawu, t’a pagã yʋʋr la a Mehetabɛlle. Yẽ yaa a Mezahaad bi-pugl a Matrɛɛd biiga. 51 La a Hadaad wa n kiime.

Edom nanambsã* yɩɩ naab a Timna, naab a Alva, naab a Yetɛt,+ 52 naab a Oholibama, naab a Ela, naab a Pino, 53 naab a Kenaaz, naab a Teman, naab a Mibzaar, 54 naab a Magdiyɛll, la naab a Iram. Bãmbã n yɩ Edom nanambsã.

2 Ad a Israyɛll kom-dibli wã:+ Yaa a Rubɛn,+ a Sɩmeyõ,+ a Levi,+ a Zida,+ a Isakaar,+ a Zabulõ,+ 2 a Dan,+ a Zozɛf,+ a Bẽnzame,+ a Naftali,+ a Gaad+ ne a Asɛɛr.+

3 A Zida kom-dibli yɩɩ a Ɛɛr, a Onan ne a Sela. Bãmb b tãabã yaa a Suwa sẽn yaa Kanaã bi-puglã+ kamba. La a Zida bi-kãseng a Ɛɛr manesmã ra pa tat a Zeova yam ye. Rẽ n so t’a kɩt t’a ki.+ 4 A Zida bi-pag a Tamaar+ doga kom-dibli n kõ-a: Yaa a Perɛɛz+ ne a Zeera. A Zida kom-dibli wã fãa yɩɩ bãmb b nu.

5 A Perɛɛz kom-dibli yɩɩ a Ɛsron ne a Hamull.+

6 A Zeera kom-dibli yɩɩ a Zimri, a Etan, a Heman, a Kalkoll ne a Daara. B fãa yɩɩ bãmb b nu.

7 A Karmi bi-ribl* yɩɩ a Akaar* sẽn kɩt tɩ yel-beed* paam Israyɛll nebã.+ Yẽ ra pa maan sɩd bũmb nins sẽn da segd ne sãoongã wɛɛngẽ ye.+

8 A Etan bi-ribl* yɩɩ a Azariya.

9 A Ɛsron kom-dibli yɩɩ a Yerameyɛll+ ne a Ram+ la a Kelubayi.*

10 A Ram roga a Aminadaabe,+ t’a Aminadaab rog a Naasõ+ sẽn da yaa a Zida yagensã taoor soabã. 11 A Naasõ roga a Salma, t’a Salma+ rog a Bowaaze.+ 12 A Bowaaz roga a Obɛɛde, t’a Obɛɛd rog a Zese.*+ 13 A Zese roga a bi-kãseng a Eliyaabe, yiib-n-soaba, a Abinadaabe,+ tãab-n-soaba, a Simeya,+ 14 naas-n-soaba, a Netanɛlle, nu soaba, a Radayi, 15 yoob-n-soaba, a Ozɛm la yopoe-n-soaba, a Davɩɩde.+ 16 Bãmb tãop yɩɩ a Seruya ne a Abigayɩlle.+ A Seruya kom-dibli yɩɩ a Abisayi+ ne a Zowaab+ la a Asayɛlle.+ Bãmb b tãabo. 17 A Abigayɩll doga a Amaza.+ A Amaza ba yɩɩ Ismayɛll ned a Zetɛɛre.

18 A Ɛsron biig a Kalɛɛb* pag a Azuba ne a Zeriyot roga kom-dibli. A Azuba kom-dibli wã la woto: A Yesɛɛre, a Sobaab ne a Ardõ. 19 A Azuba kũum poore, a Kalɛɛb kẽe kãadem ne a Efrat+ n dog a Huure.+ 20 A Huur doga a Uri, t’a Uri rog a Bɛtsalɛlle.+

21 A Ɛsron wa n kẽe ne a Galaad+ ba a Makɩɩr+ bi-puglã. A sẽn wa n tar yʋʋm pis-yoob la a kẽ kãadem ne-a t’a rog a Seguubi. 22 A Seguub roga a Zayɩɩr+ sẽn tar tẽns pisi la a tãab Galaad soolmẽ wã.+ 23 Gesʋʋr+ ne Siiri nebã+ wa n deega Havot-zayɩɩr+ ne Kenat+ la tẽns nins a sẽn so wã.* Fãa yɩɩ tẽns pis-yoobe. Bãmbã fãa yɩɩ a Galaad ba a Makɩɩr yagense.

24 A Ɛsron+ sẽn wa n maan kaalem Kalɛɛb-efrata wã poore, a Ɛsron pag a Abiya roga a Tekowa+ ba a Asʋʋre.+

25 A Ɛsron bi-kãseng a Yerameyɛll kom-dibli yɩɩ a bi-kãseng a Ram, a Buna, a Orɛn, a Ozɛm ne a Ahiya. 26 A Yerameyɛll talla pag a to t’a yʋʋr la a Atara. Yẽ n yɩ a Onam ma. 27 A Yerameyɛll bi-kãseng a Ram kom-dibli yɩɩ a Maaz, a Yamin ne a Ekɛɛr. 28 A Onam kom-dibli yɩɩ a Samayi ne a Yada. A Samayi kom-dibli yɩɩ a Nadaab ne a Abisʋʋr. 29 A Abisʋʋr pagã yʋʋr da boondame t’a Abihayɩll. A roga a Aban ne a Moliid. 30 A Nadaab kom-dibli yɩɩ a Selɛɛd ne a Apayim. La a Selɛɛd kiime n pa paam kom-dibli ye. 31 A Apayim bi-ribl* yɩɩ a Iseyi, t’a Iseyi bi-ribl* yɩ a Sesan, t’a Sesan bi-ribl* yɩ a Alayi. 32 A Samayi ba-biig a Yada kom-dibli yɩɩ a Zetɛɛr ne a Zonatã. La a Zetɛɛr kiime n pa paam kom-dibli ye. 33 A Zonatã kom-dibli yɩɩ a Pelɛt ne a Zaza. Bãmb n yɩ a Yerameyɛll yagense.

34 A Sesan pa paam kom-dibli ye. Yɩɩ kom-pugli bala. La a Sesan ra tara tʋm-tʋmd sẽn yaa Ezɩpt neda, t’a yʋʋr la a Yaara. 35 A Sesan rɩka a bi-pugl n kõ a tʋm-tʋmd a Yaara t’a maan a paga. A bi-pug-kãng roga a Atayi. 36 A Atayi roga a Natã, t’a Natã rog a Zabaad. 37 A Zabaad roga a Eflall, t’a Eflall dog a Obɛɛd. 38 A Obɛɛd doga a Zehu, t’a Zehu rog a Azariya. 39 A Azariya roga a Helɛɛz, t’a Helɛɛz rog a Eleyasa. 40 A Eleyasa roga a Sismayi, t’a Sismayi rog a Salum. 41 A Salum roga a Yekamiya, t’a Yekamiya rog a Elisama.

42 A Yerameyɛll ba-biig a Kalɛɛb*+ kom-dibli yɩɩ a bi-kãseng a Mesa sẽn yɩ a Zɩf ba wã, ne a Ebrõ ba a Maresa kom-dibli wã. 43 A Ebrõ kom-dibli yɩɩ a Koore, a Tapuwa, a Rekɛm ne a Sema. 44 A Sema roga a Raham, t’a Raham rog a Zorkeyam. A Rekɛm doga a Samayi. 45 A Samayi bi-ribl yɩɩ a Mawon, t’a Mawon rog a Bɛt-sʋʋr.+ 46 A Kalɛɛb pʋg-rɩkdg* a Efa roga a Haran, a Moza, ne a Gazɛɛz. A Haran doga a Gazɛɛz. 47 A Yadayi kom-dibli yɩɩ a Regɛm, a Zotam, a Gesan, a Pelɛt, a Efa ne a Saaf. 48 A Kalɛɛb pʋg-rɩkdg* a Maaka roga a Sebɛɛr ne a Tɩrana. 49 A Maaka wa n doga a Madmana+ ba a Saaf la a Makbena ne a Gibeya+ ba a Seva. A Kalɛɛb+ bi-pugl yɩɩ a Aksa.+ 50 Bãmbã n yɩ a Kalɛɛb yagense.

A Efrata+ bi-kãseng a Huur+ kom-dibli yɩɩ a Kiryat-yeyarim+ ba a Sobal, 51 a Betlehɛm+ ba a Salma, la a Bɛt-gadɛɛr ba a Harɛf. 52 Ad a Kiryat-yeyarim ba a Sobal kom-dibli wã: Yaa a Harowe, ne Menuhot nebã pʋɩ-sʋka. 53 A Kiryat-yeyarim rotã yɩɩ Zetɛɛr nebã,+ Put nebã, Sumat nebã, la Misarayi nebã. Bãmb n yɩ Zora nebã+ ne Ɛstawoll nebã+ yaab-rãmbã. 54 A Salma kom-dibli yɩɩ a Betlehɛm,+ Netofa nebã, a Atrot-bɛt-zowaab, Manahat nebã pʋɩ-sʋka, la Zoor nebã. 55 Gʋlsdbã rot neb sẽn da be Yabɛsã yɩɩ Tɩɩrat nebã, Simeyat nebã, la Sukat nebã. Bãmbã da yaa Kɛn nebã+ sẽn yaa a Rekaab+ roogã nebã ba a Hamat yagense.

3 Ad a Davɩɩd kom-dibli nins a sẽn dog Ebrõ wã:+ Yaa a bi-kãseng a Amnon.+ Yẽ ma la a Ayinowam+ sẽn yit Zizreyɛllã. Yiib-n-soabã yaa a Dãniyɛlle. Yẽ ma la a Abigayɩll+ sẽn yit Karmellã. 2 Tãab-n-soabã yaa a Absalom.+ A ma yaa Gesʋʋr dĩm a Talmayi bi-pugl a Maaka. Naas-n-soabã yaa a Agit biig a Adoniza.+ 3 Nu soabã yaa a Sefatiya. A ma wã la a Abitall, la yoob-n-soabã yaa a Itreyam. A ma la a Davɩɩd pag a Egla. 4 A Davɩɩd roga kom-kãensã b yoobã Ebrõ. A Davɩɩd zĩnda be n dɩ naam yʋʋm a yopoe la kiis a yoobe, la a zĩnd Zerizalɛm n dɩ naam yʋʋm pis-tã la a tãabo.+

5 Ad kom-dibli nins a Davɩɩd sẽn dog Zerizalɛmmã:+ Yaa a Simeya, a Sobaab, a Natã,+ ne a Salomo.+ Kom-kãensã b naasã ma yaa a Amiyɛll bi-pugl a Batseba.+ 6 A Davɩɩd leb n doga kom-dibli a wɛ: Yaa a Yibaare, a Elisama, a Elifelɛte, 7 a Noga, a Nefɛɛge, a Zafiya, 8 a Elisama, a Eliyada ne a Elifelɛte. 9 Bãmbã fãa yɩɩ a Davɩɩd kom-dibli, n paas a pʋg-rɩkdsã* kom-dibli, t’a Tamaar+ da yaa bãmb tão.

10 A Salomo bi-ribl yɩɩ a Robowam.+ A Robowam doga a Abiya,+ t’a Abiya rog a Aaza,+ t’a Aaza rog a Zozafat,+ t’a Zozafat rog 11 a Zoram,+ t’a Zoram dog a Akazia,+ t’a Akazia rog a Zowas,+ t’a Zowas rog 12 a Amazɩya,+ t’a Amazɩya rog a Azariya,+ t’a Azariya rog a Zotam,+ t’a Zotam dog 13 a Akaaz,+ t’a Akaaz rog a Ezekɩyaas,+ t’a Ezekɩyaas rog a Manase,+ t’a Manase rog 14 a Amo,+ t’a Amo rog a Zoziyas.+ 15 A Zoziyas kom-dibli yɩɩ a bi-kãseng a Zohanan. Yiib-n-soaba, a Zowakim,+ tãab-n-soaba, a Sedesiyaas,+ naas-n-soaba, a Salum. 16 A Zowakim kom-dibli yɩɩ a Zekoniya+ ne a Sedesiyaas. 17 A Zekoniya sẽn da be bãens roogã kom-dibli yɩɩ a Seyatiyɛll, 18 a Malkiram, a Pedaya, a Senazaar, a Yekamiya, a Hosama ne a Nedabiya. 19 A Pedaya kom-dibli yɩɩ a Zorobabɛll+ ne a Simeyi. A Zorobabɛll kom-dibli yɩɩ a Mesulam ne a Hananiya. (A Selomit da yaa bãmb tão.) 20 A Zorobabɛll leb n doga kom-dibli a nu: Yaa a Hasuba, a Owɛll, a Berekɩya, a Hasadiya ne a Yusaab-esɛɛd. 21 A Hananiya kom-dibli yɩɩ a Pelatiya ne a Yesaya. A Yesaya bi-ribl* yɩɩ a Refaya, a Refaya bi-ribl* yɩɩ a Arnan, a Arnan bi-ribl* yɩɩ a Abdiyaas, a Abdiyaas bi-ribl* yɩɩ a Sekaniya. 22 A Sekaniya kom-dibli yɩɩ a Semaya ne a Semaya kom-dibli wã: A Hatus, a Yigall, a Bariya, a Neyariya ne a Safat. B fãa yaa bãmb b yoobe. 23 A Neyariya kom-dibli yɩɩ a Eliyohenayi, a Hiizkiya ne a Aazrikam. Bãmb b tãabo. 24 A Eliyohenayi kom-dibli yɩɩ a Hodaviya, a Eliyasɩɩb, a Pelaya, a Akuub, a Zohanan, ne a Delaya la a Anani. Bãmb b yopoe.

4 A Zida kom-dibli yɩɩ a Perɛɛz,+ a Ɛsron,+ a Karmi, a Huur,+ ne a Sobal.+ 2 A Sobal bi-ribl a Rehaya roga a Yahat, t’a Yahat rog a Ahumayi ne a Lahaad. Yaa a Zora rotã nebã+ la woto. 3 Ad a Etam+ ba wã kom-dibli: Yaa a Zizreyɛll, a Isma, a Yidbaas. (B tãoã yʋʋr da yaa a Azelelponi.) 4 A Penuwɛll yɩɩ a Gedoor ba, t’a Ezɛɛr yɩ a Husa ba. Bãmb n yɩ a Huur+ kom-dibli. Yẽ ra yaa a Efrata bi-kãsenga, la a Betlehɛm+ ba. 5 A Tekowa+ ba a Asʋʋr+ talla pagb a yiibu. Yaa a Ela ne a Naara. 6 A Naara doga a Awuzam, a Hefɛɛr, a Temeni, ne a Ahastari. Bãmbã n yɩ a Naara kom-dibli. 7 A Ela kom-dibli yɩɩ a Zerɛt, a Izehaar, ne a Ɛtnan. 8 A Kooz roga a Anuub ne a Zobeba, n paas a Harum bi-ribl a Aharɛll rotã nebã.

9 A Yabɛs ba-biisã sʋka, yẽ la b ra nand n yɩɩda. A ma wã pʋd-a lame t’a Yabɛs,* n yeel yaa: “Mam dog-a-la toog pʋga.” 10 A Yabɛs pʋʋsa Israyɛll Wẽnnaamã n yeel yaa: “M kotame tɩ y ning-m barka, n yalg m soolmã la y sõng-ma, n kogl-m tɩ yel-beed ra paam-m ye.” Dẽ, Wẽnnaam maana bũmb ning a sẽn kosã.

11 A Keluub ba-biig a Suwa roga a Mehɩɩr sẽn yaa a Ɛston ba wã. 12 A Ɛston roga a Bɛt-rafa, a Paseya, ne a Ir-nahaas ba a Teyina. Bãmb n da yaa Reka tẽngã rapa. 13 A Kenaaz kom-dibli yɩɩ a Otniyɛll+ ne a Seraya. A Otniyɛll bi-ribl* yɩɩ a Hatat. 14 A Mewonotayi roga a Ofra. A Seraya roga a Zowaab sẽn yɩ Ge-harasim* nebã ba wã. B ra boonda longã woto, bala b ra yaa nug-tʋʋm dãmba.

15 A Yefune bi-ribl a Kalɛɛb+ kom-dibli yɩɩ a Iru, a Ela, ne a Naam. A Ela bi-ribl* yɩɩ a Kenaaz. 16 A Yehalelɛll kom-dibli yɩɩ a Zɩf, a Zifa, a Tɩrya ne a Azareyɛll. 17 A Ɛsdras kom-dibli yɩɩ a Zetɛɛr, a Merɛɛd, a Efɛɛr ne a Yalon. A pag* a yembr dɩka pʋg n dog a Miryam, a Samayi, ne a Ɛstemowa ba a Isba. 18 (A pag ning sẽn yɩ Zʋɩfã roga a Gedoor ba a Yerɛɛd, a Soko ba a Hebɛɛr la a Zanowa ba a Yekutiyɛll.) Bãmbã n yɩ a Merɛɛd pag a Bitiya sẽn yaa a Farawõ bi-puglã kom-dibli.

19 A Naham tãoã sẽn yaa a Hodiya pagã kom-dibli wã yɩɩ Garmi ned a Keyila ne Maakat ned a Ɛstemowa ba-rãmbã. 20 A Sɩmo kom-dibli wã yɩɩ a Amnon, a Rina, a Bɛn-hanaan, ne a Tɩlon. A Iseyi kom-dibli yɩɩ a Zowɛt ne a Bɛn-zowɛt.

21 A Zida bi-ribl a Sela+ kom-dibli yɩɩ a Leka ba a Ɛɛr ne a Maresa ba a Laada. Sẽn paase, a yagensã yɩɩ a Asbeya rotã neb sẽn da wʋgd fut ne gĩs-bãanesã, 22 ne a Zokim, Kozeba rapã, la a Zowaas ne a Saraf sẽn kẽ kãadem ne pagb sẽn yaa Mowaab nebã, n paas a Yasubi-leyɛm. Sõadgã seb-kãensã yaa kʋda.* 23 Bãmb da yaa yagdb sẽn be Netayim ne Gedeera, n tʋmd n kõt rĩmã.

24 A Sɩmeyõ+ kom-dibli yɩɩ a Nemuwɛll, a Yamin, a Yariib, a Zeera ne a Sawull.+ 25 A Sawull roga a Salum, t’a Salum rog a Mibsam, t’a Mibsam rog a Misma. 26 A Misma kom-dibli yɩɩ a Hamuwɛll, t’a Hamuwɛll dog a Zakʋʋr, t’a Zakʋʋr dog a Simeyi. 27 A Simeyi paama kom-dibli piig la a yoobe, ne kom-pugli a yoobe. La a ba-biisã pa paam kom-dibli wʋsg ye. B roog baa a ye pa paam neb wʋsg wa Zida rapã ye.+ 28 Bãmb zĩnda Bɛɛr-seba,+ Molaada,+ Hazaar-suwall,+ 29 Bila, Ezem,+ Tolaad, 30 Betuwɛll,+ Horma,+ Ziklaag,+ 31 Bɛt-markabot, Hazaar-susim,+ Bɛt-biiri la Saarayim. Tẽn-kãensã n yɩ bãmb tẽnse, hal n tãag a Davɩɩd naamã sasa.

32 Bãmb leb n da bee Etam, Ayin, Rimon, Tokɛn la Asan.+ Tẽn-bɛd a nu, 33 ne b tẽn-bõones sẽn da gũbg tẽn-kãensã fãa n tãag Baalle. B buudã neb nins yʋy sẽn be sõadgã sɛb pʋsẽ wã la woto, n paas zĩis nins b sẽn zĩndã. 34 A Mesobaab, a Yamlɛk, a Zosa sẽn yaa a Amazɩya bi-riblã, 35 a Zowɛlle, a Aziyɛll bi-ribl a Seraya bi-ribl a Zosibiya bi-ribl a Zehu, 36 ne a Eliyohenayi, a Yaakoba, a Yesohaya, a Aazaya, a Adiyɛll, a Yesimiyɛll, a Benaya, 37 ne a Semaya bi-ribl a Simri bi-ribl a Yedaya bi-ribl a Alon bi-ribl a Sifi bi-ribl a Ziza. 38 Neb nins yʋy b sẽn sõdgã yaa bãmb buudã rot taoor dãmbã, la b yaab-rãmbã rot neb fɩɩga hal wʋsgo. 39 Bãmb kẽnga Gedoor noorẽ wã, longã yaang sẽnes n na n tɩ bao wãbneg zĩis b rũmsã yĩnga. 40 Bãmb wa n yãa wãbneg zĩis sẽn yaa sõma n tar yamd wʋsgo. Tẽngã ra yaa yalenga, n yaa laafɩ la bãan zĩiga. Pĩndã, yaa a Kam yagensã n da be be.+ 41 Neb nins yʋy b sẽn sõdgã ra waa Zida rĩm a Ezekɩyaas+ naamã sasa n sãam a Kam yagensã fu-rotã la b kʋ Mewunim dãmbã sẽn da be be wã. Bãmb sãam-b-la zãng tɩ b menem n tãag rũndã. Bãmb deega b zĩigã, bala wãbneg zĩis n da be be b rũmsã yĩnga.

42 A Sɩmeyõ yagensã rap kobs-nu kẽnga Seyɩɩr tãngẽ+ wã ne a Pelatiya, a Neyariya, a Refaya la a Uziyɛll sẽn yaa a Iseyi kom-dibli nins sẽn lʋɩ b taoorã. 43 Bãmb tɩ kʋʋ Amalɛk neb+ nins sẽn da põsã kellã, la b zĩnd be n tãag rũndã.

5 Ad a Israyɛll bi-kãseng a Rubɛn+ kom-dibli wã. A Rubɛn da yaa a bi-kãsenga, la a sẽn dẽgem a ba wã gãagã+ yĩnga, b rɩka a kãsengã n kõ a Israyɛll bi-ribl a Zozɛf+ kom-dibli wã. Rẽ n so tɩ b sẽn na n sõd b roogã rãmb yʋyã, b pa geelg a Rubɛn wa a ba wã bi-kãseng ye. 2 Baa a Zida+ sẽn da yɩɩd a ba-biisã, tɩ soab ning sẽn da na n wa lebg naabã yi a pendẽ wã,+ yɩɩ a Zozɛf n paam kãsengã. 3 A Israyɛll bi-kãseng a Rubɛn kom-dibli wã yɩɩ a Hanoke, a Palu, a Ɛsron la a Karmi.+ 4 A Zowɛll kom-dibli wã yɩɩ a Semaya, t’a Semaya rog a Goog, t’a Goog rog a Simeyi. 5 A Mise roga a Rehaya, t’a Rehaya rog a Baalle. 6 A Baal roga a Beera, a soab ning Asiiri rĩm a Tilgat-pilnezɛɛr+ sẽn yõk n kẽng yembdã. A Beera ra yaa Rubɛn buudã neb taoor soaba. 7 A Beera ba-biisã neb nins yʋy sẽn da be sõadgã sɛb pʋsẽ wã, roog fãa ne a neb yʋyã yɩɩ a Yeyɛll sẽn da yaa taoor soabã, a Zakari, 8 ne a Zowɛll bi-ribl a Sema bi-ribl a Azaaz bi-ribl a Bela. A Bela roogã neb zĩnda soolem ning sẽn sɩng Arowɛɛr+ n tãag Nebo ne Baal-meyonnã.+ 9 Yaang sẽnesã, bãmb zĩnda hal we-raoogã sɩngrẽ n tãag Efrat kʋɩlgã+ noore. Bala b rũmsã ra lebga wʋsg Galaad+ soolmẽ wã. 10 A Sayull naamã wakate, bãmb zaba ne Hagaar nebã n tõog-ba. Woto, Galaad yaang sẽnesã soolmã fãa pʋgẽ, bãmb reega b fu-rotã n zĩnd b pʋsẽ.

11 Gaad buudã neb ra yɛga Rubɛn buudã nebã, Basan soolmẽ wã hal n tãag Salka.+ 12 Basan soolmẽ wã, a Zowɛll n da yaa taoor soaba, t’a Safam yaa yiib-n-soaba, n paas a Yanayi ne a Safat. 13 B ba-biisã sẽn da yaa b buudã rot nebã yɩɩ a Mikayɛll, a Mesulam, a Saba, a Zorayi, a Yakan, a Ziya la a Ebɛɛr. B fãa ra yaa bãmb b yopoe. 14 Ad a Abihayɩll kom-dibli wã. Yẽ ra yaa a Uuri bi-ribla, t’a Uuri yaa a Yarowa bi-ribla, t’a Yarowa yaa a Galaad bi-ribla. A Galaad ra yaa a Mikayɛll bi-ribla, t’a Mikayɛll yaa a Yesisayi bi-ribla, t’a Yesisayi yaa a Yado bi-ribla, t’a Yado bi-ribl yaa a Buuz. 15 A Guni bi-ribl a Abdiyɛll bi-ribl a Ayi n da yaa b buudã roogã neb taoor soaba. 16 Bãmb zĩnda Galaade,+ Basan+ soolmã ne tẽns nins a sẽn so wã,* la rũms wãbneg zĩisã fãa sẽn be Saarõ soolmẽ wã n tãag b todsã. 17 B gʋlsa b fãa yʋyã sõadgã sebr pʋgẽ, Zida rĩm a Zotam+ ne Israyɛll rĩm a Zerobowam*+ naamã wakate.

18 Rubɛn buudã ne Gaad buudã la Manase buudã pʋɩ-sʋk ra tara gãndaad tus-pis-naas la a naas la neb kobs-yopoe la pis-yoob sẽn bob gãnd la sʋʋs b tãb-biisã sʋka. Bãmb da bobda tãbdo,* la b ra yaa neb sẽn mi zabr sõma. 19 Bãmb zaba ne Hagaar nebã,+ a Yetʋʋr yagensã, la a Nafis+ ne a Nodaab yagensã. 20 La zabrã sasa, Wẽnnaam sõng-b lame tɩ b tõog Hagaar nebã ne neb nins fãa sẽn da be ne-bã. Bala bãmb kosa Wẽnnaam sõngr zabrã pʋgẽ, tɩ Wẽnnaam leok b kosgã b sẽn teeg yẽ wã yĩnga.+ 21 Bãmb yõga b rũmsã. Yɩɩ yʋgma tus-pis-nu, ne piis tus-kobs-yi la pis-nu, la bõens tus a yi, n paas neb* tus-koabga. 22 B kʋʋ neb wʋsgo, bala yaa Wẽnnaam+ meng n da zabd zabrã. Bãmb deega b soolmã n zĩnd be n tãag yikrã wakate.+

23 Manase buudã+ neb pʋɩ-sʋk zĩnda sẽn sɩng Basan n tãag Baal-hɛrmo ne Seniir la Hɛrmo tãngã+ soolmã. Bãmb da yaa wʋsgo. 24 Ad b buudã rot taoor dãmba: Yaa a Efɛɛr, a Iseyi, a Eliyɛll, a Azriyɛll, a Zeremi, a Hodaviya la a Yadiyɛll. B ra yaa gãndaado, neb yʋy sẽn yi, la b buudã rot taoor dãmba. 25 Bãmb pa maan sɩd ne b yaab-rãmbã Wẽnnaamã ye. Bãmb tũu bu-zẽmsã sẽn da be soolmã pʋgẽ wã wẽnnaam-dãmba,*+ bu-zẽms nins Wẽnnaam sẽn da menes bãmb taoorã. 26 Rẽ n so tɩ Israyɛll Wẽnnaamã pirs Asiiri+ rĩm a Pull (rat n yeel tɩ Asiiri rĩm a Tilgat-pilnezɛɛr+) t’a yõg Rubɛn buudã ne Gaad buudã la Manase buudã nebã pʋɩ-sʋk n tall n kẽng yembd Hala, Haboor, Haara la Gozan+ kʋɩlgã noore. La bãmb keta be hal n tãag rũndã.

6 A Levi+ kom-dibli wã yɩɩ a Gɛrson ne a Kehat+ la a Merari.+ 2 A Kehat kom-dibli yɩɩ a Amram, a Izehaar+ ne a Ebrõ la a Uziyɛll.+ 3 A Amram+ kambã* yɩɩ a Aarõ+ ne a Moyiiz+ la a Miryam.+ A Aarõ kom-dibli yɩɩ a Nadaab, a Abiyu+ ne a Eleazaar+ la a Itamaar.+ 4 A Eleazaar doga a Fineyaas,+ t’a Fineyaas rog a Abisuwa. 5 A Abisuwa roga a Buki, t’a Buki rog a Uuzi. 6 A Uuzi roga a Zeraya, t’a Zeraya rog a Merayot. 7 A Merayot roga a Amariya, t’a Amariya rog a Ayituub.+ 8 A Ayituub roga a Zadok,+ t’a Zadok rog a Ahimaaz.+ 9 A Ahimaaz roga a Azariya, t’a Azariya rog a Zohanan. 10 A Zohanan roga a Azariya. A Azariya yɩɩ maan-kʋʋd wẽnd-doog ning a Salomo sẽn me Zerizalɛmmã pʋgẽ.

11 A Azariya roga a Amariya, t’a Amariya rog a Ayituub. 12 A Ayituub roga a Zadok,+ t’a Zadok rog a Salum. 13 A Salum roga a Hilkiya,+ t’a Hilkiya rog a Azariya. 14 A Azariya roga a Seraya,+ t’a Seraya rog a Yehozadak.+ 15 A Yehozadak kẽnga yembdo, wakat ning a Zeova sẽn kɩt t’a Nebukadnezaar tall Zida ne Zerizalɛm nebã n kẽng yembdã.

16 A Levi kom-dibli yɩɩ a Gɛrsom* ne a Kehat la a Merari. 17 Ad a Gɛrsom kom-dibli wã yʋya: Yaa a Libni ne a Simeyi.+ 18 A Kehat kom-dibli yɩɩ a Amram, a Izehaar ne a Ebrõ la a Uziyɛll.+ 19 A Merari kom-dibli yɩɩ a Mali ne a Musi.

Ad Levi buudã nebã wa sẽn zems b yaab-rãmbã roto:+ 20 A Gɛrsom+ roga a Libni, t’a Libni rog a Yahat, t’a Yahat rog a Zima. 21 A Zima roga a Yowa, t’a Yowa rog a Ido, t’a Ido rog a Zeera, t’a Zeera rog a Yeyaterayi. 22 Ad a Kehat kom-dibli wã.* Yẽ roga a Aminadaab, t’a Aminadaab rog a Koore,+ t’a Koore rog a Asɩɩr. 23 A Asɩɩr doga a Ɛlkana, t’a Ɛlkana rog a Ebiyazaf,+ t’a Ebiyazaf rog a Asɩɩr. 24 A Asɩɩr doga a Tahat, t’a Tahat rog a Uriyɛll, t’a Uriyɛll rog a Ozɩyas, t’a Ozɩyas rog a Sawull. 25 A Ɛlkana kom-dibli yɩɩ a Amasayi ne a Ahimot. 26 Sã n yaa ne a Ɛlkana, yẽ roga a Sofayi, t’a Sofayi rog a Nahat. 27 A Nahat roga a Eliyaab, t’a Eliyaab rog a Zerowam, t’a Zerowam rog a Ɛlkana.+ 28 A Sãmwɛll+ kom-dibli yɩɩ a bi-kãseng a Zowɛll, yiib-n-soabã yaa a Abiya.+ 29 Ad a Merari kom-dibli wã.* Yẽ roga a Mali,+ t’a Mali rog a Libni, t’a Libni rog a Simeyi, t’a Simeyi rog a Uuza. 30 A Uuza roga a Simeya, t’a Simeya rog a Hagiya, t’a Hagiya rog a Aazaya.

31 Ad neb nins a Davɩɩd sẽn yãk tɩ b ra get yɩɩlã yell a Zeova roogẽ wã, wakat ning b sẽn tall Koglgã n wa bĩng be wã.+ 32 Yaa bãmb n ges yɩɩlã yell sɛk-roogẽ wã, n tãag wakat ning a Salomo sẽn me a Zeova roogã Zerizalɛmmã.+ Bãmb tʋma b tʋʋmdã wa b sẽn wilg-b to-to wã.+ 33 Ad rap nins sẽn tʋm be wã ne b kom-dibli wã: A Kehat roogã neb sʋka, yɩɩ yɩɩn-yɩɩnd a Heman+ sẽn da yaa a Zowɛll+ bi-riblã, t’a Zowɛll yaa a Sãmwɛll bi-ribla. 34 A Sãmwɛll yaa a Ɛlkana+ bi-ribla, t’a Ɛlkana yaa a Zerowam bi-ribla, t’a Zerowam yaa a Eliyɛll bi-ribla, t’a Eliyɛll yaa a Towa bi-ribla. 35 A Towa yaa a Zuf bi-ribla, t’a Zuf yaa a Ɛlkana bi-ribla, t’a Ɛlkana yaa a Mahat bi-ribla, t’a Mahat yaa a Amasayi bi-ribla. 36 A Amasayi yaa a Ɛlkana bi-ribla, t’a Ɛlkana yaa a Zowɛll bi-ribla, t’a Zowɛll yaa a Azariya bi-ribla, t’a Azariya yaa a Sofoni bi-ribla. 37 A Sofoni yaa a Tahat bi-ribla, t’a Tahat yaa a Asɩɩr bi-ribla, t’a Asɩɩr yaa a Ebiyazaf bi-ribla, t’a Ebiyazaf yaa a Koore bi-ribla. 38 A Koore yaa a Izehaar bi-ribla, t’a Izehaar yaa a Kehat bi-ribla, t’a Kehat yaa a Levi bi-ribla, t’a Levi yaa a Israyɛll bi-ribla.

39 A Heman ba-biig a Azaf+ ra bee a rɩtgo. A Azaf ra yaa a Berekɩya bi-ribla, t’a Berekɩya yaa a Simeya bi-ribla. 40 A Simeya ra yaa a Mikayɛll bi-ribla, t’a Mikayɛll yaa a Baaseya bi-ribla, t’a Baaseya yaa a Malkiya bi-ribla. 41 A Malkiya yaa a Ɛtni bi-ribla, t’a Ɛtni yaa a Zeera bi-ribla, t’a Zeera yaa a Adaya bi-ribla. 42 A Adaya yaa a Etan bi-ribla, t’a Etan yaa a Zima bi-ribla, t’a Zima yaa a Simeyi bi-ribla. 43 A Simeyi yaa a Yahat bi-ribla, t’a Yahat yaa a Gɛrsom bi-ribla, t’a Gɛrsom yaa a Levi bi-ribla.

44 A Merari+ yagensã sẽn yaa b ba-biisã ra bee a Heman nug-goabga. Yaa a Etan+ sẽn yaa a Kisi bi-riblã, t’a Kisi yaa a Abdi bi-ribla, t’a Abdi yaa a Maluk bi-ribla. 45 A Maluk yaa a Hasabiya bi-ribla, t’a Hasabiya yaa a Amazɩya bi-ribla, t’a Amazɩya yaa a Hilkiya bi-ribla. 46 A Hilkiya yaa a Amzi bi-ribla, t’a Amzi yaa a Bani bi-ribla, t’a Bani yaa a Semeer bi-ribla. 47 A Semeer yaa a Mali bi-ribla, t’a Mali yaa a Musi bi-ribla, t’a Musi yaa a Merari bi-ribla, t’a Merari yaa a Levi bi-ribla.

48 Yaa Levi buudã neb sẽn yaa b ba-biisã la b ra yãk* tɩ b get sɛk-roogã sẽn yaa Wẽnnaam doogã tʋʋmã fãa yelle.+ 49 A Aarõ ne a kom-dibli+ wã ra maanda maand sẽn nusd bug-zõose, maoong sẽn yõogd bugum tẽn-kugrã+ ne wisd tẽn-kugrã+ zugu. Bãmb da tʋmda b tʋʋmã fãa sẽn kẽed ne bũmb nins sẽn yaa sõamyã wʋsgã wɛɛngẽ, n maand paasg* maand Israyɛll nebã yĩnga,+ wa sẽn zems bũmb nins fãa Wẽnnaam tʋm-tʋmd a Moyiiz sẽn da yeelã. 50 Ad a Aarõ roogã rãmba: A Aarõ+ roga a Eleazaar,+ t’a Eleazaar rog a Fineyaas, t’a Fineyaas rog a Abisuwa. 51 A Abisuwa roga a Buki, t’a Buki rog a Uuzi, t’a Uuzi rog a Zeraya. 52 A Zeraya roga a Merayot, t’a Merayot rog a Amariya, t’a Amariya rog a Ayituub.+ 53 A Ayituub roga a Zadok,+ t’a Zadok rog a Ahimaaz.

54 Ad tẽn-bõones nins pʋsẽ Levi buudã neb sẽn tilg b sigs* b soolmã pʋgẽ wã. B sẽn na n maan bãnd n pʋɩ soolmã, pipi pʋɩɩrã yɩɩ a Aarõ roogã rãmb sẽn yaa a Kehat yagensã n paame. 55 B kõ-b-la Ebrõ,+ Zida soolmẽ wã ne a rũms wãbneg zĩisã. 56 La bãmb rɩka pʋtã sẽn be tẽngã ne a tẽn-kɩremsã pʋgẽ wã, n kõ a Yefune biig a Kalɛɛbe.+ 57 Bãmb kõo a Aarõ yagensã Ebrõ+ sẽn yaa soondg tẽngã,*+ n paas Libna+ ne a rũms wãbneg zĩisã, Yatɩɩr,+ Ɛstemowa ne a rũms wãbneg zĩisã,+ 58 Hilɛn ne a rũms wãbneg zĩisã, Debiir+ ne a rũms wãbneg zĩisã, 59 Asan+ ne a rũms wãbneg zĩisã, la Bɛt-semes+ ne a rũms wãbneg zĩisã. 60 Bẽnzame buudã soolmẽ wã, bãmb kõ-b-la Geba+ ne a rũms wãbneg zĩisã, Alemet ne a rũms wãbneg zĩisã, la Anatot+ ne a rũms wãbneg zĩisã. B buudã rotã sẽn paamã fãa yɩɩ tẽns piig la a tãabo.+

61 Bãmb yãka tẽns piig buud a taab rot soolmẽ, la Manase buudã pʋɩ-sʋk soolmẽ n kõ Kehat buudã neb nins sẽn kellã.+

62 Bãmb yãka tẽns piig la a tãab Isakaar buudã soolmẽ, Asɛɛr la Naftali buudã soolmẽ, n paas Manase buudã soolem sẽn be Basannã n kõ a Gɛrsom roogã neba.+

63 B yãka tẽns piig la a yiib Rubɛn buudã soolmẽ, Gaad la Zabulõ buudã soolmẽ n kõ a Merari roogã neba.+

64 Woto, Israyɛll nebã kõo Levi buudã neb tẽn-kãens ne b rũms wãbneg zĩisi.+ 65 Sẽn paase, bãmb maana bãnd n yãk tẽn-kãens Zida soolmẽ wã, Sɩmeyõ la Bẽnzame buudã soolmẽ n kõ-ba. Tẽn-kãens yʋy la b sẽn sõdgã.

66 A Kehat rotã neb kẽer paama tẽns Efrayim buudã soolmẽ tɩ yɩ b pʋɩɩre.+ 67 Bãmb kõ-b-la Sikɛm+ sẽn yaa soondg tẽngã,* ne a rũms wãbneg zĩisã sẽn be Efrayim soolmã zĩig ning sẽn yaa tãensã, n paas Gezɛɛr+ ne a rũms wãbneg zĩisã, 68 Yokmeyam ne a rũms wãbneg zĩisã, Bɛt-horon+ ne a rũms wãbneg zĩisã, 69 Ayalon+ ne a rũms wãbneg zĩisã, la Gat-rimon+ ne a rũms wãbneg zĩisã. 70 Manase buudã pʋɩ-sʋk soolmẽ, bãmb kõo a Kehat rotã neb nins sẽn kellã Aneer ne a rũms wãbneg zĩisã, la Bileyam ne a rũms wãbneg zĩisã.

71 Manase buudã pʋɩ-sʋk soolmẽ, bãmb kõo a Gɛrsom yagensã Golan+ sẽn be Basan ne a rũms wãbneg zĩisã, la Astarot ne a rũms wãbneg zĩisã.+ 72 Isakaar buudã soolmẽ, bãmb kõ-b-la Kedɛɛs ne a rũms wãbneg zĩisã, Daberat+ ne a rũms wãbneg zĩisã,+ 73 Ramot ne a rũms wãbneg zĩisã, la Anem ne a rũms wãbneg zĩisã. 74 Asɛɛr buudã soolmẽ, bãmb kõ-b-la Masall ne a rũms wãbneg zĩisã, Abdon ne a rũms wãbneg zĩisã,+ 75 Ukok ne a rũms wãbneg zĩisã, Rewoob+ ne a rũms wãbneg zĩisã. 76 Naftali buudã soolmẽ, bãmb kõ-b-la Kedɛɛs+ sẽn be Galile+ soolmẽ wã ne a rũms wãbneg zĩisã, Hamon ne a rũms wãbneg zĩisã, la Kiryatayim ne a rũms wãbneg zĩisã.

77 Zabulõ buudã+ soolmẽ, bãmb kõo a Merari yagensã sẽn kellã Rimono ne a rũms wãbneg zĩisã, Taboor ne a rũms wãbneg zĩisã. 78 Rubɛn buudã soolmẽ, b kõ-b-la tẽns Zʋrdẽ kʋɩlgã soolmã sẽn be Zeriko sẽnesã, Zʋrdẽ kʋɩlgã yaanga: Yaa Bezɛɛr sẽn be we-raoogẽ wã ne a rũms wãbneg zĩisã, Zahaaz+ ne a rũms wãbneg zĩisã, 79 Kedemot+ ne a rũms wãbneg zĩisã, la Mefaat ne a rũms wãbneg zĩisã. 80 Gaad buudã soolmẽ, bãmb kõ-b-la Ramot sẽn be Galaadã ne a rũms wãbneg zĩisã, Mahanayim+ ne a rũms wãbneg zĩisã, 81 Hɛsbon+ ne a rũms wãbneg zĩisã, la Yazɛɛr+ ne a rũms wãbneg zĩisã.

7 A Isakaar kom-dibli yɩɩ a Tola, a Puwa, a Yasuub, ne a Simron.+ Bãmb b naase. 2 A Tola kom-dibli yɩɩ a Uuzi, a Refaya, a Yeriyɛll, a Yamayi, a Yibsam, ne a Semuyɛll. Bãmb da yaa b buudã rot taoor dãmba. A Tola yagensã yɩɩ sodaas sẽn yaa gãndaado. A Davɩɩd wakatẽ wã, b sõorã ra yaa bãmb tus-pisi la a yi la kobs-yoobe. 3 A Uuzi yagensã* yɩɩ a Izraya ne a Izraya kom-dibli wã: Yaa a Mikayɛll, a Abdiyaas, a Zowɛll, ne a Isiya. Bãmb b nu wã fãa ra yaa nanambse. 4 Bãmb ne b yagensã b sẽn sõd wa sẽn zems b buudã rotã ra tara sodaas tus-pis-tã la a yoob sẽn tõe n kẽng zabre, bala b ra tara pagb wʋsg ne kom-dibli wʋsgo. 5 B ba-biisã sẽn yaa Isakaar buudã rot nebã fãa ra yaa zabr gãndaado. Ra yaa bãmb tus-pis-nii la a yopoe wa b sẽn sõd sõadgã sɛb pʋsẽ wã.+

6 A Bẽnzame+ kom-dibli yɩɩ a Bela,+ a Bekɛɛre,+ ne a Yediyayɛll.+ Bãmb b tãabo. 7 A Bela kom-dibli yɩɩ a Ɛsbon, a Uuzi, a Uziyɛll, a Yerimot, la a Iiri. Bãmb b nu. B ra yaa b buudã rot taoor dãmba, la zabr gãndaado. Bãmb tus-pisi la a yi la pis-tã la a naas la b sõd sõadgã sɛb pʋsẽ.+ 8 A Bekɛɛr kom-dibli yɩɩ a Zemira, a Zowaas, a Eliyezɛɛr, a Eliyohenayi, a Omri, a Yeremot, a Abiya, a Anatot la a Alemet. Bãmbã fãa n yɩ a Bekɛɛr kom-dibli. 9 B sẽn sõd b buudã nebã wa sẽn zems b buudã taoor dãmbã rotã, yɩɩ zabr gãndaad tus-pisi la kobs-yi yʋy n da be sõadgã sɛb pʋsẽ. 10 A Yediyayɛll+ kom-dibli yɩɩ a Bilhan ne a Bilhan kom-dibli wã: Yaa a Yewuus, a Bẽnzame, a Ewuud, a Kenana, a Zetan, a Tarsiis la a Ahisahaar. 11 Bãmbã fãa ra yaa a Yediyayɛll kom-dibli. B sẽn sõd b taoor dãmbã yaab-rãmbã rotã, ra yaa zabr gãndaad tus-piig la a yopoe la kobs-yi sẽn tõe n kẽng zabre.

12 Supim-rãmbã ne Hupim-rãmbã ra yaa a Iir+ kom-dibli, tɩ Husim-rãmbã ra yaa a Ahɛɛr kom-dibli.

13 A Naftali+ kom-dibli yɩɩ a Yaziyɛll, a Guni, a Yesɛɛr, ne a Salum. B fãa yaa a Bila+ yagense.*

14 Ad a Manase+ kom-dibli wã: A Asriyɛll sẽn yaa a Manase pʋg-rɩkdg* ning sẽn yaa Siiri bi-puglã biigã. (Pʋg-kãng n dog a Makɩɩr+ sẽn yaa a Galaad ba wã. 15 A Makɩɩr baoo pagb n kõ a Hupim ne a Supim. A tãoã yʋʋr da yaa a Maaka.) Yiib-n-soabã yaa a Zelofehaad,+ la a Zelofehaad roga kom-pugli.+ 16 A Makɩɩr pag a Maaka roga bi-ribl n pʋd a yʋʋr t’a Perɛs. A Perɛs ba-biigã yʋʋr da yaa a Serɛɛz. A kom-dibli yɩɩ a Ulam ne a Rekɛm. 17 A Ulam bi-ribl* yɩɩ a Bedan. Bãmb n yɩ a Manase bi-ribl a Makɩɩr bi-ribl a Galaad kom-dibli. 18 A Galaad tãoã yʋʋr da yaa a Amolekɛt. Yẽ roga a Isood, a Abiyezɛɛr, ne a Maala. 19 A Semida kom-dibli yɩɩ a Ahiyan, a Sikɛm, a Liki, la a Aniyam.

20 A Efrayim+ kom-dibli yɩɩ a Sutela.+ A Sutela roga a Berɛɛd, t’a Berɛɛd rog a Tahat, t’a Tahat rog a Eleyaada, t’a Eleyaada rog a Tahat. 21 A Tahat roga a Zabaad, t’a Zabaad rog a Sutela, t’a Sutela rog a Ezɛɛr, t’a Ezɛɛr rog a Eleyaad. Gat+ rap nins sẽn dog soolmẽ wã kʋ-b lame, bala b ra waame n na n yõg b rũmsã. 22 B ba a Efrayim yãba b kũumã rasem wʋsgo, la a ba-biisã ra wat n belsd-a lame. 23 Rẽ zugẽ, yẽ kẽe ne a pagã, la a rɩka pʋg n dog bi-ribla. La a Efrayim pʋda biigã yʋʋr t’a Beriya,* bala yaa yel-beed sẽn paam a zakã rãmb wakat la pagã rog biigã. 24 A bi-puglã yʋʋr da yaa a Seera. Yẽ n me tẽngr+ ne zugẽ Bɛt-horonnã+ la Uzɛn-seera. 25 A kom-dibli yɩɩ a Refa ne a Resɛf. A Resɛf roga a Tela, t’a Tela rog a Tahan. 26 A Tahan roga a Ladan, t’a Ladan rog a Amiwuud, t’a Amiwuud rog a Elisama. 27 A Elisama roga a Nun, t’a Nun rog a Zozuwe.*+

28 Tẽns nins a Efrayim yagensã sẽn da so wã yaa Betɛll+ ne tẽns nins a sẽn so wã,* Naaran sẽn be yaangã, Gezɛɛr sẽn be nin-taoorã ne tẽns nins a sẽn so wã, n paas Sikɛm ne tẽns nins a sẽn so wã n tãag Aya* ne tẽns nins a sẽn so wã. 29 B tẽns nins sẽn da pẽ a Manase yagensã yaa Bɛt-seyan+ ne tẽns nins a sẽn so wã, Taanak+ ne tẽns nins a sẽn so wã,* Megido+ ne tẽns nins a sẽn so wã, la Door+ ne tẽns nins a sẽn so wã. Yaa tẽn-kãensã pʋsẽ la a Israyɛll bi-ribl a Zozɛf yagensã zĩnd-yã.

30 A Asɛɛr kom-dibli wã yɩɩ a Yimna, a Isva, a Isvi, a Beriya,+ la b tãoã ra yaa a Seera.+ 31 A Beriya kom-dibli wã yɩɩ a Hebɛɛr ne a Malkiyɛll sẽn yɩɩ a Birzayit ba wã. 32 A Hebɛɛr roga a Yaflɛt, a Someer, a Otam ne b tão a Suwa. 33 A Yaflɛt kom-dibli yɩɩ a Pasak, a Bimhall, ne a Asvat. Bãmbã n yɩ a Yaflɛt kom-dibli. 34 A Semeer* kom-dibli yɩɩ a Ayi, a Roga, a Yehuba, ne a Aram. 35 A ba-biig a Helɛm* kom-dibli yɩɩ a Zofa, a Yimna, a Selɛɛs, ne a Amall. 36 A Zofa kom-dibli yɩɩ a Suwa, a Harnefɛɛr, a Suwall, a Beeri, a Yimra, 37 a Bezɛɛr, a Hood, a Sama, a Silsa, a Itran ne a Beera. 38 A Zetɛɛr kom-dibli yɩɩ a Yefune, a Pispa ne a Aara. 39 A Ula kom-dibli yɩɩ a Aara, a Haniyɛll, ne a Rizia. 40 Bãmbã fãa n yɩ a Asɛɛr kom-dibli. Bãmb ra yaa b buudã rot taoor dãmba, neb b sẽn tũusi, tãb-biis sẽn yaa gãndaado, la tãb-biis nanambs taoor dãmba. Sõadgã sɛb pʋsẽ,+ b sõorã ra yaa tus-pisi la a yoobe.+ Bãmb da yaa rap sẽn tõe n kẽng zabre.

8 A Bẽnzame+ roga a bi-kãseng a Bela.+ Yiib-n-soabã yɩɩ a Asbɛlle,+ tãab-n-soabã yɩɩ a Aara, 2 naas-n-soabã yɩɩ a Nowa, tɩ nu soabã yɩ a Rafa. 3 A Bela kom-dibli yɩɩ a Adaar, a Geera,+ a Abiyuud, 4 a Abisuwa, a Naama, a Ahowa, 5 a Geera ne a Sefufam la a Huram. 6 Ad a Ewuud kom-dibli wã. B ra yaa Geba+ nebã rot taoor dãmb b sẽn da tall n kẽng yembd Manahatã: 7 Yaa a Naama ne a Ahiya la a Geera. B sẽn na n kẽng yembdã, yaa a Geera n lʋɩ b taoore. Yẽ n dog a Uuza ne a Ahiwuud. 8 A Saharayim sẽn dig nebã poore, yẽ roga kamb Mowaab soolmẽ wã.* A Husim ne a Baara n yɩ yẽ pagba.* 9 A paama kamb ne a pag a Odɛɛs: Yaa a Zobaab, a Sibiya, a Mesa, a Malkam, 10 a Yewuuz ne a Sakiya la a Mirma. Bãmbã n yɩ a kom-dibli, la b buudã rot taoor dãmba.

11 A Saharayim pag a Husim doga a Abituub ne a Ɛlpaal. 12 A Ɛlpaal kom-dibli yɩɩ a Ebɛɛr, a Misam, a Semɛɛd, (yẽ n me Ono+ ne Lood+ la tẽns nins a sẽn so wã,*) 13 a Beriya ne a Sema. Bãmb n da yaa Ayalon+ nebã rot taoor dãmba. Bãmb n dig Gat nebã n yiisi. 14 A Ayio, a Sasak, a Yeremot, 15 a Zebadiya, a Araad, a Edɛɛr, 16 a Mikayɛll ne a Ispa la a Zoha ra yaa a Beriya kom-dibli. 17 A Zebadiya, a Mesulam, a Hiski, a Hebɛɛr, 18 a Ismerayi ne a Isliya la a Zobaab ra yaa a Ɛlpaal kom-dibli. 19 A Yakim, a Zikri, a Zabdi, 20 a Eliyenayi, a Siltayi, a Eliyɛll, 21 a Adaya ne a Beraya la a Simrat ra yaa a Simeyi kom-dibli. 22 A Ispan, a Ebɛɛr, a Eliyɛll, 23 a Abdon, a Zikri, a Hanan, 24 a Hananiya, a Elam, a Ãntotiya, 25 ne a Yifdeya la a Penuwɛll ra yaa a Sasak kom-dibli. 26 A Samserayi, a Sehariya, a Ataliya, 27 a Yaaresiya ne a Eli la a Zikri ra yaa a Zerowam kom-dibli. 28 Bãmb n da yaa b buudã rot taoor dãmb wa sẽn zems b rotã. Nin-kãensã sẽn da yaa taoor dãmbã ra bee Zerizalɛm.

29 A Gabawõ ba a Yeyɛll zĩnda Gabawõ.+ A pagã yʋʋr la a Maaka.+ 30 A bi-ribl-kãsengã la a Abdonne, sẽn pʋgd yaa a Zʋʋre, a Kise, a Baalle, a Nadaabe, 31 a Gedoore, a Ayio la a Zekɛɛre. 32 A Miklot roga a Simeya. Bãmb fãa zĩnd n pẽnega b ba-biisã Zerizalɛm ne b ba-biis a taabã.

33 A Neer+ doga a Kise, t’a Kis rog a Sayulli,+ t’a Sayull rog a Zonatã,+ a Malkisuwa+ ne a Abinadaab+ la a Ɛsbaalle.*+ 34 A Zonatã bi-ribl yɩɩ a Meriib-baalle.*+ A Meriib-baal doga a Mise.+ 35 A Mise kom-dibli yɩɩ a Pitõ, a Melɛk ne a Tareya la a Akaaz. 36 A Akaaz roga a Yehowada, t’a Yehowada rog a Alemet ne a Azmavɛt la a Zimri. A Zimri roga a Moza. 37 A Moza roga a Bineya, t’a Bineya rog a Rafa, t’a Rafa rog a Eleyasa, t’a Eleyasa rog a Azɛlle. 38 A Azɛll roga kom-dibli a yoobe. Ad b yʋyã: A Aazrikam, a Bokru, a Ismayɛlle, a Sehariya ne a Abdiyaas la a Hanan. Bãmb fãa yɩɩ a Azɛll kom-dibli. 39 A Azɛll ba-biig a Esɛk kom-dibli yɩɩ a bi-kãseng a Ulam, yiib-n-soabã yɩɩ a Yewuusi, tɩ tãab-n-soabã yɩ a Elifelɛte. 40 A Ulam kom-dibli wã ra yaa tãb-biis sẽn yaa gãndaado, la sẽn da mi tãp tãoobo.* Bãmb paama kom-dibli ne yagens wʋsgo. B fãa sõor da yaa koabg la pis-nu. Bãmb fãa yɩɩ a Bẽnzame yagense.

9 B sõda Israyɛll nebã fãa buud-buudu, n gʋls Israyɛll rĩm-dãmbã kibay sebrã pʋgẽ. B talla Zida nebã n kẽng yembd Babilon, b sẽn pa maan sɩd ne Wẽnnaamã yĩnga.+ 2 Neb nins sẽn lebg n wa b tẽnsẽ wã pipi yɩɩ Israyɛll neb kẽere, maan-kʋʋdbã, Levi buudã nebã, la wẽnd-doogã tʋm-tʋmdbã.*+ 3 A Zida,+ a Bẽnzame+ ne a Efrayim la a Manase yagensã kẽer zĩnda Zerizalɛm. 4 A Zida bi-ribl a Perɛɛz+ yagensã sʋka, yɩɩ a Bani bi-ribl a Imri bi-ribl a Omri bi-ribl a Amiwuud bi-ribl a Utayi. 5 A Sela yagensã sʋka, yɩɩ a Aazaya sẽn yaa bi-kãsengã, la a kom-dibli wã. 6 A Zeera+ kom-dibli wã sʋka, yɩɩ a Yehuwɛll ne b ba-biis kobs-yoob la pis-wɛ.

7 A Bẽnzame yagensã sʋka, yɩɩ a Salu sẽn yaa a Mesulam bi-riblã. A Mesulam yɩɩ a Hodaviya bi-ribla, t’a Hodaviya yaa a Hasenuwa bi-ribla. 8 A Hasenuwa yaa a Yibneya bi-ribla, t’a Yibneya yaa a Zerowam bi-ribla, t’a Zerowam yaa a Ela bi-ribla, t’a Ela yaa a Uuzi bi-ribla. A Uuzi yaa a Mikri bi-ribla, t’a Mikri yaa a Mesulam bi-ribla, t’a Mesulam yaa a Sefatiya bi-ribla. A Sefatiya yaa a Rewuyɛll bi-ribla, t’a Rewuyɛll yaa a Yibneza bi-ribla. 9 B ba-biisã ra yaa bãmb kobs-wɛ la pis-nu la a yoobe, wa sẽn zems b roto. Nin-kãensã fãa yɩɩ b buudã rot taoor dãmba.*

10 Maan-kʋʋdbã sʋka, yɩɩ a Yedaya, a Yehoyariibe, a Yakinne,+ 11 ne a Azariya sẽn yaa a Hilkiya bi-riblã. A Hilkiya yaa a Mesulam bi-ribla, t’a Mesulam yaa a Zadok bi-ribla, t’a Zadok yaa a Merayot bi-ribla, t’a Merayot yaa a Ayituub bi-ribla, sẽn yaa Wẽnnaam doogã taoor soab a ye wã, 12 n paas a Adaya sẽn yaa a Zerowam bi-riblã, t’a Zerowam yaa a Pasʋʋr bi-ribla, t’a Pasʋʋr yaa a Malkiya bi-ribla, la a Maasayi sẽn yaa a Adiyɛll bi-riblã, t’a Adiyɛll yaa a Yazera bi-ribla. A Yazera yaa a Mesulam bi-ribla, t’a Mesulam yaa a Mesilemit bi-ribla, t’a Mesilemit yaa a Imeer bi-ribla. 13 B ba-biisã ra yaa bãmb tusr la kobs-yopoe la pis-yoobe, n yaa tãb-biis sẽn yaa gãndaado, la neb b sẽn tõe n teege, Wẽnnaam doogã tʋʋmd yĩnga.

14 Levi buudã neb sʋka, yɩɩ a Semaya+ sẽn yaa a Hasuub bi-riblã, t’a Hasuub yaa a Aazrikam bi-ribla, t’a Aazrikam yaa a Hasabiya bi-riblã. B fãa yaa a Merari yagense. 15 A Bakbakaar, a Herɛs, a Galall, a Azaf bi-ribl a Zikri bi-ribl a Mise bi-ribl a Mataniya, 16 a Yedutun bi-ribl a Galall bi-ribl a Semaya bi-ribl a Abdiyaas, ne a Ɛlkana bi-ribl a Aaza bi-ribl a Berekɩya sẽn zĩnd Netofa nebã+ tẽn-bõonesẽ wã.

17 Rigno-gũudbã+ yɩɩ a Salum, a Akuub, a Talmon ne a Ahiman. Bãmb ba-biig a Salum n da yaa taoor soabã. 18 La hal n tãag wakat kãnga, yẽ n da gũud rĩmã rignoorã sẽn be yaangã.+ Bãmb n yɩ Levi buudã neb sik toɛy-toɛyã gũudba. 19 A Kore bi-ribl a Ebiyazaf bi-ribl a Koore bi-ribl a Salum ne a ba-biisã sẽn yaa a buudã rot neb la a Koore yagensã, n da get sɛk-roogã noor gũudbã tʋʋmd yelle. Bãmb ba-rãmbã n da yaa a Zeova sikã rigno-gũudba. 20 Pĩndã yaa a Eleazaar+ bi-ribl a Fineyaas+ n da yaa b taoor soaba. A Zeova ra bee ne-a. 21 A Meselemiya bi-ribl a Zakari+ n da yaa sɛk-roogã rignoorã gũuda.

22 Neb nins fãa b sẽn yãk tɩ b yaa rigno-gũudbã sõor yɩɩ bãmb kobs-yi la piig la a yiibu. Ned kam fãa zĩnda tẽng ning b sẽn sõd a buudã nebã pʋgẽ.+ A Davɩɩd ne gɛt+ a Sãmwɛll n da kõ nin-kãensã tʋʋmdã, b sẽn da yaa neb b sẽn tõe n teegã yĩnga. 23 Bãmb ne b kom-dibli wã n da get a Zeova roogã rignoyã+ gũub yelle, rat n yeel tɩ sɛk-roogã. 24 Rigno-gũudbã ra yasa kɩrems a naasã: Yaang la nin-taoore, goabg la rɩtgo.+ 25 B ba-biisã ra segd n yita b tẽnsẽ wã wakat-wakate, n wat n naagd-b n tʋmd rasem a yopoe. 26 Rigno-gũudbã taoor dãmb* a naas sẽn yaa Levi buudã neb la b ra yãk tɩ b get Wẽnnaam doogã ro-pʋsã* yelle, la Wẽnnaam laogã bĩngr zĩig yelle, bala b ra yaa neb b sẽn tõe n teege.+ 27 Yʋngo, bãmb da gũbgda Wẽnnaam doogã n yas b zĩisẽ, bala bãmb n da gũud-a la b zãad kʋɩlen-biigã, n pakd roogã yibeoog fãa.

28 Bãmb kẽer da geta tʋʋmdã teed+ yelle. B sã n da kẽes teed wall b yiis teedo, b ra sõtame. 29 B ra yãka kẽer tɩ b get teedã yelle, te-sõamyã fãa,+ zom-bãanegã+ yelle, divẽ wã,+ kaamã,+ wisd sẽn yaa pɛɛlgã,+ la bomiye kaamã*+ yelle. 30 Maan-kʋʋdbã kom-dibli kẽer n da tar bomiye kaam* n maand kaam sẽn tar yũ-noogo. 31 Levi buudã ned a Matitiya sẽn yaa a Salum bi-kãseng la a Kehat yagengã n da get bũmb nins fãa b sẽn kɩɩmd ne powall-dãmbã*+ yelle. 32 B ba-biisã kẽer sẽn yaa a Kehat yagensã n da get bur b sẽn dogend taab zugã*+ yelle, n maand burã vʋʋsg daar fãa.+

33 Bãmb n da yaa yɩɩn-yɩɩndbã. Yaa Levi buudã neb rot taoor dãmb sẽn da be ro-pʋsẽ* wã. B ra pa kõ bãmb tʋʋm a taaba, bala b ra tʋmda wĩntoog ne yʋngo. 34 Bãmb n da yaa Levi buudã neb rot taoor dãmb wa sẽn zems b roto. Bãmb ra bee Zerizalɛm.

35 A Gabawõ ba a Yeyɛll zĩnda Gabawõ.+ A pagã yʋʋr la a Maaka. 36 A bi-ribl-kãsengã la a Abdonne, sẽn pʋgd yaa a Zʋʋre, a Kise, a Baalle, a Nadaabe, 37 a Gedoore, a Ayio ne a Zakari la a Miklote. 38 A Miklot roga a Simeyam. Bãmb fãa zĩnd n pẽnega b ba-biisã Zerizalɛm ne b ba-biis a taabã. 39 A Neer+ doga a Kise, t’a Kis rog a Sayulli,+ t’a Sayull rog a Zonatã,+ a Malkisuwa+ ne a Abinadaab+ la a Ɛsbaalle. 40 A Zonatã bi-ribl yɩɩ a Meriib-baalle.+ A Meriib-baal doga a Mise.+ 41 A Mise kom-dibli yɩɩ a Pitõ, a Melɛk ne a Tareya la a Akaaz. 42 A Akaaz roga a Yaara, t’a Yaara rog a Alemet ne a Azmavɛt la a Zimri. A Zimri roga a Moza. 43 A Moza roga a Bineya, t’a Bineya rog a Refaya, t’a Refaya rog a Eleyasa, t’a Eleyasa rog a Azɛlle. 44 A Azɛll roga kom-dibli a yoobe. Ad b yʋyã: A Aazrikam, a Bokru, a Ismayɛlle, a Sehariya ne a Abdiyaas la a Hanan. Bãmbã n yɩ a Azɛll kom-dibli.

10 Filisti nebã ra zabda ne Israyɛll nebã, la bãmb da zoeta Filisti nebã taoore. Filisti nebã kʋʋ Israyɛll neb wʋsg Gilbowa tãngã+ zugu. 2 Filisti nebã ra rɩdgda a Sayull ne a kom-dibli wã. Bãmb paam n kʋʋ a Zonatã, a Abinadaab ne a Malkisuwa+ sẽn yaa a Sayull kom-dibli wã. 3 Zabrã ra lebga toog ne a Sayulli, tɩ tãb-tãoodbã paam-a n tão n pogle.+ 4 Woto, a Sayull yeela ned ning sẽn da zãad a zab-teedã yaa: “Wõog f sʋʋgã n kõs maam n kʋ tɩ nin-kãensã sẽn pa kẽ bãongã ra wa paam maam n nams wʋsg+ ye.” La sẽn zãad-a a zab-teedã zãgsame, bala rabeem n da tar-a wʋsgo. Dẽ, a Sayull wõoga a sʋʋgã n tilg n bas a meng n lʋɩ a zugu.+ 5 Ned ning sẽn da zãad a Sayull zab-teedã sẽn yã t’a Sayull kiime wã, yẽ me wõoga a sʋʋgã n kõs a meng n ki. 6 Yɩɩ woto la a Sayull ne a kom-dibli a tãabã, la a zakã neb nins fãa sẽn da be ne-a wã naag taab n ki.+ 7 Israyɛll neb nins fãa sẽn da be tẽn-nabrẽ wã sẽn bãng tɩ Israyɛll tãb-biisã zoeeme, la t’a Sayull ne a kom-dibli wã kiime wã, bãmb me zoeeme n bas b tẽnsã. Filisti nebã wa n kẽe tẽn-kãens n soog-ba.

8 Vẽkembeoogã, Filisti nebã sẽn kẽng n na n tɩ zɛ sẽn ki-bã teedã, b yãa a Sayull ne a kom-dibli wã sẽn ki n dɩg Gilbowa tãngã+ zugu. 9 Bãmb zɛɛ a Sayull teedã, n fiuug a zugã la b wʋk a zab-teedã. Rẽ poore, b tʋma neb tɩ b saag Filisti soolmã n taas koɛɛgã b bõn-naandsã+ rotẽ la nin-buiidã. 10 Bãmb dɩka a zab-teedã n bĩng b wẽnnaamã roogẽ, la b yagl a zu-wangã a Dagõ roogẽ wã.+

11 Zabɛs+ sẽn be galaad soolmẽ wã nebã fãa sẽn wʋm Filisti nebã sẽn maan a Sayull bũmb nins fãa wã,+ 12 b gãndaadã fãa yikame n tɩ rɩk a Sayull ne a kom-dibli wã kũumã. Bãmb tall-b lame n kẽng Zabɛs n tɩ mum b kõabã Zabɛs tɩ-bedrã tẽngre,+ la b loe noor dasem a yopoe.

13 Woto, a Sayull kii a sẽn pa maan sɩd ne a Zeova wã yĩnga, yẽ sẽn pa sak a Zeova goamã,+ la a sẽn kẽng ned sẽn gomd ne kɩɩms nengẽ n tɩ soke,+ 14 n pa sok a Zeova wã yĩnga. Wẽnnaam kɩtame tɩ yẽ ki t’a reeg naamã n kõ a Zese* bi-ribl a Davɩɩde.+

11 Israyɛll nebã fãa wa n tigma taab a Davɩɩd nengẽ Ebrõ+ n yeel-a yaa: “Yãmb ne tõnd yaa rogem.*+ 2 A Sayull sẽn da wa n yaa rĩmã, yaa yãmb n da lʋɩt Israyɛll tãb-biisã taoor tɩ y kẽnd zabre.*+ La yãmb Wẽnnaam a Zeova yeela yãmb yaa: ‘Foom n na n yɩ Israyɛll sẽn yaa mam nin-buiidã pe-kɩɩma, la f na n lebga Israyɛll nebã taoor soaba.’”+ 3 Woto, Israyɛll kãsem-dãmbã fãa waa rĩm a Davɩɩd nengẽ Ebrõ, la yẽ maana kaool ne bãmb be, a Zeova taoore. Dẽ, bãmb yãka* a Davɩɩd t’a lebg Israyɛll rĩma,+ wa a Zeova sẽn da kɩt t’a Sãmwɛll togsã.+

4 Kaoosg zugẽ, a Davɩɩd ne Israyɛll nebã fãa rɩka Zerizalɛm sore, rat n yeel tɩ Zebuus+ sẽn yaa tẽng ning pʋgẽ Zebuus nebã+ sẽn da be wã. 5 La Zebuus nebã yaala a Davɩɩd n yeel-a yaa: “Fo kõn tol n kẽ ka ye!”+ La a Davɩɩd tõog n deega Siyõ tẽngã sẽn tar pãngã,+ la be n lebg a Davɩɩd tẽnga.+ 6 Dẽ, a Davɩɩd yeelame: “Ned ning sẽn na n yɩ pipi n zab ne Zebuus nebã, a na n lebga m tãb-biisã naab la b taoor soaba.” La a Seruya biig a Zowaab+ n yɩ pipi n zab ne Zebuus nebã, n lebg naabã. 7 Woto, a Davɩɩd tɩ zĩnda tẽn-kãng sẽn tar pãngã pʋgẽ. Rẽ n so tɩ b bool tẽngã t’a Davɩɩd tẽnga. 8 A Davɩɩd mee lals la rot n gũbg tẽngã, sẽn sɩng ne Milo wã* n tãag a kɩremsã. La a Zowaab lebs n mee tẽngã zĩis nins sẽn ketã n baase. 9 A Davɩɩd pãngã ra tara paasgo,+ la a Zeova sẽn yaa tãb-biis naabã ra bee ne-a.

10 Ad a Davɩɩd gãndaadã taoor dãmba, b rãmb nins sẽn da naag Israyɛll nebã fãa n teel a naamã, n yãk-a t’a lebg rĩm wa a Zeova sẽn da togs Israyɛll wɛɛngẽ wã.+ 11 Ad a Davɩɩd gãndaadã yʋya: A Yasobeyam+ sẽn yaa Hakmoni raoã. Yẽ n da yaa gãndaad a tãabã taoor soaba.+ A talla a kãndã n kʋ neb kobs-tã daar-n-yɛnga.+ 12 Yiib-n-soabã yaa Ahoyi+ buudã ned a Dodo biig a Eleazaare.+ Yẽ naaga gãndaad a tãabã. 13 Yẽ ra bee ne a Davɩɩd Paas-damim+ wakat ning Filisti nebã sẽn da tigim taab n na n zabã. Orz* pʋʋg n da be be. Nin-buiidã zoee Filisti nebã yĩnga. 14 La a kell n yalsa pʋʋgã tẽn-sʋk n zab n kogl-a. A kʋʋ Filisti nebã hal t’a Zeova kɩt tɩ b paam tõogr* sẽn yɩ kãsenga.+

15 Nanambs pis-tã wã neb a tãab n kẽng pĩigẽ wã a Davɩɩd nengẽ, Adulam+ tãngã bokẽ. Rẽ tɩ Filisti nebã tãb-sik n da be Refayim+ longẽ wã. 16 A Davɩɩd ra bee zĩ-soalgdgẽ wã, tɩ Filisti nebã tãb-biis sull da be Betlehɛm. 17 A Davɩɩd wa n yeelame: “Mam sã n da tõe n paam bulg ning sẽn be Betlehɛm noorã koom n yũ, m sũur yɩtẽ-la noogo!”+ 18 Gãndaad a tãabã sẽn wʋm dẽ wã, b kẽe Filisti nebã tãb-sikẽ wã ne pãnga, n pɩʋʋg n ta bulgã sẽn be Betlehɛm noorã, n yõng koomã n wa kõ a Davɩɩde. La a Davɩɩd zãgsame t’a kõn yũ, n daag-a n kõ a Zeova. 19 A yeelame yaa: “Mam Wẽnnaamã yĩnga, mam kõn saag n maan bõn-kãngã ye! Mam na yũ nin-kãensã sẽn gẽneg b yõyã* zɩɩm?+ Bala bãmb gẽnega b yõyã* n tɩ yõng koomã n wa.” A zãgsame t’a kõn yũ koomã ye. Yaa bõn-kãensã la a Davɩɩd gãndaad a tãabã maan-yã.

20 A Zowaab+ kẽem a Abisayi+ lebga gãndaad a tãab sull a to taoor soaba. Daar a ye, yẽ talla a kãndã n kʋ neb kobs-tã. A yʋʋrã ra yii wa pipi gãndaad a tãabã.+ 21 Gãndaad a tãab kãensã sʋka, yẽ yʋʋr n da yi n yɩɩd b yiibã. Sẽn paase, a ra yaa b taoor soaba. La baasgo, a pa ta pipi gãndaad a tãabã zĩigẽ ye.

22 A Zehoyada biig a Benaya+ yɩɩ raood soab sẽn tʋm gãnda-tʋʋm wʋsg Kabzeyɛlle.+ Yẽ n kʋ Mowaab rao a Ariyɛll kom-dibli a yiibã, la a kẽ bok pʋgẽ daar a ye n kʋ gɩgemd sa-lamd niib wakate.+ 23 Leb n yaa yẽ n kʋ Ezɩpt nedã sẽn da yaa nin-wobg t’a woglem yaa kãntɩɩg a nu wã.*+ Ezɩpt nedã ra zãada kãnd sẽn wõnd koeer-bõang a nugẽ,+ la a Benaya talla raoog bal n zab ne-a, n fãag a kãndã n wẽneg n kʋ-a.+ 24 Yaa a Zehoyada biig a Benaya n maan bõn-kãensã. A yʋʋrã ra yii wa pipi gãndaad a tãabã. 25 La baa a yʋʋrã sẽn da yi n yɩɩd gãndaad pis-tã wã sʋkã, a pa ta pipi gãndaad a tãabã zĩigẽ ye.+ La a Davɩɩd yãk-a lame t’a lebg a gũudbã naaba.

26 Ad tãb-biis nins sẽn da yaa gãndaadã: Yaa a Zowaab yao a Asayɛll,+ Betlehɛm dao a Dodo biig a Ɛlhanan,+ 27 Harood rao a Sama, Harood rao a Elika, Pelõ ned a Helɛɛz, 28 Tekowa rao a Ikɛs biig a Ira,+ Anatot rao a Abiyezɛɛre.+ 29 Husa rao a Sibekayi,+ Ahoyi buudã ned a Ilayi, 30 Netofa rao a Maharayi,+ Netofa rao a Baana biig a Helɛɛd,+ 31 Gibeya sẽn be Bẽnzame+ soolmẽ wã rao a Ribayi biig a Itayi, Piraton rao a Benaya, 32 a Urayi sẽn yit Gaas+ ko-soayẽ wã, Bɛt-araba rao a Abiyɛll, 33 Bawurim rao a Azmavɛte, Saalbim rao a Eliyaba, 34 Gimzo rao a Zasɛm kom-dibli wã, Haraar dao a Sage biig a Zonatã, 35 Haraar dao a Sakaar biig a Ahiyam, a Ʋʋr biig a Elifaal, 36 Mekera rao a Hefɛɛr, Pelõ ned a Ahiya, 37 Karmell rao a Heezro, a Ɛɛzbayi biig a Naarayi, 38 a Natã ba-biig a Zowɛll, a Hagri biig a Mibaar, 39 Amon ned a Zelɛk, Beerot ned a Naharayi sẽn da zãad a Seruya biig a Zowaab zab-teedã. 40 Zetɛɛr dao a Ira, Zetɛɛr dao a Garɛɛbe, 41 Hɛt rao a Uuri,+ a Alayi biig a Zabaad, 42 Rubɛn ned a Siza biig a Adina sẽn yaa Rubɛn buudã taoor soabã, ne neb pis-tã sẽn da be ne-a, 43 a Maaka biig a Hanan, Mitni ned a Zozafat, 44 Astarot rao a Uziya, Arowɛɛr dao a Otam kom-dibli a Sama ne a Yeyɛll, 45 a Simri biig a Yediyayɛll ne a ba-biig a Zoha sẽn yaa Tis raoã, 46 Mahava rao a Eliyɛll, a Ɛlnaam kom-dibli a Yeribayi ne a Zosaviya, la Mowaab rao a Itma, 47 a Eliyɛll, a Obɛɛd ne Zoba rao a Yaaziyɛll.

12 Ad rap nins sẽn wa a Davɩɩd nengẽ Ziklaag+ a sẽn da wa n pa tõe n gõ a yam, a Kis biig a Sayull+ yĩngã. Bãmb naaga tãb-biis nins sẽn yaa gãndaado, n da sõngd-a n zabdẽ wã.+ 2 Bãmb da raoola b mens ne tãbdo, n da tõe n lobg loaabg+ ne goabg wall rɩtgo,+ pa rẽ bɩ n tall tãp n tão pɛɛm ne goabg wall rɩtgo. Bãmb da yaa Bẽnzame+ buudã neba, n yaa a Sayull ba-biisi. 3 B taoor soabã ra yaa a Ahiyezɛɛr, t’a Zowaas pʋgda. B yiibã fãa ra yaa Gibeya rao+ a Sema kom-dibli, n paas a Azmavɛt+ kom-dibli a Yeziyɛll ne a Pelɛt, a Beraka, Anatot rao a Zehu, 4 Gabawõ rao+ a Ismaya sẽn da yaa gãndaad pis-tã+ wã nin-yend la b taoor soabã, n paas a Zeremi, a Yahaziyɛll, a Zohanan, Gedeera rao a Zozabaad, 5 a Eluzayi, a Yerimot, a Beyaliya, a Semariya, Harif rao a Sefatiya, 6 a Ɛlkana, a Isiya, a Azareyɛll, ne a Yowezɛɛr la a Yasobeyam sẽn yaa a Koore yagensã,+ 7 n paas a Yoweela ne a Zebadiya sẽn yaa Gedoor dao a Zerowam kom-dibli wã.

8 Gaad buudã neb kẽer kẽnga a Davɩɩd nengẽ zĩ-soalgdgẽ wã sẽn be we-raoogẽ wã.+ Bãmb da yaa gãndaado, sodaas sẽn mi zabre, n da mi b sẽn tõe n tall gãong sẽn yaa yaleng la kãnd n zab to-to. Yaa b rãmb nins nens sẽn da yaa wa gɩgma nense, la b ra tʋʋl wa yãgsã sẽn be tãensã zutã. 9 A Ezɛɛr n da yaa taoor soaba, t’a Abdiyaas yaa yiib-n-soaba, t’a Eliyaab yaa tãab-n-soaba, 10 a Mismana yaa naas-n-soaba, a Zeremi yaa nu soaba, 11 a Atayi yaa yoob-n-soaba, a Eliyɛll yaa yopoe-n-soaba, 12 a Zohanan yaa nii-n-soaba, a Ɛlzabaad yaa wɛ soaba, 13 a Zeremi yaa piig soaba, t’a Makbanayi yaa piig la a ye soaba. 14 Bãmbã n da yaa Gaad buudã+ neba, n yaa tãb-biis taoor dãmba. Bãmb sʋkã ned ning pãng sẽn paood n yɩɩdã tõe n tõoga neb koabga, tɩ b ned ning pãng sẽn yɩɩd a taabã tõe n tõog neb tusri.+ 15 Yaa bãmb n da rʋʋg Zʋrdẽ kʋɩlgã a sẽn wa n pid n puug pipi kiuugã wakate. Bãmb diga neb nins sẽn da be tẽn-nabdrẽ wã yaang la nin-taoore.

16 Bẽnzame la Zida buudã neb kẽer waa a Davɩɩd nengẽ a zĩ-soalgdgẽ wã.+ 17 Dẽ, a Davɩɩd yiime n seg-b n yeel-b yaa: “Yãmb sã n waa mam nengẽ ne laafɩ n na n sõng maam, mam bee ne yãmba. La sã n yaa sẽn na n zãmb maam n kõ m bɛɛbã tɩ mam yaool n pa beege, bɩ tõnd yaab-rãmbã Wẽnnaamã gese, la a bʋ yellã.”+ 18 La Wẽnnaam vʋʋsmã siga a Amasayi+ sẽn yaa gãndaad pis-tã wã taoor soabã, t’a yeele:

“Davɩɩde, tõnd yaa yãmb neba! Zese* biiga, tõnd bee ne yãmba!+

Dẽ, a Davɩɩd reeg-b lame n kɩt tɩ b lebg tãb-biisã taoor dãmba.

19 Manase buudã neb kẽer me n da zoe n kẽng a Davɩɩd nengẽ wakat ning a sẽn tũ Filisti nebã n wa n na n zab ne a Sayullã. La a pa sõng Filisti nebã ye. Bala Filisti+ nanambsã sẽn yã taab poore, bãmb kɩtame t’a lebge, n yeel tɩ sã n pa rẽ, a na n wa basa bãmb n kẽng a zu-soab a Sayull nengẽ, la tɩ tõe n tũu ne bãmb yõore.+ 20 Ad Manase buudã neb nins sẽn zoe n kẽng a Davɩɩd nengẽ a sẽn wa n kẽng Ziklaagã:+ Yaa a Adna, a Zozabaad, a Yediyayɛll, a Mikayɛll, a Zozabaad, a Elihu ne a Siltayi. Bãmb yaa Manase buudã neb tusr-tusr taoor dãmba.+ 21 B sõnga a Davɩɩd t’a zab ne fãadbã. Bala bãmb da yaa rap sẽn tar pãnga, la gãndaado.+ La bãmb lebga tãb-biis nanambse. 22 Daar fãa, nebã ra wata a Davɩɩd+ nengẽ n na n sõng-a, hal tɩ b sikã zĩig wa pid wʋsg wa Wẽnnaam sika.+

23 Neb nins sẽn bobd zab-teedã taoor dãmbã waa a Davɩɩd nengẽ Ebrõ,+ n na n dɩk a Sayull naamã n kõ-a wa a Zeova sẽn da yeelã. Ad b sõore:+ 24 Zida buudã neb nins sẽn zãad gãong sẽn yaa yaleng la kãndã yɩɩ neb tus a yoob la kobs-nii. B ra bobda zab-teedo. 25 Sɩmeyõ buudã neb sʋka, yɩɩ tãb-biis sẽn yaa gãndaad la sẽn tar pãng tus a yopoe la koabga.

26 Levi buudã neb sʋka, yɩɩ bãmb tus a naas la kobs-yoobe. 27 A Zehoyada+ n da yaa a Aarõ kom-dibli+ wã taoor soaba. Neb tus a tãab la kobs-yopoe n da be ne-a, 28 n paas a Zadok+ sẽn yaa bi-bɩɩg sẽn tar pãng la gãndaoogo, ne a buudã rot taoor dãmb pisi la a yiibu.

29 Bẽnzame buudã neb sẽn yaa a Sayull+ ba-biisã sʋka, yɩɩ neb tus a tãabo. Bãmb sʋkã, wʋsg n da get a Sayull ne a zakã rãmb yelle. 30 Efrayim buudã neb sʋka, yɩɩ tãb-biis tus-pisi la kobs-nii, n da yaa gãndaad la neb yʋy sẽn yi b buudã rot taoor dãmb sʋka.

31 Manase buudã pʋɩ-sʋkã neb sʋka, yɩɩ tãb-biis tus-piig la a nii b sẽn da yãk tɩ b na n kẽng n tɩ kõ a Davɩɩd naamã. 32 Isakaar buudã neb sʋka, yɩɩ nanambs kobs-yi. Bãmb da yaa neb sẽn wʋmd wakatã võore, la b mi Israyɛll nebã sẽn tog n maane. B ba-biisã fãa ra sakda bãmba. 33 Zabulõ buudã neb sʋka, yɩɩ tãb-biis tus-pis-nu sẽn da tõe n kẽng zabre. Bãmb da paama zãmsgo, n tõe n tong taab ned fãa ne a zĩig zabr sasa, n tall zab-teoog buud fãa n zabe. Bãmb fãa tɩ saka a Davɩɩd ne b sũur fãa.* 34 Naftali buudã neb sʋka, yɩɩ nanambs tusri, ne neb tus-pis-tã la a yopoe sẽn zãad gãong sẽn yaa yaleng la kãnde. 35 Dan buudã neb sʋka, yɩɩ neb tus-pisi la a nii la kobs-yoob sẽn paam zãmsgo, n tõe n tong taab ned fãa ne a zĩig zabr sasa. 36 Asɛɛr buudã neb sʋka, yɩɩ tãb-biis tus-pis-naas sẽn da tõe n kẽng zabre. Bãmb paama zãmsg n tõe n tong taab ned fãa ne a zĩig zabr sasa.

37 Zʋrdẽ kʋɩlgã+ rʋʋndẽ, Rubɛn ne Gaad la Manase buudã neb pʋɩ-sʋkã sʋka, yɩɩ sodaas tus-koabg la pisi sẽn tõe n bob zab-teoog buud fãa. 38 Nin-kãensã fãa ra yaa sodaas sẽn segl n sa n tõe n kẽng zabre. Bãmb waa a Davɩɩd nengẽ Ebrõ ne yam a yembr n na n yãk-a t’a lebg Israyɛll nebã fãa rĩma. La Israyɛll neb nins fãa sẽn da ketã me ra naaga taab yam a yembr* n dat n yãk a Davɩɩd t’a lebg rĩma.+ 39 Bãmb kell n paa be ne a Davɩɩd rasem a tãabo, n da rɩtẽ la b yũud bũmb nins fãa bãmb ba-biisã sẽn da segl bãmb yĩngã. 40 Sẽn paase, neb nins fãa sẽn da pẽ bãmbã, la baa neb nins sẽn da be hal Isakaar ne Zabulõ la Naftali wã ra wata ne rɩɩb b sẽn zɩlg bõense, yʋgma, bõn-weese,* la niisi. Bãmb da wata ne zom me, kankam-gil ne viyn biis b sẽn kʋɩɩs n gili, divẽ, kaam, la niis ne piis wʋsgo. Bala Israyɛll fãa ra kɩdemda sũ-noogo.

13 A Davɩɩd yẽsa ne tãb-biis tusr-tusr nanambsã, ne tãb-biis koabg-koabg nanambsã la ne taoor soab fãa.+ 2 Rẽ poore, a Davɩɩd yeela Israyɛll nin-buiidã fãa yaa: “Sã n nooma yãmba, la sã n taa tõnd Wẽnnaam a Zeova yam, bɩ y wa tɩ d tʋm koɛɛg Israyɛll soolmã fãa pʋgẽ d ba-biisã sẽn ketã nengẽ, la maan-kʋʋdbã ne Levi buudã nebã sẽn be b tẽnsẽ+ la b rũms wãbneg zĩisẽ wã nengẽ, n bool-b tɩ b wa. 3 Bɩ d tɩ tall tõnd Wẽnnaamã Koglgã+ n wa.” B ra pa ges koglgã yell a Sayull wakatã tɛk ye.+ 4 Nin-buiidã fãa saka a Davɩɩd sẽn yeelã. Bala rẽ ra yaa sõma nin-buiidã fãa nifẽ. 5 Woto, a Davɩɩd tigma Israyɛll nebã fãa, sẽn sɩng ne Ezɩpt kʋɩlgã* n tãag Lebo-hamate,*+ tɩ b na n tɩ rɩk Wẽnnaam Koglgã Kiryat-yeyarim n wa.+

6 A Davɩɩd ne Israyɛll nebã fãa yii Baalla+ n na n kẽng Kiryat-yeyarim sẽn be Zida soolmẽ wã, n tɩ wa ne Wẽnnaam a Zeova Koglgã, soab ning sẽn zao a geerã sẽn be seribẽ-rãmbã+ zugã.* Yaa koglg ning taoor nebã sẽn boond Wẽnnaam yʋʋrã. 7 La bãmb rɩka Wẽnnaam Koglgã n sagl niis sarɛt-paall+ pʋgẽ, n yi a Abinadaab yirã, t’a Uuza ne a Ayio da get sarɛtã yell t’a kẽnda.+ 8 A Davɩɩd ne Israyɛll nebã fãa ra kɩdemda ne b pãng fãa Wẽnnaam taoor ne yɩɩla, pendse, yʋʋm-teed a taab sẽn tar rissi, bembendo,*+ waase,+ la ne tãntãado.+ 9 La b sẽn wa n ta Kidon zɛɛgẽ wã, a Uuza tẽega a nug n gãd Koglgã, bala niisã maaname t’a ra rat n lʋɩ. 10 Rẽ kɩtame t’a Zeova sũurã puug ne a Uuza t’a kʋ-a, a sẽn tẽeg a nug n gãd Koglgã+ yĩnga. Yẽ kii beenẽ, Wẽnnaam taoore.+ 11 La a Davɩɩd sũur yikame, a Zeova sũur sẽn puug t’a sɩbg a Uuza zĩig pʋgẽ wã yĩnga. La b boola zĩ-kãng tɩ Perɛɛz-uuza* hal n tãag rũndã.

12 Baraare, Wẽnnaam rabeem kẽe a Davɩɩd t’a yeele: “Mam na n maana a wãn tɩ Wẽnnaam Koglgã wa mam nengẽ?”+ 13 A Davɩɩd pa tall Koglgã n wa a tẽngẽ wã ye. La yẽ kɩtame tɩ b tall-a n kẽng Gat* rao a Obɛɛd-edom zakẽ wã. 14 Wẽnnaam Koglgã paa ne Gat rao a Obɛɛd-edom zakã rãmba, n maan kiis a tãab a zakẽ wã. La a Zeova ra ningda a Obɛɛd-edom zakã rãmb ne bũmb nins fãa a sẽn so wã barka.+

14 Tɩɩr dĩm a Hiram+ tʋma neb a Davɩɩd nengẽ. Sẽn paase, a tool-a-la sɛɛdr tɩɩs raado, la a tʋm kug-pɛɛsdb* ne ra-wãadba, tɩ b na n me roog* n kõ a Davɩɩde.+ 2 A Davɩɩd bãngame t’a Zeova kɩtame t’a naamã vigl sõma Israyɛlle,+ bala a zẽka a rĩungã sõma Israyɛll sẽn yaa Wẽnnaam nin-buiidã yĩnga.+

3 A Davɩɩd paama pagb+ a taab Zerizalɛm, la a rog kom-dibli la kom-pugli a taaba.+ 4 Ad kamb nins a Davɩɩd sẽn dog Zerizalɛmmã:+ Yaa a Samuwa, a Sobaabe, a Natã,+ a Salomo,+ 5 a Yibaare, a Elisuwa, a Ɛlpelɛte, 6 a Noga, a Nefɛɛge, a Zafiya, 7 a Elisama, a Beeliyada la a Elifelɛte.

8 Filisti nebã sẽn wʋm tɩ b yãka* a Davɩɩd t’a lebg Israyɛll rĩmã,+ b fãa yiime n baood a Davɩɩde.+ A Davɩɩd sẽn wʋm dẽ wã, a yiime n na n zab ne-ba. 9 Filisti nebã waame, n da zabd ne neb nins sẽn da be Refayim longã+ pʋgẽ wã. 10 A Davɩɩd soka Wẽnnaam yaa: “Mam segd n tɩ zaba ne Filisti nebã bɩ? Yãmb na n ninga bãmb mam nugẽ bɩ?” T’a Zeova leok-a yaa: “Yik n tɩ zab ne-b tɩ mam na n ning-b-la fo nugẽ.”+ 11 Woto, a Davɩɩd kẽnga Baal-perazim,+ la yẽ kʋʋ Filisti nebã beenẽ. Dẽ, yẽ yeelame yaa: “Wẽnnaam sɩd-sɩdã tuka sor mam bɛɛbã sʋk wa koom sẽn lub lalga.” Rẽ n so t’a pʋd zĩigã yʋʋr tɩ Baal-perazim.* 12 Filisti nebã zoeeme n bas b wẽnnaam-dãmbã be, la a Davɩɩd kõo noor tɩ b yõog-b bugum.+

13 Rẽ zugẽ, Filisti nebã le waa Refayim longã pʋgẽ, n zab ne neb nins sẽn da be be wã.+ 14 A Davɩɩd le soka Wẽnnaam a sẽn segd n maanega, la Wẽnnaam leok-a lame yaa: “Ra kẽng tɩrg n seg-b ye. Gilg b poorẽ wã n tɩ zab ne-b baka tuudã taoore.+ 15 La fo sã n wa wʋm bʋrg sẽn wõnd tãb-biis nao rãamd baka tuudã zugẽ, bɩ f yik tao-tao n zab ne-ba. Bala Wẽnnaam na n lʋɩɩ fo taoor n kʋ Filisti tãb-biisã.”+ 16 A Davɩɩd maana wa Wẽnnaam sẽn yeel-a wã.+ Yẽ ne a nebã kʋʋ Filisti tãb-biisã, sẽn sɩng ne Geba n tãag Gezɛɛre.+ 17 A Davɩɩd yʋʋrã yiime n saag soolmã fãa pʋgẽ, la a Zeova kɩtame t’a Davɩɩd rabeem yõk buud toɛy-toɛyã neb fãa.+

15 A Davɩɩd kell n mee rot a tẽngẽ wã, la a segl zĩig Wẽnnaam Koglgã yĩnga, n tilg fu-roog n na n ning-a be.+ 2 Wakat kãng la a Davɩɩd yeel-yã: “Ned pa segd n tʋk Wẽnnaam Koglgã, sã n pa Levi buudã nebã bala. Yaa bãmb la a Zeova yãk tɩ b segd n tʋk a Zeova Koglgã, la b tʋm a tʋʋmã wakat fãa.”+ 3 Rẽ poore, a Davɩɩd tigma Israyɛll nebã fãa Zerizalɛm, tɩ b na n tɩ tall a Zeova Koglgã n wa ning zĩig ning a sẽn segl a yĩngã.+

4 A Davɩɩd tigma a Aarõ+ roogã rãmb ne Levi buudã nebã:+ 5 A Kehat yagensã sʋka, yɩɩ a Uriyɛll sẽn da yaa naabã ne a ba-biis koabg la pisi. 6 A Merari yagensã sʋka, yɩɩ a Aazaya+ sẽn da yaa naabã ne a ba-biis kobs-yi la pisi. 7 A Gɛrsom yagensã sʋka, yɩɩ a Zowɛll+ sẽn da yaa naabã ne a ba-biis koabg la pis-tã. 8 A Elizafan+ yagensã sʋka, yɩɩ a Semaya sẽn da yaa naabã ne a ba-biis kobs-yi. 9 A Ebrõ yagensã sʋka, yɩɩ a Eliyɛll sẽn da yaa naabã ne a ba-biis pis-nii. 10 A Uziyɛll+ yagensã sʋka, yɩɩ a Aminadaab sẽn da yaa naabã ne a ba-biis koabg la piig la a yiibu. 11 Sẽn paase, a Davɩɩd boola maan-kʋʋd a Zadok+ ne a Abiyataar+ la Levi buudã neb a Uriyɛll, a Aazaya, a Zowɛll, a Semaya, a Eliyɛll la a Aminadaab, 12 n yeel-b yaa: “Yãmb yaa Levi buudã neb rotã taoor dãmba. Woto wã, bɩ y yɩlg y mense, yãmb ne y ba-biisã, n tɩ tall Israyɛll Wẽnnaam a Zeova Koglgã n wa ning zĩig ning m sẽn segl a yĩngã. 13 Pĩndã,+ yãmb sẽn pa tʋk Koglgã, tõnd Wẽnnaam a Zeova sũurã puuga ne tõndo,+ bala tõnd pa tʋk-a wa d sẽn da segd n tʋk-a to-to wã ye.”+ 14 Dẽ, maan-kʋʋdbã ne Levi buudã nebã yɩlga b mense, n na n tɩ rɩk Israyɛll Wẽnnaam a Zeova Koglgã n wa.

15 Woto, Levi buudã nebã rɩka Wẽnnaam Koglgã ne ra-bɩlma,+ n palg b bãgdẽ, wa a Zeova sẽn da kɩt t’a Moyiiz wilgã. 16 A Davɩɩd yeela Levi buudã nanambsã tɩ b yãk yɩɩn-yɩɩndb b ba-biisã sʋka, tɩ b yɩɩl ne sũ-noogo, ne yʋʋm-teed toor-toore: Yaa yʋʋm-teed sẽn tar rissi, pends+ la waase.+

17 Levi buudã nebã yãka a Zowɛll biig a Heman+ ne a ba-biisã, la a Berekɩya biig a Azafe.+ B ba-biisã sẽn yaa a Merari yagensã sʋka, b yãka a Kusaya biig a Etan.+ 18 B ba-biisã sẽn yaa sull a yiib-n-soabã nebã ra bee ne-ba.+ Yaa a Zakari, a Bɛn, a Yaaziyɛll, a Semiramot, a Yeyiyɛll, a Uni, a Eliyaab, a Benaya, a Maaseya, a Matitiya, a Elifelewu, a Mikneya, la a Obɛɛd-edom ne a Yeyɛll sẽn da yaa rigno-gũudbã. 19 Yɩɩn-yɩɩndb a Heman+ ne a Azaf+ la a Etan n da wẽed zũud waasã.+ 20 La a Zakari, a Aziyɛll, a Semiramot, a Yeyiyɛll, a Uni, a Eliyaab, a Maaseya la a Benaya n da wẽed yʋʋm-teed sẽn tar riss b sẽn maneg tɩ zems ne Alamote.*+ 21 A Matitiya,+ a Elifelewu, a Mikneya, a Obɛɛd-edom, a Yeyɛll la a Azaziya n da be taoor tɩ nebã wẽed pends sẽn maneg tɩ zems ne Seminiti.*+ 22 A Kenaniya+ sẽn da yaa Levi buudã naabã n da get Koglgã rɩkr yelle, bala a ra tara minim rẽ wɛɛngẽ. 23 A Berekɩya ne a Ɛlkana n da gũud Koglgã. 24 Maan-kʋʋd a Sebaniya, a Zozafat, a Netanɛll, a Amasayi, a Zakari, a Benaya la a Eliyezɛɛr ra peebda tãntãad ne b pãng fãa Wẽnnaam Koglgã taoore,+ t’a Obɛɛd-edom ne a Yehiya me ra gũud Koglgã.

25 Dẽ, a Davɩɩd ne Israyɛll kãsem-dãmbã la tãb-biis tusr-tusr nanambsã ra naaga taab n kẽnda, n na n tɩ tall a Zeova kaoolã koglgã a Obɛɛd-edom+ zakẽ wã n wa ne kɩdengo.+ 26 Wẽnnaam sẽn sõng Levi buudã neb nins sẽn da tʋk a Zeova kaoolã koglgã yĩngã, b kʋʋ lol-poal a yopoe ne pe-raad a yopoe n maan maoongo.+ 27 A Davɩɩd ra yera kobr sẽn wʋg ne gĩs-bãanes n yaa bãg-vɩɩdo, wa Levi buudã neb nins fãa sẽn da tʋk Koglgã, ne yɩɩn-yɩɩndbã la a Kenaniya sẽn da get Koglgã rɩkr la yɩɩn-yɩɩndbã yellã. A Davɩɩd leb n da yera efood* sẽn wʋg ne lẽ gĩsi.+ 28 Israyɛll nebã fãa ra tara a Zeova kaoolã koglgã n watẽ, la b kaasd ne sũ-noogo,+ n peebd bard la tãntãado,+ n wẽed waas ne pendse,+ la b reemd ne yʋʋm-teed sẽn tar riss tɩ bʋʋrã zẽkd wʋsgo.

29 La a Zeova Koglgã sẽn ta a Davɩɩd tẽngẽ wã,+ a Sayull bi-pugl a Mikall+ lɩka fenetrẽ wã n yã rĩm a Davɩɩd sẽn yɩgd la a kɩdemdẽ. La yẽ sãbga a Davɩɩd a sũurẽ wã.+

16 Woto, bãmb talla Wẽnnaam Koglgã n kẽes fu-roog ning a Davɩɩd sẽn tilg a yĩngã pʋgẽ.+ La b maana maand sẽn yõogd bugum, la zems-n-taar maand Wẽnnaam taoore.+ 2 A Davɩɩd sẽn maan maand sẽn yõogd bugmã+ ne zems-n-taar maandã+ n sa wã, a ninga nin-buiidã bark ne a Zeova yʋʋre. 3 Sẽn paase, a kõo Israyɛll nebã fãa, rapã la pagbã fãa bur-gilsi, Mak kɛgl-gila, la viyn biis b sẽn kʋɩɩs n gili. 4 Dẽ, yẽ yãka Levi buudã neb kẽer tɩ b na n tʋmd a Zeova Koglgã taoore,+ la b waoogd Israyɛll Wẽnnaam a Zeova,* n pʋʋsd-a bark la b pẽgd-a. 5 Yaa a Azaf+ n da yaa taoor soaba, tɩ yiib-n-soabã yaa a Zakari, t’a Yeyɛll, a Semiramot, a Yeyiyɛll,+ a Matitiya, a Eliyaab, a Benaya, a Obɛɛd-edom la a Yeyɛll ra reemd ne yʋʋm-teed sẽn tar rissi, la pendse.+ A Azaf ra wẽeda waase,+ 6 tɩ maan-kʋʋdb a Benaya ne a Yahaziyɛll ra peebd tãntãad Wẽnnaam kaoolã koglg taoor wakat fãa.

7 Yɩɩ baraar la a Davɩɩd gʋls bark pʋʋsg yɩɩll a Zeova yĩng pipi, n kɩt t’a Azaf+ ne a ba-biisã yɩɩl n yeele:

10 Pẽg-y y mens a yʋʋrã sẽn yaa sõngã yĩnga.+

Bɩ sẽn baood-b a Zeova wã kɩdem sũ-noogo.+

11 Bao-y-yã a Zeova,+ la y bao a pãngã.

Bao-y-yã a nengã wakat fãa.+

14 Yẽ yaa tõnd Wẽnnaam a Zeova.+

A bʋ-kaoor toor-toorã tata dũniyã tɛk fãa.+

23 Bɩ dũniyã fãa yɩɩl a Zeova yĩnga!

Bɩ b moon a fãagrã daar ne a to fãa!+

25 Bala a Zeova yaa kãsenga, n segd ne pẽgr wʋsgo.

Yaa yẽ la b segd n zoe la b waoog n yɩɩd wẽnnaam-dãmb a taabã fãa.+

Wõgemd-y-yã a Zeova taoor* ne fut sẽn yaa sõamyã.*+

30 Bɩ dũniyã fãa rig a taoore!

Tẽngã lugla kãn-kãe, tɩ bũmb pa tõe n yẽrg-a ye.*+

La nin-buiidã fãa yeelame yaa: “Ãmiina!”* La bãmb pẽga a Zeova.

37 Rẽ poore, a Davɩɩd basa a Azaf+ ne a ba-biisã a Zeova kaoolã koglgã taoore, tɩ b na n tʋmd Koglgã taoor wakat fãa,+ wa sẽn zems daar fãa tʋʋmã.+ 38 A Obɛɛd-edom ne a ba-biisã sõor da yaa bãmb pis-yoob la a nii, tɩ bãmb ne a Yedutun biig a Obɛɛd-edom la a Hooza ra yaa rigno-gũudba. 39 Maan-kʋʋd a Zadok+ ne a maan-kʋʋd-taasã ra bee a Zeova sɛk-roogã taoor Gabawõ+ zĩ-zãntgẽ* wã, 40 n na n maand maand sẽn yõogd bugum, maoong sẽn yõogd bugmã tẽn-kugr zug wakat fãa n kõt a Zeova, yibeoog ne zaabre, la b tũud bũmb ning fãa b sẽn gʋls a Zeova Tõogã pʋgẽ wã, tõog ning a sẽn da kõ Israyɛll nebã.+ 41 A Heman ne a Yedutun+ la rap nins b sẽn yãkã kellã ra bee ne bãmba, n na n pʋʋsd a Zeova barka,+ bala “a maan-neerã paada wakat fãa.”+ 42 A Heman+ ne a Yedutun ra bee ne bãmba, n na n peebd tãntãado, n wẽed waase, la b reemd ne yʋʋm-teed nins b sẽn tar n pẽgd Wẽnnaamã. La a Yedutun kom-dibli+ wã ra bee rignoorẽ wã. 43 Nin-buiidã fãa leba b zagsẽ, t’a Davɩɩd kuil n na n tɩ ning a yirã rãmb barka.

17 A Davɩɩd sẽn kẽ a na-yirã bala, a yeela no-rɛɛs a Natã+ yaa: “Mam gãee roog sẽn me ne sɛɛdr tɩɩs raad pʋgẽ,+ t’a Zeova kaoolã koglg yaool n be fu-roogẽ.”+ 2 A Natã leoka a Davɩɩd yaa: “Maan-y bũmb ning fãa y sẽn date, bala Wẽnnaam bee ne yãmba.”

3 La baraar yʋng bala, Wẽnnaam goma ne a Natã n yeele: 4 “Kẽng n tɩ yeel m tʋm-tʋmd a Davɩɩd yaa: ‘Ad a Zeova sẽn yeele: “Pa foo n na n me roogã n kõ maam tɩ m zĩnd a pʋgẽ ye.+ 5 Bala mam sẽn yiis Israyɛll nebã Ezɩptã tɛk n tãag rũndã, mam pa zĩnd roog pʋgẽ ye. La mam da yita fu-roog a ye n kẽ a to pʋgẽ, la sɛk-roog a ye n kẽ a to pʋgẽ.+ 6 Rẽ yĩnga, wakat ning fãa mam sẽn zĩnd ne Israyɛll nebã, m tol n goma ne Israyɛll bʋ-kaood baa a ye m sẽn yãk t’a ges m nin-buiidã yelle, n sok-a tɩ bõe yĩng tɩ y pa me sɛɛdr tɩɩs raad roog n kõ-ma?”’

7 Rẽ wã, tɩ yeel mam tʋm-tʋmd a Davɩɩd t’a Zeova sẽn yaa tãb-biis naabã yeelame yaa: “Fo ra bee weoogẽ n gũud rũmsi, tɩ mam wa yiis foo be n kɩt tɩ f lebg Israyɛll nebã sẽn yaa mam nin-buiidã taoor soaba.+ 8 Mam na n zĩnda ne foo zĩig ning fãa fo sẽn na n kẽnge,+ la m na n menesa fo bɛɛbã fãa f taoore,+ la m kɩt tɩ f yʋʋrã lebg kãsenga, wa dũniyã nin-kãsemsã yʋya.+ 9 Mam na n yãka zĩig n kõ Israyɛll nebã sẽn yaa mam nin-buiidã tɩ b tilg be. Bãmb na n zĩnda be, la ned baa a ye kõn tiis-b ye. Nin-wẽns pa na n le nams-b wa b sẽn da nams-b to-to pĩndã,+ 10 wakat ning mam sẽn da yãkd bʋ-kaoodb tɩ b get Israyɛll nebã sẽn yaa mam nin-buiidã yellã ye.+ Mam na n kɩtame tɩ f paam f meng ne f bɛɛbã fãa.+ Sẽn paase, mam yeta foo: ‘A Zeova na n kɩtame tɩ fo buudã lebg na-roogo.’

11 “‘“Fo sã n wa maan kaalem wa f yaab-rãmbã, mam na n kɩtame tɩ ned sẽn na n yi fo pendẽ wã, rat n yeel tɩ fo biig a yembr lebg rĩma,+ la mam na n vigla a rĩungã kãn-kãe.+ 12 Yaa yẽ n na n me roog mam yĩnga,+ la m na n vigla a naamã geer wakat fãa yĩnga.+ 13 Mam na n yɩɩ yẽ ba, la yẽ na n lebga mam biiga.+ Mam na n nong-a-la ne nonglem sẽn pa na n tol n sa ye.+ Mam pa na n bas-a wa m sẽn bas ned ning sẽn deng foomã ye.+ 14 Mam na n kɩtame tɩ yẽ yals mam roogẽ wã ne m rĩungã pʋgẽ wakat fãa,+ la yẽ naamã geer na n vigla wakat sẽn kõn sa.”’”+

15 A Natã togsa a Davɩɩd gom-kãensã fãa, n paas Wẽnnaam sẽn vẽneg-a wã fãa.

16 Rĩm a Davɩɩd sẽn wʋm dẽ wã, a tɩ zĩnda a Zeova taoor n yeele: “Mam Wẽnnaam a Zeova, mam yaa ãnda, la m doogã rãmb yaa ãnd rãmb tɩ yãmb maan woto fãa n kõ maam?+ 17 Wẽnnaam, woto fãa ket n pa sek yãmba, tɩ y yeel tɩ y tʋm-tʋmdã roog rãmb na n kaoosa hal wʋsgo.+ Wẽnnaam a Zeova, yãmb gesa maam wa m yaa ned b sẽn segd n zẽk n paase.* 18 Bõe la maam a Davɩɩd sẽn yaa yãmb tʋm-tʋmdã tõe n le yeel n paase? Bala yãmb mii maam sõma.+ 19 Zeova, yãmb tʋm-tʋmdã yĩnga, yãmb maana bõn-kãensã fãa sẽn yaa kãsemsã, la wa sẽn zems y raabo, n wilg tɩ yãmb yaa kãsenga.+ 20 Zeova, yãmb to kae,+ la Wẽnnaam a to kae n zʋʋg yãmb ye.+ Bũmb nins fãa tõnd sẽn wʋmã wilgda rẽ. 21 Rẽ yĩnga, buud a to bee tẽngã zug n yaa wa Israyɛll nebã sẽn yaa yãmb nin-buiidã sɩda?+ Wẽnnaam kẽngame n tɩ fãag bãmba, n kɩt tɩ b lebg a nin-buiidu.+ Yãmb tʋma tʋʋm-kãsemse, la y maan bõn-yɛɛsds bãmb yĩng sẽn na yɩl tɩ nebã bãng y yʋʋrã.+ Yãmb meng n fãag y nin-buiidã Ezɩpti, n dig bu-zẽmsã y nin-buiidã taoore.+ 22 Yãmb kɩtame tɩ Israyɛll nebã lebg yãmb nin-buiid wakat fãa yĩnga,+ la yãmb a Zeova lebga bãmb Wẽnnaam.+ 23 Masã, Zeova, bɩ y kɩt tɩ bũmb ning y sẽn pʋlem y tʋm-tʋmdã ne a roogã rãmbã pids wakat fãa yĩnga, la y maan wa y sẽn pʋlmã.+ 24 Bɩ y yʋʋrã paam waoogr+ la a kaoos wakat fãa, sẽn na yɩl tɩ nebã tõog n yeel tɩ tãb-biis naab a Zeova, Israyɛll Wẽnnaamã n sɩd yaa Israyɛll nebã Wẽnnaam. La bɩ yãmb tʋm-tʋmd a Davɩɩd na-roogã vigl kãn-kãe yãmb taoore.+ 25 Bala mam Wẽnnaam, yãmb n vẽneg y tʋm-tʋmdã n yeel-a tɩ y na n yẽbga na-roog n kõ-a. Rẽ n so tɩ yãmb tʋm-tʋmdã paam daood n pʋʋsd yãmb n gomd woto. 26 Zeova, yãmb la Wẽnnaam sɩd-sɩdã, la yãmb pʋlma y tʋm-tʋmdã bõn-kãensã sẽn yaa sõma wã. 27 Rẽ wã, m kotame tɩ y ning y tʋm-tʋmdã na-roogã barka, la bɩ a kaoos wakat sẽn kõn sa yãmb taoore. Bala Zeova, yãmb ninga barka, la barkã na n yɩɩ wakat fãa.”

18 Rẽ poor bilfu, a Davɩɩd zaba ne Filisti nebã n tõog-b zãnga. La yẽ reega Gat+ ne tẽns nins a sẽn so wã* Filisti nebã nugẽ.+ 2 A Davɩɩd tõoga Mowaab nebã,+ la Mowaab nebã lebga a Davɩɩd tʋm-tʋmdba, n da yaood-a fadgo.*+

3 A Davɩɩd tõoga Zoba+ rĩm a Hadadezɛɛr+ Hamat+ sɛɛgẽ, a sẽn wa n dabd Efrat kʋɩlgẽ+ wã n na n tɩ soog-a wã. 4 A Davɩɩd yõga a Hadadezɛɛr saar-dãmb* tusri, ne wed-rʋʋdb tus a yopoe, la a sodaas tus-pisi sẽn kẽnd nao.+ A kɛɛ saar-dãmbã wed-moos fãa la bal nao-gĩin n pase, la a bas bãmb koabga.+ 5 La Siiri nebã sẽn be Damaasã sẽn wa n na n sõng Zoba rĩm a Hadadezɛɛrã, a Davɩɩd kʋʋ Siiri neb tus-pisi la a yiibu.+ 6 Rẽ poore, a Davɩɩd zĩniga tãb-biis sul Siiri nebã sẽn be Damaasã sʋka, la Siiri nebã lebga a Davɩɩd tʋm-tʋmdba, n da yaood-a fadgo.* A Davɩɩd sẽn kẽngẽ fãa, a Zeova ra kɩtdame t’a paamd tõogre.*+ 7 Sẽn paase, a Davɩɩd reega a Hadadezɛɛr tãb-biisã sãnem gãndã sẽn yaa gilsã n tall n kẽng Zerizalɛm. 8 A Davɩɩd wʋka zũud wʋsg Tibat ne Kun sẽn yaa a Hadadezɛɛr tẽnsã pʋsẽ. A Salomo rɩka rẽ fãa n maan zũud Mogrã,+ ra-lugsã, la zũud teedã.+

9 Hamat rĩm a Towu sẽn wʋm t’a Davɩɩd tõoga Zoba+ rĩm a Hadadezɛɛr+ tãb-biisã fãa wã, 10 zĩig pʋgẽ, a tʋma a bi-ribl a Hadoram rĩm a Davɩɩd nengẽ n na n bãng a keelem la a pẽg-a, a sẽn zab ne a Hadadezɛɛr n tõog-a wã yĩnga. (Bala a Hadadezɛɛr zaba naoor wʋsg ne a Towu.) Yẽ zãa teed toor-toor sẽn maan ne sãnem, wanzuri la zũud n kẽnge. 11 Rĩm a Davɩɩd rɩka rẽ fãa n kõ a Zeova,*+ n paas wanzuri wã ne sãnemã a sẽn da wʋk bu-zẽmsã fãa nengẽ wã: Yaa teed nins a sẽn da reeg Edom la Mowaab soolmẽ wã, ne Amon nebã,+ Filisti nebã,+ la Amalɛk nebã+ nengẽ wã.

12 A Seruya+ biig a Abisayi+ kʋʋ Edom neb tus-piig la a nii Yamsem longã+ pʋgẽ. 13 Edom soolmã fãa pʋgẽ, a zĩniga tãb-biis sula, tɩ Edom nebã fãa lebg a Davɩɩd tʋm-tʋmdba.+ A sẽn kẽngẽ fãa, a Zeova ra kɩtdame t’a paamd tõogre.*+ 14 A Davɩɩd kell n yɩɩ Israyɛll soolmã fãa rĩma.+ A ra kaooda bʋʋd tɩrga, la a ra maand sẽn yaa tɩrg ne a nebã fãa.+ 15 A Seruya biig a Zowaab n da yaa tãb-biisã naaba,+ t’a Ahiluud biig a Zozafat+ yaa seb-bĩngda. 16 A Ayituub biig a Zadok ne a Abiyataar biig a Ahimelɛk n da yaa maan-kʋʋdba, t’a Saavsa yaa seb-gʋlsda. 17 A Zehoyada biig a Benaya n da yaa Kerɛt nebã+ ne Pelɛt nebã+ taoor soaba. A Davɩɩd sẽn yãk a toogo, a kom-dibli wã n da pʋgd-a ne naam.

19 Kaoosg zugẽ, Amon nebã rĩm a Nahaas kiime t’a biig a Hanun ledg-a n lebg rĩma.+ 2 A Davɩɩd sẽn wʋm dẽ wã, a yeelame: “Mam na n maana a Nahaas biig a Hanun neere,+ a ba wã sẽn da maan maam neerã yĩnga.” Woto, a Davɩɩd tʋma neb tɩ b kẽng n na n tɩ pʋʋs a Hanun, a ba wã sẽn maan kaalmã yĩnga. La a Davɩɩd nebã sẽn ta Amon nebã+ soolmẽ wã, 3 Amon nebã nanambsã yeela b zu-soab a Hanun yaa: “Yãmb tẽedame t’a Davɩɩd sẽn tʋm nebã tɩ b wa pʋʋs kʋʋrã yaa sẽn na n waoog y ba wã la? Rẽ yĩnga, pa sẽn na n soos n gilg n ges tẽngã n wa tõog n sãam-a yĩng la a sẽn tʋm-bã sɩda?” 4 Dẽ, a Hanun kɩtame tɩ b yõg a Davɩɩd nebã n põng b toeemsã,+ la b wõrs b futã n ta b seesã, n bas-b tɩ b looge. 5 B sẽn tɩ togs a Davɩɩdã, zĩig pʋgẽ, a tʋma neb tɩ b tɩ seg-ba, bala b paoog-b-la wʋsgo. Rĩmã yeel-b lame yaa: “Pa-y Zeriko+ hal tɩ y toeemsã lebs n yi tɩ y yaool n wa.”

6 Amon nebã wa n mikame tɩ b lebga wa bõn-põosg a Davɩɩd nifẽ. Woto, a Hanun ne Amon nebã tʋma neb ne wanzuri talã* tusri, tɩ b na n tɩ ra saar-dãmb* ne wed-rʋʋdb Mezopotami,* Aram-maaka la Zoba.+ 7 Woto, bãmb daa saar-dãmb tus-pis-tã la a yiibu, la b ra Maaka rĩmã ne a nebã. Dẽ, bãmb waame n tilg b sik Medeba+ noore. Amon nebã yii b tẽnsẽ wã n tigim taab n na n wa zabe.

8 A Davɩɩd sẽn wʋm dẽ, a tʋma a Zowaab+ ne tãb-biisã fãa, hal baa a gãnda-sãeemsã.+ 9 Amon nebã yiime n tong taab tẽngã noor ned fãa ne a zĩig n na n tɩ zabe, tɩ rĩm-dãmb nins sẽn yi wã tɩ yals weoogẽ wã.

10 A Zowaab sẽn yã tɩ b watame n na n zab ne yẽ poorẽ la taoorã, a yãka Israyɛll tãb-biis nins sẽn mi zabr sõma n yɩɩdã kẽere, tɩ b tong taab ned fãa ne a zĩig n na n seg Siiri nebã.+ 11 A kɩtame t’a ba-biig a Abisayi+ lʋɩ tãb-biis nins sẽn ketã taoore, n tong-b ned fãa ne a zĩig tɩ b seg Amon nebã. 12 Rẽ poore, a yeela a Abisayi yaa: “Siiri nebã+ sã n wa rat n tõog maam, fo tog n wa sõnga maam. La Amon nebã sã n dat n tõog foo, mam na n wa sõnga foo. 13 D segd n kenga d sũur la d tall raood+ tõnd nin-buiidã la d Wẽnnaamã tẽns yĩnga, t’a Zeova na n maana sẽn yaa neer a nifẽ.”

14 La a Zowaab ne a nebã kolgame n na n zab ne Siiri nebã, la bãmb zoee a Zowaab taoore.+ 15 Amon nebã sẽn yã tɩ Siiri nebã zoeeme wã, bãmb me zoee a Zowaab ba-biig a Abisayi taoor n kẽ tẽngã pʋgẽ. Rẽ poore, a Zowaab lebg n leba Zerizalɛm.

16 Siiri nebã sẽn yã tɩ Israyɛll nebã tõog-b lame wã, bãmb tʋma neb tɩ b kẽng n tɩ tigim Siiri neb nins sẽn be Kʋɩlgã*+ soolmẽ wã, t’a Sofak sẽn yaa a Hadadezɛɛr tãb-biisã naabã lʋɩ bãmb taoore.+

17 B sẽn tɩ togs a Davɩɩdã, zĩig pʋgẽ, a tigma Israyɛll tãb-biisã fãa tɩ b rʋʋg Zʋrdẽ kʋɩlgã n kẽng b nengẽ. Bãmb da tonga taab ned fãa ne a zĩig n na n tɩ zab ne-ba. A Davɩɩd kɩtame t’a tãb-biisã tong taab ned fãa ne a zĩig n seg Siiri nebã, la bãmb zaba ne-a.+ 18 La Siiri nebã zoee Israyɛll nebã taoore. A Davɩɩd kʋʋ Siiri neb tus a yopoe sẽn da zao saar-dãmba, la b sodaas tus-pis-naas sẽn kẽnd nao. Yẽ kʋʋ bãmb sodaasã naab a Sofak. 19 A Hadadezɛɛr sẽn so rĩm-dãmb ninsã sẽn yã tɩ Israyɛll nebã tõog-b lame wã,+ bãmb yɩɩ tao-tao n bao laafɩ ne a Davɩɩde, t’a Davɩɩd na n soog-ba.+ La Siiri nebã ra pa le rat n sõng Amon nebã ye.

20 Yʋʋmdã sɩngrẽ, wakat ning rĩm-dãmbã sẽn mi n yi n kẽng zabrã, a Zowaab+ kẽnga zabre, n tɩ sãam Amon nebã soolmã. Yẽ tɩ gũbga Raba.+ La a Davɩɩd paa Zerizalɛm.+ A Zowaab zaba ne Raba n sãam-a zãnga.+ 2 A Davɩɩd fõka maanf ning sẽn da fõg a Malkam zugã, n mik t’a zɩslmã ra taa sãnem talã* a ye, tɩ b ra nags-a ne kug-neeba. B rɩk-a lame n fõgen a Davɩɩde. A Davɩɩd wʋka teed zem bal tẽngã pʋgẽ me.+ 3 A yiisa neb nins sẽn da be be wã, n tɩ kɩt tɩ b peesd kuga, tɩ b tʋmd ne kud-sɩlems la laya.+ Yaa woto la yẽ maan tẽns nins fãa Amon nebã sẽn so wã. A Davɩɩd ne a tãb-biisã fãa wa n leba Zerizalɛm.

4 Rẽ zugẽ, zabr n zĩnd Israyɛll nebã ne Filisti nebã sʋk Gezɛɛr. Wakat kãnga, Husa rao a Sibekayi+ kʋʋ a Sipayi sẽn da yaa Refayim nebã+ yagengã. La bãmb tõoga Filisti nebã.

5 Zabr n leb n zĩnd Israyɛll nebã ne Filisti nebã sʋka, t’a Zayɩɩr biig a Ɛlhanan kʋ a Lami sẽn yaa Gat rao a Golyat+ ba-biigã. A kãndã raoog ra yaa wa koeer-bõanga.+

6 Zabr n leb n zĩnd Gate,+ tɩ nin-wobg+ ra be be. A nug fãa ra tara nug-biis a yoobe, t’a naoor fãa tar nao-bi a yoobe. A nug-biisã ne a nao-bi wã fãa sẽn naag taab yaa bãmb pisi la a naase. Yẽ me ra yaa Refayim nebã+ yagenga. 7 Yẽ ra baooda Israyɛll nebã noor n ka basdẽ ye.+ La a Zonatã sẽn yaa a Davɩɩd kẽem a Simeya+ biigã kʋ-a lame.

8 Nin-kãensã ra yaa Refayim nebã+ yagens sẽn da be Gate.+ La a Davɩɩd ne a tãb-biisã kʋʋ bãmba.

21 A Sʋɩtãan* yikame n na n maan Israyɛll nebã wẽnga, n pirs a Davɩɩd t’a sõd Israyɛll nebã.+ 2 Dẽ, a Davɩɩd yeela a Zowaab+ ne tãb-biisã nanambsã yaa: “Kẽng-y n tɩ sõd-y Israyɛll nebã sẽn sɩng ne Dan+ n tãag Bɛɛr-seba, n wa togs-m b sõorã tɩ m bãnge.” 3 La a Zowaab leokame yaa: “Bɩ a Zeova paas a nin-buiidã sõor naoor koabga! M zu-soab la m dĩma, bãmb fãa pa zoe n yaa yãmb tʋm-tʋmdb sɩda? Bõe yĩng tɩ m zu-soab la m dĩmã rat n maan bũmb a woto? Bõe tɩ yãmb na n kɩt tɩ Israyɛll paam taale?”

4 La rĩmã pa kelg a Zowaab ye. Dẽ, a Zowaab yiime n saag Israyɛlle, la rẽ poore, a lebg n waa Zerizalɛm.+ 5 A Zowaab togsa a Davɩɩd nin-buiidã b sẽn sõdã sõor zãnga. Israyɛll fãa yɩɩ tãb-biis milyõ la tus-koabg sẽn bobd sʋʋse, tɩ Zida yɩ tãb-biis tus-kobs-naas la pis-yopoe sẽn bobd sʋʋse.+ 6 La b pa sõd Levi ne Bẽnzame buudã neb n naag ye.+ Bala rĩmã goamã pa tol n yɩ a Zowaab noog ye.+

7 Bõn-kãngã pa yɩ Wẽnnaam noog baa bilfu, t’a yãk yam n na n sɩbg Israyɛlle. 8 Dẽ, a Davɩɩd yeela Wẽnnaam yaa: “Mam sẽn maan bõn-kãnga wã, mam beega+ wʋsgo. La masã, m bõos tɩ y kõ y tʋm-tʋmdã sugr a beegrã yĩnga.+ Bala mam maana yalemd meng-menga.”+ 9 A Zeova goma ne a Gaad+ sẽn yaa a Davɩɩd bãngdã* n yeele: 10 “Kẽng n tɩ yeel a Davɩɩd yaa: ‘Ad a Zeova sẽn yeele: “Mam na n wilga foo bũmb a tãabo. Yãk fo sẽn dat a soab tɩ m maan-fo.”’” 11 Dẽ, a Gaad kẽnga a Davɩɩd nengẽ n tɩ yeel-a yaa: “Ad a Zeova sẽn yeele: ‘Yãk-y yãmb sẽn dat a soaba. 12 Yãmb datame tɩ yʋʋm a tãab kom+ kẽ y soolmã pʋgẽ bɩ, bɩ y ratame tɩ y bɛɛbã tõog yãmb n kʋ-y ne sʋʋg kiis a tãabo?+ Wall y ratame t’a Zeova sʋʋgã, rat n yeel tɩ bã-loangdg kẽ soolmã pʋgẽ,+ t’a Zeova malɛkã wa ne sãoong+ Israyɛll soolmã fãa pʋgẽ rasem a tãabo?’ Tags-y neer n yãk m sẽn segd n tɩ leok sẽn tʋm-a maamã bũmb ninga.” 13 A Davɩɩd leoka a Gaad yaa: “Yellã namsda maam wʋsgo. M kotame tɩ y bas tɩ m lʋɩ a Zeova nugẽ, t’a nimbãan-zoeerã yaa wʋsgo,+ la m da lʋɩ ninsaal nugẽ ye.”+

14 Dẽ, a Zeova kɩtame tɩ bã-loangdg+ kẽ Israyɛll tɩ neb tus-pis-yopoe ki.+ 15 Sẽn paase, Wẽnnaam tʋma malɛk t’a na n tɩ sãam Zerizalɛm, la a sẽn wa n dat n sãam-a wã, a Zeova yãame la a sũur sãama* ne yel-beedã,+ t’a yeel malɛkã sẽn wat ne sãoongã yaa: “Sekame!+ Sik f nug masã.” A Zeova malɛkã ra yasa Zebuus rao+ a Ornan+ zɛɛgã noore.

16 A Davɩɩd sẽn zẽk a nenga, a yãa a Zeova malɛkã sẽn be tẽngã ne saasã sʋka, n zãad sʋʋg sẽn wõog+ t’a nugã tees Zerizalɛm. Zĩig pʋgẽ, a Davɩɩd ne kãsem-dãmbã sẽn yer botã+ lʋɩɩme n fõgen b nens tẽnga.+ 17 A Davɩɩd yeela Wẽnnaam yaa: “Pa maam n yeel tɩ b sõd nin-buiidã sɩda? Yaa maam n beege. Maam n maan yel-wẽndã.+ La nin-kãensã* maana bõe? Mam Wẽnnaam a Zeova, mam kotame tɩ y sɩbg maam ne m ba wã roog rãmba, la y ra kɩt tɩ bã-loangdgã yõk y nin-buiidã ye.”+

18 A Zeova malɛkã yeela a Gaad+ t’a togs a Davɩɩd t’a yik n tɩ me tẽn-kugr Zebuus rao a Ornan zɛɛgẽ wã a Zeova yĩnga.+ 19 A Davɩɩd saka a Gaad goamã a sẽn togs a Zeova yʋʋr yĩngã, n yik n kẽnge. 20 Wakat kãng t’a Ornan ra pãbda bɩle. Yẽ wẽnemdame n yã malɛkã, la a kom-dibli a naasã sẽn da be ne-a wã zoe n solgame. 21 A Davɩɩd kẽnga a Ornan nengẽ, t’a Ornan zẽk a neng n yã a Davɩɩd. Tao-tao bala, a yii zɛɛgẽ wã n tɩ wõgemd a Davɩɩd taoore, n fõgen a neng tẽnga. 22 A Davɩɩd yeela a Ornan yaa: “Koos f zɛɛgã ne maam* tɩ m me tẽn-kugr a Zeova yĩnga. Koos-a ne maam wa sẽn zems a ligdi, sẽn na yɩl tɩ bã-loangdgã sẽn kʋʋd nin-buiidã sa.”+ 23 La a Ornan yeela a Davɩɩd yaa: “Reeg-y zɛɛgã n sooge, la bɩ m zu-soab la m dĩmã maan sẽn yaa sõma ne-a. Ad niisã sẽn na n maan maoong sẽn yõogd bugmã, n paas zɛɛgã ra-vuudsã+ sẽn na n yõgen bugmã, la bɩle wã sẽn na n maan kood biis kũunã. Mam kõta yãmb bõn-kãensã fãa.”

24 La rĩm a Davɩɩd leoka a Ornan yaa: “Ayo. Mam na n da-a-la wa sẽn zems a ligdã. Bala mam pa na n deeg fo bũmb n kõ a Zeova wall m maan maoong sẽn yõogd bugum ne zaalem bũmb ye.”+ 25 Woto, a Davɩɩd daa a Ornan zɛɛgã sãnem zɩslem sẽn zems sɩkl* kobs-yoobe. 26 A Davɩɩd mee tẽn-kugr+ be a Zeova yĩnga, n maan maand sẽn yõogd bugum ne zems-n-taar maando. A pʋʋsa* a Zeova t’a leok a pʋʋsgã, n kɩt tɩ bugum+ yi saasẽ n wa rɩ maandã sẽn da be maoong sẽn yõogd bugum tẽn-kugrã zugã. 27 Rẽ poore, a Zeova yeela malɛkã+ t’a lebs sʋʋgã a wʋʋgẽ. 28 Wakat kãnga, a Davɩɩd sẽn yã t’a Zeova leoka a pʋʋsgã Zebuus rao a Ornan zɛɛgẽ wã, yẽ kell n da maanda maand be. 29 La a Zeova sɛk-roogã a Moyiiz sẽn da tilg we-raoogẽ wã, ne maoong sẽn yõogd bugum tẽn-kugrã ra bee Gabawõ zĩ-zãntgẽ*+ wã wakat kãnga. 30 La a Davɩɩd pa tõog n kẽng be n tɩ sok Wẽnnaam ye. Bala yẽ ra yɛɛsa wʋsg a Zeova malɛkã yĩnga.

22 A Davɩɩd yeelame: “Ad Wẽnnaam a Zeova roogã, la maoong sẽn yõogd bugum tẽn-kugr Israyɛll nebã yĩnga.”+

2 A Davɩɩd kɩtame tɩ b tigim sãamb+ nins sẽn da be Israyɛll soolmẽ wã, tɩ yẽ yãk-b tɩ b lebg kug-pɛɛsdb n na n vigsd kug la b peesd kug Wẽnnaam doogã meeb yĩnga.+ 3 A Davɩɩd baoo kut wʋsg kʋɩlensã põents la sogdsã yĩnga, la a bao zũud wʋsg b sẽn pa tõe n mak a zɩslem,+ 4 ne sɛɛdr tɩɩs raad+ ka tɛka. Bala Sɩdõ nebã+ ne Tɩɩr nebã+ waa ne sɛɛdr tɩɩs raad wʋsg n kõ a Davɩɩde. 5 A Davɩɩd yeelame yaa: “Mam biig a Salomo nan yaa yãaga, n pa mi bũmbu,+ tɩ roogã b sẽn segd n me a Zeova yĩngã yaool n tog n tall ziir sẽn yaa kãsenga,+ sẽn na yɩl tɩ nebã gomd a yʋʋrã ne a neermã+ yell tẽnsã fãa pʋsẽ.+ Woto wã, mam na n segla bũmb toor-toor n kõ-a.” Dẽ, nand t’a maan kaalem, a segla teed wʋsg zem bala.

6 Sẽn paase, a Davɩɩd boola a biig a Salomo n yeel-a t’a me roog Israyɛll Wẽnnaam a Zeova yĩnga. 7 A yeela a biig a Salomo yaa: “Mam da rata ne m sũur fãa n me roog mam Wẽnnaam a Zeova yʋʋrã yĩnga.+ 8 La a Zeova goma ne maam n yeele: ‘Fo raaga zɩɩm wʋsgo, la fo zaba zab-toose. Fo pa na n me roog mam yʋʋrã yĩng ye.+ Bala fo raaga zɩɩm wʋsg tẽngã zug mam nifẽ. 9 Gese! Fo na n paama biig+ sẽn na n yɩ laafɩ* soaba, la mam na n kɩtame t’a paam a meng ne bɛɛbã fãa sẽn gũbg-a wã.+ Bala a yʋʋr na n yɩɩ a Salomo*+ la mam na n kõo yẽ laafɩ la bãan Israyɛlle, a naamã wakate.+ 10 Yaa yẽ n na n me roog mam yʋʋrã yĩnga.+ A na n lebga mam biiga, la mam na n yɩɩ yẽ ba.+ Mam na n vigla a naamã geer Israyɛll wakat fãa yĩnga.’+

11 “Masã m biiga, bɩ a Zeova zĩnd ne-fo, la bɩ f paam tõogre, n me fo Wẽnnaam a Zeova roogã, wa a sẽn da togs fo wɛɛngẽ wã.+ 12 A Zeova sã n wa kɩt tɩ f soog Israyɛlle, bɩ a kõ foo bãngr la a kɩt tɩ f yɩ gũus-m-meng soaba,+ sẽn na yɩl tɩ f tõog n tũ fo Wẽnnaam a Zeova tõogã.+ 13 Fo sã n tũ a Zeova noyã+ ne a bʋ-kaoor toor-toorã a sẽn kɩt t’a Moyiiz kõ Israyɛll nebã neere,+ fo na n paama tõogre. Keng f sũur la f tall raoodo. Ra zoe rabeem wall f yɛɛs ye.+ 14 A Zeova roogã yĩnga, mam modga wʋsg n segl sãnem talã* tus-koabga, ne wanzuri talã milyõ a ye, la zũud ne kut wʋsg+ b sẽn pa tõe n mak b zɩslem. Sẽn paase, mam segla raad ne kuga,+ la fo tog n bao n paasame. 15 Tʋm-tʋmdb wʋsg n be n na n sõng foo: Kug-pɛɛsdba, ro-metba,+ ra-wãadba, la tʋʋm-mitb toor-toore.+ 16 Sãnemã, wanzuri wã ne zũudã la kutã pa tõe n mak ye.+ Yik n sɩng tʋʋmdã, la bɩ a Zeova zĩnd ne-fo.”+

17 A Davɩɩd yeela Israyɛll nanambsã fãa tɩ b sõng a biig a Salomo. A yeelame: 18 “Yãmb Wẽnnaam a Zeova pa be ne yãmb sɩda? A pa kɩt tɩ yãmb paam bãan zĩig fãa sɩda? Bala a ninga soolmã nebã mam nugẽ, la soolmã lebga a Zeova ne a nin-buiidã rẽnda. 19 Masã, bɩ y yãk yam ne y sũur fãa la y sɩɩg* fãa n bao yãmb Wẽnnaam a Zeova,+ la y sɩng Wẽnnaam a Zeova roogã meebo,+ sẽn na yɩl n tall a Zeova kaoolã koglgã ne Wẽnnaam te-sõamyã,+ n wa ning roog ning b sẽn na n me a Zeova yʋʋrã yĩngã pʋgẽ.”+

23 A Davɩɩd sẽn wa n kʋʋl n kolg kũumã, a yãka a biig a Salomo t’a lebg Israyɛll rĩma.+ 2 A tigma Israyɛll nanambsã fãa ne maan-kʋʋdbã+ la Levi buudã nebã.+ 3 B sõda Levi buudã rap nins sẽn da tar yʋʋm pis-tã la sẽn yɩɩd rẽ wã,+ n mik tɩ b sõorã yaa bãmb tus-pis-tã la a nii. 4 Bãmb sʋkã, b yãka neb tus-pisi la a naas tɩ b ra get a Zeova roogã tʋʋmd yelle, tɩ bãmb tus a yoob ra yaa taoor dãmb la bʋ-kaoodba.+ 5 Bãmb tus a naas n da yaa rigno-gũudba,+ tɩ tus a naas ra pẽgd+ a Zeova ne yʋʋm-teed nins wɛɛngẽ a Davɩɩd sẽn da yeele: “Mam maan-b-la Wẽnnaam pẽgr yĩnga.”

6 A Davɩɩd welga bãmb sull-sull+ wa sẽn zems a Levi kom-dibli wã roto: Yaa a Gɛrson ne a Kehat la a Merari.+ 7 A Gɛrson kom-dibli yɩɩ a Ladan ne a Simeyi. 8 A Ladan kom-dibli wã yɩɩ a Yeyiyɛll sẽn yaa taoor soabã, ne a Zetam la a Zowɛlle.+ Bãmb b tãabo. 9 A Simeyi kom-dibli yɩɩ a Selomot ne a Haziyɛll la a Haran. Bãmb b tãabo. Bãmbã n da yaa a Ladan roogã taoor dãmba. 10 A Simeyi kom-dibli wã yɩɩ a Yahat, a Zina ne a Yewuus la a Beriya. Bãmb b naasã n da yaa a Simeyi kom-dibli. 11 A Yahat n da yaa taoor soaba, t’a Ziza yaa yiib-n-soaba. La a Yewuus ne a Beriya sẽn pa paam kom-dibli wʋsgã yĩnga, b sõdga bãmb wa roog a yembre, n kõ-b tʋʋm-yɛnga.

12 A Kehat kom-dibli wã yɩɩ a Amram, a Izehaar+ ne a Ebrõ la a Uziyɛll.+ Bãmb b naase. 13 A Amram kom-dibli yɩɩ a Aarõ+ ne a Moyiiz.+ La b welga a Aarõ toor+ tɩ yẽ ne a kom-dibli wã segd n get Zĩ-sõng sẽn yɩɩdã yelle, n maand maand a Zeova taoore, n tʋmd a tʋʋmã, la b ningd nin-buiidã bark daar fãa Wẽnnaam yʋʋr yĩnga.+ 14 La sã n yaa ne Wẽnnaam dao a Moyiiz kom-dibli wã, b sõd-b lame n naag Levi buudã. 15 A Moyiiz kom-dibli wã yɩɩ a Gɛrsom+ ne a Eliyezɛɛr.+ 16 A Gɛrsom kom-dibli wã taoor soab yɩɩ a Sebuwɛll.+ 17 A Eliyezɛɛr yagensã* taoor soab yɩɩ a Rehabiya.+ A Eliyezɛɛr pa paam kom-dibli a taab ye. La a Rehabiya paama kom-dibli wʋsgo. 18 A Izehaar+ kom-dibli wã taoor soab yɩɩ a Selomit.+ 19 A Ebrõ kom-dibli yɩɩ a Yeriya sẽn da yaa taoor soabã, a Amariya sẽn yaa yiib-n-soabã, a Yahaziyɛll sẽn yaa tãab-n-soabã, la a Yekameyam+ sẽn yaa naas-n-soabã. 20 A Uziyɛll+ kom-dibli yɩɩ a Mise sẽn da yaa taoor soabã, t’a Isiya yaa yiib-n-soabã.

21 A Merari kom-dibli yɩɩ a Mali ne a Musi.+ A Mali kom-dibli yɩɩ a Eleazaar ne a Kis. 22 A Eleazaar kiime n pa paam kom-dibli ye. Yaa kom-pugli bala. Woto, a Kis kom-dibli wã sẽn yaa a kom-pugli wã roagdbã* peeg-b lame n maan b pagba. 23 A Musi kom-dibli wã yɩɩ a Mali ne a Edɛɛr la a Yeremot. Bãmb b tãabo.

24 Bãmbã n yɩ Levi buudã roto, wa sẽn zems b buudã rot taoor dãmba. B sõda Levi buudã neb nins sẽn da tar yʋʋm pisi la sẽn yɩɩd rẽ wã, n gʋls b yʋyã sõdgã sebr pʋgẽ. Yaa bãmb n da get a Zeova roogã tʋʋm yelle. 25 Bala a Davɩɩd ra yeelame yaa: “Israyɛll Wẽnnaam a Zeova kõo a nin-buiidã vʋʋsgo,+ la Wẽnnaam na n zĩnda Zerizalɛm wakat fãa.+ 26 Sẽn paase, Levi buudã nebã pa na n le tʋkd sɛk-roogã wall a teoog baa a ye Wẽnnaam tʋʋmdã yĩng ye.”+ 27 Wa sẽn zems a Davɩɩd yaoolem koeesã, b sõda Levi buudã neb nins sẽn da tar yʋʋm pisi la sẽn yɩɩd rẽ wã. 28 B tʋʋmd ra yaa sõng a Aarõ+ kom-dibli wã ne a Zeova roogã tʋʋmde, la b ges samanã+ ne rɩɩbã rot yelle. B ra segdame me n yɩlg bũmb ning fãa sẽn yaa sõngo, la b tʋm tʋʋmd ning fãa b sẽn segd n tʋm Wẽnnaam roogẽ wã. 29 B ra sõngd n geta burã b sẽn dogend taab zugã* yelle,+ zom-bãanegã b sẽn tar n maand kood biis kũunã, bur-pakls sẽn pa ning rabɩllã,+ burã b sẽn kɩɩm koɛɛng ne powallã, zom-nagdgã,+ la b get bũmb fãa waooglem la a yalem makr yelle. 30 Bãmb da wata yibeoog ne zabr fãa n pʋʋsd a Zeova bark la b pẽgd-a.+ 31 Sẽn da yaa wakat ning fãa la b segd n maan maoong sẽn yõogd bugum n kõ a Zeova vʋʋsg daarã sasa,+ bãmb da sõngdame. B ra maanda woto me ki-paalã+ ne tig toɛy-toɛyã wakate.+ B sõorã ra zemsa noy nins b sẽn gãneg bãmb wɛɛngẽ wã. La b ra tʋmda b tʋʋmdã wakat fãa a Zeova taoore. 32 B leb n da tara tʋʋm b sẽn segd n tʋm sɛk-roogẽ wã ne zĩ-sõngẽ wã, la b ra sõngd a Aarõ kom-dibli wã sẽn yaa b ba-biisã n tʋmd a Zeova roogã tʋʋma.

24 Ad a Davɩɩd sẽn welg a Aarõ yagensã sull-sull to-to: A Aarõ kom-dibli yɩɩ a Nadaab, a Abiyu,+ ne a Eleazaar la a Itamaar.+ 2 A Nadaab ne a Abiyu renga b ba wã n ki+ n pa paam kom-dibli ye. La a Eleazaar+ ne a Itamaar da ket n yaa maan-kʋʋdba. 3 Yaa a Davɩɩd ne a Zadok+ sẽn yaa a Eleazaar doogã nedã, la a Ahimelɛk sẽn yaa a Itamaar doogã nedã n welg-b sull-sulli, b tʋʋmdã yĩnga. 4 A Eleazaar kom-dibli wã sẽn da tar taoor dãmb n yɩɩd a Itamaar kom-dibli wã yĩnga, ad b sẽn pʋɩ-b to-to: A Eleazaar kom-dibli wã rot rãmb paama taoor dãmb piig la a yoobe, t’a Itamaar kom-dibli wã rot rãmb paam taoor dãmb a nii.

5 Sẽn paase, b maana bãnd+ n welg-b sull fãa ne a to. Bala a Eleazaar ne a Itamaar kom-dibli wã sʋka, nanambs sẽn get zĩ-sõngã yelle, la nanambs sẽn tʋmd Wẽnnaam tʋʋmdã n da be. 6 Rẽ poore, a Netanɛll biig a Semaya sẽn yaa Levi buudã nebã seb-gʋlsdã gʋlsa b yʋy rĩmã taoore, la nanambsã, maan-kʋʋd a Zadok+ ne a Abiyataar+ biig a Ahimelɛk+ taoore, n paas maan-kʋʋdbã ne Levi buudã nebã rotã taoor dãmb taoore. B yãka buud roog a ye a Eleazaar yĩnga, la b yãk buud roog a ye a Itamaar yĩnga.

7 Pipi bãndã yãka a Yehoyariib, t’a yiib-n-soabã yãk a Yedaya. 8 Tãab-n-soabã yãka a Harim, t’a naas-n-soabã yãk a Sehorim. 9 Nu soabã yãka a Malkiya, tɩ yoob-n-soabã yãk a Miyamin. 10 Yopoe-n-soabã yãka a Hakooz, t’a nii-n-soabã yãk a Abiya.+ 11 Wɛ soabã yãka a Yesuwa, tɩ piig soabã yãk a Sekaniya. 12 Piig la a ye soabã yãka a Eliyasɩɩb, tɩ piig la a yiib-n-soabã yãk a Yakim. 13 Piig la a tãab-n-soabã yãka a Hupa, tɩ piig la a naas-n-soabã yãk a Yesebeyaab. 14 Piig la a nu soabã yãka a Bilga, tɩ piig la a yoob-n-soabã yãk a Imeer. 15 Piig la a yopoe-n-soabã yãka a Hezɩɩr, tɩ piig la a nii-n-soabã yãk a Hapizeez. 16 Piig la a wɛ soabã yãka a Petaya, tɩ pisi soabã yãk a Yehekɛll. 17 Pisi la a ye soabã yãka a Yakin, tɩ pisi la a yiib-n-soabã yãk a Gamull. 18 Pisi la a tãab-n-soabã yãka a Delaya, tɩ pisi la a naas-n-soabã yãk a Maaziya.

19 Yɩɩ woto la b sigl b tʋʋmdã+ tɩ b na n kẽed a Zeova roogẽ wã, wa sẽn zems noor ning Israyɛll Wẽnnaam a Zeova sẽn da kɩt tɩ b yaab a Aarõ taas-bã.

20 Ad a Levi kom-dibli nins sẽn kellã: A Amram+ kom-dibli wã sʋka, yɩɩ a Subayɛll,+ t’a Subayɛll kom-dibli wã sʋk yɩ a Yedeya. 21 A Rehabiya+ kom-dibli wã yɩɩ a Isiya sẽn da yaa taoor soabã. 22 Izehaar nebã sʋka, yɩɩ a Selomot,+ t’a Selomot kom-dibli wã sʋk yɩ a Yahat. 23 La a Ebrõ kom-dibli wã sʋka, yɩɩ a Yeriya+ sẽn da yaa taoor soabã, tɩ yiib-n-soabã yaa a Amariya, tãab-n-soabã yaa a Yahaziyɛll, tɩ naas-n-soabã yaa a Yekameyam. 24 A Uziyɛll kom-dibli wã sʋka, yɩɩ a Mise, t’a Mise kom-dibli wã sʋk yɩ a Samiir. 25 A Mise ba-biig yɩɩ a Isiya, la a Isiya kom-dibli wã sʋk yɩɩ a Zakari.

26 A Merari+ kom-dibli yɩɩ a Mali ne a Musi. A Yaaziya kom-dibli wã sʋk yɩɩ a Beno. 27 A Merari yagensã sʋka, a Yaaziya roga a Beno, a Soyam, a Zakʋʋr la a Ibri. 28 A Mali kom-dibli wã sʋka, yɩɩ a Eleazaar sẽn pa paam bi-riblã.+ 29 A Kis kom-dibli wã sʋka, yɩɩ a Yerameyɛll. 30 La a Musi kom-dibli yɩɩ a Mali ne a Edɛɛr la a Yerimot.

Bãmbã n yɩ a Levi kom-dibli, wa sẽn zems b buudã roto. 31 Bãmb me maana bãnd+ rĩm a Davɩɩd taoore, la a Zadok ne a Ahimelɛk n paas maan-kʋʋdbã ne Levi buudã nebã rotã taoor dãmb taoore, wa a Aarõ kom-dibli wã sẽn yaa b ba-biisã sẽn maanã. B maana kãsmã buudã roog ne yao-zʋʋgã buudã roog bõn-yɛnga.

25 Sẽn paase, a Davɩɩd ne tʋʋmdã sulã taoor dãmb welga a Azaf ne a Heman la a Yedutun+ kom-dibli kẽer tɩ b na n wẽed pendse, yʋʋm-teed sẽn tar riss+ la waase,+ n togsd bãngr-goama. Ad rap nins b sẽn yãk tʋʋm-kãngã yĩngã yʋya: 2 A Azaf kom-dibli wã sʋka, yɩɩ a Zakʋʋre, a Zozɛf ne a Netaniya la a Azarela. A Azaf n da get a kom-dibli wã tʋʋmdã yelle, tɩ rĩmã me get a Azaf tʋʋmdã yell t’a togsd bãngr-goama. 3 A Yedutun+ kom-dibli wã sʋka, yɩɩ a Gedaliya, a Zeri, a Yesaya, a Simeyi ne a Hasabiya la a Matitiya.+ Bãmb da yaa b yoobe. B ba a Yedutun n da get b tʋʋmdã yelle, la a wẽed pɛndg n togsd bãngr-goam n pʋʋsd a Zeova bark la a pẽgd-a.+ 4 A Heman+ kom-dibli wã sʋka, yɩɩ a Bukiya, a Mataniya, a Uziyɛll, a Sebuwɛll, a Yerimot, a Hananiya, a Hanani, a Eliyata, a Gidalti, a Romamti-ezɛɛr, a Zosbekasa, a Maloti ne a Otiir la a Mahaziyot. 5 Bãmbã fãa yɩɩ a Heman kom-dibli. Yẽ ra yaa rĩmã bãngda,* n taasd rĩmã Wẽnnaam koees Wẽnnaam waoogr yĩnga. Woto, Wẽnnaam kõo a Heman kom-dibli piig la a naas la kom-pugli a tãabo. 6 Bãmb ba wã n da get bãmb fãa tʋʋmdã yelle, sẽn na yɩl tɩ b yɩɩnd a Zeova roogẽ wã ne waas la yʋʋm-teed sẽn tar riss la pendse,+ Wẽnnaam doogã tʋʋm yĩnga.

Yaa rĩmã n da get a Azaf ne a Yedutun la a Heman tʋʋmdã yelle.

7 Bãmb ne b ba-biisã ra yaa yɩɩn-yɩɩndb sẽn tar minim sõma, n yɩɩnd a Zeova yĩnga. B fãa ra yaa kobs-yi la pis-nii la a nii. 8 Dẽ, bãmb maana bãnd+ n pʋɩ b tʋʋmã, tɩ b nin-kãsems la b nin-bõonego, sẽn tar-b minim la sẽn nan zãmsdbã fãa paame.

9 Pipi bãndã yãka a Azaf biig a Zozɛf.+ Yiib-n-soabã yãka a Gedaliya,+ (yẽ ne a ba-biisã la a kom-dibli wã yɩɩ bãmb piig la a yiibu.) 10 Tãab-n-soabã yãka a Zakʋʋr+ ne a kom-dibli wã la a ba-biisã. Bãmb piig la a yiibu. 11 Naas-n-soabã yãka a Izri ne a kom-dibli wã la a ba-biisã. Bãmb piig la a yiibu. 12 Nu soabã yãka a Netaniya+ ne a kom-dibli wã la a ba-biisã. Bãmb piig la a yiibu. 13 Yoob-n-soabã yãka a Bukiya ne a kom-dibli wã la a ba-biisã. Bãmb piig la a yiibu. 14 Yopoe-n-soabã yãka a Yesarela ne a kom-dibli wã la a ba-biisã. Bãmb piig la a yiibu. 15 Nii-n-soabã yãka a Yesaya ne a kom-dibli wã la a ba-biisã. Bãmb piig la a yiibu. 16 Wɛ soabã yãka a Mataniya ne a kom-dibli wã la a ba-biisã. Bãmb piig la a yiibu. 17 Piig soabã yãka a Simeyi ne a kom-dibli wã la a ba-biisã. Bãmb piig la a yiibu. 18 Piig la a ye soabã yãka a Azareyɛll ne a kom-dibli wã la a ba-biisã. Bãmb piig la a yiibu. 19 Piig la a yiib-n-soabã yãka a Hasabiya ne a kom-dibli wã la a ba-biisã. Bãmb piig la a yiibu. 20 Piig la a tãab-n-soabã yãka a Subayɛll+ ne a kom-dibli wã la a ba-biisã. Bãmb piig la a yiibu. 21 Piig la a naas-n-soabã yãka a Matitiya ne a kom-dibli wã la a ba-biisã. Bãmb piig la a yiibu. 22 Piig la a nu soabã yãka a Yeremot ne a kom-dibli wã la a ba-biisã. Bãmb piig la a yiibu. 23 Piig la a yoob-n-soabã yãka a Hananiya ne a kom-dibli wã la a ba-biisã. Bãmb piig la a yiibu. 24 Piig la a yopoe-n-soabã yãka a Zosbekasa ne a kom-dibli wã la a ba-biisã. Bãmb piig la a yiibu. 25 Piig la a nii-n-soabã yãka a Hanani ne a kom-dibli wã la a ba-biisã. Bãmb piig la a yiibu. 26 Piig la a wɛ soabã yãka a Maloti ne a kom-dibli wã la a ba-biisã. Bãmb piig la a yiibu. 27 Pisi soabã yãka a Eliyata ne a kom-dibli wã la a ba-biisã. Bãmb piig la a yiibu. 28 Pisi la a ye soabã yãka a Otiir ne a kom-dibli wã la a ba-biisã. Bãmb piig la a yiibu. 29 Pisi la a yiib-n-soabã yãka a Gidalti+ ne a kom-dibli wã la a ba-biisã. Bãmb piig la a yiibu. 30 Pisi la a tãab-n-soabã yãka a Mahaziyot+ ne a kom-dibli wã la a ba-biisã. Bãmb piig la a yiibu. 31 Pisi la a naas-n-soabã yãka a Romamti-ezɛɛr+ ne a kom-dibli wã la a ba-biisã. Bãmb piig la a yiibu.

26 Ad rigno-gũudbã+ sul toor-toorã: A Koore yagensã sʋka, yaa a Kore biig a Meselemiya+ sẽn da yaa a Azaf yagengã. 2 A Meselemiya paama kom-dibli: Yaa a bi-kãseng a Zakari, yiib-n-soab a Yediyayɛlle, tãab-n-soab a Zebadiya, naas-n-soab a Yatniyɛlle, 3 nu soab a Elam, yoob-n-soab a Yehohanan, la yopoe-n-soab a Eliyoenayi. 4 A Obɛɛd-edom paama kom-dibli: Yaa a bi-kãseng a Semaya, yiib-n-soab a Yehozabaad, tãab-n-soab a Yowa, naas-n-soab a Sakaar, nu soab a Netanɛll, 5 yoob-n-soab a Amiyɛll, yopoe-n-soab a Isakaar, la a nii soab a Pewuletayi. Bala Wẽnnaam da ning-a-la barka.

6 La a biig a Semaya paama kom-dibli sẽn da yaa b buudã rot taoor dãmba. Bala b ra yaa gãndaado, la rap sẽn tar minim. 7 A Semaya kom-dibli wã yɩɩ a Otni, a Refayɛll, a Obɛɛd, a Ɛlzabaad ne a ba-biis a Elihu la a Semaya. Bãmb me ra yaa rap sẽn tar minim. 8 Bãmbã fãa ra yaa a Obɛɛd-edom kom-dibli. Bãmb ne b kom-dibli wã la b ba-biisã ra yaa rap sẽn tar minim la sẽn da tõe b tʋʋmde: B fãa ra yaa rap pis-yoob la a yiibu, n yaa a Obɛɛd-edom roogã neba. 9 A Meselemiya+ paama kom-dibli la ba-biisi. Yaa rap piig la a nii sẽn da tar minim. 10 A Merari roogã ned a Hooza paama kom-dibli: Yaa a Simri sẽn yaa taoor soabã. Baa a Simri sẽn da pa bi-kãsengã, a ba wã yãk-a lame t’a lebg taoor soaba. 11 Yiib-n-soabã yɩɩ a Hilkiya, tãab-n-soabã yɩɩ a Tebaliya, tɩ naas-n-soabã yɩ a Zakari. A Hooza kom-dibli wã ne a ba-biisã fãa yɩɩ bãmb piig la a tãabo.

12 Rigno-gũudb sul-kãensã sʋka, taoor dãmbã ra tara tʋʋmd wa b ba-biisã, n tʋmd a Zeova roogẽ wã. 13 Woto, bãmb maana bãnd+ n na n bãng b buudã rot ned fãa sẽn segd n gũ rignoor ninga, b kãsems la b bõonego. 14 Bãndã yãka yaang rignoorã n kõ a Selemiya. B maana bãnd n yãk nug-rɩtg rignoorã n kõ a Selemiya biig a Zakari sẽn yaa sagend sẽn tar yamã. 15 A Obɛɛd-edom n da get rignoor ning sẽn be nug-goabgã yelle, t’a kom-dibli+ wã ra get teedã bĩngr dotã yelle. 16 A Supim ne a Hooza+ n da get nin-taoor rignoorã sẽn pẽ Salekɛt rignoorã yelle, so-kãseng ning sẽn dʋʋd yĩngrã sɛɛgẽ. Gũudb sull fãa ra pẽe a to. 17 Daar fãa, Levi buudã neb a yoob n da be yaang sẽnesã, t’a naas be rɩtgo, a naas nug-goabg sẽnesã. Teedã bĩngr dotẽ,+ b ninga neb a yiib-yiibu. 18 Zãong* ning sẽn be nin-taoor sẽnesã, neb a naas n da be so-kãsengã+ sɛɛgẽ, tɩ neb a yiib be roogã noore. 19 Bãmbã n da yaa a Koore ne a Merari rotã neb sẽn yaa gũudbã sul toor-toore.

20 Sã n yaa ne Levi buudã nebã, a Ahiya n da get Wẽnnaam doogã laogã bĩngr zĩig yelle, la bũmb nins fãa b sẽn da welg toorã* bĩngr yelle.+ 21 A Ladan kom-dibli wã sʋka, rat n yeel t’a Gɛrson yageng a Ladan kom-dibli wã sʋka, yɩɩ a Yeyiyeli+ sẽn yaa a Ladan roogã taoor dãmb nin-yendã. 22 La a Yeyiyeli kom-dibli wã yɩɩ a Zetam ne a ba-biig a Zowɛll. Bãmb n da get a Zeova laogã bĩngr zĩig yelle.+ 23 A Amram ne a Izehaar n paas a Ebrõ ne a Uziyɛll yagensã+ sʋka, 24 yɩɩ a Moyiiz biig a Gɛrsom biig a Sebuwɛll sẽn da yaa teedã bĩngr doog taoor soabã. 25 A ba-biisã sẽn yaa a Eliyezɛɛr+ yagensã yɩɩ a Rehabiya,+ a Yesaya, a Zoram ne a Zikri la a Selomot. 26 A Selomot ne a ba-biisã n da get bũmb nins fãa b sẽn da welg toorã* yelle,+ rat n yeel tɩ bũmb nins fãa rĩm a Davɩɩd+ ne buud toor-toorã rot taoor dãmbã,+ n paas tãb-biis tusr-tusr nanambsã ne tãb-biis koabg-koabg nanambsã sẽn da welg toorã.* 27 Bãmb yãka teed nins b sẽn wʋk+ zab sasa wã+ kẽere, n welg toor* a Zeova roogã manegr yĩnga, 28 n paas teed nins fãa gɛt+ a Sãmwɛll ne a Kis biig a Sayull, la a Neer biig a Abneer+ ne a Seruya+ biig a Zowaab+ sẽn welg toorã.* A Selomit ne a ba-biisã n da get bũmb ning fãa ned sẽn da welg toor* yelle.

29 A Izehaar yagensã+ sʋka, a Kenaniya ne a kom-dibli wã ra yaa yel-gɛtb la bʋ-kaoodb+ Israyɛlle, n da get Wẽnnaam roogã yɩng tʋʋmã yelle.

30 A Ebrõ yagensã+ sʋka, yaa a Hasabiya ne a ba-biisã sẽn yaa rap tusr la kobs-yopoe wã. Bãmb da yaa gãndaado, n da get Israyɛll yelle, Zʋrdẽ kʋɩlgã nin-taoor babgã. B ra geta a Zeova tʋʋmã ne rĩmã tʋʋmã fãa yelle. 31 A Ebrõ yagensã sʋka, yaa a Yeriya+ n da yaa b buudã rot taoor soab wa b sẽn gʋls sõdgã sebr pʋgẽ wã. A Davɩɩd naamã yʋʋm pis-naas soabã,+ b vaeesame n mik tɩ rap sẽn yaa gãndaad la sẽn tar minim n be bãmb sʋk Yazɛɛr+ sẽn be Galaad soolmẽ wã. 32 A Yeriya ba-biisã sõor da yaa bãmb tus a yi la kobs-yopoe, n da yaa rap sẽn tar minim la rot taoor dãmba. A Davɩɩd kɩtame tɩ b ra get Rubɛn buudã nebã ne Gaad la Manase buudã pʋɩ-sʋk yelle, Wẽnnaam tʋʋmã la rĩmã tʋʋm fãa wɛɛngẽ.

27 Ad Israyɛll nebã sul toɛy-toɛyã sẽn da yaa rĩmã tãb-biisã. Sul-kãensã pʋsẽ, buud rot taoor dãmba, tãb-biis tusr-tusr nanambse, ne tãb-biis koabg-koabg nanambs+ la nanambs sẽn da get sul-kãensã fãa yell+ n da be. Sulã ra tʋmd n deesda taab kiuug-kiuug yʋʋmdã pʋgẽ. Sull fãa ra yaa rap tus-pisi la a naase.

2 A Zabdiyɛll biig a Yasobeyam+ n da get pipi sullã sẽn da segd n tʋm pipi kiuugã yelle. Neb tus-pisi la a naas n da be a sullã pʋgẽ. 3 A Perɛɛz+ kom-dibli wã sʋka, a Yasobeyam n da yaa sull toɛy-toɛyã sẽn da segd n tʋm pipi kiuugã nanambsã fãa taoor soaba. 4 Ahoyi buudã ned+ a Dodo+ n da get sull a yiib-n-soabã sẽn da segd n tʋm kiuug a yiib-n-soabã yelle, t’a Miklot ra yaa taoor soaba. Neb tus-pisi la a naas n da be a sullã pʋgẽ. 5 Sull a tãab-n-soabã sẽn da segd n tʋm kiuug a tãab-n-soabã naab yaa maan-kʋʋdb taoor soab a Zehoyada+ biig a Benaya.+ Neb tus-pisi la a naas n da be a sullã pʋgẽ. 6 A Benaya ra yaa gãndaad pis-tã wã nin-yende, la yẽ n da yaa b taoor soaba. A biig a Amizabaad yɩɩ a sullã taoor soaba. 7 Sull a naas-n-soabã sẽn da segd n tʋm kiuug a naas-n-soabã naab yɩɩ a Zowaab ba-biig+ a Asayɛlle.+ Yẽ loogr poore, a biig a Zebadiya n ledg-a. Neb tus-pisi la a naas n da be a sullã pʋgẽ. 8 Sull a nu soabã sẽn da segd n tʋm kiuug a nu soabã naab yɩɩ Izraya rao a Samut. Neb tus-pisi la a naas n da be a sullã pʋgẽ. 9 Sull a yoob-n-soabã sẽn da segd n tʋm kiuug a yoob-n-soabã naab yɩɩ Tekowa rao+ a Ikɛs biig a Ira.+ Neb tus-pisi la a naas n da be a sullã pʋgẽ. 10 Sull a yopoe-n-soabã sẽn da segd n tʋm kiuug a yopoe-n-soabã naab yɩɩ Pelõ rao a Helɛɛz+ sẽn yaa a Efrayim yagengã. Neb tus-pisi la a naas n da be a sullã pʋgẽ. 11 Sull a nii-n-soabã sẽn da segd n tʋm kiuug a nii soabã naab yɩɩ Husa rao a Sibekayi+ sẽn yaa a Zeera yagengã.+ Neb tus-pisi la a naas n da be a sullã pʋgẽ. 12 Sull a wɛ soabã sẽn da segd n tʋm kiuug a wɛ soabã naab yɩɩ Anatot rao+ a Abiyezɛɛr+ sẽn yaa a Bẽnzame yagengã. Neb tus-pisi la a naas n da be a sullã pʋgẽ. 13 Sull piig soabã sẽn da segd n tʋm kiuug piig soabã naab yɩɩ Netofa rao a Maharayi+ sẽn yaa a Zeera yagengã.+ Neb tus-pisi la a naas n da be a sullã pʋgẽ. 14 Sull piig la a ye soabã sẽn da segd n tʋm kiuug piig la a ye soabã naab yɩɩ Piraton rao a Benaya+ sẽn yaa a Efrayim yagengã. Neb tus-pisi la a naas n da be a sullã pʋgẽ. 15 Sull piig la a yiib-n-soabã sẽn da segd n tʋm kiuug piig la a yiib-n-soabã naab yɩɩ Netofa rao a Hɛldayi sẽn yaa a Otniyɛll yagengã. Neb tus-pisi la a naas n da be a sullã pʋgẽ.

16 Ad Israyɛll buud toɛy-toɛyã nanambse: Rubɛn buudã sʋka, a Zikri biig a Eliyezɛɛr n da yaa taoor soaba. Sɩmeyõ buudã sʋka, yɩɩ a Maaka biig a Sefatiya. 17 Levi buudã sʋka, yɩɩ a Hasabiya biig a Kemuwɛll. A Aarõ yagensã sʋka, yɩɩ a Zadok. 18 Zida buudã sʋka, yɩɩ a Elihu+ sẽn da yaa a Davɩɩd ba-biigã. Isakaar buudã sʋka, yɩɩ a Mikayɛll biig a Omri. 19 Zabulõ buudã sʋka, yɩɩ a Abdiyaas biig a Ismaya. Naftali buudã sʋka, yɩɩ a Azriyɛll biig a Yerimot. 20 Efrayim buudã sʋka, yɩɩ a Azaziya biig a Ooze. A Manase buudã pʋɩ-sʋkã sʋka, yɩɩ a Pedaya biig a Zowɛll. 21 Manase buudã pʋɩ-sʋkã sẽn be Galaadã sʋka, yɩɩ a Zakari biig a Ido. Bẽnzame buudã sʋka, yɩɩ a Abneer+ biig a Yaaziyɛll. 22 Dan buudã sʋka, yɩɩ a Zerowam biig a Azareyɛll. Nin-kãensã n yɩ Israyɛll buud toɛy-toɛyã nanambse.

23 A Davɩɩd pa sõd neb nins sẽn da tar yʋʋm pisi bɩ sẽn pa ta rẽ wã ye. Bala a Zeova ra pʋlmame t’a na n kɩtame tɩ Israyɛll nebã yɩ wʋsg wa ãdsã sẽn be saasẽ wã.+ 24 A Seruya biig a Zowaab ra sɩnga nebã sõdbo, la a pa baas ye. Wẽnnaam sũur puuga ne Israyɛlle, sõdbã yĩnga,+ la b pa gʋls nebã sõor rĩm a Davɩɩd kibayã sebr pʋgẽ ye.

25 A Adiyɛll biig a Azmavɛt n da get rĩmã laog bĩngr zĩisã+ yelle. A Ozɩyas biig a Zonatã n da get teedã* bĩngr dot nins sẽn be wetẽ wã, tẽn-bɛdẽ wã, tẽn-bõonesẽ wã la gasdã pʋsẽ. 26 A Keluub biig a Ezri n da get tʋm-tʋmdb nins sẽn koodã yelle. 27 Rama rao a Simeyi n da get viyn pʋtã yelle. Sefam rao a Zabdi n da get divẽ wã bĩngr zĩig yelle. 28 Gedɛɛr rao a Baal-hanaan n da get oliiv pʋtã ne wom-seesã*+ sẽn be Sefela wã+ yelle. A Zowaas n da get kaamã bĩngr zĩig yelle. 29 Saarõ rao a Sitarayi n da get niisã sẽn be Saarõ+ rũms wãbneg zĩisẽ wã yelle, t’a Adlayi biig a Safat da get niisã sẽn be tẽn-nabrẽ wã yelle. 30 Ismayɛll buudã ned a Obill n da get yʋgma wã yelle. Meronot rao a Yedeya n da get bõensã* yelle. 31 Hagaar ned a Yaziiz n da get piisã ne bʋʋsã yelle. Nin-kãensã fãa n da yaa nanambs nins sẽn get a Davɩɩd sẽn so wã yelle.

32 A Davɩɩd kẽem biig a Zonatã+ ra yaa sagenda, ned sẽn tar bãngre, la seb-gʋlsda. A Hakmoni biig a Yeyiyɛll n da get rĩmã kom-dibli wã yelle.+ 33 A Ahitofɛll+ ra yaa rĩmã sagenda, tɩ Ark rao a Husayi+ ra yaa rĩmã zoa.* 34 A Ahitofɛll loogr poore, a Benaya+ biig a Zehoyada ne a Abiyataar+ n ledg-a. A Zowaab+ n da yaa tãb-biisã naaba.

28 Dẽ, a Davɩɩd tigma Israyɛll nanambsã fãa Zerizalɛm: Yaa buud toɛy-toɛyã nanambse, sul toɛy-toɛyã sẽn da tʋmd rĩmã tʋʋmã nanambse,+ tãb-biis tusr-tusr nanambs ne tãb-biis koabg-koabg nanambse,+ nanambs nins sẽn da get rĩmã paoongã fãa ne rũmsã+ la a kom-dibli+ wã yelle, n paas na-yirã tʋm-tʋmdbã, ne gãndaoog la nin-daoog fãa.+ 2 Rẽ poore, Rĩm a Davɩɩd yik n yalsa yĩngr n yeele:

“M ba-biis la m nin-buiidu, kelg-y-yã. Mam da rata ne m sũur fãa n me roog tɩ yɩ a Zeova kaoolã koglgã vʋʋsg zĩiga, la tõnd Wẽnnaamã nao-roagendga.+ Mam segla bũmb toor-toor meebã yĩnga.+ 3 La Wẽnnaam yeela maam yaa: ‘Pa foo n na n me roog mam yʋʋrã yĩng ye.+ Bala fo yaa ned sẽn zab zaba, la fo raaga zɩɩm.’+ 4 La Israyɛll Wẽnnaam a Zeova yãka maam m ba wã roogã neb fãa sʋka, tɩ m na n yɩ Israyɛll rĩm wakat fãa.+ Bala a yãka Zida t’a na n yɩ taoor soaba,+ la Zida buudã neb sʋka, a yãka mam ba wã roogo,+ la mam bã wã kom-dibli sʋka, yaa maam la a yãk n kɩt tɩ m lebg Israyɛll fãa rĩma.+ 5 La mam kom-dibli wã fãa sʋka, (bala a Zeova kõo maam kom-dibli wʋsgo,)+ a yãka m bi-ribl a Salomo+ t’a na n zĩnd a Zeova naam geerã zug n soog Israyɛlle.+

6 “A yeela maam yaa: ‘Yaa fo biig a Salomo n na n me mam doogã la m samanã, bala mam yãka yẽ t’a yɩ m biiga, la mam na n lebga yẽ ba.+ 7 A sã n kell n tũ mam noyã la m bʋ-kaoor toor-toorã ne a sũur fãa+ wa a sẽn maandã, mam na n vigla a naamã kãn-kãe wakat fãa yĩnga.’+ 8 Woto yĩnga, mam yeta Israyɛll nebã fãa taoore, a Zeova nin-buiidã taoor la tõnd Wẽnnaamã taoor yaa: Maag-y y yĩng n bao n bãng yãmb Wẽnnaam a Zeova noyã fãa la y tũ-a, tɩ y soog tẽn-noogã,+ la tɩ y yagensã me wa soog-a tɩ yɩ b pʋɩɩr wakat fãa yĩng yãmb loogr poore.

9 “La foom, m biig a Salomo, bao n bãng fo ba wã Wẽnnaamã la f tũ-a ne f sũur fãa,+ la ne yam-sõngo. Bala a Zeova feesda sũyã fãa+ la a mii ned kam fãa tagsgo.+ Fo sã n bao-a, a na n basame tɩ fo yã-a.+ La fo sã n bas-a, yẽ me na n daaga foo n bas wakat fãa yĩnga.+ 10 Gese! Masã, a Zeova yãka foom tɩ f na n me roog sẽn yaa wẽnd-doogo. Bɩ f tall raoodo, la f kẽng n tʋme.”

11 Dẽ, a Davɩɩd kõo a biig a Salomo zãongã*+ ne a rotã mamsgo,+ teedã bĩngr zĩis ne yĩngr dotã la sugr kũun roogã* mamsgo.+ 12 A kõ-a-la bũmb nins fãa b sẽn segd n maanã mamsg Wẽnnaam sẽn vẽneg-a t’a gʋlã: Yaa a Zeova roogã samanã+ ne rɩɩbã rot sẽn gũbg-a wã fãa, la Wẽnnaam doogã laog bĩngr zĩis ne bũmb nins fãa b sẽn welg toorã* bĩngr zĩisi.+ 13 A kõo a Salomo noy maan-kʋʋdbã sulã,+ la Levi buudã nebã sulã me wɛɛngẽ, n paas a Zeova roogã tʋʋmã fãa la a Zeova roogã tʋʋm-teed fãa wɛɛngẽ. 14 A leb n wilg-a-la sãnemã zɩslem, tʋʋm toor-toorã teed sãnem zɩslem, wanzuri wã teed fãa zɩslem, rat n yeel tɩ tʋʋm toor-toorã teed wanzuri zɩslem, 15 n paas sãnem fɩtl-dogendsã ne b sãnem fɩtl-dãmbã zɩslem, fɩtl-dogends+ toor-toorã ne b fɩtl-dãmbã zɩslem, wanzuri fɩtl-dogendsã zɩslem, la fɩtl-doagendg fãa ne a fɩtl zɩslem wa sẽn zems ne a tʋʋmde. 16 A Davɩɩd leb n wilga a Salomo sãnemã b sẽn na n tall n maan taabl nins zut b sẽn na n dogl bur b sẽn dogend taab zugã*+ zɩslem, taabl fãa ne a sãnem, la wanzuri wã b sẽn na n tall n maan wanzuri taabl-dãmbã zɩslem, 17 n paas yaagdsã, laasã, la yubli wã b sẽn na n maan ne sãnem halaalã zɩslem, ne sãnem la-bil fãa ne a zɩslem,+ la wanzuri la-bil fãa ne a zɩslem. 18 A leb n wilg-a-la sãnemã b sẽn yɩlgã b sẽn na n tall n maan wisd yõogr tẽn-kugrã+ zɩslem, la b sẽn na n tall n maan saarã*+ mamsgã, rat n yeel tɩ sãnem seribẽ-rãmbã+ sẽn tẽeg b pɩgsã n lud a Zeova kaoolã koglgã. 19 A Davɩɩd yeelame yaa: “A Zeova kõo maam tõogo, la a wek m yam tɩ m gʋl+ meebã mamsg+ toor-toorã ball-balle.”

20 Rẽ poore, a Davɩɩd yeela a biig a Salomo yaa: “Keng f sũur la f tall raood n kẽng n tʋme. Ra zoe rabeem wall f yɛɛs ye. Bala Wẽnnaam a Zeova, mam Wẽnnaamã bee ne foo.+ A pa na n zãag ne foo wall a raag-f n bas ye.+ Yẽ na n zĩnda ne foo hal tɩ f tʋm a Zeova roogã tʋʋm fãa n sa. 21 Ad maan-kʋʋdbã+ ne Levi buudã+ neb sulã sẽn na n tʋm Wẽnnaam doogã tʋʋmã fãa wã. Fo tara tʋm-tʋmdb sẽn kõ b mens ne yamleoogo, la sẽn tar minim n na n tʋm tʋʋmd buud fãa,+ n paas nanambse,+ la nin-buiidã fãa sẽn na n maan bũmb ning fãa fo sẽn na n yeel-ba.”

29 Rĩm a Davɩɩd yeela nin-buiidã fãa yaa: “Mam biig a Salomo, Wẽnnaam sẽn yãk a soabã+ nan yaa yãag n pa mi bũmbu,+ tɩ tʋʋmdã yaool n yaa kãsenga. Bala roogã pa ninsaal roog ye. Yaa Wẽnnaam a Zeova roogo.+ 2 La mam modga ne m pãng fãa n segl bũmb toor-toor mam Wẽnnaamã roog yĩnga. Yaa sãnem, sãnem tʋʋmã yĩnga, wanzuri, wanzuri tʋʋmã yĩnga, zũudu, zũud tʋʋmã yĩnga, kutu, kut tʋʋmã yĩnga,+ raado,+ raad tʋʋmã yĩnga, onigs kuga, kug b sẽn na n tall tãn-maas n tablg b taaba, kug-bõones sẽn tar kõbg buud toor-toore, kug-neeb buud fãa, la albatr kug wʋsgo. 3 Sẽn paase, mam sẽn nong mam Wẽnnaamã roogã+ yĩnga, mam dɩkda m meng paoong+ sẽn yaa sãnem ne wanzuri n na n kõ mam Wẽnnaamã roog yĩnga, n paas bũmb nins fãa mam sẽn segl ro-sõngã yĩnga: 4 Yaa Ofɩɩr sãnem+ talã* tus a tãabo, wanzuri b sẽn yɩlg talã tus a yopoe, sẽn na yɩl n bol rotã lalse, 5 sãnem, sãnem tʋʋmã yĩnga, wanzuri, wanzuri tʋʋmã yĩnga, la tʋʋmd ning fãa nug-tʋʋm dãmbã sẽn segd n tʋmã yĩnga. La masã, ãnd n tar kũun n na n kolg n kõ a Zeova ne yamleoogo?”+

6 Dẽ, buudã rot taoor dãmba, Israyɛll buud toɛy-toɛyã nanambsã, tãb-biis tusr-tusr nanambsã,+ ne tãb-biis koabg-koabg nanambsã, la nanambs nins sẽn get rĩmã yɛlã+ kolga ne yamleoogo. 7 Ad bãmb sẽn kõ bũmb nins Wẽnnaam doogã tʋʋmd yĩnga: Yaa sãnem talã tus a nu, darik* tus-piiga, wanzuri talã tus-piiga, ne zũud talã tus-piig la a nii, la kut talã tus-koabga. 8 Ned ning fãa sẽn da tar kug-neeb rɩkame n kõ tɩ b ning a Zeova roogã laog bĩngr zĩigẽ. Yaa a Gɛrson yageng+ a Yeyiyɛll+ n da get rẽ yelle. 9 Nin-buiidã kɩdma sũ-noog b sẽn kõ kũunã ne yamleoogã yĩnga. Bala yaa ne b sũy fãa la b kõ a Zeova kũunã.+ Rĩm a Davɩɩd me kɩdma sũ-noog wʋsgo.

10 A Davɩɩd pẽga a Zeova nin-buiidã fãa taoore. Yẽ yeelame yaa: “Bɩ yãmb a Zeova sẽn yaa tõnd ba a Israyɛll Wẽnnaamã paam pẽgr wakat fãa yĩnga.* 11 Zeova, yãmb yaa kãseng+ n tar pãnga,+ la yãmb n so neerem la naam.+ Bala bũmb ning fãa sẽn be saasẽ la tẽngã zugã yaa yãmb n so.+ Zeova, yãmb n so rĩungã.+ Yãmb n zẽk n yɩɩd bũmb fãa. 12 Arzɛk ne ziir yita yãmb nengẽ,+ la yãmb rɩta naam bũmb fãa zugu.+ Pãng bee yãmb nugẽ,+ la yãmb nugã n tõe n kɩt tɩ ned lebg kãsenga,+ la a kõ bũmb fãa pãnga.+ 13 La masã, tõnd Wẽnnaam! Tõnd pʋʋsda yãmb barka, la d pẽgd yãmb yʋʋrã sẽn tar ziirã.

14 “La mam yaa ãnda, mam nin-buiidã me yaa ãnd rãmb n tõe n kõ kũunã a woto ne yamleoogo? Bala bũmb fãa yita yãmb nengẽ, la bũmb nins tõnd sẽn kõ yãmbã yaa yãmb n kõ tõndo. 15 Tõnd yaa sãamb yãmb taoore, wa tõnd yaab-rãmbã fãa.+ Bala tõnd rayã yaa wa sulunsuka,+ tɩ tẽeb kae ye. 16 Tõnd Wẽnnaam a Zeova, arzɛg-kãngã fãa d sẽn segl n na n me roog yãmb yʋ-sõngã yĩngã yaa yãmb n kõ, la bõn-kãens fãa yaa yãmb n so. 17 Mam Wẽnnaam, mam miime tɩ yãmb feesda sũuri,+ la tɩ yãmb nonga burkĩndlem.+ Yaa ne pʋ-peelem* la mam kõ bõn-kãensã fãa ne yamleoogo, la mam sũur yaa noog wʋsgo, m sẽn ne tɩ yãmb nin-buiidã sẽn be ka wã kõt yãmb kũun ne yamleoogã. 18 Zeova, tõnd yaab-rãmb a Abrahaam ne a Izaak la a Israyɛll Wẽnnaam, sõng-y y nin-buiidã tɩ b kell n tall yam-sõng a woto b sũyã pʋsẽ wakat fãa, la y sõng-b tɩ b sak yãmb ne b sũy fãa.+ 19 Sõng-y m biig a Salomo t’a tũ yãmb ne a sũur fãa,+ n sak yãmb noyã,+ y saglsã la y tõodã, n tõog n maan bõn-kãensã fãa, la a me wẽnd-doog ning yĩng mam sẽn segl bũmb toor-toorã.”+

20 Rẽ poore, a Davɩɩd yeela nin-buiidã fãa yaa: “Masã, bɩ y pẽg y Wẽnnaam a Zeova.” La nin-buiidã fãa pẽga b yaab-rãmbã Wẽnnaam a Zeova, n sulg n wõgemd a Zeova taoore, la rĩmã taoore. 21 La bãmb kell n maana maand n kõ a Zeova, la b kõ a Zeova maand sẽn yõogd bugum+ vẽkembeoogã: Yaa lol-poal tusri, pe-raad tusri, pe-bi tusri, ne b divẽ kũunã.+ Bãmb maana maand wʋsg Israyɛll nebã fãa yĩnga.+ 22 Bãmb kell n dɩɩme la b yũ a Zeova taoor baraar ne kɩdengo,+ la bãmb le kõo a Davɩɩd biig a Salomo naamã, n zae-a* a Zeova taoor t’a lebg naaba,+ la b yãk a Zadok t’a lebg maan-kʋʋda.+ 23 Woto, a Salomo zĩnda a Zeova geerã zugu,+ n ledg a ba a Davɩɩd n lebg rĩma. Yẽ paama tõogre, la Israyɛll nebã fãa ra sakd-a lame. 24 Nanambsã fãa,+ ne gãndaadã,+ la rĩm a Davɩɩd kom-dibli+ wã fãa saka rĩm a Salomo. 25 A Zeova kɩtame t’a Salomo lebg kãseng wʋsg Israyɛll nebã fãa nifẽ, la a kõ-a-la naam ziir Israyɛll rĩm baa a ye sẽn deng yẽ sẽn zɩ n paame.+

26 Woto, a Zese* biig a Davɩɩd rɩɩ naam Israyɛll fãa zugu. 27 A rɩɩ naam Israyɛll yʋʋm pis-naase. Yẽ rɩɩ naam yʋʋm a yopoe Ebrõ,+ la yʋʋm pis-tã la a tã Zerizalɛm.+ 28 A vɩɩmdame n kaoos n yaool n ki.+ Yẽ tɩga raya, arzɛgs la ziiri. A biig a Salomo n ledg-a n lebg rĩma.+ 29 B gʋlsa rĩm a Davɩɩd vɩɩmã kibarã, a sɩngrã n tãag a saabã, gɛt a Sãmwɛll ne no-rɛɛs a Natã+ la bãngd* a Gaad+ sɛbã pʋsẽ, 30 ne a naamã fãa, a pãngã, la bũmb nins fãa sẽn paam yẽ ne Israyɛll nebã la soolem nins fãa sẽn gũbg-a wã.