ഏപ്രി​ലിൽ അതിജീ​വനം പുസ്‌തകം വിശേ​ഷ​വൽക്ക​രി​ക്കുക

¹ ഇന്ന്‌ ദശലക്ഷ​ക്ക​ണ​ക്കി​നാ​ളു​കൾ ശരിയായ കാരണ​ത്താൽ അതിജീ​വ​ന​ത്തെ​ക്കു​റിച്ച്‌ ഉത്‌ക്ക​ണ്‌ഠ​പ്പെ​ടു​ന്നു. ഭക്ഷ്യദൗർല​ഭ്യ​വും മലിനീ​ക​ര​ണ​വും അക്രമ​വും ജീവനു ഭീഷണി​യായ മററ​നേകം അവസ്ഥക​ളും മനുഷ്യർ ഭാവി എന്തു കൈവ​രു​ത്തു​ന്നു എന്നതു​സം​ബ​ന്ധിച്ച്‌ ഭീതി​ദ​രാ​കാൻ ഇടയാ​ക്കി​യി​രി​ക്കു​ന്നു. എന്നിട്ടും അതിജീ​വ​ന​ത്തെ​ക്കു​റിച്ച്‌ ഉത്‌ക്ക​ണ്‌ഠ​യു​ളള മിക്കയാ​ളു​ക​ളും അതിലും വലിയ ഒരു അപകട​ത്തെ​ക്കു​റിച്ച്‌ കുറച്ചു​മാ​ത്രമെ അറിയു​ന്നു​ളളു, അഥവാ ഒട്ടും​തന്നെ അറിയു​ന്നില്ല. “ലോകാ​രം​ഭം മുതൽ ഇന്നുവരെ സംഭവി​ച്ചി​ട്ടി​ല്ലാത്ത തരത്തി​ലു​ളള ഉപദ്രവം” എന്ന്‌ യേശു അതിനെ വിളിച്ചു. (മത്താ. 24:21) മനുഷ്യ​വർഗ്ഗത്തെ അഭിമു​ഖീ​ക​രി​ക്കുന്ന അതിജീ​വ​ന​ത്തെ​ക്കാ​ള​ധി​കം പ്രധാ​ന​മായ ഒരു അടിയ​ന്തിര പ്രശ്‌നം ഉണ്ടായി​രി​ക്കാൻ കഴിയു​മോ?

² ആ ഏററം അടിയ​ന്തി​ര​മായ ചോദ്യ​ത്തിന്‌ ഉത്തരം നൽകു​ന്ന​തിന്‌ ഒരു പുതിയ ഭൂമി​യി​ലേ​ക്കു​ളള അതിജീ​വനം എന്ന നമ്മുടെ പുസ്‌ത​ക​ത്തെ​ക്കാ​ള​ധി​കം കാലാ​നു​സൃ​ത​മാ​യി​രി​ക്കുന്ന മറെറ​ന്തു​ണ്ടാ​യി​രി​ക്കാൻ കഴിയും? “രാജ്യ​വർദ്ധന” ഡിസ്‌ട്രി​ക്‌ട്‌ കൺ​വെൻ​ഷ​നിൽ അതിന്റെ പ്രകാ​ശനം നിർവ​ഹി​ച്ച​ശേഷം പ്രസം​ഗകൻ ഇപ്രകാ​രം പറഞ്ഞു: “അതിജീ​വനം നമ്മുടെ കാലത്തെ ഒരു മുഖ്യ ഉത്‌ക്ക​ണ്‌ഠ​യാ​യി​ത്തീർന്നി​രി​ക്കു​ന്നു. എന്നാൽ മനുഷ്യ​വർഗ്ഗത്തെ അഭിമു​ഖീ​ക​രി​ക്കു​ന്നത്‌ ഒരു ആണവയു​ദ്ധ​ത്തെ​ക്കാൾ വളരെ​യ​ധി​കം ഭീതി​ജ​ന​ക​മാ​യ​താണ്‌. അത്‌ സ്രഷ്‌ടാ​വു​മാ​യി​ത്ത​ന്നെ​യു​ളള ഒരു കണക്കു​തീർക്ക​ലാണ്‌. അതിശ​യി​പ്പി​ക്കുന്ന ബൈബിൾപ്ര​വ​ച​നങ്ങൾ അതിജീ​വകർ ഉണ്ടായി​രി​ക്കു​മെന്ന്‌ വ്യക്തമാ​യി കാണി​ക്കു​ന്നു. . . . ഈ പുസ്‌തകം അവരിൽ ഒരാളാ​യി​രി​ക്കാൻ നിങ്ങളെ സഹായി​ക്കു​ന്ന​തി​നു​വേണ്ടി പ്രസി​ദ്ധീ​ക​രി​ക്ക​പ്പെ​ട്ടി​രി​ക്കു​ന്നു.”

ഒരു അടിയ​ന്തിര ആവശ്യം നിറ​വേ​റ​റാൻ സഹായി​ക്കു​ന്നു

³ എന്നാൽ ആളുക​ളു​ടെ ഏററം അടിയ​ന്തി​ര​മായ ആവശ്യം നിറ​വേ​റ​റു​ന്ന​തിൽ അതിജീ​വ​ന​ത്തെ​സം​ബ​ന്ധി​ച്ചു​ളള ഒരു പുസ്‌തകം പ്രസി​ദ്ധീ​ക​രി​ക്കു​ന്ന​തി​നെ​ക്കാ​ള​ധി​കം ഉൾപ്പെ​ട്ടി​രി​ക്കു​ന്നു. അവർ അതി​നെ​ക്കു​റി​ച്ചു കേൾക്കണം, അത്‌ അവർക്കു ലഭിക്കണം, അതു വായി​ക്കു​ക​യും ഗ്രഹി​ക്കു​ക​യും ചെയ്യണം, അതിനു​ശേഷം അതില​ട​ങ്ങി​യി​രി​ക്കുന്ന ജീവൽപ്ര​ധാ​ന​മായ വിവര​ങ്ങൾക്ക​നു​സ​രിച്ച്‌ നടപടി കൈ​ക്കൊ​ള​ളണം. ഇതു മനസ്സിൽപി​ടി​ച്ചു​കൊ​ണ്ടാണ്‌ ഡിസ്‌ട്രി​ക്‌ട്‌ കൺ​വെൻ​ഷൻ പ്രസം​ഗകൻ ഇപ്രകാ​രം പറഞ്ഞത്‌: “സാഹച​ര്യം അതിജീ​വി​ക്കേണ്ട എല്ലാവ​രു​ടെ​യും പക്ഷത്ത്‌ അടിയ​ന്തി​ര​മായ നടപടി ആവശ്യ​മാ​ക്കി​ത്തീർക്കു​ന്നു. . . . ഇത്‌ വയൽസേ​വ​ന​ത്തിൽ നമ്മുടെ ഉപയോ​ഗ​ത്തി​നും നമ്മുടെ സ്വന്തമായ പഠനത്തി​നും​വേണ്ടി രൂപകൽപ്പ​ന​ചെ​യ്യ​പ്പെ​ട്ടി​ട്ടു​ളള ഒരു പ്രസി​ദ്ധീ​ക​ര​ണ​മാണ്‌.” അതെ, സഹോ​ദ​രൻമാ​രേ, ‘ആരെങ്കി​ലും പ്രസം​ഗി​ക്കാ​തെ അവർ എങ്ങനെ കേൾക്കും?’—റോമ. 10:14.

⁴ നിങ്ങൾക്ക്‌ ഒരു ജീവൻ രക്ഷിക്കു​ന്ന​തി​നേ​ക്കാൾ അധികം രോമാ​ഞ്ച​ജ​ന​ക​മായ, അധികം സംതൃ​പ്‌തി​ക​ര​മായ, എന്തെങ്കി​ലും സങ്കൽപ്പി​ക്കാൻ കഴിയു​മോ? എന്നാൽ നിങ്ങൾ മറെറാ​രാ​ളെ രക്ഷിക്കു​മ്പോൾ നിങ്ങളു​ടെ സ്വന്തം ജീവൻ രക്ഷിക്കാൻ കഴിഞ്ഞാൽ എന്ത്‌? അത്‌ അതിലും അധികം പ്രതി​ഫ​ല​ദാ​യ​ക​മാ​യി​രി​ക്കാൻ കഴിയും.—1 തിമൊ. 4:16.

⁵ ഈ പുസ്‌ത​ക​ത്തി​ന്റെ സഹായ​ത്തോ​ടെ സത്യം പഠിക്കു​ന്നതു മുഖാ​ന്തരം എത്ര ജീവൻ രക്ഷിക്ക​പ്പെ​ടും? ഉത്തരം ഒരു വലിയ അളവിൽ നാം ഇതു വിതര​ണം​ചെ​യ്യു​ന്ന​തി​നു ചെയ്യുന്ന യത്‌ന​ത്തെ​യും നമ്മുടെ അവതര​ണ​ത്തി​ന്റെ ഫലപ്ര​ദ​ത്വ​ത്തെ​യും ആശ്രയി​ച്ചി​രി​ക്കു​ന്നു. നാം ഇത്‌ ഏപ്രി​ലിൽ നമ്മുടെ സാഹി​ത്യ​സ​മർപ്പ​ണ​മാ​യി 10 രൂ. സംഭാ​വ​നക്ക്‌ വിശേ​ഷ​വൽക്ക​രി​ക്കു​ന്നു. ഈ പുസ്‌തകം നമ്മുടെ അയൽക്കാർക്കൊ ബന്ധുക്കൾക്കൊ സഹപാ​ഠി​കൾക്കൊ അല്ലെങ്കിൽ മററു​ള​ള​വർക്കൊ പങ്കു​വെ​ക്കു​ന്ന​തി​നു​ളള പരി​ശ്രമം നമ്മുടെ ആരോ​ഗ്യം, പ്രായം, ബലം, കുടുംബ ഉത്തരവാ​ദി​ത്വ​ങ്ങൾ എന്നിങ്ങ​നെ​യു​ളള അനേകം കാര്യ​ങ്ങളെ ആശ്രയി​ച്ചാ​യി​രി​ക്കാം ഇരിക്കു​ന്നത്‌. അതി​നേ​ക്കാൾ ഉപരി​യാ​യി അത്‌ മററു​ള​ള​വ​രു​ടെ അതിജീ​വ​നത്തെ സംബന്ധി​ച്ചു നമുക്കു തോന്നുന്ന അടിയ​ന്തി​ര​താ​ബോ​ധ​ത്തോ​ടൊ​പ്പം അവരോ​ടു​ളള നമ്മുടെ സ്‌നേ​ഹ​ത്തെ​യും ആശ്രയി​ച്ചി​രി​ക്കും.—2 തിമൊ. 4:2എ.

⁶ നമ്മുടെ ശുശ്രൂ​ഷ​യു​ടെ ഫലപ്ര​ദ​ത്വം, മിക്ക​പ്പോ​ഴും അവതരി​പ്പി​ക്ക​പ്പെ​ടുന്ന പുസ്‌ത​കത്തെ സംബന്ധിച്ച്‌ നാം എത്ര നന്നായി വിവര​മു​ള​ള​വ​രാണ്‌ എന്നതിനെ ആശ്രയി​ച്ചാ​ണി​രി​ക്കു​ന്നത്‌. ഈ സമയം​കൊണ്ട്‌ നമുക്ക്‌ ഈ പുസ്‌തകം വായി​ച്ചു​തീർക്കാൻ സമയം ലഭിച്ചു. നാം സംസാ​രാ​ശ​യങ്ങൾ, ഉദ്ധരണി​കൾ, അല്ലെങ്കിൽ ചിത്രങ്ങൾ എന്നിവ ശ്രദ്ധി​ച്ചോ? 1914 ഒരു നിർണ്ണാ​യക വർഷമാ​ണെന്നു കാണി​ക്കുന്ന 27-ാം പേജിലെ ചാർട്ടും ചരി​ത്ര​കാ​രൻമാർ ആ വർഷത്തെ എങ്ങനെ വീക്ഷി​ക്കു​ന്നു എന്നു സൂചി​പ്പി​ക്കുന്ന 29-ാം പേജിലെ ഉദ്ധരണി​ക​ളും അതിജീ​വ​ന​ത്തെ​സം​ബ​ന്ധിച്ച്‌ ഉത്‌ക്ക​ണ്‌ഠ​യു​ളള ആളുകൾക്ക്‌ ആകർഷ​ക​മാ​യി​രി​ക്കും. 95-ാം പേജിലെ ചിത്ര​ത്തെ​ക്കു​റിച്ച്‌ വിശദീ​ക​രി​ച്ചു​കൊണ്ട്‌ അതിജീ​വ​ന​ത്തി​നാ​വ​ശ്യ​മായ “അടയാളം” ലഭിക്കു​ന്ന​തിന്‌ ആവശ്യ​മാ​യി​രി​ക്കു​ന്നത്‌ എന്താ​ണെ​ന്നതു സംബന്ധിച്ച്‌ ജിജ്ഞാ​സ​യു​ണർത്താൻ കഴി​ഞ്ഞേ​ക്കും.—യെഹെ​സ്‌ക്കേൽ 9:4, 6 താരത​മ്യ​പ്പെ​ടു​ത്തുക.

⁷ അദ്ധ്യാ​യ​ത​ല​ക്കെ​ട്ടു​കൾ ചിന്തക​രായ ആളുക​ളു​ടെ താൽപ്പ​ര്യ​ത്തെ ഉണർത്തും. “ഭൂഗ്ര​ഹ​ത്തിന്‌ എന്തു സംഭവി​ക്കും?,” “ഈ വ്യവസ്ഥി​തി എത്ര നാൾ നിലനിൽക്കും?,” “വിപത്തി​ന്റെ മുമ്പിൽ ജ്ഞാനപൂർവം പ്രവർത്തി​ക്കുക,” “കൗണ്ട്‌ഡൗൺ അവസാ​നി​ക്കാ​റാ​യി​രി​ക്കു​ന്നു!” എന്നീ ശീർഷ​കങ്ങൾ ഈ പുസ്‌ത​ക​ത്തിൽ കൈകാ​ര്യം ചെയ്യ​പ്പെ​ട്ടി​രി​ക്കുന്ന താൽപ്പ​ര്യ​ജ​ന​ക​മായ വിഷയ​ങ്ങ​ളിൽ ചിലവ​യാണ്‌. പുസ്‌തകം വീട്ടു​കാ​രന്റെ കരങ്ങളിൽ ഏൽപ്പി​ക്കു​ന്ന​തിന്‌ പരി​ശ്ര​മി​ക്കു​ക​യും ഏതു അദ്ധ്യാ​യ​ത​ല​ക്കെ​ട്ടു​ക​ളാണ്‌ അദ്ദേഹ​ത്തിന്‌ ഏററവും താൽപ്പ​ര്യ​മെന്ന്‌ ചോദി​ക്കു​ക​യും ചെയ്യുക. മററു പ്രസി​ദ്ധീ​ക​ര​ണ​ങ്ങൾകൊണ്ട്‌ ഇപ്രകാ​രം ശ്രമി​ച്ചു​നോ​ക്കി​യി​ട്ടു​ള​ളവർ മിക്ക​പ്പോ​ഴും അതിന്‌ നല്ല ഫലം ലഭിച്ച​താ​യി കണ്ടെത്തി.

പിന്തി​രി​ക്ക​പ്പെ​ട​രുത്‌

⁸ കൺ​വെൻ​ഷൻ പ്രസം​ഗകൻ തന്റെ സമാപന വാക്കു​ക​ളിൽ, “സമയം ഇനിയും അവശേ​ഷി​ച്ചി​രി​ക്കെ സന്തുഷ്‌ട​രായ സാക്ഷി​ക​ളു​ടെ കൂട്ടത്തി​ന്റെ ഭാഗമാ​യി​ത്തീ​രു​ന്ന​തിന്‌ അനേക​രെ​യും​കൂ​ടെ സഹായി​ക്കു​ന്ന​തി​നു​ളള അവസരത്തെ നമു​ക്കെ​ല്ലാം ഉപയോ​ഗ​പ്പെ​ടു​ത്താം. . . . ദൈവം ഈ ദുഷ്‌ട​ലോ​കത്തെ നശിപ്പി​ക്കു​മ്പോൾ അവന്റെ അനർഹ​ദ​യ​യാൽ നാം അവന്റെ മഹത്തായ ‘പുതിയ ഭൂമി’യിലേക്ക്‌ അതിജീ​വി​ക്കു​ന്ന​വ​രു​ടെ കൂട്ടത്തി​ലാ​യി​ത്തീ​രട്ടെ!” എന്നു പറഞ്ഞ​പ്പോൾ നാമെ​ല്ലാം കൈയ​ടി​ച്ചു. അതു​കൊണ്ട്‌ നമുക്ക്‌ ഏപ്രി​ലിൽ അതിജീ​വ​നം​പു​സ്‌തകം വിതര​ണം​ചെ​യ്യു​ന്ന​തിൽ പൂർണ്ണ​പങ്കു വഹിച്ചു​കൊണ്ട്‌ അനേക​രെ​ക്കൂ​ടെ സഹായി​ക്കു​ന്ന​തി​നു​ളള അവസരം പ്രയോ​ജ​ന​പ്പെ​ടു​ത്താം.