നന്ദിയു​ള്ള​വ​രെന്നു പ്രകടി​പ്പി​ക്കു​ക

¹ യേശു പത്തു കുഷ്‌ഠ​രോ​ഗി​കളെ സുഖ​പ്പെ​ടു​ത്തി​യെ​ങ്കി​ലും ഒരാൾ മാത്രമേ നന്ദി പ്രകടി​പ്പി​ക്കാൻ മടങ്ങി​ച്ചെ​ന്നു​ള്ളൂ. യേശു ചോദി​ച്ചു: “പത്തുപേർ ശുദ്ധരാ​യ്‌തീർന്നി​ല്ല​യോ? ഒമ്പതു​പേർ എവിടെ?” (ലൂക്കൊ. 17:11-19) വിലമ​തി​പ്പു​ള്ള​വ​രാ​യി​രി​ക്കു​ന്ന​തും, ഉദാര​മ​തി​യും സ്‌നേ​ഹ​വാ​നു​മായ നമ്മുടെ സ്വർഗീയ പിതാ​വായ യഹോ​വ​യാം ദൈവം നമ്മു​ടെ​മേൽ ചൊരി​യുന്ന എല്ലാ നല്ല ദാനങ്ങൾക്കും തികഞ്ഞ വരങ്ങൾക്കും നന്ദിയു​ള്ള​വ​രാ​ണെന്നു പ്രകട​മാ​ക്കു​ന്ന​തും എത്ര പ്രധാ​ന​മാണ്‌!—കൊലൊ. 3:15; യാക്കോ. 1:17.

² നാം നന്ദി പ്രകട​മാ​ക്കേണ്ട ചില കാര്യങ്ങൾ ഏവയാണ്‌? മനുഷ്യ​വർഗ​ത്തി​നുള്ള ദൈവ​ത്തി​ന്റെ ഏറ്റവും വലിയ സമ്മാന​മായ മറുവി​ലയെ നാം വിലമ​തി​ക്കു​ന്നു. (യോഹ. 3:16) യഹോ​വ​യു​ടെ അടുക്ക​ലേക്ക്‌ അവൻ നമ്മെ ആകർഷി​ച്ചി​രി​ക്കു​ന്ന​തി​ലും നാം അവനോ​ടു നന്ദിയു​ള്ള​വ​രാണ്‌. (യോഹ. 6:44) നമ്മുടെ ക്രിസ്‌തീ​യൈ​ക്യ​മാണ്‌ നന്ദിയു​ള്ള​വ​രാ​യി​രി​ക്കേ​ണ്ട​തി​ന്റെ മറ്റൊരു കാരണം. (സങ്കീ. 133:1-3) യഹോ​വ​യിൽനി​ന്നുള്ള മറ്റനവധി ദാനങ്ങ​ളെ​ക്കു​റി​ച്ചും നിങ്ങൾക്കു ചിന്തി​ക്കാ​നാ​കു​മെ​ന്ന​തി​നു സംശയ​മില്ല. യഹോവ തങ്ങൾക്കാ​യി ചെയ്‌ത കാര്യങ്ങൾ മറന്നു​കളഞ്ഞ ഇസ്രാ​യേ​ല്യ​രെ​പ്പോ​ലെ കൃതഘ്‌ന​രാ​കാൻ ഒരിക്ക​ലും നാം ആഗ്രഹി​ക്കില്ല.—സങ്കീ. 106:12, 13.

³ നന്ദി പ്രകടി​പ്പി​ക്കുക: യേശു തങ്ങൾക്കാ​യി ചെയ്‌ത ഉപകാരം ആ പത്തു കുഷ്‌ഠ​രോ​ഗി​ക​ളും വിലമ​തി​ച്ചി​രി​ക്കാ​മെ​ങ്കി​ലും ഒരാൾ മാത്രമേ നന്ദി പ്രകട​മാ​ക്കി​യു​ള്ളൂ. (ലൂക്കൊ. 17:15) സമാന​മാ​യി, ശുശ്രൂ​ഷ​യിൽ തീക്ഷ്‌ണ​ത​യോ​ടെ ഏർപ്പെ​ട്ടു​കൊണ്ട്‌ നമുക്കും വിലമ​തി​പ്പു പ്രകട​മാ​ക്കാം. സ്‌നേ​ഹ​വാ​നായ നമ്മുടെ സ്വർഗീയ പിതാവ്‌ ചെയ്‌തി​രി​ക്കുന്ന എല്ലാറ്റി​നും നാം യഥാർഥ​ത്തിൽ നന്ദിയു​ള്ള​വ​രാ​ണെ​ങ്കിൽ മറ്റുള്ള​വ​രോട്‌ അവനെ​ക്കു​റി​ച്ചു പറഞ്ഞു​കൊണ്ട്‌ അവന്റെ സ്‌നേ​ഹ​വും ഔദാ​ര്യ​വും അനുക​രി​ക്കാൻ ഹൃദയം നമ്മെ പ്രേരി​പ്പി​ക്കും. (ലൂക്കൊ. 6:45) യഹോ​വ​യു​ടെ ‘അത്ഭുത​പ്ര​വൃ​ത്തി​ക​ളെ​യും നമ്മെ​പ്ര​തി​യുള്ള അവന്റെ വിചാ​ര​ങ്ങ​ളെ​യും’ കുറിച്ചു മറ്റുള്ള​വ​രോ​ടു പറയു​മ്പോൾ അവനോ​ടുള്ള സ്‌നേ​ഹ​വും വിലമ​തി​പ്പും വർധി​ക്കും.—സങ്കീ. 40:5.

⁴ മറ്റുള്ള​വ​രിൽ വിലമ​തിപ്പ്‌ ഉൾനടുക: വിലമ​തിപ്പ്‌ വളർത്തി​യെ​ടു​ക്കാൻ നമ്മുടെ മക്കളെ​യും ബൈബിൾവി​ദ്യാർഥി​ക​ളെ​യും സഹായി​ക്കാൻ നാം എപ്പോ​ഴും ശ്രദ്ധയു​ള്ള​വ​രാ​യി​രി​ക്കണം. മക്കളോ​ടൊത്ത്‌ യഹോ​വ​യു​ടെ സൃഷ്ടി​ക്രി​യകൾ കണ്ടാസ്വ​ദി​ക്കു​ന്ന​തു​പോ​ലുള്ള സമയങ്ങ​ളിൽ മാതാ​പി​താ​ക്കൾക്ക്‌ അതിന്‌ ധാരാളം അവസരം ലഭി​ച്ചേ​ക്കാം. (റോമ. 1:20) ബൈബി​ള​ധ്യ​യനം നടത്തു​മ്പോൾ വിദ്യാർഥി​യോട്‌ ഇങ്ങനെ ചോദി​ക്കാ​വു​ന്ന​താണ്‌: “യഹോ​വ​യു​ടെ വ്യക്തി​ത്വം സംബന്ധിച്ച്‌ ഇതു നമ്മെ എന്തു പഠിപ്പി​ക്കു​ന്നു?” വിദ്യാർഥി​യു​ടെ വിലമ​തി​പ്പു വളരു​മ്പോൾ ദൈവ​ത്തോ​ടുള്ള അവന്റെ സ്‌നേ​ഹ​വും അവനെ പ്രീതി​പ്പെ​ടു​ത്താ​നുള്ള ദൃഢനി​ശ്ച​യ​വും ശക്തമാ​കും.

⁵ ഈ അന്ത്യനാ​ളു​ക​ളിൽ അനേക​രും വിലമ​തി​പ്പി​ല്ലാ​ത്ത​വ​രും നന്ദി​കെ​ട്ട​വ​രു​മാണ്‌. (2 തിമൊ. 3:1, 2) ശുശ്രൂ​ഷ​യിൽ സതീക്ഷ്‌ണം ഏർപ്പെ​ട്ടു​കൊണ്ട്‌ നന്ദിയു​ള്ള​വ​രെന്നു പ്രകട​മാ​ക്കുന്ന തന്റെ സമർപ്പിത ദാസന്മാ​രെ കാണു​ന്നത്‌ യഹോ​വയെ എത്രമാ​ത്രം സന്തോ​ഷി​പ്പി​ക്കും!—യാക്കോ. 1:22-25.