“യഹോ​വ​യു​ടെ ദിവസ”ത്തെ ആർ അതിജീ​വി​ക്കും?

“ദൈവ​ദി​വ​സ​ത്തി​ന്റെ വരവു [“യഹോ​വ​യു​ടെ ദിവസ​ത്തി​ന്റെ സാന്നി​ധ്യം,” NW] കാത്തി​രു​ന്നും ബദ്ധപ്പെ​ടു​ത്തി​യും​കൊ​ണ്ടു നിങ്ങൾ എത്ര വിശു​ദ്ധ​ജീ​വ​ന​വും ഭക്തിയും ഉള്ളവർ ആയിരി​ക്കേണം.”—2 പത്രൊസ്‌ 3:11, 12.

1. ഏലീയാ​വി​ന്റെ ആത്മാ​വോ​ടും ശക്തി​യോ​ടും കൂടെ പ്രവർത്തി​ച്ചി​രി​ക്കു​ന്നത്‌ ആരാണ്‌?

തന്റെ പുത്ര​നായ യേശു​ക്രി​സ്‌തു​വി​നോ​ടൊ​പ്പം സ്വർഗ​രാ​ജ്യ​ത്തിൽ കൂട്ടവ​കാ​ശി​ക​ളാ​യി​രി​ക്കാ​നുള്ള വ്യക്തി​കളെ യഹോ​വ​യാം ദൈവം മനുഷ്യ​വർഗ​ത്തിൽനി​ന്നു തിര​ഞ്ഞെ​ടു​ത്തി​രി​ക്കു​ന്നു. (റോമർ 8:16, 17) ഇപ്പോ​ഴും ഭൂമി​യി​ലാ​യി​രി​ക്കെ, ഏലീയാ​വി​ന്റെ ആത്മാ​വോ​ടും ശക്തി​യോ​ടും കൂടെ അഭിഷിക്ത ക്രിസ്‌ത്യാ​നി​കൾ പ്രവർത്തി​ച്ചി​രി​ക്കു​ന്നു. (ലൂക്കൊസ്‌ 1:17) അവരു​ടെ​യും ഏലീയാ​പ്ര​വാ​ച​ക​ന്റെ​യും പ്രവർത്ത​നങ്ങൾ തമ്മിൽ കുറെ​യൊ​ക്കെ സാമ്യ​മു​ള്ള​താ​യി മുൻ ലേഖന​ത്തിൽ നാം കണ്ടു. എന്നാൽ ഏലീയാ​വി​ന്റെ പിൻഗാ​മി​യായ എലീശാ​പ്ര​വാ​ച​കന്റെ പ്രവർത്ത​ന​ത്തി​ന്റെ കാര്യ​മോ?—1 രാജാ​ക്ക​ന്മാർ 19:15, 16.

2. (എ) ഏലീയാ​വി​ന്റെ അവസാ​നത്തെ അത്ഭുതം എന്തായി​രു​ന്നു, എലീശാ​യു​ടെ ആദ്യത്തെ അത്ഭുത​മോ? (ബി) ഏലീയാവ്‌ സ്വർഗ​ത്തിൽ പോയി​ല്ലെ​ന്ന​തിന്‌ എന്തു തെളി​വുണ്ട്‌?

² ഏലീയാവ്‌ പ്രവർത്തിച്ച അവസാ​നത്തെ അത്ഭുതം, തന്റെ ഔദ്യോ​ഗിക അങ്കി​കൊണ്ട്‌ യോർദാൻ നദിയി​ലെ വെള്ളത്തി​ല​ടിച്ച്‌ അതിനെ വിഭജി​ച്ച​താ​യി​രു​ന്നു. അങ്ങനെ ഉണങ്ങിയ നിലത്തു​കൂ​ടെ മറുകര കടക്കാൻ ഏലീയാ​വി​നും എലീശാ​യ്‌ക്കും സാധിച്ചു. അവർ നദിയു​ടെ പൂർവ​തീ​ര​ത്തു​കൂ​ടെ നടക്കവേ ഒരു ചുഴലി​ക്കാറ്റ്‌ ഏലീയാ​വി​നെ ഭൂമി​യു​ടെ മറ്റൊരു ഭാഗ​ത്തേക്കു കൊണ്ടു​പോ​യി. (“ഏലീയാവ്‌ കയറി​പ്പോയ സ്വർഗ​മേത്‌?” എന്ന ശീർഷ​ക​ത്തിൽ 15-ാം പേജി​ലുള്ള ചതുരം കാണുക.) പിന്നിൽ അവശേ​ഷി​ച്ചത്‌ ഏലീയാ​വി​ന്റെ ഔദ്യോ​ഗിക അങ്കി മാത്ര​മാ​യി​രു​ന്നു. യോർദാ​നെ അടിക്കാൻ എലീശാ അതുപ​യോ​ഗി​ച്ച​പ്പോൾ അതിലെ വെള്ളം വീണ്ടും വിഭജി​ക്ക​പ്പെട്ടു. അങ്ങനെ ഉണങ്ങിയ നിലത്തു​കൂ​ടെ മടങ്ങി​വ​രാൻ അവനു കഴിഞ്ഞു. ഇസ്രാ​യേ​ലിൽ സത്യാ​രാ​ധന ഉന്നമി​പ്പി​ക്കു​ന്ന​തിൽ എലീശാ, ഏലീയാ​വി​ന്റെ പിൻഗാ​മി ആയിത്തീർന്നി​രി​ക്കു​ന്നു​വെന്ന്‌ ഈ അത്ഭുതം വ്യക്തമാ​ക്കി.—2 രാജാ​ക്ക​ന്മാർ 2:6-15.

ദൈവിക ഗുണങ്ങൾ അത്യന്താ​പേ​ക്ഷി​തം

3. യേശു​വി​ന്റെ സാന്നി​ധ്യ​ത്തെ​യും “യഹോ​വ​യു​ടെ ദിവസ”ത്തെയും കുറിച്ച്‌ പൗലൊ​സും പത്രൊ​സും എന്താണു പറഞ്ഞത്‌?

³ ഏലീയാ​വി​ന്റെ​യും എലീശാ​യു​ടെ​യും നാളു​കൾക്കു നൂറ്റാ​ണ്ടു​കൾക്കു ശേഷം അപ്പോ​സ്‌ത​ല​ന്മാ​രായ പൗലൊ​സും പത്രൊ​സും “യഹോ​വ​യു​ടെ ദിവസ”ത്തിന്റെ വരവിനെ യേശു​ക്രി​സ്‌തു​വി​ന്റെ സാന്നി​ധ്യ​ത്തോ​ടും അന്നു വിദൂ​ര​ഭാ​വി​യി​ലാ​യി​രുന്ന ‘പുതിയ ആകാശം, പുതിയ ഭൂമി’ എന്നിവ​യോ​ടും ബന്ധപ്പെ​ടു​ത്തി. (2 തെസ്സ​ലൊ​നീ​ക്യർ 2:1, 2; 2 പത്രൊസ്‌ 3:10-13) യഹോ​വ​യു​ടെ മഹാദി​വ​സത്തെ—ദൈവം ശത്രു​ക്കളെ നശിപ്പി​ക്കു​ക​യും തന്റെ ജനത്തെ രക്ഷിക്കു​ക​യും ചെയ്യുന്ന സമയത്തെ—അതിജീ​വി​ക്കു​ന്ന​തിന്‌ യഹോ​വയെ അന്വേ​ഷിച്ച്‌ സൗമ്യ​ത​യും നീതി​യും പ്രകട​മാ​ക്കേ​ണ്ട​തുണ്ട്‌. (സെഫന്യാ​വു 2:1-3) എലീശാ​പ്ര​വാ​ചകൻ ഉൾപ്പെ​ടുന്ന സംഭവങ്ങൾ നാം പരിചി​ന്തി​ക്കവേ കൂടു​ത​ലായ ചില ഗുണങ്ങൾ വെളി​പ്പെ​ടു​ന്നു.

4. യഹോ​വ​യു​ടെ സേവന​ത്തിൽ തീക്ഷ്‌ണത എന്ത്‌ പങ്ക്‌ വഹിക്കു​ന്നു?

⁴ നാം “യഹോ​വ​യു​ടെ ദിവസ”ത്തെ അതിജീ​വി​ക്ക​ണ​മെ​ങ്കിൽ ദൈവ​സേ​വ​ന​ത്തി​ലുള്ള തീക്ഷ്‌ണത മർമ​പ്ര​ധാ​ന​മാണ്‌. ഏലീയാ​വും എലീശാ​യും യഹോ​വ​യു​ടെ സേവന​ത്തിൽ തീക്ഷ്‌ണ​ത​യു​ള്ള​വ​രാ​യി​രു​ന്നു. സമാന​മായ തീക്ഷ്‌ണ​ത​യോ​ടെ ഇന്ന്‌ അഭിഷിക്ത ക്രിസ്‌ത്യാ​നി​ക​ളു​ടെ ശേഷിപ്പ്‌ യഹോ​വ​യ്‌ക്കു വിശുദ്ധ സേവനം അർപ്പി​ക്കു​ക​യും സുവാർത്താ​പ്ര​സം​ഗ​ത്തിൽ നേതൃ​ത്വ​മെ​ടു​ക്കു​ക​യും ചെയ്യുന്നു.a രാജ്യ​സ​ന്ദേശം സ്വീക​രിച്ച്‌ ഭൂമി​യിൽ എന്നേക്കും ജീവി​ക്കാൻ പ്രത്യാ​ശി​ക്കുന്ന എല്ലാവ​രും തങ്ങളെ​ത്തന്നെ യഹോ​വ​യ്‌ക്കു സമർപ്പിച്ച്‌ സ്‌നാ​പ​ന​മേൽക്കാൻ 1930-കളുടെ മധ്യഘ​ട്ടം​മു​തൽ അവർ പ്രോ​ത്സാ​ഹി​പ്പി​ച്ചി​രി​ക്കു​ന്നു. (മർക്കൊസ്‌ 8:34; 1 പത്രൊസ്‌ 3:21) ഈ പ്രോ​ത്സാ​ഹ​ന​ത്തോ​ടു ലക്ഷങ്ങൾ അനുകൂ​ല​മാ​യി പ്രതി​ക​രി​ച്ചി​രി​ക്കു​ന്നു. ഒരിക്കൽ ആത്മീയ അന്ധകാ​ര​ത്തി​ലാ​യി​രുന്ന അവർ പാപത്തിൽ മരിച്ച​വ​രാ​യി​രു​ന്നു. എന്നാൽ ദൈവ​ത്തി​ന്റെ സത്യം പഠിച്ച്‌ ഭൗമിക പറുദീ​സ​യി​ലുള്ള നിത്യ​ജീ​വന്റെ പ്രത്യാശ സ്വീക​രി​ച്ചി​രി​ക്കുന്ന അവരി​പ്പോൾ യഹോ​വ​യു​ടെ സേവന​ത്തിൽ തീക്ഷ്‌ണ​ത​യു​ള്ള​വ​രാണ്‌. (സങ്കീർത്തനം 37:29; വെളി​പ്പാ​ടു 21:3-5) തങ്ങളുടെ തീക്ഷ്‌ണ​ത​യാ​ലും സഹകര​ണ​ത്താ​ലും അതിഥി​പ്രി​യ​ത്താ​ലും മറ്റു സത്‌പ്ര​വൃ​ത്തി​ക​ളാ​ലും അവർ ഇപ്പോ​ഴും ക്രിസ്‌തു​വി​ന്റെ ഭൂമി​യി​ലുള്ള ആത്മീയ സഹോ​ദ​ര​ന്മാർക്കു വലിയ നവോ​ന്മേഷം കൈവ​രു​ത്തു​ന്നു.—മത്തായി 25:31-46.

5. യേശു​വി​ന്റെ ‘സഹോ​ദ​ര​ന്മാർക്കു’ വേണ്ടി നല്ല കാര്യങ്ങൾ ചെയ്യു​ന്നത്‌ വളരെ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌, എലീശാ​യു​ടെ നാളിൽനി​ന്നു നമുക്ക്‌ ഏത്‌ ദൃഷ്ടാ​ന്ത​മുണ്ട്‌?

⁵ യേശു​വി​ന്റെ ‘സഹോ​ദ​ര​ന്മാർ’ അവന്റെ അനുഗാ​മി​ക​ളായ അഭിഷി​ക്ത​രാ​യ​തി​നാൽ അവർക്കു വേണ്ടി നല്ല കാര്യങ്ങൾ ചെയ്യു​ന്ന​വർക്ക്‌ “യഹോ​വ​യു​ടെ ദിവസ”ത്തെ അതിജീ​വി​ക്കാ​നുള്ള പ്രത്യാ​ശ​യുണ്ട്‌. എലീശാ​യോ​ടും അവന്റെ ബാല്യ​ക്കാ​ര​നോ​ടും ദയയും അതിഥി​പ്രി​യ​വും കാണി​ച്ച​തി​നാൽ ശൂനേം എന്ന ഗ്രാമ​ത്തി​ലെ ഒരു വിവാ​ഹിത ദമ്പതി​കൾക്കു വലിയ അനു​ഗ്രഹം ലഭിച്ചു. ഈ ദമ്പതി​കൾക്കു മക്കളി​ല്ലാ​യി​രു​ന്നു​വെന്നു തന്നെയല്ല, ഭർത്താവു വൃദ്ധനു​മാ​യി​രു​ന്നു. എന്നാൽ ആ ശൂനേമ്യ സ്‌ത്രീ ഒരു പുത്രനെ പ്രസവി​ക്കു​മെന്ന്‌ എലീശാ വാഗ്‌ദാ​നം ചെയ്‌തു. അങ്ങനെ​തന്നെ സംഭവി​ച്ചു. ഏതാനും വർഷങ്ങൾക്കു​ശേഷം ഈ ഏക പുത്രൻ മരിച്ച​പ്പോൾ എലീശാ ശൂനേ​മി​ലേക്കു പോയി അവനെ ഉയിർപ്പി​ച്ചു. (2 രാജാ​ക്ക​ന്മാർ 4:8-17, 32-37) എലീശാ​യോട്‌ അതിഥി​പ്രി​യം കാണി​ച്ച​തി​നു ലഭിച്ച എത്ര മഹത്തായ പ്രതി​ഫ​ലങ്ങൾ!

6, 7. നയമാൻ വെച്ച മാതൃ​ക​യെ​ന്താണ്‌, “യഹോ​വ​യു​ടെ ദിവസ”ത്തെ അതിജീ​വി​ക്കു​ന്ന​തു​മാ​യി ഇത്‌ എങ്ങനെ ബന്ധപ്പെ​ട്ടി​രി​ക്കു​ന്നു?

⁶ യഹോ​വ​യു​ടെ ദിവസത്തെ അതിജീ​വി​ക്കാ​മെന്ന പ്രത്യാ​ശ​യോ​ടെ ക്രിസ്‌തു​വിൻ “സഹോ​ദ​രന്മാ”രിൽനി​ന്നു ബൈബി​ള​ധി​ഷ്‌ഠിത മാർഗ​നിർദേശം സ്വീക​രി​ക്കു​ന്ന​തി​നു താഴ്‌മ ആവശ്യ​മാണ്‌. തടവു​കാ​രി​യായ ഒരു ഇസ്രാ​യേല്യ പെൺകു​ട്ടി​യു​ടെ നിർദേ​ശ​പ്ര​കാ​രം ഇസ്രാ​യേ​ലി​ലേക്കു പോയി എലീശാ​യെ കണ്ടെത്തി സൗഖ്യം പ്രാപി​ക്കു​ന്ന​തിന്‌ നയമാൻ എന്ന കുഷ്‌ഠ​രോ​ഗി​യായ അരാമ്യ സൈന്യാ​ധി​പനു താഴ്‌മ പ്രകട​മാ​ക്കേ​ണ്ടി​യി​രു​ന്നു. നയമാനെ കാണാൻ വീട്ടിൽനി​ന്നു പുറത്തു വരുന്ന​തി​നു പകരം എലീശാ അവന്‌ ഈ സന്ദേശ​മ​യച്ചു: “നീ ചെന്നു യോർദ്ദാ​നിൽ ഏഴു പ്രാവ​ശ്യം കുളിക്ക; അപ്പോൾ നിന്റെ ദേഹം മുമ്പി​ല​ത്തെ​പ്പോ​ലെ​യാ​യി നീ ശുദ്ധനാ​കും.” (2 രാജാ​ക്ക​ന്മാർ 5:10) ദുരഭി​മാ​ന​ത്തി​നു മുറി​വേറ്റ നയമാൻ പ്രകോ​പി​ത​നാ​യി. എന്നാൽ പിന്നീട്‌ അവൻ താഴ്‌മ​യോ​ടെ യോർദാ​നിൽ പോയി ഏഴു പ്രാവ​ശ്യം മുങ്ങി​യ​പ്പോൾ “അവന്റെ ദേഹം ചെറിയ ബാലന്റെ ദേഹം​പോ​ലെ ആയി; അവൻ ശുദ്ധനാ​യ്‌തീർന്നു.” (2 രാജാ​ക്ക​ന്മാർ 5:14) വീട്ടി​ലേക്കു മടങ്ങു​ന്ന​തി​നു മുമ്പ്‌ തിരികെ ശമര്യ​വരെ ദീർഘ​ദൂ​രം സഞ്ചരിച്ച്‌ യഹോ​വ​യു​ടെ പ്രവാ​ച​കനു നന്ദി നൽകാൻ നയമാ​നെത്തി. ദൈവദത്ത ശക്തി​കൊണ്ട്‌ യാതൊ​രു ഭൗതി​ക​നേ​ട്ട​ങ്ങ​ളും ഉണ്ടാക്ക​രു​തെന്നു ദൃഢനി​ശ്ചയം ചെയ്‌ത എലീശാ നയമാനെ കാണാൻ പുറത്തു വന്നെങ്കി​ലും സമ്മാന​മൊ​ന്നും സ്വീക​രി​ച്ചില്ല. നയമാൻ താഴ്‌മ​യോ​ടെ എലീശാ​യോട്‌ ഇങ്ങനെ പറഞ്ഞു: “അടിയൻ ഇനി യഹോ​വെ​ക്ക​ല്ലാ​തെ അന്യ​ദൈ​വ​ങ്ങൾക്കു ഹോമ​യാ​ഗ​വും ഹനനയാ​ഗ​വും കഴിക്ക​യില്ല.”—2 രാജാ​ക്ക​ന്മാർ 5:17.

⁷ അഭിഷി​ക്ത​രു​ടെ തിരു​വെ​ഴു​ത്തു​പ​ര​മായ ബുദ്ധ്യു​പ​ദേശം താഴ്‌മ​യോ​ടെ പിൻപ​റ്റു​ന്ന​തി​നാൽ ഇന്നു ലക്ഷങ്ങൾ സമൃദ്ധ​മാ​യി അനു​ഗ്ര​ഹി​ക്ക​പ്പെ​ടു​ന്നു. തന്നെയു​മല്ല, യേശു​വി​ന്റെ മറുവി​ല​യിൽ വിശ്വാ​സം പ്രകട​മാ​ക്കു​ക​വഴി പരമാർഥ​ഹൃ​ദ​യ​രായ ഇവർ ആത്മീയ​മാ​യി ശുദ്ധരാ​ക്ക​പ്പെ​ട്ടി​രി​ക്കു​ന്നു. ഇപ്പോ​ഴവർ യഹോ​വ​യാം ദൈവ​ത്തി​ന്റെ​യും യേശു​ക്രി​സ്‌തു​വി​ന്റെ​യും സ്‌നേ​ഹി​ത​രാ​യി​രി​ക്കു​ക​യെന്ന പദവി ആസ്വദി​ക്കു​ന്നു. (സങ്കീർത്തനം 15:1, 2; ലൂക്കൊസ്‌ 16:9) സത്വരം സമീപി​ച്ചു​കൊ​ണ്ടി​രി​ക്കുന്ന “യഹോ​വ​യു​ടെ ദിവസ”ത്തിൽ അഹങ്കാ​രി​കൾക്കും അനുതാ​പ​മി​ല്ലാത്ത പാപി​കൾക്കും ഉടൻ സംഭവി​ക്കാൻ പോകുന്ന നിത്യ​നാ​ശ​ത്തിൽനിന്ന്‌ അവർ രക്ഷിക്ക​പ്പെ​ടും. അങ്ങനെ ദൈവ​ത്തോ​ടും അവന്റെ സേവന​ത്തോ​ടു​മുള്ള അവരുടെ ഭക്തിക്കു പ്രതി​ഫലം ലഭിക്കും.—ലൂക്കൊസ്‌ 13:24; 1 യോഹ​ന്നാൻ 1:7.

“ആരുള്ളു എന്റെ പക്ഷത്തു? ആരുള്ളു”?

8. (എ) “യഹോ​വ​യു​ടെ ദിവസ”ത്തെ അതിജീ​വി​ക്കാൻ പ്രത്യാ​ശി​ക്കു​ന്ന​വർക്ക്‌ ദിവ്യ​ഹി​തം ചെയ്യു​ന്നതു സംബന്ധിച്ച്‌ എന്തു മനോ​ഭാ​വ​മാ​ണു​ള്ളത്‌? (ബി) യേഹൂ​വി​നു ലഭിച്ച നിയോ​ഗ​മെ​ന്താണ്‌? (സി) ഈസേ​ബെ​ലി​നു സംഭവി​ക്കാ​നി​രു​ന്നത്‌ എന്താണ്‌?

⁸ “യഹോ​വ​യു​ടെ ദിവസ”ത്തെ അതിജീ​വി​ക്കാൻ പ്രത്യാ​ശി​ക്കു​ന്നവർ ദൈവ​ഹി​തം ചെയ്യുന്ന കാര്യ​ത്തിൽ നിർണാ​യക തീരു​മാ​നം കൈ​ക്കൊ​ള്ളേ​ണ്ട​തുണ്ട്‌. ഹത്യയും ബാലാ​രാ​ധ​ന​യും നടത്തി​യി​രുന്ന ആഹാബ്‌ രാജാ​വി​ന്റെ കുടും​ബ​ത്തി​ന്റെ നാശ​ത്തെ​ക്കു​റിച്ച്‌ ഏലീയാവ്‌ സധൈ​ര്യം മുൻകൂ​ട്ടി​പ്പ​റഞ്ഞു. (1 രാജാ​ക്ക​ന്മാർ 21:17-26) എങ്കിലും, ആ വധനിർവ​ഹണം നടപ്പാ​ക്ക​പ്പെ​ടു​ന്ന​തി​നു മുമ്പ്‌ ഏലീയാ​വി​ന്റെ പിൻഗാ​മി​യായ എലീശാ​യ്‌ക്കു പൂർത്തി​യാ​കാഞ്ഞ ചില ജോലി​കൾ തീർക്കേ​ണ്ട​തു​ണ്ടാ​യി​രു​ന്നു. (1 രാജാ​ക്ക​ന്മാർ 19:15-17) യഹോ​വ​യു​ടെ തക്കസമ​യത്ത്‌ സൈന്യ​ത്ത​ല​വ​നായ യേഹൂ​വി​നെ ഇസ്രാ​യേ​ലി​ന്റെ പുതിയ രാജാ​വാ​യി അഭി​ഷേകം ചെയ്യാൻ എലീശാ ഒരു പരിചാ​ര​കനെ പറഞ്ഞയച്ചു. യേഹൂ​വി​ന്റെ തലയിൽ തൈല​മൊ​ഴി​ച്ച​ശേഷം ആ സന്ദേശ​വാ​ഹകൻ അവനോ​ടു പറഞ്ഞു: “യിസ്രാ​യേ​ലി​ന്റെ ദൈവ​മായ യഹോവ ഇപ്രകാ​രം അരുളി​ച്ചെ​യ്യു​ന്നു; ഞാൻ നിന്നെ യഹോ​വ​യു​ടെ ജനമായ യിസ്രാ​യേ​ലി​ന്നു രാജാ​വാ​യി​ട്ടു അഭി​ഷേകം ചെയ്‌തി​രി​ക്കു​ന്നു. എന്റെ ദാസന്മാ​രായ പ്രവാ​ച​ക​ന്മാ​രു​ടെ രക്തത്തി​ന്നും യഹോ​വ​യു​ടെ സകലദാ​സ​ന്മാ​രു​ടെ​യും രക്തത്തി​ന്നും ഈസേ​ബെ​ലി​നോ​ടു ഞാൻ പ്രതി​കാ​രം ചെയ്യേ​ണ്ട​തി​ന്നു നിന്റെ യജമാ​ന​നായ ആഹാബി​ന്റെ ഗൃഹത്തെ നീ സംഹരി​ച്ചു​ക​ള​യേണം. ആഹാബ്‌ഗൃ​ഹം അശേഷം മുടി​ഞ്ഞു​പോ​കേണം.” ദുഷ്ട രാജ്ഞി​യായ ഈസേ​ബെൽ നായ്‌ക്കൾക്ക്‌ എറിഞ്ഞു​കൊ​ടു​ക്ക​പ്പെ​ടു​ക​യും അങ്ങനെ അവൾക്കു മാന്യ​മായ ഒരു ശവസം​സ്‌കാ​രം ലഭിക്കാ​തി​രി​ക്കു​ക​യും ചെയ്യു​മാ​യി​രു​ന്നു.—2 രാജാ​ക്ക​ന്മാർ 9:1-10.

9, 10. ഈസേ​ബെ​ലി​ന്റെ കാര്യ​ത്തിൽ ഏലീയാ​വി​ന്റെ വാക്ക്‌ നിവൃ​ത്തി​യേ​റി​യ​തെ​ങ്ങനെ?

⁹ യേഹൂ അഭി​ഷേകം ചെയ്യ​പ്പെ​ട്ട​തി​ന്റെ പ്രാധാ​ന്യം തിരി​ച്ച​റിഞ്ഞ അവന്റെ ആൾക്കാർ അവനെ ഇസ്രാ​യേ​ലി​ന്റെ രാജാ​വാ​യി പ്രഖ്യാ​പി​ച്ചു. നിർണാ​യ​ക​മാ​യി പ്രവർത്തി​ച്ചു​കൊണ്ട്‌, വിശ്വാ​സ​ത്യാ​ഗി​ക​ളായ ബാലാ​രാ​ധ​ക​രു​ടെ പ്രധാ​നി​കളെ വധിക്കാ​നുള്ള തന്റെ വേല തുടങ്ങു​ന്ന​തി​നാ​യി യേഹൂ യി​സ്രെ​യേ​ലി​ലേക്കു കുതിച്ചു. യേഹൂ​വി​ന്റെ അമ്പിന്റെ ആദ്യ ഇര ആഹാബി​ന്റെ പുത്ര​നായ യോരാ​മാണ്‌. സമാധാ​ന​ദൗ​ത്യ​വു​മാ​യി യേഹൂ വന്നുവോ എന്നു ചോദി​ക്കാ​നാ​യി അവൻ നഗരത്തിൽനി​ന്നു യാത്ര പുറ​പ്പെ​ട്ട​താ​യി​രു​ന്നു. “നിന്റെ അമ്മയായ ഈസേ​ബെ​ലി​ന്റെ പരസം​ഗ​വും ക്ഷുദ്ര​വും ഇത്ര അധിക​മാ​യി​രി​ക്കു​ന്നേ​ട​ത്തോ​ളം എന്തു സമാധാ​നം”? എന്നു യേഹൂ പ്രതി​വ​ചി​ച്ചു. അതോടെ യേഹൂ​വി​ന്റെ അമ്പ്‌ യോരാ​മി​ന്റെ ഹൃദയം തുളച്ചു.—2 രാജാ​ക്ക​ന്മാർ 9:22-24.

¹⁰ ദൈവ​ഭ​ക്ത​രായ സ്‌ത്രീ​കൾ ഈസേ​ബെ​ലി​നെ​യോ അതു​പോ​ലുള്ള മറ്റേ​തെ​ങ്കി​ലും സ്‌ത്രീ​ക​ളെ​യോ​പോ​ലെ ആകാതി​രി​ക്കാൻ ശ്രമി​ക്കു​ന്നു. (വെളി​പ്പാ​ടു 2:18-23) യേഹൂ യി​സ്രെ​യേ​ലിൽ എത്തിയ​പ്പോ​ഴേ​ക്കും വശീക​രി​ക്കും​വി​ധം അണി​ഞ്ഞൊ​രു​ങ്ങാൻ ഈസേ​ബെൽ ശ്രമി​ച്ചി​രു​ന്നു. ജാലക​ത്തി​ലൂ​ടെ നോക്കിയ അവൾ ഒരു നിഗൂഢ ഭീഷണി​കൊ​ണ്ടാണ്‌ അവനെ അഭിവാ​ദനം ചെയ്‌തത്‌. അവൻ അവളുടെ പരിചാ​ര​ക​രോട്‌ “ആരുള്ളു എന്റെ പക്ഷത്തു? ആരുള്ളു”? എന്നു ചോദി​ച്ചു. ഉടനേ രണ്ടു മൂന്ന്‌ കൊട്ടാ​രോ​ദ്യോ​ഗസ്ഥർ പുറ​ത്തേക്കു നോക്കി. അവർ യേഹൂ​വി​ന്റെ പക്ഷത്താ​യി​രു​ന്നോ? “അവളെ താഴെ തള്ളിയി​ടു​വിൻ” എന്നവൻ പറഞ്ഞു. അപ്പോ​ഴവർ കാര്യ​ക്ഷ​മ​ത​യോ​ടെ പ്രവർത്തി​ച്ചു​കൊണ്ട്‌ ദുഷ്ടയായ ഈസേ​ബെ​ലി​നെ ജാലക​ത്തി​ലൂ​ടെ തള്ളിയി​ട്ടു. കുതി​ര​ക്കു​ള​മ്പു​ക​ളാൽ അവൾക്കു ചവി​ട്ടേ​റ്റ​താ​യി നിഗമനം ചെയ്യാ​വു​ന്ന​താണ്‌. ആളുകൾ അവളെ അടക്കു​വാൻ വന്നപ്പോൾ അവർ “അവളുടെ തലമണ്ട​യും കാലു​ക​ളും കൈപ്പ​ത്തി​ക​ളും അല്ലാതെ മറെറാ​ന്നും കണ്ടില്ല.” “നായ്‌ക്കൾ ഈസേ​ബെ​ലി​ന്റെ മാംസം തിന്നു​ക​ള​യും” എന്ന ഏലീയാ​വി​ന്റെ വാക്കിന്റെ എന്തൊരു ഉജ്ജ്വല നിവൃത്തി!—2 രാജാ​ക്ക​ന്മാർ 9:30-37.

സത്യാ​രാ​ധ​ന​യ്‌ക്കുള്ള ഹൃദയം​ഗ​മ​മായ പിന്തുണ

11. യോനാ​ദാബ്‌ ആരായി​രു​ന്നു, സത്യാ​രാ​ധ​ന​യ്‌ക്കുള്ള തന്റെ പിന്തുണ അവൻ പ്രകട​മാ​ക്കി​യ​തെ​ങ്ങനെ?

¹¹ “യഹോ​വ​യു​ടെ ദിവസ”ത്തെ അതിജീ​വിച്ച്‌ ഭൂമി​യിൽ എന്നേക്കും ജീവി​ക്കാൻ പ്രത്യാ​ശി​ക്കു​ന്നവർ മുഴു​ഹൃ​ദയാ സത്യാ​രാ​ധ​നയെ പിന്തു​ണ​യ്‌ക്കേ​ണ്ട​തുണ്ട്‌. അവർ യഹോ​വയെ ആരാധി​ച്ചി​രുന്ന ഇസ്രാ​യേ​ല്യേ​ത​ര​നായ യോനാ​ദാ​ബി​നെ​പ്പോ​ലെ അഥവാ യെഹോ​നാ​ദാ​ബി​നെ​പ്പോ​ലെ ആയിരി​ക്കണം. യേഹൂ തന്റെ ദൗത്യം തീക്ഷ്‌ണ​ത​യോ​ടെ നിവർത്തി​ക്കു​ന്ന​തിൽ തുടർന്ന​പ്പോൾ യോനാ​ദാബ്‌ തന്റെ അംഗീ​കാ​ര​വും പിന്തു​ണ​യും പ്രകട​മാ​ക്കാ​നാ​ഗ്ര​ഹി​ച്ചു. അതു​കൊണ്ട്‌, ആഹാബി​ന്റെ ഭവനത്തിൽ ശേഷി​ച്ചി​രി​ക്കു​ന്ന​വരെ വധിക്കാൻ ശമര്യ​യി​ലേക്കു പോകു​ക​യാ​യി​രുന്ന ഇസ്രാ​യേ​ലി​ന്റെ പുതിയ രാജാ​വി​നെ കാണാൻ അവൻ പുറ​പ്പെട്ടു. യോനാ​ദാ​ബി​നെ കണ്ടപ്പോൾ യേഹൂ, “എന്റെ ഹൃദയം നിന്റെ ഹൃദയ​ത്തോ​ടു ചേർന്നി​രി​ക്കു​ന്ന​തു​പോ​ലെ നിന്റെ ഹൃദയം പരമാർത്ഥ​മാ​യി​രി​ക്കു​ന്ന​വോ”? എന്നു ചോദി​ച്ചു. അതേ എന്നുള്ള യോനാ​ദാ​ബി​ന്റെ മറുപടി കൈനീ​ട്ടി തന്റെ രഥത്തി​ലേക്ക്‌ അവനെ കയറ്റാൻ യേഹൂ​വി​നെ പ്രേരി​പ്പി​ച്ചു. “നീ എന്നോ​ടു​കൂ​ടെ വന്നു യഹോ​വ​യെ​ക്കു​റി​ച്ചു എനിക്കുള്ള ശുഷ്‌കാ​ന്തി കാൺക” എന്നു യേഹൂ പറഞ്ഞു. യഹോ​വ​യു​ടെ അഭിഷിക്ത വധനിർവാ​ഹ​കനു പിന്തുണ പ്രകട​മാ​ക്കു​ക​യെന്ന പദവി യോനാ​ദാബ്‌ താമസം​വി​നാ സ്വീക​രി​ച്ചു.—2 രാജാ​ക്ക​ന്മാർ 10:15-17.

12. യഹോവ എന്തു​കൊ​ണ്ടാണ്‌ അനന്യ​ഭക്തി ഉചിത​മാ​യി ആവശ്യ​പ്പെ​ടു​ന്നത്‌?

¹² സത്യാ​രാ​ധ​ന​യ്‌ക്കു നൽകുന്ന ഹൃദയം​ഗ​മ​മായ പിന്തുണ തീർച്ച​യാ​യും ഉചിത​മാണ്‌. കാരണം, അനന്യ​ഭക്തി ഉചിത​മാ​യി ആവശ്യ​പ്പെ​ടു​ക​യും അർഹി​ക്കു​ക​യും ചെയ്യുന്ന സ്രഷ്ടാ​വും അഖിലാണ്ഡ പരമാ​ധി​കാ​രി​യും യഹോ​വ​യാണ്‌. അവൻ ഇസ്രാ​യേ​ല്യ​രോട്‌ ഇങ്ങനെ കൽപ്പിച്ചു: “ഒരു വിഗ്രഹം ഉണ്ടാക്ക​രു​തു; മീതെ സ്വർഗ്ഗ​ത്തിൽ എങ്കിലും താഴെ ഭൂമി​യിൽ എങ്കിലും ഭൂമിക്കു കീഴെ വെള്ളത്തിൽ എങ്കിലും ഉള്ള യാതൊ​ന്നി​ന്റെ പ്രതി​മ​യും അരുതു. അവയെ നമസ്‌ക​രി​ക്ക​യോ സേവി​ക്ക​യോ ചെയ്യരു​തു. നിന്റെ ദൈവ​മായ യഹോ​വ​യായ ഞാൻ തീക്ഷ്‌ണ​ത​യുള്ള ദൈവം ആകുന്നു.” (പുറപ്പാ​ടു 20:4, 5) “യഹോ​വ​യു​ടെ ദിവസ”ത്തെ അതിജീ​വി​ക്കാൻ പ്രത്യാ​ശി​ക്കു​ന്നവർ അവന്‌ അനന്യ ആരാധന അർപ്പി​ക്കണം. “ആത്മാവി​ലും സത്യത്തി​ലും” ആയിരി​ക്കണം അങ്ങനെ ചെയ്യേ​ണ്ടത്‌. (യോഹ​ന്നാൻ 4:23, 24) ഏലീയാവ്‌, എലീശാ, യോനാ​ദാബ്‌ എന്നിവ​രെ​പ്പോ​ലെ സത്യാ​രാ​ധ​ന​യ്‌ക്കു വേണ്ടി അവർ ഉറച്ച നിലപാട്‌ കൈ​ക്കൊ​ള്ളണം.

13. യോനാ​ദാ​ബി​ന്റെ ഹൃദയം യേഹൂ​വി​നോ​ടു​കൂ​ടെ ആയിരു​ന്ന​തു​പോ​ലെ, മിശി​ഹൈക രാജാ​വി​നെ ആർ അംഗീ​ക​രി​ക്കു​ന്നു, അവർ ഇതെങ്ങനെ പ്രകട​മാ​ക്കു​ന്നു?

¹³ ആഹാബി​ന്റെ ഭവനത്തി​ലു​ള്ള​വരെ വധിച്ച​ശേഷം ബാലാ​രാ​ധ​കരെ തിരി​ച്ച​റിഞ്ഞ്‌ അവരുടെ വ്യാജ​മ​തത്തെ ഇസ്രാ​യേ​ലിൽനി​ന്നു നിർമൂ​ലനം ചെയ്യാൻ യേഹൂ രാജാവ്‌ മറ്റു നടപടി​കൾ കൈ​ക്കൊ​ണ്ടു. (2 രാജാ​ക്ക​ന്മാർ 10:18-28) ഇന്ന്‌ യഹോ​വ​യു​ടെ ശത്രു​ക്കളെ വധിച്ച്‌ അവന്റെ പരമാ​ധി​കാ​രം സംസ്ഥാ​പി​ക്കാൻ സ്വർഗീയ രാജാ​വായ യേശു​ക്രി​സ്‌തു​വി​നെ​യാണ്‌ അഭി​ഷേകം ചെയ്‌തി​രി​ക്കു​ന്നത്‌. യോനാ​ദാ​ബി​ന്റെ ഹൃദയം യേഹൂ​വി​നോ​ടു​കൂ​ടെ ആയിരു​ന്ന​തു​പോ​ലെ, യേശു​വി​ന്റെ “വേറെ ആടുക”ളിലെ “മഹാപു​രു​ഷാ​രം” ഇന്നു മിശി​ഹൈക രാജാ​വെന്ന നിലയിൽ പൂർണ​ഹൃ​ദ​യ​ത്തോ​ടെ ക്രിസ്‌തു​വി​നെ അംഗീ​ക​രി​ക്കു​ക​യും ഭൂമി​യി​ലെ അവന്റെ ആത്മീയ സഹോ​ദ​ര​ന്മാ​രു​മാ​യി സഹകരി​ക്കു​ക​യും ചെയ്യുന്നു. (വെളി​പ്പാ​ടു 7:9, 10; യോഹ​ന്നാൻ 10:16) സത്യമതം ആചരി​ക്കു​ക​യും “യഹോ​വ​യു​ടെ” ആസന്നമായ “ദിവസ”ത്തെക്കു​റി​ച്ചു ദൈവ​ത്തി​ന്റെ ശത്രു​ക്കൾക്കു മുന്നറി​യി​പ്പു കൊടു​ത്തു​കൊണ്ട്‌ ക്രിസ്‌തീയ ശുശ്രൂ​ഷ​യിൽ തീക്ഷ്‌ണ​മാ​യി പങ്കുപ​റ്റു​ക​യും ചെയ്യു​ക​വഴി അവർ ഇതിനു തെളിവു നൽകുന്നു.—മത്തായി 10:32, 33; റോമർ 10:9, 10.

ആസന്നമാ​യി​രി​ക്കുന്ന നാടകീയ സംഭവങ്ങൾ!

14. വ്യാജ​മ​ത​ത്തിന്‌ എന്താണു സംഭവി​ക്കാൻ പോകു​ന്നത്‌?

¹⁴ ഇസ്രാ​യേ​ലിൽ ബാലാ​രാ​ധന അവസാ​നി​പ്പി​ക്കാൻ യേഹൂ നടപടി​യെ​ടു​ത്തു. നമ്മുടെ നാളിൽ, വലിയ യേഹൂ​വായ യേശു​ക്രി​സ്‌തു​വി​ലൂ​ടെ വ്യാജമത ലോക​സാ​മ്രാ​ജ്യ​മായ മഹാബാ​ബി​ലോ​നു ദൈവം അന്ത്യം വരുത്തും. അപ്പോ​സ്‌ത​ല​നായ യോഹ​ന്നാ​നുള്ള ദൂതവാ​ക്കു​ക​ളു​ടെ നിവൃത്തി നാം പെട്ടെ​ന്നു​തന്നെ കാണും: “നീ കണ്ട പത്തു കൊമ്പും മൃഗവും വേശ്യയെ ദ്വേഷി​ച്ചു ശൂന്യ​വും നഗ്നവു​മാ​ക്കി അവളുടെ മാംസം തിന്നു​ക​ള​യും; അവളെ തീകൊ​ണ്ടു ദഹിപ്പി​ക്ക​യും ചെയ്യും. ദൈവ​ത്തി​ന്റെ വചനം നിവൃ​ത്തി​യാ​കു​വോ​ളം തന്റെ ഹിതം ചെയ്‌വാ​നും ഒരേ അഭി​പ്രാ​യം നടത്തു​വാ​നും തങ്ങടെ രാജത്വം മൃഗത്തി​ന്നു കൊടു​പ്പാ​നും ദൈവം അവരുടെ ഹൃദയ​ത്തിൽ തോന്നി​ച്ചു.” (വെളി​പ്പാ​ടു 17:16, 17; 18:2-5) ഈ ‘പത്തു കൊമ്പ്‌,’ ഭൂമി​യിൽ അധികാ​രം നടത്തുന്ന സൈനി​ക​വ​ത്‌കൃത രാഷ്‌ട്രീയ ശക്തിക​ളെ​യാ​ണു സൂചി​പ്പി​ക്കു​ന്നത്‌. മഹാബാ​ബി​ലോ​നു​മാ​യി അവയ്‌ക്ക്‌ ഇപ്പോൾ ആത്മീയ​മാ​യി വ്യഭി​ചാ​ര​ബ​ന്ധ​മു​ണ്ടെ​ങ്കി​ലും, അവളുടെ സമയം ഹ്രസ്വ​മാണ്‌. ഈ ലോക​ത്തി​ലെ രാഷ്‌ട്രീ​യ​ഘ​ടകം വ്യാജ​മ​തത്തെ നശിപ്പി​ക്കും. ‘മൃഗ’ത്തിന്‌—ഐക്യ​രാ​ഷ്‌ട്ര​ങ്ങൾക്ക്‌—‘പത്തു കൊമ്പി’നോടു ചേർന്ന്‌ അവളെ ശൂന്യ​മാ​ക്കു​ന്ന​തിൽ ഒരു പ്രമുഖ പങ്കുണ്ടാ​യി​രി​ക്കും.b യഹോ​വയെ സ്‌തു​തി​ക്കു​ന്ന​തി​നുള്ള എന്തൊരു മഹത്തായ അവസരം!—വെളി​പ്പാ​ടു 19:1-6.

15. ദൈവ​ത്തി​ന്റെ ഭൗമിക സ്ഥാപനത്തെ നശിപ്പി​ക്കാ​നുള്ള ശ്രമം നടത്തു​മ്പോൾ എന്തു സംഭവി​ക്കും?

¹⁵ ബാലാ​രാ​ധ​ന​യ്‌ക്കെ​തി​രെ​യുള്ള യേഹൂ രാജാ​വി​ന്റെ ഉഗ്രമായ പോരാ​ട്ട​ത്തി​നു​ശേഷം അവന്റെ രാജകീയ ഭവനം ഇസ്രാ​യേ​ലി​ന്റെ രാഷ്‌ട്രീയ ശത്രു​ക്ക​ളി​ലേക്കു ശ്രദ്ധ തിരിച്ചു. രാജാ​വായ യേശു​ക്രി​സ്‌തു സമാന​മായ നടപടി​യെ​ടു​ക്കും. ബാൽസ​മാന വ്യാജ​മതം നശിപ്പി​ക്ക​പ്പെ​ട്ട​ശേഷം രാഷ്‌ട്രീയ ശക്തികൾ അവശേ​ഷി​ക്കും. പിശാ​ചായ സാത്താന്റെ സ്വാധീ​ന​ത്തിൻ കീഴിൽ, യഹോ​വ​യു​ടെ പരമാ​ധി​കാ​രത്തെ എതിർക്കുന്ന ഈ ശത്രുക്കൾ ദൈവ​ത്തി​ന്റെ ഭൗമിക സ്ഥാപനത്തെ നശിപ്പി​ക്കാ​നുള്ള ശ്രമത്തിൽ സമ്പൂർണ ആക്രമണം അഴിച്ചു​വി​ടും. (യെഹെ​സ്‌കേൽ 38:14-16) എന്നാൽ യഹോ​വ​യു​ടെ ആജ്ഞപ്ര​കാ​രം യേശു​ക്രി​സ്‌തു, “സർവ്വശ​ക്ത​നായ ദൈവ​ത്തി​ന്റെ മഹാദി​വ​സ​ത്തി​ലെ യുദ്ധ”മായ ഹാർമ​ഗെ​ദോ​നിൽ അവരെ തകർത്തു നശിപ്പി​ച്ചു​കൊണ്ട്‌ യഹോ​വ​യു​ടെ പരമാ​ധി​കാ​ര​ത്തി​ന്റെ സംസ്ഥാ​പനം പൂർത്തി​യാ​ക്കും.—വെളി​പ്പാ​ടു 16:14, 16; 19:11-21; യെഹെ​സ്‌കേൽ 38:18-23.

എലീശാ​യു​ടെ തീക്ഷ്‌ണ​ത​യോ​ടെ സേവിക്കൽ

16, 17. (എ) ആയുഷ്‌കാ​ലം മുഴു​വ​നും എലീശാ തീക്ഷ്‌ണ​ത​യു​ള്ള​വ​നാ​യി​രു​ന്നു​വെന്നു നമു​ക്കെ​ങ്ങനെ അറിയാം? (ബി) സത്യത്തി​ന്റെ അസ്‌ത്ര​ങ്ങൾക്കൊ​ണ്ടു നാം എന്തു ചെയ്യണം?

¹⁶ “യഹോ​വ​യു​ടെ ദിവസം” സാത്താന്റെ മുഴു ദുഷ്ടവ്യ​വ​സ്ഥി​തി​ക്കും അന്തം വരുത്തു​ന്ന​തു​വരെ ദൈവ​ദാ​സ​ന്മാർ എലീശാ​യെ​പ്പോ​ലെ ധൈര്യ​വും തീക്ഷ്‌ണ​ത​യു​മു​ള്ള​വ​രാ​യി​രി​ക്കും. ഏലീയാ​വി​ന്റെ ബാല്യ​ക്കാ​രൻ എന്നനി​ല​യി​ലുള്ള വേലയ്‌ക്കു പുറമേ എലീശാ 50 വർഷത്തി​ല​ധി​കം യഹോ​വ​യു​ടെ പ്രവാ​ച​ക​നാ​യി തനിയെ പ്രവർത്തി​ച്ചു! തന്റെ ആയുഷ്‌കാ​ലം മുഴു​വ​നും എലീശാ തീക്ഷ്‌ണ​ത​യു​ള്ള​വ​നാ​യി​രു​ന്നു. എലീശാ​യു​ടെ മരണത്തി​നു തൊട്ടു​മുമ്പ്‌, യേഹൂ​വി​ന്റെ പൗത്ര​നായ യോവാശ്‌ രാജാവ്‌ അവനെ സന്ദർശി​ക്കു​ക​യു​ണ്ടാ​യി. ജാലക​ത്തിൽക്കൂ​ടി ഒരു അമ്പെയ്യാൻ എലീശാ അവനോ​ടു പറഞ്ഞു. ആ അമ്പ്‌ ലക്ഷ്യത്തി​ലേക്കു പാഞ്ഞ​പ്പോൾ എലീശാ ഇങ്ങനെ ഉദ്‌ഘോ​ഷി​ച്ചു: “അതു യഹോ​വ​യു​ടെ ജയാസ്‌ത്രം, അരാമ്യർക്കു നേരെ​യുള്ള ജയാസ്‌ത്രം തന്നേ; നീ അഫേക്കിൽവെച്ചു അരാമ്യ​രെ തോല്‌പി​ച്ചു അശേഷം [“പാടേ,” NW] സംഹരി​ക്കും.” എലീശാ​യു​ടെ അഭ്യർഥ​ന​യിൽ യോവാശ്‌ തന്റെ അസ്‌ത്രം​കൊണ്ട്‌ ഭൂമിയെ അടിച്ചു. എന്നാൽ അത്രകണ്ട്‌ തീക്ഷ്‌ണ​ത​യോ​ടെ​യാ​യി​രു​ന്നില്ല അവനതു ചെയ്‌തത്‌, മൂന്നു പ്രാവ​ശ്യ​മേ അടിച്ചു​ള്ളൂ. തത്‌ഫ​ല​മാ​യി, യോവാശ്‌ അരാമ്യ​രു​ടെ​മേൽ മൂന്നു പ്രാവ​ശ്യ​മേ ജയം നേടു​ക​യു​ള്ളൂ​വെന്ന്‌ എലീശാ പറഞ്ഞു, അങ്ങനെ​ത​ന്നെ​യാ​ണു സംഭവി​ച്ച​തും. (2 രാജാ​ക്ക​ന്മാർ 13:14-19, 25) യോവാശ്‌ രാജാവ്‌ അരാമ്യ​രെ പൂർണ​മാ​യി, “പാടേ” നശിപ്പി​ച്ചില്ല.

¹⁷ എന്നാൽ, എലീശാ​സ​മാന തീക്ഷ്‌ണ​ത​യുള്ള അഭിഷി​ക്ത​ശേ​ഷിപ്പ്‌ വ്യാജാ​രാ​ധ​ന​യ്‌ക്കെ​തി​രെ പോരാ​ട്ടം തുടരു​ന്നു. ഭൗമി​ക​പ്ര​ത്യാ​ശ​യുള്ള അവരുടെ സഹകാ​രി​ക​ളും അതുതന്നെ ചെയ്യുന്നു. മാത്രമല്ല, “യഹോ​വ​യു​ടെ ദിവസ”ത്തെ അതിജീ​വി​ക്കാൻ പ്രത്യാ​ശി​ക്കുന്ന സകലരും ഭൂമിയെ അടിക്കു​ന്നതു സംബന്ധിച്ച എലീശാ​യു​ടെ തീക്ഷ്‌ണ​ത​യുള്ള വാക്കുകൾ മനസ്സിൽ പിടി​ക്കു​ന്നത്‌ ഉചിത​മാണ്‌. സത്യത്തി​ന്റെ അസ്‌ത്ര​ങ്ങ​ളെ​ടുത്ത്‌ നമുക്ക്‌ വീണ്ടും വീണ്ടും പ്രഹരി​ക്കാം—അതേ, അവകൊ​ണ്ടുള്ള നമ്മുടെ വേല പൂർത്തി​യാ​യി​രി​ക്കു​ന്നു​വെന്ന്‌ യഹോവ പറയും​വരെ.

18. നാം 2 പത്രൊസ്‌ 3:11, 12-ലെ വാക്കു​ക​ളോട്‌ എങ്ങനെ പ്രതി​ക​രി​ക്കണം?

¹⁸ “യഹോ​വ​യു​ടെ ദിവസം” ഇപ്പോ​ഴത്തെ ദുഷ്ടവ്യ​വ​സ്ഥി​തിക്ക്‌ പെട്ടെ​ന്നു​തന്നെ അന്തം വരുത്തും. അതു​കൊണ്ട്‌ അപ്പോ​സ്‌ത​ല​നായ പത്രൊ​സി​ന്റെ ഊഷ്‌മ​ള​മായ വാക്കു​ക​ളാൽ പ്രോ​ത്സാ​ഹി​ത​രാ​കാൻ നമുക്കു നമ്മെത്തന്നെ അനുവ​ദി​ക്കാം. പത്രൊസ്‌ ഇങ്ങനെ ഉദ്‌ഘോ​ഷി​ച്ചു: “ഇവ ഒക്കെയും അഴിവാ​നു​ള്ള​താ​യി​രി​ക്ക​യാൽ . . . ദൈവ​ദി​വ​സ​ത്തി​ന്റെ വരവു കാത്തി​രു​ന്നും ബദ്ധപ്പെ​ടു​ത്തി​യും​കൊ​ണ്ടു നിങ്ങൾ എത്ര വിശു​ദ്ധ​ജീ​വ​ന​വും ഭക്തിയും ഉള്ളവർ ആയിരി​ക്കേണം.” (2 പത്രൊസ്‌ 3:11, 12) യേശു​ക്രി​സ്‌തു​വി​ലൂ​ടെ പ്രകട​മാ​കുന്ന ദൈവ​കോ​പ​ത്തി​ന്റെ അഗ്നിയാൽ ഈ വ്യവസ്ഥി​തി​യു​ടെ സകല അംശവും അഴിഞ്ഞു​പോ​കു​മ്പോൾ നല്ല നടത്ത​യോ​ടും ദൈവ​ഭ​ക്തി​യോ​ടും കൂടെ ജീവി​ച്ചവർ മാത്രമേ രക്ഷപ്പെ​ടു​ക​യു​ള്ളൂ. ധാർമി​ക​വും ആത്മീയ​വു​മായ ശുദ്ധി അനിവാ​ര്യ​മാണ്‌. അതു​പോ​ലെ​ത​ന്നെ​യാണ്‌ സഹമനു​ഷ്യ​രോ​ടുള്ള സ്‌നേ​ഹ​വും. അവരുടെ ആവശ്യ​ങ്ങ​ളോ​ടു പ്രതി​ക​രി​ച്ചു​കൊണ്ട്‌, പ്രത്യേ​കി​ച്ചും ക്രിസ്‌തീയ ശുശ്രൂഷ മുഖാ​ന്തരം ആത്മീയ​മായ ഒരു വിധത്തിൽ, അതു പ്രകട​മാ​ക്കേ​ണ്ട​തുണ്ട്‌.

19. “യഹോ​വ​യു​ടെ ദിവസ”ത്തെ അതിജീ​വി​ക്കാൻ നാം എന്തു ചെയ്യണം?

¹⁹ നിങ്ങളു​ടെ വാക്കു​ക​ളും പ്രവൃ​ത്തി​ക​ളും വിശ്വ​സ്‌ത​ത​യും തീക്ഷ്‌ണ​ത​യു​മുള്ള ഒരു ദൈവ​ദാ​സ​നാ​യി നിങ്ങളെ തിരി​ച്ച​റി​യി​ക്കു​ന്നു​ണ്ടോ? എങ്കിൽ, “യഹോ​വ​യു​ടെ ദിവസ”ത്തെ അതിജീ​വിച്ച്‌ ദൈവം വാഗ്‌ദത്തം ചെയ്‌തി​രി​ക്കുന്ന പുതിയ ലോക​ത്തി​ലേക്കു കടക്കാ​നുള്ള പ്രത്യാശ നിങ്ങൾക്കു താലോ​ലി​ക്കാം. അതേ, എലീശാ​യോട്‌ അതിഥി​പ്രി​യം കാട്ടിയ ശൂനേമ്യ ദമ്പതി​ക​ളെ​പ്പോ​ലെ, ക്രിസ്‌തു​വി​ന്റെ ആത്മീയ സഹോ​ദ​ര​ന്മാർ അവന്റെ അനുഗാ​മി​ക​ളാ​യി​രി​ക്കു​ന്ന​തി​നാൽ അവർക്കു നന്മ ചെയ്യു​ന്നെ​ങ്കിൽ നിങ്ങൾക്ക്‌ അതിജീ​വി​ക്കാൻ കഴി​ഞ്ഞേ​ക്കും. അതിജീ​വി​ക്കു​ന്ന​തിന്‌, ദിവ്യ​മാർഗ​നിർദേശം താഴ്‌മ​യോ​ടെ സ്വീക​രിച്ച്‌ യഹോ​വ​യു​ടെ ആരാധ​ക​നാ​യി​ത്തീർന്ന നയമാ​നെ​പ്പോ​ലെ​യും ആയിരി​ക്കേ​ണ്ട​തുണ്ട്‌. ഭൗമിക പറുദീ​സ​യിൽ എന്നേക്കും ജീവി​ക്കാൻ വാഞ്‌ഛി​ക്കു​ന്നെ​ങ്കിൽ യോനാ​ദാബ്‌ ചെയ്‌ത​തു​പോ​ലെ സത്യാ​രാ​ധ​ന​യോ​ടുള്ള ഹൃദയം​ഗ​മ​മായ പിന്തുണ നിങ്ങൾ പ്രകട​മാ​ക്കേ​ണ്ട​തുണ്ട്‌. അപ്പോൾ, യേശു​വി​ന്റെ പിൻവ​രുന്ന വാക്കു​ക​ളു​ടെ നിവൃത്തി അനുഭ​വി​ക്കാൻ പോകുന്ന യഹോ​വ​യു​ടെ വിശ്വസ്‌ത ദാസന്മാ​രു​ടെ കൂട്ടത്തിൽ നിങ്ങളും കണ്ടേക്കാം: “എന്റെ പിതാ​വി​നാൽ അനു​ഗ്ര​ഹി​ക്ക​പ്പെ​ട്ട​വരേ, വരുവിൻ; ലോക​സ്ഥാ​പ​നം​മു​തൽ നിങ്ങൾക്കാ​യി ഒരുക്കി​യി​രി​ക്കുന്ന രാജ്യം അവകാ​ശ​മാ​ക്കി​ക്കൊൾവിൻ.”—മത്തായി 25:34.

[അടിക്കു​റി​പ്പു​കൾ]

നിങ്ങൾ എങ്ങനെ പ്രതി​ക​രി​ക്കും?

□ “യഹോ​വ​യു​ടെ ദിവസ”ത്തെ അതിജീ​വി​ക്കു​ന്ന​തിന്‌ ആവശ്യ​മായ ചില ഗുണങ്ങ​ളേവ?

□ എലീശാ​യു​ടെ നാളിലെ ശൂനേമ്യ ദമ്പതികൾ വെച്ച മാതൃ​ക​യെന്ത്‌?

□ നയമാ​നിൽനി​ന്നു പഠിക്കാൻ കഴിയുന്ന പാഠ​മെന്ത്‌?

□ യോനാ​ദാ​ബി​ന്റെ മാതൃക നമുക്ക്‌ എങ്ങനെ പിൻപ​റ്റാം?

□ 2 പത്രൊസ്‌ 3:11, 12 നമ്മെ എങ്ങനെ ബാധി​ക്കണം?