ദൈവ​ത്തി​ന്റെ ഉദ്ദേശ്യം ഇപ്പോൾ അ​തി​ന്റെ പ​ര​മ​കാ​ഷ്‌ഠ​യി​ലെ​ത്തു​ന്നു

ഭൂമിയെ സൃഷ്ടി​ച്ച​തി​ലു​ളള ദൈ​വോ​ദ്ദേ​ശ്യം നീതി​യു​ളള അവസ്ഥക​ളിൽ ജീവി​ക്കുന്ന സന്തുഷ്ട​ജനം അതിൽ നിവസി​ക്ക​ണ​മെ​ന്നു​ള​ള​താ​യി​രു​ന്നു. തുടർന്നു ജീവി​ക്കു​ന്ന​തിന്‌ മനുഷ്യ​വർഗ്ഗം ദൈവ​നി​യ​മങ്ങൾ അനുസ​രി​ക്ക​ണ​മാ​യി​രു​ന്നു. എന്നാൽ ആദ്യ മനുഷ്യ​ജോ​ടി അനുസ​ര​ണ​ക്കേട്‌ കാണി​ക്കു​ക​യും പാപി​ക​ളാ​യി​ത്തീ​രു​ക​യും മരണ ശിക്ഷാ​വി​ധി​യിൻ കീഴി​ലാ​കു​ക​യും ചെയ്‌തു. ഇത്‌ അവരുടെ സന്തതി​കൾക്കെ​ല്ലാം പാപവും മരണവും വരുത്തി.—ഉല്‌പത്തി 1:27, 28; 2:16, 17; 3:1-19; റോമർ 5:12.

യഹോ​വ​യെ​ന്നു നാമമു​ളള ദൈവം അനുസ​ര​ണ​ക്കേ​ടി​ന്റെ​യും പാപത്തി​ന്റെ​യും ഫലങ്ങൾ ഭൂമി​യിൽ നിന്ന്‌ നീക്കം ചെയ്യാൻ തീരു​മാ​നി​ച്ചു. കാല​ക്ര​മ​ത്തിൽ അവൻ ഭൂമിയെ നോക്കു​ക​യും മനുഷ്യ​വർഗ്ഗ​ത്തി​ന്റെ ഇടയിൽ അബ്രാം എന്നു പേരു​ണ്ടാ​യി​രുന്ന ഒരു വിശ്വസ്‌ത മനുഷ്യ​നെ കാണു​ക​യും ചെയ്‌തു. യഹോവ അവന്റെ പേർ അബ്രാ​ഹാം എന്നു മാററി. അവന്റെ സന്തതി ഒരു വലിയ ജനതയാ​യി​ത്തീ​രു​മെ​ന്നും ആ ജനതയി​ലൂ​ടെ ദൈവം ഒരു സന്തതിയെ പ്രദാനം ചെയ്യു​മെ​ന്നും ആ സന്തതി​മു​ഖേന ഭൂമി​യി​ലെ സകല കുടും​ബ​ങ്ങ​ളും തങ്ങളേ​ത്തന്നെ അനു​ഗ്ര​ഹി​ക്കു​മെ​ന്നും ദൈവം അബ്രാ​ഹാ​മി​നോട്‌ വാഗ്‌ദത്തം ചെയ്‌തു.—ഉല്‌പത്തി 12:1-3; 18:18, 19; 22:18; സങ്കീർത്തനം 83:18; എബ്രായർ 11:8-16.

ക്രി. മു. 16-ാം നൂററാ​ണ്ടി​ന്റെ അവസാ​ന​ത്തോ​ട​ടുത്ത്‌ അബ്രാ​ഹാ​മി​ന്റെ പൗത്ര​നായ യാക്കോ​ബി​ന്റെ അഥവാ യിസ്രാ​യേ​ലി​ന്റെ സന്തതി 12 ഗോ​ത്ര​ങ്ങ​ളാ​യി​ത്തീ​രു​ക​യും ഈജി​പ്‌റ​റി​ലെ അടിമ​ത്ത​ത്തിൽ വസിക്കു​ക​യും ചെയ്‌തി​രു​ന്നു. യഹോവ യിസ്രാ​യേ​ല്യ​രെ ഈജി​പ്‌റ​റിൽ നിന്ന്‌ വിടു​വിച്ച്‌ ഒരു ജനതയാ​ക്കി​ത്തീർത്തു. അവൻ സീനായി മലയിങ്കൽ വച്ച്‌ മോശെ മുഖാ​ന്തരം അവരുടെ ദേശീയ ഭരണഘ​ട​ന​യാ​യി അവർക്കു ന്യായ​പ്ര​മാ​ണം കൊടു​ത്തു. യഹോവ അവരുടെ രാജാ​വും ന്യായാ​ധി​പ​തി​യും നിയമ​ദാ​താ​വു​മാ​യി​രു​ന്നു. യിസ്രാ​യേൽ ജനത ദൈവ​ത്തി​ന്റെ തെര​ഞ്ഞെ​ടു​ക്ക​പ്പെട്ട ജനമായ അവന്റെ സാക്ഷി​ക​ളാ​യി​ത്തീർന്നു. അവർ അവന്റെ ഉദ്ദേശ്യം നിറ​വേ​റ​റാൻ സംഘടി​പ്പി​ക്ക​പ്പെട്ടു. അവരി​ലൂ​ടെ മശിഹാ വരുമാ​യി​രു​ന്നു, അവൻ സകല ജനതക​ളി​ലെ​യും ആളുക​ളു​ടെ പ്രയോ​ജ​ന​ത്തി​നാ​യി ഒരു നിത്യ രാജ്യം സ്ഥാപി​ക്കു​മാ​യി​രു​ന്നു.—പുറപ്പാട്‌ 19:5, 6; 1 ദിനവൃ​ത്താ​ന്തം 17:7-14; 1 രാജാ​ക്കൻമാർ 4:20, 25; യെശയ്യാവ്‌ 33:22; 43:10-12; റോമർ 9:4, 5.

പതിനഞ്ച്‌ നൂററാ​ണ്ടു​കൾ കഴിഞ്ഞ്‌ അല്ലെങ്കിൽ ഏകദേശം 2,000 വർഷം മുമ്പ്‌, ദൈവം തന്റെ ഏകജാ​ത​നായ പുത്രനെ ഒരു യുവ യഹൂദ കന്യക​യായ മറിയ​യിൽ ജനിക്കു​ന്ന​തിന്‌ സ്വർഗ്ഗ​ത്തിൽനിന്ന്‌ ഭൂമി​യി​ലേ​ക്ക​യച്ചു. അവൻ യേശു എന്നു പേർവി​ളി​ക്ക​പ്പെട്ടു. അവൻ, ദൈവം തന്റെ പൂർവ്വ പിതാ​വാ​യി​രുന്ന ദാവീ​ദി​നോട്‌ വാഗ്‌ദത്തം ചെയ്‌തി​രുന്ന രാജ്യം അവകാ​ശ​പ്പെ​ടു​ത്ത​ണ​മാ​യി​രു​ന്നു. യേശു 30-ാമത്തെ വയസ്സിൽ യോഹ​ന്നാൻ സ്‌നാ​പ​ക​നാൽ സ്‌നാ​പനം കഴിപ്പി​ക്ക​പ്പെ​ടു​ക​യും ദൈവ​രാ​ജ്യ​ത്തെ ഘോഷി​ച്ചു തുടങ്ങു​ക​യും ചെയ്‌തു. അവൻ രോഗി​കളെ സൗഖ്യ​മാ​ക്കി​യ​തി​നാൽ ആ വരുവാ​നു​ളള രാജ്യം മനുഷ്യ​വർഗ്ഗത്തെ എങ്ങനെ അനു​ഗ്ര​ഹി​ക്കു​മെന്ന്‌ പ്രകടി​പ്പി​ച്ചു​കാ​ണി​ച്ചു. നിത്യ​ജീ​വൻ ആഗ്രഹി​ക്കുന്ന എല്ലാവ​രിൽ നിന്നും എന്താവ​ശ്യ​പ്പെ​ടു​മെന്ന്‌ അവൻ ദൃഷ്ടാ​ന്തങ്ങൾ പറഞ്ഞ്‌ വിശദീ​ക​രി​ച്ചു. പിന്നീട്‌ യേശു ഒരു ദണ്ഡനസ്‌തം​ഭ​ത്തിൽ വധിക്ക​പ്പെട്ടു; അവന്റെ പൂർണ്ണ​മാ​നുഷ ജീവൻ മനുഷ്യ​വർഗ്ഗ​ത്തിന്‌ ഒരു മോച​ന​ദ്ര​വ്യ​മാ​യി​ത്തീർന്നു.—മത്തായി 1:18-24; 3:13-16; 4:17-23; 6:9, 10; അദ്ധ്യായം 13; 20:28; ലൂക്കോസ്‌ 1:26-37; 2:14; 4:43, 44; 8:1; യോഹ​ന്നാൻ 3:16; പ്രവൃ​ത്തി​കൾ 10:37-39.

മശി​ഹൈ​ക​രാ​ജ്യം അതിവി​ദൂ​ര​ഭാ​വി​യിൽ, വ്യവസ്ഥി​തി​യു​ടെ സമാപ​ന​കാ​ല​ത്താ​യി​രി​ക്കും സ്ഥാപി​ക്ക​പ്പെ​ടു​ന്ന​തെന്ന്‌ യേശു വിശദീ​ക​രി​ച്ചി​രു​ന്നു. ആ സമയത്ത്‌ വാഴ്‌ച നടത്തുന്ന രാജാ​വെ​ന്ന​നി​ല​യിൽ അവൻ സ്വർഗ്ഗ​ങ്ങ​ളിൽ അദൃശ്യ​നാ​യി സന്നിഹി​ത​നാ​യി​രി​ക്കു​ക​യും ഭൂമി​യി​ലേക്കു തന്റെ ശ്രദ്ധതി​രി​ക്കു​ന്ന​തി​നാൽ തന്റെ സാന്നി​ദ്ധ്യം അറിയി​ക്കു​ക​യും ചെയ്യും. 1914 മുതൽ നാം ഈ സാന്നിദ്ധ്യ കാലത്തു ജീവി​ക്കു​ന്നു​വെന്ന്‌ ലോക സംഭവങ്ങൾ പ്രകട​മാ​ക്കു​ന്നു. യേശു മുൻകൂ​ട്ടി​പ്പ​റ​ഞ്ഞ​പ്ര​കാ​രം രാജ്യ​ത്തി​ന്റെ സുവാർത്ത സകല ജനതകൾക്കും സാക്ഷ്യ​മാ​യി സർവ്വഭൂ​മി​യി​ലും എല്ലായി​ട​ത്തും പ്രസം​ഗി​ക്ക​പ്പെ​ടു​ന്നുണ്ട്‌. തത്‌ഫ​ല​മാ​യി, സകല ജനതക​ളിൽനി​ന്നു​മു​ളള ആളുകൾ ദൈവ​രാ​ജ്യ​ത്തി​ന്റെ പക്ഷത്തേക്ക്‌ കൂട്ടി​ച്ചേർക്ക​പ്പെ​ട്ടു​കൊ​ണ്ടി​രി​ക്കു​ക​യാണ്‌. ഇവർ ഇപ്പോ​ഴത്തെ വ്യവസ്ഥി​തി​യു​ടെ അവസാ​നത്തെ അതിജീ​വി​ക്കു​ക​യും മശി​ഹൈക രാജ്യ​ത്തിൻ കീഴിൽ ഭൂമി​യിൽ നിത്യ​ജീ​വൻ പ്രാപി​ക്കു​ക​യും ചെയ്യും.—മത്തായി 24-ഉം 25-ഉം അദ്ധ്യാ​യങ്ങൾ; വെളി​പ്പാട്‌ 7:9-17.

അനേകം സഭകൾ ഇന്നു ദൈ​വേഷ്ടം ചെയ്യു​ന്ന​താ​യി അവകാ​ശ​പ്പെ​ടു​ന്നുണ്ട്‌. എന്നാൽ നിങ്ങൾക്ക്‌ സത്യ​ക്രി​സ്‌തീയ സഭയെ എങ്ങനെ തിരി​ച്ച​റി​യാൻ കഴിയും? ഒന്നാം നൂററാ​ണ്ടി​ലെ ക്രിസ്‌തീ​യ​സ​ഭയെ സംബന്ധി​ക്കുന്ന തിരു​വെ​ഴു​ത്തു​കൾ പരി​ശോ​ധി​ക്കു​ന്ന​തി​നാ​ലും അനന്തരം അതേ മാതൃക ഇന്ന്‌ ആർ പിന്തു​ട​രു​ന്നു​വെന്ന്‌ കാണു​ന്ന​തി​നാ​ലും​തന്നെ.

• ദൈ​വോ​ദ്ദേ​ശ്യ​ത്തി​ന്റെ നിവൃ​ത്തി​യിൽ അബ്രാ​ഹാ​മും യിസ്രാ​യേ​ലും എന്തു പങ്കുവ​ഹി​ച്ചു?

• യേശു തന്റെ ശുശ്രൂ​ഷ​യാ​ലും തന്റെ മരണത്താ​ലും എന്തു സാധിച്ചു?

• നമ്മുടെ ഈ കാലത്തി​ന്റെ അടയാ​ള​മാ​യി ഏതു സംഭവങ്ങൾ പ്രവചി​ക്ക​പ്പെട്ടു?