നിങ്ങൾ ഓർമി​ക്കു​ന്നു​വോ?

വീക്ഷാഗോപുരത്തിന്റെ അടുത്ത കാലത്തെ ലക്കങ്ങൾ നിങ്ങൾ വായി​ച്ചാ​സ്വ​ദി​ച്ചോ? അങ്ങനെ​യെ​ങ്കിൽ പിൻവ​രുന്ന കാര്യങ്ങൾ അനുസ്‌മ​രി​ക്കു​ന്നതു രസകര​മെന്നു നിങ്ങൾ കണ്ടെത്തും:

◻ ഇസ്രാ​യേല്യ ഒററു​കാർ വേശ്യ​യായ രാഹാ​ബി​ന്റെ ഭവനത്തിൽ തങ്ങാൻ തീരു​മാ​നി​ച്ച​തെ​ന്തു​കൊണ്ട്‌?

ഇസ്രായേല്യ ഒററു​കാർ ദൈവ​ത്തി​ന്റെ ന്യായ​പ്ര​മാ​ണ​മ​നു​സ​രി​ച്ചാ​ണു ജീവി​ച്ചത്‌, അതു​കൊണ്ട്‌ അവർ രാഹാ​ബി​ന്റെ വീട്ടിൽ തങ്ങിയതു മോശ​മായ കാരണ​ങ്ങ​ളാ​ലല്ല. ഒരു വേശ്യ​യു​ടെ വീട്ടി​ലാ​കു​മ്പോൾ തങ്ങളെ ആളുകൾ സംശയി​ക്കാ​നുള്ള സാധ്യത കുറയു​മെന്ന്‌ അവർ ഒരുപക്ഷേ ന്യായ​വാ​ദം ചെയ്‌തി​രി​ക്കാം. നഗരമ​തി​ലി​ലെ അതിന്റെ സ്ഥാനം രക്ഷപെടൽ എളുപ്പ​മാ​ക്കു​ക​യും ചെയ്യു​മാ​യി​രു​ന്നു. എന്നാൽ എല്ലാറ​റി​നു​മു​പരി, പശ്ചാത്ത​പി​ച്ചു തന്റെ വഴികൾക്കു മാററം വരുത്താൻ ഇടയാ​കും​വി​ധം ഇസ്രാ​യേ​ല്യ​രു​മാ​യുള്ള ദൈവ​ത്തി​ന്റെ ഇടപെ​ട​ലു​ക​ളെ​ക്കു​റി​ച്ചുള്ള റിപ്പോർട്ടു​ക​ളാൽ അനുകൂ​ല​മാ​യി സ്വാധീ​നി​ക്ക​പ്പെട്ട ഹൃദയ​മു​ണ്ടാ​യി​രുന്ന ഒരു പാപി​യു​ടെ അടുക്ക​ലേ​ക്കാ​ണു യഹോവ അവരെ നയിച്ചത്‌.—12⁄15, പേജുകൾ 24-5.

◻ കോപം നമ്മുടെ ആരോ​ഗ്യ​ത്തെ എങ്ങനെ ബാധി​ക്കു​ന്നു?

സമ്മർദത്തിനു കാരണ​മായ ഹോർമോ​ണു​കൾ കോപം ഉത്‌പാ​ദി​പ്പി​ക്കു​ന്ന​താ​യി പഠനങ്ങൾ സൂചി​പ്പി​ക്കു​ന്നു. തുട​രെ​ത്തു​ട​രെ​യുള്ള പൊട്ടി​ത്തെ​റി​കൾക്ക്‌ സംരക്ഷ​ണാ​ത്മ​ക​മായ കൊള​സ്‌റ​റ​റോ​ളി​ന്റെ​യും ഹാനി​ക​ര​മായ കൊള​സ്‌റ​റ​റോ​ളി​ന്റെ​യും സന്തുലി​താ​വ​സ്ഥയെ തകർക്കാൻ കഴിയും. തദ്വാര നമുക്കു ഹൃദയ​സം​ബ​ന്ധ​മായ രോഗം വരുന്ന​തി​നുള്ള സാധ്യത കൂട്ടുന്നു.—12⁄15, പേജ്‌ 32.

◻ വീക്ഷാ​ഗോ​പു​ര​ത്തി​ന്റെ​യും ഉണരുക!യുടെ​യും വിതരണം വർധി​പ്പി​ക്കാൻ നമ്മെ സഹായി​ക്കുന്ന നിർദേ​ശങ്ങൾ ഏവ?

വീക്ഷാഗോപുരം, ഉണരുക!ബോധ​മു​ള്ളവർ ആയിരി​ക്കുക; അവതരണം ലളിത​മാ​ക്കുക; ഏതാനും ഹ്രസ്വ​മായ അവതര​ണങ്ങൾ തയ്യാറാ​ക്കി​ക്കൊ​ണ്ടു വഴക്കമു​ള്ള​വ​രാ​യി​രി​ക്കുക; വ്യക്തി​പ​ര​മായ ഒരു ലാക്കു വെക്കുക.—1⁄1, പേജുകൾ 24-5.

◻ മോശ നമുക്ക്‌ അനുക​രി​ക്കാൻ പററിയ ഒരു നല്ല ദിവ്യാ​ധി​പത്യ മാതൃ​ക​യാ​യി​രി​ക്കു​ന്നത്‌ എന്തു​കൊണ്ട്‌?

മോശ കാര്യാ​ദി​ക​ളിൽ യഹോ​വ​യു​ടെ മാർഗ​നിർദേശം തേടി. അദ്ദേഹ​ത്തി​നു വ്യക്തി​പ​ര​മായ അഭിലാ​ഷങ്ങൾ ഒന്നുമു​ണ്ടാ​യി​രു​ന്നില്ല. പ്രത്യുത അദ്ദേഹം ദൈവ​മ​ഹ​ത്ത്വം സംബന്ധി​ച്ചു ചിന്തയു​ള്ള​വ​നാ​യി​രു​ന്നു. അദ്ദേഹ​ത്തി​നു ശക്തമായ വിശ്വാ​സ​മു​ണ്ടാ​യി​രു​ന്നു. കൂടാതെ, രാഷ്‌ട്ര​ത്തി​ന്റെ യഥാർഥ ഭരണാ​ധി​പൻ യഹോ​വ​യാ​യി​രു​ന്നു​വെന്ന കാര്യം മോശ ഒരിക്ക​ലും മറന്നു​ക​ള​ഞ്ഞില്ല.—1⁄15, പേജ്‌ 11.

◻ ദിവ്യ ബോധനം വിജയം വരിക്കുന്ന ചില വിധങ്ങൾ ഏവ?

യഹോവയുടെ ജനത്തിനു തിരു​വെ​ഴു​ത്തു​ക​ളു​ടെ ഒരു ക്രമാ​നു​ഗ​ത​മായ ഗ്രാഹ്യം പകർന്നു​കൊ​ണ്ടു ദിവ്യ ബോധനം വിജയം വരിക്കു​ന്നു. അത്‌ ആളുകളെ ആത്മീയ വെളി​ച്ച​ത്തി​ലേക്കു കൊണ്ടു​വ​രു​ക​യും അത്‌ ദൈവത്തെ “ആത്മാവി​ലും സത്യത്തി​ലും” ആരാധി​ക്കേ​ണ്ടത്‌ എങ്ങനെ​യെന്നു സൗമ്യരെ കാണി​ക്കു​ക​യും ചെയ്യുന്നു. (യോഹ​ന്നാൻ 4:24) കൂടാതെ, ദിവ്യ ബോധനം പരി​ശോ​ധ​ന​ക​ളിൻമേ​ലും ലോക​ത്തിൻമേ​ലും വിജയം വരിക്കു​ന്നു.—2⁄1, പേജുകൾ 10-12.

◻ വിജയ​ക​ര​മാ​യി ബുദ്ധ്യു​പ​ദേ​ശി​ക്കു​ന്ന​തി​നുള്ള താക്കോൽ എന്ത്‌?

മറേറ വ്യക്തി​യോ​ടും മാന്യ​മായ പെരു​മാ​ററം ലഭിക്കാ​നുള്ള അയാളു​ടെ അവകാ​ശ​ത്തോ​ടു​മുള്ള ഉചിത​മായ ആദരവാ​ണു താക്കോൽ. അതു​കൊണ്ട്‌, ഒരു ക്രിസ്‌തീയ ബുദ്ധ്യു​പ​ദേ​ശകൻ ദയാലു​വും ദൃഢചി​ത്ത​നു​മാ​യി​രി​ക്കു​മ്പോൾത്തന്നെ സ്വീകർത്താ​വി​നെ മാന്യത അണിയി​ക്കു​ക​യും വേണം.—2⁄1, പേജ്‌ 28.

◻ മറിയ​യു​ടെ സ്വർഗാ​രോ​ഹണം ഒരു സിദ്ധാ​ന്ത​മാ​യി റോമൻ കത്തോ​ലി​ക്കാ​സഭ സ്വീക​രി​ച്ചി​രി​ക്കാൻ ഇടയാ​യ​തെ​ങ്ങനെ?

യേശുവിന്റെ മരണത്തി​നു​ശേ​ഷ​മുള്ള ആദ്യനൂ​റ​റാ​ണ്ടു​ക​ളിൽ മറിയ​യു​ടെ സ്വർഗാ​രോ​ഹണം എന്ന ആശയം ക്രിസ്‌ത്യാ​നി​ക​ളു​ടെ ചിന്തയ്‌ക്ക്‌ തികച്ചും അപരി​ചി​ത​മാ​യി​രു​ന്നു. എന്നിരു​ന്നാ​ലും, ത്രി​ത്വോ​പ​ദേശം സഭയുടെ ഔദ്യോ​ഗിക പഠിപ്പി​ക്ക​ലാ​യി​ത്തീർന്ന​ശേഷം മറിയക്ക്‌ കൂടുതൽ പ്രാധാ​ന്യ​മുള്ള സ്ഥാനങ്ങൾ കൊടു​ക്കു​വാൻ തുടങ്ങി. “ദൈവം വെളി​പ്പെ​ടു​ത്തിയ ഒരു സിദ്ധാ​ന്ത​മാ​യി ഇതിനെ നാം നിർവ​ചി​ക്കു​ന്നു” എന്നു പീയൂസ്‌ XII-ാമൻ പാപ്പാ 1950, നവംബർ 1-ന്‌ പ്രഖ്യാ​പി​ക്കു​ന്ന​തു​വരെ സ്വർഗാ​രോ​ഹണ സിദ്ധാന്തം ഒരു അംഗീ​കൃത സിദ്ധാ​ന്ത​മാ​യി സ്വീക​രി​ച്ചി​രു​ന്നില്ല.—മ്യൂണി​ഫി​സെൻറി​സ്സി​മസ്‌ ഡ്യൂസ്‌—2⁄15, പേജുകൾ 26-7.

◻ യിരെ​മ്യാ​വു 24-ാം അധ്യാ​യ​ത്തിൽ, നല്ലതും ചീത്തയു​മായ രണ്ടു കൊട്ട അത്തിപ്പ​ഴങ്ങൾ എന്തിനെ പ്രതി​നി​ധാ​നം ചെയ്‌തു?

നല്ല അത്തിപ്പ​ഴങ്ങൾ പ്രതി​നി​ധാ​നം ചെയ്യു​ന്നത്‌ ആരംഭ​ത്തിൽ ബാബി​ലോ​നി​ലേക്ക്‌ അടിമ​ക​ളാ​യി പിടി​ച്ചു​കൊ​ണ്ടു​പോയ യഹൂദ​രെ​യാണ്‌, അവരുടെ ഒരു ശേഷിപ്പ്‌ യഹൂദ​യി​ലേക്കു തിരി​കെ​പോ​രു​മാ​യി​രു​ന്നു. ചീത്ത അത്തിപ്പ​ഴങ്ങൾ പ്രതി​നി​ധാ​നം ചെയ്യു​ന്നത്‌, യഹോ​വ​യു​ടെ നാമത്തിൽ പ്രതി​ജ്ഞ​ചെ​യ്‌തി​ട്ടും നെബു​ഖ​ദ്‌നേസർ രാജാ​വി​നോ​ടു മത്സരിച്ച സിദക്കി​യാ രാജാ​വി​നെ​യും അദ്ദേഹ​ത്തി​ന്റെ ആളുക​ളെ​യു​മാണ്‌. അതി​നോ​ടുള്ള താരത​മ്യ​ത്തിൽ, തങ്ങളുടെ ജീവി​ത​ത്തിൽ നല്ല ഫലം ഉത്‌പാ​ദി​പ്പിച്ച ആത്മീയ ഇസ്രാ​യേ​ലി​ന്റെ ശേഷി​പ്പി​നെ​യും അതിനു വിപരീ​ത​മാ​യി തങ്ങളുടെ ജീവി​ത​ത്തിൽ അഴുകിയ ഫലം ഉത്‌പാ​ദി​പ്പിച്ച ക്രൈ​സ്‌ത​വ​ലോ​ക​ത്തി​ലെ പുരോ​ഹി​ത​വർഗ​ത്തെ​യും ആധുനി​ക​നാ​ളിൽ നാം കാണുന്നു.—3⁄1, പേജുകൾ 14-16.

◻ ക്വാർട്ടോ​ഡെ​സി​മൻസ്‌ ആരായി​രു​ന്നു, ക്രിസ്‌ത്യാ​നി​കൾ അവരിൽ തത്‌പ​ര​രാ​യി​രി​ക്കു​ന്നത്‌ എന്തു​കൊണ്ട്‌?

അപ്പോസ്‌തലൻമാരുടെ കാല​ശേഷം അപ്പോ​സ്‌ത​ലിക മാതൃക പിന്തു​ടർന്നു​കൊണ്ട്‌ കർത്താ​വി​ന്റെ സന്ധ്യാ​ഭ​ക്ഷണം ഓരോ വർഷവും നീസാൻ 14-ന്‌ ആഘോ​ഷിച്ച ഒരു കൂട്ടർ ഉണ്ടായി​രു​ന്നു. അവർ “പതിനാ​ലു​കാർ” എന്നർഥ​മുള്ള ക്വാർട്ടോ​ഡെ​സി​മൻസ്‌ എന്നു വിളി​ക്ക​പ്പെ​ടാ​നി​ട​യാ​യി. ഇതിന്‌ ഇന്നു വളരെ പ്രാധാ​ന്യ​മുണ്ട്‌ കാരണം, അപ്പോ​സ്‌ത​ലൻമാർ മരിച്ച​ശേ​ഷ​വും ഓരോ വർഷവും നീസാൻ 14-ന്‌ യേശു​വി​ന്റെ മരണത്തി​ന്റെ ഓർമ ശരിയായ വിധത്തിൽ കൊണ്ടാ​ടി​യവർ ഉണ്ടായി​രു​ന്നു​വെന്ന്‌ ഇതു കാണി​ക്കു​ന്നു.—3⁄15, പേജുകൾ 4-5.

◻ വില്യം വിസ്‌ററൺ ആരായി​രു​ന്നു?

അദ്ദേഹം 18-ാം നൂററാ​ണ്ടിൽ ഇംഗ്ലണ്ടി​ലെ ഒരു ബുദ്ധി​മാ​നായ പണ്ഡിത​നും സർ ഐസക്ക്‌ ന്യൂട്ടന്റെ ഒരു അടുത്ത കൂട്ടു​കാ​ര​നു​മാ​യി​രു​ന്നു. വിസ്‌ററൺ ക്രിസ്‌തീയ ഗ്രീക്കു തിരു​വെ​ഴു​ത്തു​കൾ പരിഭാ​ഷ​പ്പെ​ടു​ത്തി, ത്രിത്വ പഠിപ്പി​ക്ക​ലു​കളെ പരസ്യ​മാ​യി എതിർത്തു, കൂടാതെ, ജ്യോ​തി​ശാ​സ്‌ത്രം, ഗണിത​ശാ​സ്‌ത്രം എന്നീ വിഷയ​ങ്ങ​ളിൽ ലെക്‌ച്ചറർ ആയിരു​ന്നു. യഹൂദ ചരി​ത്ര​കാ​ര​നായ ഫേവ്‌ളി​യസ്‌ ജോസീ​ഫ​സി​ന്റെ ലിഖി​ത​ങ്ങ​ളു​ടെ ഇംഗ്ലീഷ്‌ പരിഭാ​ഷ​യു​ടെ കാര്യ​ത്തി​ലാണ്‌ അദ്ദേഹം കൂടുതൽ പ്രസി​ദ്ധി​യാർജി​ച്ചത്‌.—3⁄15, പേജുകൾ 26-8.

◻ മനുഷ്യൻ ദൈവ​ത്തി​ന്റെ പ്രതി​ച്ഛാ​യ​യിൽ നിർമി​ക്ക​പ്പെ​ട്ടത്‌ എങ്ങനെ? (ഉല്‌പത്തി 1:27)

ദൈവത്തിന്റെ പ്രമുഖ ഗുണങ്ങ​ളായ സ്‌നേഹം, നീതി, ജ്ഞാനം, ശക്തി തുടങ്ങി​യ​വ​യും അതു​പോ​ലെ​തന്നെ മററുള്ള ഗുണങ്ങ​ളും ബാധക​മാ​ക്കാ​നുള്ള പ്രാപ്‌തി​യോ​ടെ​യാ​ണു മനുഷ്യൻ നിർമി​ക്ക​പ്പെ​ട്ടത്‌.—4⁄1, പേജ്‌ 25.