രാജ്യ​ഘോ​ഷകർ റിപ്പോർട്ടു ചെയ്യുന്നു

ഒരു മുൻ എതിരാ​ളി സത്യം പഠിക്കു​ന്നു

ലൈബീ​രി​യ​യി​ലെ ആഭ്യന്തര യുദ്ധത്തെ കുറിച്ച്‌ പത്രങ്ങൾ ഏറെ റിപ്പോർട്ടു ചെയ്‌തി​ട്ടുണ്ട്‌. പതിനാ​യി​രങ്ങൾ കൊല്ല​പ്പെട്ടു, അതിലു​മ​ധി​കം പേർ ചിതറി​ക്ക​പ്പെട്ടു. ഈ പ്രയാ​സ​ങ്ങൾക്കു നടുവി​ലും, പരമാർഥ ഹൃദയർ സത്യം സ്വീക​രി​ച്ചു​കൊ​ണ്ടി​രി​ക്കു​ന്നു. പിൻവ​രുന്ന ദൃഷ്ടാന്തം അത്തരത്തി​ലുള്ള ഒന്നാണ്‌.

10 വയസ്സു മുതൽ ജെയിം​സി​ന്റെ വിദ്യാ​ഭ്യാ​സം ലൂഥറൻ സഭയിൽ ആയിരു​ന്നു. ഒരു സഭാ പത്രത്തി​ന്റെ പത്രാ​ധി​പർ ആയിത്തീർന്ന ജെയിംസ്‌ തന്റെ സ്ഥാനം യഹോ​വ​യു​ടെ സാക്ഷി​കൾക്ക്‌ എതിരാ​യി എഴുതാൻ ഉപയോ​ഗി​ക്കുക ആയിരു​ന്നു, അവരിൽ ആരെയും അദ്ദേഹം ഒരിക്ക​ലും കണ്ടിട്ടില്ല എന്നതാ​യി​രു​ന്നു വിരോ​ധാ​ഭാ​സം.

പിന്നീട്‌, പത്രാ​ധിപ ജോലി വിട്ട്‌ ഒരു മോട്ടൽ ഉടമ ആയിത്തീർന്ന ജെയിംസ്‌ നല്ല ലാഭത്തിൽ ബിസി​നസ്‌ നടത്തി​ക്കൊ​ണ്ടി​രി​ക്കു​ക​യാ​യി​രു​ന്നു. അങ്ങനെ​യി​രി​ക്കെ ഒരു ദിവസം അദ്ദേഹം മോട്ടൽ റിസപ്‌ഷനു സമീപം ഇരിക്കു​മ്പോൾ, നന്നായി വസ്‌ത്ര​ധാ​രണം ചെയ്‌ത രണ്ടു സഹോ​ദ​രി​മാർ അദ്ദേഹത്തെ കാണാൻ എത്തി. വൃത്തി​യുള്ള വസ്‌ത്രം ധരിച്ച അവരിൽ മതിപ്പു​തോ​ന്നി അദ്ദേഹം അവരെ അകത്തേക്കു ക്ഷണിച്ചു. എന്നാൽ തങ്ങളുടെ സന്ദർശ​ന​ത്തി​ന്റെ ഉദ്ദേശ്യം വ്യക്തമാ​ക്കി​യ​പ്പോൾ, അദ്ദേഹം പറഞ്ഞു: “ഞാൻ നല്ല തിരക്കി​ലാണ്‌. ഇപ്പോൾ സംസാ​രി​ക്കാൻ പറ്റില്ല.” സാക്ഷികൾ അദ്ദേഹ​ത്തിന്‌ വീക്ഷാ​ഗോ​പു​ര​ത്തി​ന്റെ​യും ഉണരുക!യുടെ​യും വരിസം​ഖ്യ വാഗ്‌ദാ​നം ചെയ്‌തു. അവരെ ഒഴിവാ​ക്കാൻവേണ്ടി മാത്രം അദ്ദേഹം അതു സ്വീക​രി​ച്ചു. 12 മാസവും മാസിക വീട്ടിൽ വന്നെങ്കി​ലും, അദ്ദേഹം കവർപോ​ലും പൊട്ടി​ക്കാ​തെ ഒരു പ്ലാസ്റ്റിക്‌ ബാഗിൽ നിക്ഷേ​പി​ക്കു​ക​യാ​യി​രു​ന്നു പതിവ്‌.

ആഭ്യന്തര യുദ്ധം കൊടു​മ്പി​രി​കൊ​ള്ളു​ക​യാ​യി​രു​ന്നു. അതു​കൊണ്ട്‌ ആക്രമ​ണ​ത്തി​ന്റെ ലക്ഷണം കാണു​മ്പോൾത്തന്നെ പലായനം ചെയ്യു​ന്ന​തി​നു​വേണ്ടി ജെയിംസ്‌ പണവും മറ്റ്‌ വിലപി​ടി​പ്പുള്ള സാധന​ങ്ങ​ളും ഒരു ബാഗി​ലാ​ക്കി​വെച്ചു. ഒരു ദിവസം രാവിലെ ഒരു കൈ​ബോംബ്‌ തന്റെ വീടിന്റെ തൊട്ടു പിന്നിൽ പൊട്ടി​ത്തെ​റി​ച്ചു. പരി​ഭ്രാ​ന്തി​യിൽ അദ്ദേഹം തന്റെ ബാഗും എടുത്ത്‌ പ്രാണ​ര​ക്ഷാർഥം ഓടി. സ്ഥലം വിട്ടു​പോ​കുന്ന ആയിര​ക്ക​ണ​ക്കി​നു പൗരന്മാ​രോ​ടൊ​പ്പം ചേർന്ന അദ്ദേഹ​ത്തിന്‌ പല ചെക്ക്‌പോ​സ്റ്റു​ക​ളി​ലൂ​ടെ കടന്നു​പോ​കേ​ണ്ടി​യി​രു​ന്നു. അവിടെ, നിരപ​രാ​ധി​ക​ളായ പൗരന്മാ​രെ കൊള്ള​യ​ടി​ക്കു​ക​യും ഒരു കാരണ​വു​മി​ല്ലാ​തെ കൊല്ലു​ക​യും ചെയ്‌തി​രു​ന്നു.

ആദ്യത്തെ ചെക്ക്‌പോ​സ്റ്റിൽ, സൈനി​കർ ജെയിം​സി​നോട്‌ ഏതാനും ചോദ്യ​ങ്ങൾ ചോദി​ച്ചിട്ട്‌ ബാഗ്‌ തുറക്കാൻ ആവശ്യ​പ്പെട്ടു. ബാഗ്‌ തുറന്ന​പ്പോൾ അദ്ദേഹ​ത്തിന്‌ തന്റെ കണ്ണുകളെ വിശ്വ​സി​ക്കാ​നാ​യില്ല. അദ്ദേഹം തീർത്തും മരവി​ച്ച​പോ​ലെ​യാ​യി. കാരണം വിലപി​ടി​പ്പുള്ള സാധനങ്ങൾ അടങ്ങിയ ബാഗ്‌ അല്ല അദ്ദേഹം കൊണ്ടു​വ​ന്നത്‌. പരി​ഭ്രാ​ന്തി നിമിത്തം എടുത്ത ബാഗ്‌ മാറി​പ്പോ​യി​രു​ന്നു. കവർപോ​ലും പൊട്ടി​ക്കാത്ത വീക്ഷാ​ഗോ​പു​ര​വും ഉണരുക!യും നിറഞ്ഞ ബാഗ്‌ ആയിരു​ന്നു എടുത്തത്‌. എന്നാൽ, മാസി​ക​യും അതിന്മേൽ അദ്ദേഹ​ത്തി​ന്റെ പേരും കണ്ടപ്പോൾ സൈനി​കൻ പറഞ്ഞു: “ഓ, താങ്കൾ ഒരു യഹോ​വ​യു​ടെ സാക്ഷി​യാണ്‌ അല്ലേ. ഞങ്ങൾക്കാ​വ​ശ്യം നിങ്ങളെ അല്ല, നിങ്ങൾ നുണ പറയു​ക​യില്ല എന്നു ഞങ്ങൾക്ക്‌ അറിയാം.” ബാഗിൽനിന്ന്‌ ഏതാനും മാസി​കകൾ എടുത്തിട്ട്‌ സൈനി​കൻ ജെയിം​സി​നോട്‌ പൊയ്‌ക്കൊ​ള്ളാൻ പറഞ്ഞു.

ഒമ്പത്‌ ചെക്ക്‌പോ​സ്റ്റു​ക​ളി​ലും ഇതുതന്നെ സംഭവി​ച്ചു. സൈനിക മേധാ​വി​ക​ളെ​ല്ലാം ജെയിംസ്‌ ഒരു യഹോ​വ​യു​ടെ സാക്ഷി​യാ​ണെന്ന ധാരണ​യിൽ അദ്ദേഹത്തെ ഉപദ്ര​വി​ക്കാ​തെ വിട്ടു. വിലപി​ടി​പ്പുള്ള സാധനങ്ങൾ കൊണ്ടു​വ​രാ​ഞ്ഞത്‌ നന്നാ​യെന്ന്‌ ജെയിം​സിന്‌ ഇപ്പോൾ തോന്നി, കാരണം അവ കൈവശം ഉണ്ടായി​രു​ന്നെ​ങ്കിൽ താൻ നിശ്ചയ​മാ​യും വധിക്ക​പ്പെ​ടു​മാ​യി​രു​ന്നു എന്ന്‌ അദ്ദേഹ​ത്തി​നു മനസ്സി​ലാ​യി.

ഏറ്റവും ഭയപ്പെ​ടേ​ണ്ടി​യി​രുന്ന ചെക്ക്‌പോസ്റ്റ്‌ അവസാ​ന​ത്തേ​താ​യി​രു​ന്നു. അവിടെ എത്തിയ​പ്പോൾ, അനേകം ശവശരീ​രങ്ങൾ കിടക്കുന്ന ഭീകര കാഴ്‌ച​യാണ്‌ അദ്ദേഹം കണ്ടത്‌. ഭീതി​പൂണ്ട്‌, അദ്ദേഹം യഹോ​വ​യു​ടെ നാമം വിളി​ച്ച​പേ​ക്ഷി​ച്ചു. ഈ ചാവു​നി​ല​ത്തു​നി​ന്നു തന്നെ രക്ഷപ്പെ​ടു​ത്തി​യാൽ, ശേഷിച്ച കാലമ​ത്ര​യും താൻ ദൈവത്തെ സേവി​ച്ചു​കൊ​ള്ളാ​മെന്ന്‌ അദ്ദേഹം പ്രാർഥി​ച്ചു.

ജെയിംസ്‌ തന്റെ ബാഗ്‌ സൈനി​കരെ കാണിച്ചു. ഒരിക്കൽക്കൂ​ടെ അവർ പറഞ്ഞു: “ഞങ്ങൾക്കാ​വ​ശ്യം നിങ്ങ​ളെയല്ല.” അദ്ദേഹ​ത്തി​നു നേരേ തിരിഞ്ഞ്‌ അവർ ഇങ്ങനെ കൂട്ടി​ച്ചേർത്തു: “ഇവിടെ കുന്നിൻച​രി​വിൽ നിങ്ങളു​ടെ ഒരു സഹോ​ദരൻ പാർക്കു​ന്നുണ്ട്‌. പോയി അദ്ദേഹ​ത്തോ​ടൊ​പ്പം കൂടി​ക്കൊ​ള്ളൂ.” ഈ സമയമാ​യ​പ്പോ​ഴേ​ക്കും, ജെയിം​സിന്‌ സാക്ഷി​കളെ കുറിച്ച്‌ ഉണ്ടായി​രുന്ന അഭി​പ്രാ​യം പാടേ മാറി​യി​രു​ന്നു. ഉടനെ​തന്നെ അദ്ദേഹം ആ സഹോ​ദ​ര​നു​മാ​യി ബന്ധപ്പെട്ട്‌ നിങ്ങൾക്കു ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാൻ കഴിയുംa എന്ന പുസ്‌തകം ഉപയോ​ഗിച്ച്‌ ബൈബിൾ അധ്യയ​ന​ത്തി​നുള്ള ക്രമീ​ക​രണം ചെയ്‌തു.

ഏതാനും ദിവസം കഴിഞ്ഞ്‌ ഒരു ആക്രമ​ണ​ത്തെ​ത്തു​ടർന്ന്‌ അദ്ദേഹം ആ മേഖല​യിൽനി​ന്നു പലായനം ചെയ്യാൻ നിർബ​ന്ധി​ത​നാ​യി. ഇപ്രാ​വ​ശ്യം ജെയിംസ്‌ എന്നേക്കും ജീവി​ക്കാൻ പുസ്‌തകം മാത്രം എടുത്തു​കൊണ്ട്‌ കുറ്റി​ക്കാ​ട്ടി​ലേക്ക്‌ ഓടി! സാക്ഷി​ക​ളിൽനിന്ന്‌ ഒറ്റപ്പെട്ട്‌ കഴി​യേ​ണ്ടി​വന്ന 11 മാസത്തി​നി​ട​യ്‌ക്ക്‌ അദ്ദേഹം ആ പുസ്‌തകം 5 പ്രാവ​ശ്യം പഠിച്ചു. അവസാനം നഗരത്തിൽ മടങ്ങി​യെത്തി സാക്ഷി​ക​ളോ​ടൊ​പ്പം ബൈബിൾ അധ്യയനം പുനഃ​രാ​രം​ഭിച്ച അദ്ദേഹം പെട്ടെന്നു പുരോ​ഗതി വരുത്തി. താമസി​യാ​തെ സ്‌നാ​പ​ന​മേറ്റ അദ്ദേഹം ഇപ്പോൾ തന്റെ ആത്മീയ സഹോ​ദ​ര​ന്മാ​രോ​ടൊ​പ്പം വിശ്വ​സ്‌ത​നാ​യി സേവി​ക്കു​ന്നു.

[അടിക്കു​റി​പ്പു​കൾ]