ഭക്തിപൂർവ​ക​മായ കീഴ്‌പ്പെടൽ നമ്മിൽനിന്ന്‌ ആവശ്യ​പ്പെ​ടു​ന്നത്‌

“ദൈവ​ത്തി​നു കീഴട​ങ്ങു​വിൻ.”—യാക്കോബ്‌ 4:7.

1. നാം ആരാധി​ക്കുന്ന ദൈവ​ത്തി​ന്റെ സ്വഭാ​വ​ത്തെ​ക്കു​റിച്ച്‌ എന്തു പറയാൻ കഴിയും?

യഹോവ എന്തൊരു അത്യത്ഭു​ത​വാ​നായ ദൈവ​മാണ്‌! വളരെ​യ​ധി​കം വിധങ്ങ​ളിൽ എതിരി​ല്ലാ​ത്ത​വ​നും കിടയ​റ​റ​വ​നും അതുല്യ​നും അനുപ​മ​നും! അവിടുന്ന്‌ അത്യു​ന്ന​ത​നും സാർവ​ത്രിക പരമാ​ധി​കാ​രി​യു​മാണ്‌. തന്നിലാണ്‌ യഥാർത്ഥ​മായ സകല അധികാ​ര​വും സ്ഥിതി​ചെ​യ്യു​ന്നത്‌. അവിടുന്ന്‌ നിത്യ​ത​മു​തൽ നിത്യ​ത​വരെ ഉള്ളവനാണ്‌, യാതൊ​രു മനുഷ്യ​നും അവിടു​ത്തെ കണ്ടശേഷം ജീവി​ച്ചി​രി​ക്കുക സാദ്ധ്യ​മ​ല്ലാ​ത്ത​വണ്ണം അവിടുന്ന്‌ അത്ര തേജസ്വി​യു​മാണ്‌. (പുറപ്പാട്‌ 33:20; റോമർ 16:26) അവിടു​ന്നു ശക്തിയി​ലും ജ്ഞാനത്തി​ലും അതിര​റ​റ​വ​നും നീതി​യിൽ തികച്ചും പൂർണ്ണ​നും സ്‌നേ​ഹ​ത്തി​ന്റെ മൂർത്തി​മ​ദ്‌ഭാ​വം​ത​ന്നെ​യു​മാണ്‌. അവിടു​ന്നു നമ്മുടെ സ്രഷ്ടാ​വും നമ്മുടെ ന്യായാ​ധി​പ​നും നമ്മുടെ നിയമ​ദാ​താ​വും നമ്മുടെ രാജാ​വു​മാണ്‌. സകല നല്ല വരവും പൂർണ്ണ​ത​യുള്ള സകല സമ്മാന​വും തന്നിൽനി​ന്നു വരുന്നു.—സങ്കീർത്തനം 100:3; യെശയ്യാവ്‌ 33:22; യാക്കോബ്‌ 1:17.

2. ഭക്തിപൂർവ​ക​മായ കീഴ്‌പ്പെ​ട​ലിൽ ഏതു കാര്യങ്ങൾ ഉൾപ്പെ​ട്ടി​രി​ക്കു​ന്നു?

² ഈ വസ്‌തു​ത​ക​ളു​ടെ​യെ​ല്ലാം വീക്ഷണ​ത്തിൽ, ദൈവ​ത്തി​നു കീഴ്‌പ്പെ​ട്ടി​രി​ക്കാ​നുള്ള നമ്മുടെ കടപ്പാ​ടു​സം​ബ​ന്ധി​ച്ചു സംശയ​മു​ണ്ടാ​യി​രി​ക്കാ​വു​ന്നതല്ല. എന്നാൽ ഇതിൽ നമുക്കു​വേണ്ടി എന്താണുൾപ്പെ​ട്ടി​രി​ക്കു​ന്നത്‌? പല കാര്യ​ങ്ങ​ളുണ്ട്‌. നമുക്കു വ്യക്തി​പ​ര​മാ​യി യഹോ​വ​യാം ദൈവത്തെ കാണാൻ കഴിയാ​ത്ത​തു​കൊണ്ട്‌ അവിടു​ത്തോ​ടുള്ള കീഴ്‌പ്പെ​ട​ലിൽ ഒരു അഭ്യസ്‌ത​മ​നഃ​സാ​ക്ഷി​യു​ടെ ശബ്ദം അനുസ​രി​ക്കു​ന്ന​തും ദൈവ​ത്തി​ന്റെ ഭൗമി​ക​സ്ഥാ​പ​ന​ത്തോ​ടു സഹകരി​ക്കു​ന്ന​തും ലൗകിക അധികാ​ര​ങ്ങളെ അംഗീ​ക​രി​ക്കു​ന്ന​തും കുടും​ബ​വൃ​ത്ത​ത്തിൽ ശിരഃ​സ്ഥാ​ന​ത​ത്ത്വ​ത്തെ ആദരി​ക്കു​ന്ന​തും ഉൾപ്പെ​ടു​ന്നു.

ഒരു നല്ല മനഃസാ​ക്ഷി നിലനിർത്തൽ

3. നല്ല മനഃസാ​ക്ഷി നിലനിർത്തു​ന്ന​തിന്‌, നാം ഏതു നിരോ​ധ​നങ്ങൾ അനുസ​രി​ക്കണം?

³ ഒരു നല്ല മനഃസാ​ക്ഷി നിലനിർത്തു​ന്ന​തിന്‌, നടപ്പി​ലാ​ക്കാൻ കഴിയാ​ത്ത​വയെ—അതായതു മനുഷ്യർക്കു പ്രാബ​ല്യ​ത്തി​ലാ​ക്കാൻ കഴിയാത്ത നിയമങ്ങൾ അല്ലെങ്കിൽ തത്ത്വങ്ങൾ—നാം അനുസ​രി​ക്കണം. ദൃഷ്ടാ​ന്ത​ത്തിന്‌, പത്തു കല്‌പ​ന​ക​ളിൽ ദുരാ​ഗ്ര​ഹ​ത്തി​നെ​തി​രെ തിരി​ച്ചു​വിട്ട പത്താമത്തെ കല്‌പന മാനു​ഷാ​ധി​കാ​ര​ങ്ങൾക്കു നടപ്പി​ലാ​ക്കാൻ കഴിയാ​ത്ത​താ​യി​രു​ന്നു. സാന്ദർഭി​ക​മാ​യി, ഇതു പത്തു കല്‌പ​ന​ക​ളു​ടെ ദിവ്യ ഉത്ഭവത്തെ തെളി​യി​ക്കു​ന്നു, എന്തു​കൊ​ണ്ടെ​ന്നാൽ യാതൊ​രു മാനുഷ നിയമ​നിർമ്മാണ സ്ഥാപന​വും ലംഘന​ത്തി​നുള്ള ശിക്ഷകൾ മുഖേന നടപ്പി​ലാ​ക്കാൻ കഴിയാത്ത ഒരു നിയമം ഉണ്ടാക്കു​മാ​യി​രു​ന്നില്ല. ഈ നിയമം മുഖാ​ന്തരം യഹോ​വ​യാം ദൈവം നല്ല മനഃസാ​ക്ഷി ഉണ്ടായി​രി​ക്കാ​നാ​ഗ്ര​ഹി​ക്കുന്ന ഓരോ ഇസ്ര​യേ​ല്യ​നും സ്വന്തം നിയമ​പാ​ല​ക​നാ​യി​രി​ക്കാ​നുള്ള ഉത്തരവാ​ദി​ത്വം കൊടു​ത്തു. (പുറപ്പാ​ടു 20:17) സമാന​മാ​യി, ദൈവ​രാ​ജ്യ​ത്തെ അവകാ​ശ​പ്പെ​ടു​ത്തു​ന്ന​തിൽനിന്ന്‌ ഒരുവനെ തടയുന്ന ജഡത്തിന്റെ പ്രവൃ​ത്തി​ക​ളിൽ “അസൂയ”യും “സ്‌പർദ്ധ​ക​ളും” ഉൾപ്പെ​ടു​ന്നു—ഇവ ശിക്ഷ നടപ്പി​ലാ​ക്കാൻ മനുഷ്യ​ന്യാ​യാ​ധി​പൻമാർക്കു കഴിയാത്ത പ്രതി​ക​ര​ണ​ങ്ങ​ളാണ്‌. (ഗലാത്യർ 5:19-21, NW) എന്നാൽ ഒരു നല്ല മനഃസാ​ക്ഷി നിലനിർത്തു​ന്ന​തി​നു നാം അവ ഒഴിവാ​ക്കണം.

4. നല്ല മനഃസാ​ക്ഷി നിലനിർത്തു​ന്ന​തിന്‌, നാം ഏതു ബൈബിൾത​ത്ത്വ​ങ്ങ​ള​നു​സ​രി​ച്ചു ജീവി​ക്കണം?

⁴ അതെ, നാം ബൈബിൾത​ത്ത്വ​ങ്ങ​ള​നു​സ​രി​ച്ചു ജീവി​ക്കണം. അങ്ങനെ​യുള്ള തത്ത്വങ്ങൾ മോ​ശൈ​ക​നി​യ​മ​സം​ഹി​ത​യി​ലെ ഏററവും വലിയ കല്‌പന ഏതാ​ണെ​ന്നുള്ള ചോദ്യ​ത്തി​നു​ത്ത​ര​മാ​യി യേശു​ക്രി​സ്‌തു പറഞ്ഞ രണ്ടു കല്‌പ​ന​ക​ളിൽ സംഗ്ര​ഹി​ക്കാൻ കഴിയും. “നിന്റെ ദൈവ​മായ കർത്താ​വി​നെ [യഹോവയെ, NW] നീ പൂർണ്ണ​ഹൃ​ദ​യ​ത്തോ​ടും പൂർണ്ണാ​ത്മാ​വോ​ടും പൂർണ്ണ​മ​ന​സ്സോ​ടും​കൂ​ടെ സ്‌നേ​ഹി​ക്കേണം. . . . കൂട്ടു​കാ​രനെ നിന്നെ​പ്പോ​ലെ തന്നേ സ്‌നേ​ഹി​ക്കേണം.” (മത്തായി 22:36-40) ഈ കല്‌പ​ന​ക​ളിൽ രണ്ടാമ​ത്തേ​തിൽ ഉൾപ്പെ​ട്ടി​രി​ക്കു​ന്ന​തി​നെ വിശദ​മാ​ക്കു​ന്ന​താ​ണു മത്തായി 7:12-ൽ രേഖ​പ്പെ​ടു​ത്തി​യി​രി​ക്കുന്ന യേശു​വി​ന്റെ വാക്കുകൾ: “മനുഷ്യർ നിങ്ങൾക്കു ചെയ്യേണം എന്നു നിങ്ങൾ ഇച്ഛിക്കു​ന്നതു ഒക്കെയും നിങ്ങൾ അവർക്കും ചെയ്‌വിൻ; ന്യായ​പ്ര​മാ​ണ​വും പ്രവാ​ച​കൻമാ​രും ഇതുതന്നെ.”

5. നമുക്കു യഹോ​വ​യാം ദൈവ​വു​മാ​യി നല്ല ബന്ധം എങ്ങനെ നിലനിർത്താൻ കഴിയും?

⁵ ശരിയാ​ണെന്നു നമുക്ക​റി​യാ​വു​ന്നതു നാം ചെയ്യു​ക​യും തെററാ​ണെന്നു നമുക്ക​റി​യാ​വു​ന്നതു ചെയ്യാ​തി​രി​ക്കു​ക​യും വേണം, മററു​ള്ളവർ കാണു​ന്നു​ണ്ടെ​ങ്കി​ലും ഇല്ലെങ്കി​ലും. നാം ചെയ്യേ​ണ്ടതു ചെയ്യാ​തി​രു​ന്നാ​ലും അല്ലെങ്കിൽ നാം ചെയ്യരു​താ​ത്തതു ചെയ്‌താ​ലും നമുക്കു രക്ഷപെ​ടാൻ കഴി​ഞ്ഞേ​ക്കാ​മെ​ങ്കിൽപോ​ലും ഇതു അങ്ങനെ​ത​ന്നെ​യാണ്‌. അതിന്റെ അർത്ഥം നമ്മുടെ സ്വർഗ്ഗീ​യ​പി​താ​വി​നോട്‌ നല്ല ബന്ധം പുലർത്തു​ക​യും എബ്രായർ 4:13-ൽ അപ്പോ​സ്‌ത​ല​നായ പൗലോസ്‌ പ്രസ്‌താ​വി​ച്ചി​രി​ക്കുന്ന മുന്നറി​യിപ്പ്‌ ഓർത്തി​രി​ക്കു​ക​യും ചെയ്യു​ക​യെ​ന്നാണ്‌: “അവന്നു മറഞ്ഞി​രി​ക്കുന്ന ഒരു സൃഷ്ടി​യു​മില്ല; സകലവും അവന്റെ കണ്ണിന്നു നഗ്നവും മലർന്ന​തു​മാ​യി കിടക്കു​ന്നു; അവന്നു​മാ​യി​ട്ടാ​കു​ന്നു നമുക്കു കാര്യ​മു​ള്ളതു.” ശരി ചെയ്യു​ന്ന​തിൽ സ്ഥിരനിഷ്‌ഠ പാലി​ക്കു​ന്നതു പിശാ​ചി​ന്റെ കുത​ന്ത്ര​ങ്ങ​ളോ​ടു പോരാ​ടു​ന്ന​തി​നും ലോക​ത്തി​ന്റെ സമ്മർദ്ദ​ങ്ങളെ ചെറു​ത്തു​നിൽക്കു​ന്ന​തി​നും സ്വാർത്ഥ​ത​യി​ലേ​ക്കുള്ള പാരമ്പ​ര്യ​പ്ര​വ​ണ​ത​യോ​ടു മല്ലിടു​ന്ന​തി​നും നമ്മെ സഹായി​ക്കും.—എഫേസ്യർ 6:11 താരത​മ്യ​പ്പെ​ടു​ത്തുക.

ദൈവ​ത്തി​ന്റെ സ്ഥാപന​ത്തോ​ടുള്ള കീഴ്‌പ്പെ​ടൽ

6. ക്രിസ്‌തീ​യ​പൂർവ കാലങ്ങ​ളിൽ ഏത്‌ ആശയവി​നി​മയ സരണികൾ യഹോവ ഉപയോ​ഗി​ച്ചു?

⁶ നമ്മുടെ ജീവി​ത​ത്തിൽ എങ്ങനെ ബൈബിൾത​ത്ത്വ​ങ്ങൾ ബാധക​മാ​ക്ക​ണ​മെന്നു വ്യക്തി​പ​ര​മാ​യി തീരു​മാ​നി​ക്കാ​നുള്ള അവകാശം യഹോ​വ​യാം ദൈവം നമുക്കു നൽകി​യി​ട്ടില്ല. മനുഷ്യ​വർഗ്ഗ​ത്തി​ന്റെ ആരംഭം​മു​തൽ ദൈവം ആശയവി​നി​മയ സരണി​ക​ളാ​യി മനുഷ്യ​രെ ഉപയോ​ഗി​ച്ചി​ട്ടുണ്ട്‌. അങ്ങനെ, ആദാം ഹവ്വക്കു​വേ​ണ്ടി​യുള്ള ദൈവ​ത്തി​ന്റെ വക്താവാ​യി​രു​ന്നു. ഹവ്വ സൃഷ്ടി​ക്ക​പ്പെ​ടു​ന്ന​തി​നു​മു​മ്പു വിലക്ക​പ്പെട്ട ഫലത്തെ​ക്കു​റി​ച്ചുള്ള കല്‌പന ആദാമി​നു കൊടു​ത്തി​രു​ന്നു, അതു​കൊ​ണ്ടു ഹവ്വക്കു​വേ​ണ്ടി​യുള്ള ദൈവ​ത്തി​ന്റെ ഇഷ്ടം എന്താ​ണെന്ന്‌ ആദാം അവളെ അറിയി​ച്ചി​രി​ക്കണം. (ഉല്‌പത്തി 2:16-23) നോഹ അദ്ദേഹ​ത്തി​ന്റെ കുടും​ബ​ത്തി​നും പ്രളയ​ത്തി​നു മുമ്പത്തെ ലോക​ത്തി​നും വേണ്ടി​യുള്ള ദൈവ​ത്തി​ന്റെ പ്രവാ​ച​ക​നാ​യി​രു​ന്നു. (ഉല്‌പത്തി 6:13; 2 പത്രോസ്‌ 2:5) അബ്രഹാം അദ്ദേഹ​ത്തി​ന്റെ കുടും​ബ​ത്തി​നു​വേ​ണ്ടി​യുള്ള ദൈവ​ത്തി​ന്റെ വക്താവാ​യി​രു​ന്നു. (ഉല്‌പത്തി 18:19) ഇസ്രയേൽ ജനതക്കു​വേ​ണ്ടി​യുള്ള ദൈവ​ത്തി​ന്റെ പ്രവാ​ച​ക​നും ആശയവി​നി​മയ സരണി​യും മോശ​യാ​യി​രു​ന്നു. (പുറപ്പാട്‌ 3:15, 16; 19:3, 7) അദ്ദേഹ​ത്തി​നു​ശേഷം തന്റെ ജനത്തോ​ടു തന്റെ ഇഷ്ടം അറിയി​ക്കാൻ ദൈവം യോഹ​ന്നാൻസ്‌നാ​പ​കൻവരെ അനേകം പ്രവാ​ച​കൻമാ​രെ​യും പുരോ​ഹി​തൻമാ​രെ​യും രാജാ​ക്കൻമാ​രെ​യും ഉപയോ​ഗി​ച്ചു.

7, 8. (എ) മിശി​ഹാ​യു​ടെ വരവോ​ടെ, ആർ ദൈവ​ത്തി​ന്റെ വക്താവാ​യി ഉപയോ​ഗി​ക്ക​പ്പെ​ട്ടി​രി​ക്കു​ന്നു? (ബി) ഭക്തിപൂർവ​ക​മായ കീഴ്‌പ്പെടൽ യഹോ​വ​യു​ടെ സാക്ഷി​ക​ളിൽനിന്ന്‌ ഇന്ന്‌ എന്താവ​ശ്യ​പ്പെ​ടു​ന്നു?

⁷ മിശി​ഹാ​യായ യേശു​ക്രി​സ്‌തു​വി​ന്റെ വരവോ​ടെ ദൈവം അദ്ദേഹ​ത്തെ​യും അദ്ദേഹ​ത്തി​ന്റെ അടുത്ത സഹകാ​രി​ക​ളായ അപ്പോ​സ്‌ത​ലൻമാ​രെ​യും ശിഷ്യൻമാ​രെ​യും തന്റെ വക്താക്ക​ളാ​യി സേവി​ക്കാൻ ഉപയോ​ഗി​ച്ചു. പിന്നീട്‌, തങ്ങളുടെ ജീവി​ത​ത്തിൽ ബൈബിൾത​ത്ത്വ​ങ്ങൾ എങ്ങനെ ബാധക​മാ​ക്കാ​മെന്നു യഹോ​വ​യു​ടെ ജനത്തെ അറിയി​ക്കു​ന്ന​തി​നു യേശു​ക്രി​സ്‌തു​വി​ന്റെ അഭിഷിക്ത വിശ്വ​സ്‌താ​നു​ഗാ​മി​കൾ ഒരു “വിശ്വ​സ്‌ത​നും വിവേ​കി​യു​മായ അടിമ”യായി സേവി​ക്ക​ണ​മാ​യി​രു​ന്നു. ഭക്തിപൂർവ​ക​മായ കീഴ്‌പ്പെ​ട​ലി​ന്റെ അർത്ഥം യഹോ​വ​യാം ദൈവം ഉപയോ​ഗി​ച്ചു​കൊ​ണ്ടി​രി​ക്കുന്ന ഉപകര​ണത്തെ അംഗീ​ക​രി​ക്കു​ക​യെ​ന്നാണ്‌.—മത്തായി 24:45-47, NW; എഫേസ്യർ 4:11-14.

⁸ ഇന്നു “വിശ്വ​സ്‌ത​നും വിവേ​കി​യു​മായ അടിമ” യഹോ​വ​യു​ടെ സാക്ഷി​ക​ളോ​ടു ബന്ധപ്പെ​ട്ടി​രി​ക്കു​ന്നു​വെ​ന്നും ഈ സാക്ഷി​ക​ളു​ടെ ഭരണസം​ഘ​ത്താൽ പ്രതി​നി​ധാ​നം​ചെ​യ്യ​പ്പെ​ടു​ന്നു​വെ​ന്നും വസ്‌തു​തകൾ പ്രകട​മാ​ക്കു​ന്നു. പ്രാ​ദേ​ശി​ക​ത​ല​ത്തിൽ വേലയെ നയിക്കു​ന്ന​തിന്‌, ആ സംഘം, ക്രമത്തിൽ, മൂപ്പൻമാ​രും സഞ്ചാര​പ്ര​തി​നി​ധി​ക​ളും പോ​ലെ​യുള്ള വിവി​ധ​സ്ഥാ​ന​ങ്ങ​ളിൽ മേൽവി​ചാ​ര​കൻമാ​രെ നിയമി​ക്കു​ന്നു. ഭക്തിപൂർവ​ക​മായ കീഴ്‌പ്പെടൽ എബ്രായർ 13:17-നു ചേർച്ച​യിൽ ഓരോ സമർപ്പി​ത​സാ​ക്ഷി​യും ഈ മേൽവി​ചാ​ര​കൻമാർക്കു കീഴ്‌പ്പെ​ട്ടി​രി​ക്കേ​ണ്ട​താ​വ​ശ്യ​മാ​ക്കു​ന്നു: “നിങ്ങളെ നടത്തു​ന്ന​വരെ അനുസ​രി​ച്ചു കീഴട​ങ്ങി​യി​രി​പ്പിൻ; അവർ കണക്കു​ബോ​ധി​പ്പി​ക്കേ​ണ്ടു​ന്ന​വ​രാ​ക​യാൽ നിങ്ങളു​ടെ ആത്മാക്കൾക്കു​വേണ്ടി ജാഗരി​ച്ചി​രി​ക്കു​ന്നു; ഇതു അവർ ഞരങ്ങി​ക്കൊ​ണ്ടല്ല സന്തോ​ഷ​ത്തോ​ടെ ചെയ്‌വാൻ ഇടവരു​ത്തു​വിൻ; അല്ലാഞ്ഞാൽ നിങ്ങൾക്കു നന്നല്ല.”

ശിക്ഷണം സ്വീക​രി​ക്കൽ

9. ഭക്തിപൂർവ​ക​മായ കീഴ്‌പ്പെ​ട​ലിൽ മിക്ക​പ്പോ​ഴും എന്താണുൾപ്പെ​ട്ടി​രി​ക്കു​ന്നത്‌?

⁹ ഭക്തിപൂർവ​ക​മായ കീഴ്‌പ്പെടൽ മിക്ക​പ്പോ​ഴും മേൽവി​ചാ​ര​കൻമാ​രാ​യി സേവി​ക്കു​ന്ന​വ​രിൽനി​ന്നു ശിക്ഷണം സ്വീക​രി​ക്കു​ന്ന​തി​ന്റെ ഒരു സംഗതി​യാണ്‌. നാം നമുക്കു​തന്നെ ആവശ്യ​മാ​യി​രി​ക്കുന്ന ശിക്ഷണം എല്ലായ്‌പ്പോ​ഴും കൊടു​ക്കു​ന്നി​ല്ലെ​ങ്കിൽ, നമ്മുടെ സഭാമൂ​പ്പൻമാ​രെ​പ്പോ​ലെ അനുഭ​വ​ജ്ഞാ​ന​വും അധികാ​ര​വു​മു​ള്ളവർ നമുക്കു ബുദ്ധി​യു​പ​ദേ​ശ​വും ശിക്ഷണ​വും നൽകേ​ണ്ട​യാ​വ​ശ്യ​മു​ണ്ടാ​യി​രി​ക്കാം. അങ്ങനെ​യുള്ള ശിക്ഷണം സ്വീക​രി​ക്കു​ന്നതു ജ്ഞാനമാർഗ്ഗ​മാണ്‌.—സദൃശ​വാ​ക്യ​ങ്ങൾ 12:15; 19:20.

10. ശിക്ഷണം കൊടു​ക്കു​ന്ന​വർക്ക്‌ എന്തു കടപ്പാ​ടുണ്ട്‌?

¹⁰ പ്രസ്‌പ​ഷ്ട​മാ​യി, ശിക്ഷണം കൊടു​ക്കുന്ന മൂപ്പൻമാർതന്നെ ഭക്തിപൂർവ​ക​മായ കീഴ്‌പ്പെ​ട​ലിൽ മാതൃ​ക​യാ​യി​രി​ക്കണം. എങ്ങനെ? ഗലാത്യർ 6:1 അനുസ​രിച്ച്‌, ബുദ്ധ്യു​പ​ദേശം കൊടു​ക്കു​ന്ന​തി​നുള്ള നല്ല രീതി അവർക്കു​ണ്ടാ​യി​രി​ക്ക​ണ​മെന്നു മാത്രമല്ല അവർ മാതൃ​കാ​യോ​ഗ്യ​രു​മാ​യി​രി​ക്കണം: “സഹോ​ദ​രൻമാ​രേ, ഒരു മനുഷ്യൻ വല്ല തെററി​ലും അകപ്പെ​ട്ടു​പോ​യെ​ങ്കിൽ ആത്മിക​രായ നിങ്ങൾ അങ്ങനെ​യു​ള്ള​വനെ സൌമ്യ​ത​യു​ടെ ആത്മാവിൽ യഥാസ്ഥാ​ന​പ്പെ​ടു​ത്തു​വിൻ; നീയും പരീക്ഷ​യിൽ അകപ്പെ​ടാ​തി​രി​പ്പാൻ സൂക്ഷി​ച്ചു​കൊൾക.” മററു​വാ​ക്കു​ക​ളിൽ പറഞ്ഞാൽ, മൂപ്പന്റെ ബുദ്ധ്യു​പ​ദേശം അദ്ദേഹ​ത്തി​ന്റെ മാതൃ​ക​ക്കൊ​ത്ത​വ​ണ്ണ​മാ​യി​രി​ക്കണം. അത്‌ 2 തിമൊ​ഥെ​യൊസ്‌ 2:24, 25-ലും തീത്തൊസ്‌1:9-ലും നൽകി​യി​രി​ക്കുന്ന ബുദ്ധ്യു​പ​ദേ​ശ​ത്തി​നു ചേർച്ച​യി​ലാണ്‌. അതെ, ശാസന​യോ തിരു​ത്ത​ലോ കൊടു​ക്കു​ന്നവർ ഒരിക്ക​ലും പരുഷ​രാ​കാ​തി​രി​ക്കാൻ വളരെ ശ്രദ്ധി​ക്കണം. അവർ എല്ലായ്‌പ്പോ​ഴും സൗമ്യ​രും ദയയു​ള്ള​വ​രും, അതേസ​മയം ദൈവ​വ​ച​ന​ത്തി​ലെ തത്ത്വങ്ങളെ ഉയർത്തി​പ്പി​ടി​ക്കു​ന്ന​തിൽ ദൃഢത​യു​ള്ള​വ​രു​മാ​യി​രി​ക്കണം. അവർ നിഷ്‌പ​ക്ഷ​മാ​യി ശ്രദ്ധി​ക്കു​ന്ന​വ​രാ​യി​രി​ക്കണം, അദ്ധ്വാ​നി​ക്കു​ന്ന​വർക്കും ഭാരം ചുമക്കു​ന്ന​വർക്കും നവോൻമേ​ഷ​പ്ര​ദ​രും ആയിരി​ക്കണം.—മത്തായി 11:28-30 താരത​മ്യ​പ്പെ​ടു​ത്തുക.

ശ്രേഷ്‌ഠാ​ധി​കാ​ര​ങ്ങ​ളോ​ടുള്ള കീഴ്‌പ്പെ​ടൽ

11. ലൗകി​കാ​ധി​കാ​ര​ങ്ങ​ളു​മാ​യുള്ള ക്രിസ്‌ത്യാ​നി​ക​ളു​ടെ ബന്ധങ്ങൾസം​ബ​ന്ധിച്ച്‌ അവരിൽനിന്ന്‌ എന്താവ​ശ്യ​പ്പെ​ട്ടി​രി​ക്കു​ന്നു?

¹¹ ഭക്തിപൂർവ​ക​മായ കീഴ്‌പ്പെടൽ ലൗകി​കാ​ധി​കാ​ര​ങ്ങളെ അനുസ​രി​ക്കാ​നും നമ്മോ​ടാ​വ​ശ്യ​പ്പെ​ടു​ന്നു. റോമർ 13:1-ൽ നമ്മെ ഇങ്ങനെ ബുദ്ധ്യു​പ​ദേ​ശി​ച്ചി​രി​ക്കു​ന്നു: “ഏതു മനുഷ്യ​നും ശ്രേഷ്‌ഠാ​ധി​കാ​ര​ങ്ങൾക്കു കീഴട​ങ്ങട്ടെ. ദൈവ​ത്താ​ല​ല്ലാ​തെ ഒരധി​കാ​ര​വു​മി​ല്ല​ല്ലോ. ഉള്ള അധികാ​ര​ങ്ങ​ളോ ദൈവ​ത്താൽ നിയമി​ക്ക​പ്പെ​ട്ടി​രി​ക്കു​ന്നു.” ഈ വാക്കുകൾ, മററു​ള്ള​വ​യു​ടെ കൂട്ടത്തിൽ, ഗതാഗ​ത​നി​യ​മങ്ങൾ അനുസ​രി​ക്ക​ണ​മെ​ന്നും, റോമർ 13:7-ൽ അപ്പൊ​സ്‌ത​ല​നായ പൗലോസ്‌ സൂചി​പ്പി​ക്കു​ന്ന​തു​പോ​ലെ, നികു​തി​ക​ളും കപ്പങ്ങളും കൊടു​ക്കു​ന്ന​തിൽ മനഃസാ​ക്ഷി​ബോ​ധ​മു​ള്ള​വ​രാ​യി​രി​ക്ക​ണ​മെ​ന്നും നമ്മോ​ടാ​വ​ശ്യ​പ്പെ​ടു​ന്നു.

12. കൈസ​റോ​ടുള്ള നമ്മുടെ കീഴ്‌പ്പെടൽ ഏതർത്ഥ​ത്തിൽ ആപേക്ഷി​ക​മാ​യി​രി​ക്കു​ന്നു?

¹² എന്നിരു​ന്നാ​ലും, കൈസർക്കുള്ള അത്തരം സകല കീഴ്‌പ്പെ​ട​ലു​ക​ളും ആപേക്ഷി​ക​മാ​യി​രി​ക്ക​ണ​മെന്നു വ്യക്തമാണ്‌. മത്തായി 22:21-ൽ രേഖ​പ്പെ​ടു​ത്തി​യി​രി​ക്കുന്ന, യേശു​ക്രി​സ്‌തു പ്രസ്‌താ​വിച്ച തത്ത്വം നാം എല്ലായ്‌പ്പോ​ഴും ഓർത്തി​രി​ക്കണം: “എന്നാൽ കൈസർക്കു​ള്ളതു കൈസർക്കും ദൈവ​ത്തി​ന്നു​ള്ളതു ദൈവ​ത്തി​ന്നും കൊടു​പ്പിൻ.” ഓക്‌സ്‌ഫോർഡ്‌ നിവ്‌ [പുതിയ അന്താരാ​ഷ്‌ട്ര പരിഭാഷ] സ്‌കോ​ഫീൽഡ്‌ സ്‌ററഡി ബൈബിൾ റോമർ 13:1-നു കൊടു​ത്തി​രി​ക്കുന്ന ഒരു അടിക്കു​റിപ്പ്‌ ഇങ്ങനെ പ്രസ്‌താ​വി​ക്കു​ന്നു: “അയാൾ അധാർമ്മി​ക​മോ ക്രിസ്‌തീ​യ​വി​രു​ദ്ധ​മോ ആയ നിബന്ധ​നകൾ അനുസ​രി​ക്കേ​ണ്ട​താ​ണെന്ന്‌ ഇതിനർത്ഥ​മില്ല. അങ്ങനെ​യുള്ള കേസു​ക​ളിൽ, മനുഷ്യ​രെ​ക്കാ​ളു​പരി ദൈവത്തെ അനുസ​രി​ക്കു​ക​യെ​ന്നത്‌ അയാളു​ടെ കർത്തവ്യ​മാണ്‌ (പ്രവൃ​ത്തി​കൾ 5:29; cp. ദാനി. 3:16-18; 6:10ff).”

കുടും​ബ​വൃ​ത്ത​ത്തി​നു​ള്ളിൽ ഭക്തിപൂർവ​ക​മായ കീഴ്‌പ്പെ​ടൽ

13. കുടും​ബ​വൃ​ത്ത​ത്തി​നു​ള്ളി​ലെ ഭക്തിപൂർവ​ക​മായ കീഴ്‌പ്പെടൽ അതിലെ അംഗങ്ങ​ളിൽനിന്ന്‌ എന്താവ​ശ്യ​പ്പെ​ടു​ന്നു?

¹³ കുടും​ബ​വൃ​ത്ത​ത്തി​നു​ള്ളിൽ ഭർത്താ​വും പിതാ​വു​മാ​യവൻ തലവനാ​യി സേവി​ക്കു​ന്നു. ഇതു ഭാര്യ എഫെസ്യർ 5:22, 23-ൽ നൽക​പ്പെ​ട്ടി​രി​ക്കുന്ന ബുദ്ധ്യു​പ​ദേശം അനുസ​രി​ക്കേ​ണ്ടത്‌ ആവശ്യ​മാ​ക്കി​ത്തീർക്കു​ന്നു: “ഭാര്യ​മാ​രേ, കർത്താ​വി​ന്നു എന്നപോ​ലെ സ്വന്ത ഭർത്താ​ക്കൻമാർക്കു കീഴട​ങ്ങു​വിൻ. ക്രിസ്‌തു ശരീര​ത്തി​ന്റെ രക്ഷിതാ​വാ​യി സഭെക്കു തലയാ​കു​ന്ന​തു​പോ​ലെ ഭർത്താവു ഭാര്യക്കു തലയാ​കു​ന്നു.”a കുട്ടി​ക​ളെ​സം​ബ​ന്ധി​ച്ചാ​ണെ​ങ്കിൽ, അവർ സ്വന്തം നിയമങ്ങൾ ഉണ്ടാക്കാ​തെ പിതാ​വി​നോ​ടും മാതാ​വി​നോ​ടു​മുള്ള ഭക്തിപൂർവ​ക​മായ കീഴ്‌പ്പെ​ട​ലി​നു കടപ്പെ​ട്ടി​രി​ക്കു​ന്നു, എഫെസ്യർ 6:1-3-ൽ പൗലോസ്‌ വിശദീ​ക​രി​ക്കു​ന്ന​തു​പോ​ലെ, “മക്കളേ, നിങ്ങളു​ടെ അമ്മയപ്പൻമാ​രെ കർത്താ​വിൽ അനുസ​രി​പ്പിൻ; അതു ന്യായ​മ​ല്ലോ. “നിനക്കു നൻമ ഉണ്ടാകു​വാ​നും നീ ഭൂമി​യിൽ ദീർഘാ​യു​സ്സോ​ടി​രി​പ്പാ​നും നിന്റെ അപ്പനെ​യും അമ്മയെ​യും ബഹുമാ​നിക്ക” എന്നതു വാഗ്‌ദ​ത്ത​ത്തോ​ടു​കൂ​ടിയ ആദ്യക​ല്‌പ​ന​യാ​കു​ന്നു.”

14. ഭക്തിപൂർവ​ക​മായ കീഴ്‌പ്പെടൽ കുടും​ബ​ത്ത​ല​വൻമാ​രിൽനിന്ന്‌ എന്താവ​ശ്യ​പ്പെ​ടു​ന്നു?

¹⁴ തീർച്ച​യാ​യും, ഭർത്താ​ക്കൻമാ​രും പിതാ​ക്കൻമാ​രും​തന്നെ ഭക്തിപൂർവ​ക​മായ കീഴ്‌പ്പെടൽ പ്രകട​മാ​ക്കു​മ്പോൾ അതു ഭാര്യ​മാർക്കും മക്കൾക്കും അങ്ങനെ​യുള്ള ഭക്തിപൂർവ​ക​മായ കീഴ്‌പ്പെടൽ കാണി​ക്കു​ന്നതു കൂടുതൽ എളുപ്പ​മാ​ക്കി​ത്തീർക്കു​ന്നു. അവർ എഫെസ്യർ 5:28, 29-ലും 6:4-ലും കാണ​പ്പെ​ടു​ന്ന​വ​പോ​ലുള്ള ബൈബിൾത​ത്ത്വ​ങ്ങൾക്കു ചേർച്ച​യാ​യി ശിരഃ​സ്ഥാ​നം പ്രയോ​ഗി​ച്ചു​കൊണ്ട്‌ ഇതു ചെയ്യുന്നു: “അവ്വണ്ണം ഭർത്താ​ക്കൻമാ​രും തങ്ങളുടെ ഭാര്യ​മാ​രെ സ്വന്ത ശരീര​ങ്ങ​ളെ​പ്പോ​ലെ സ്‌നേ​ഹി​ക്കേ​ണ്ട​താ​കു​ന്നു. ഭാര്യയെ സ്‌നേ​ഹി​ക്കു​ന്നവൻ തന്നെത്താൻ സ്‌നേ​ഹി​ക്കു​ന്നു. ആരും തന്റെ ജഡത്തെ ഒരുനാ​ളും പകെച്ചി​ട്ടി​ല്ല​ല്ലോ. ക്രിസ്‌തു​വും സഭയെ ചെയ്യു​ന്ന​തു​പോ​ലെ അതിനെ പോററി പുലർത്തു​ക​യ​ത്രേ ചെയ്യു​ന്നതു.” “പിതാ​ക്കൻമാ​രേ, നിങ്ങളു​ടെ മക്കളെ കോപി​പ്പി​ക്കാ​തെ കർത്താ​വി​ന്റെ [യഹോവയുടെ, NW] ബാലശി​ക്ഷ​യി​ലും പത്ഥ്യോ​പ​ദേ​ശ​ത്തി​ലും പോറ​റി​വ​ളർത്തു​വിൻ.”

ഭക്തിപൂർവ​ക​മായ കീഴ്‌പ്പെടൽ പ്രകട​മാ​ക്കു​ന്ന​തിൽ സഹായം

15. ആത്മാവി​ന്റെ ഏതു ഫലം ഭക്തിപൂർവ​ക​മായ കീഴ്‌പ്പെടൽ പ്രകട​മാ​ക്കു​ന്ന​തി​നു നമ്മെ സഹായി​ക്കും?

¹⁵ ഈ വിവിധ മണ്ഡലങ്ങ​ളിൽ ഭക്തിപൂർവ​ക​മായ കീഴ്‌പ്പെടൽ പ്രകട​മാ​ക്കു​ന്ന​തി​നു നമ്മെ എന്തു സഹായി​ക്കും? ഒന്നാമ​താ​യി, നിസ്വാർത്ഥ​സ്‌നേ​ഹ​മുണ്ട്‌—യഹോ​വ​യാം ദൈവ​ത്തോ​ടും അവിടു​ന്നു നമ്മു​ടെ​മേൽ ആക്കി​വെ​ച്ചി​രി​ക്കു​ന്ന​വ​രോ​ടു​മുള്ള സ്‌നേഹം. “അവന്റെ കല്‌പ​ന​കളെ പ്രമാ​ണി​ക്കു​ന്ന​ത​ല്ലോ ദൈവ​ത്തോ​ടുള്ള സ്‌നേഹം; അവന്റെ കല്‌പ​നകൾ ഭാരമു​ള്ള​വയല്ല” എന്ന്‌ 1 യോഹ​ന്നാൻ 5:3-ൽ നമ്മോടു പറഞ്ഞി​രി​ക്കു​ന്നു. യേശു യോഹ​ന്നാൻ 14:15-ൽ അതേ ആശയം പ്രസ്‌താ​വി​ച്ചു: “നിങ്ങൾ എന്നെ സ്‌നേ​ഹി​ക്കു​ന്നു എങ്കിൽ എന്റെ കല്‌പ​ന​കളെ കാത്തു​കൊ​ള്ളും.” സത്യമാ​യി, സ്‌നേഹം—ആത്മാവി​ന്റെ അതി​പ്ര​ധാ​ന​മായ ഫലം—യഹോവ നമുക്കു​വേണ്ടി ചെയ്‌തി​രി​ക്കു​ന്ന​തി​നെ​യെ​ല്ലാം വിലമ​തി​ക്കാ​നും അങ്ങനെ ഭക്തിപൂർവ​ക​മായ കീഴ്‌പ്പെടൽ പ്രകട​മാ​ക്കാ​നും നമ്മെ സഹായി​ക്കും.—ഗലാത്യർ 5:22.

16. ഭക്തിപൂർവ​ക​മായ കീഴ്‌പ്പെടൽ പ്രകട​മാ​ക്കു​ന്ന​തി​നു ഭക്തിപൂർവ​ക​മായ ഭയം എന്തു സഹായം നൽകും?

¹⁶ രണ്ടാമ​താ​യി, ഭക്തിപൂർവ​ക​മായ ഭയമുണ്ട്‌. യഹോ​വ​യാം ദൈവത്തെ അപ്രീ​തി​പ്പെ​ടു​ത്തു​ന്ന​തി​ലുള്ള ഭയം നമ്മെ സഹായി​ക്കും, എന്തു​കൊ​ണ്ടെ​ന്നാൽ അതിന്റെ അർത്ഥം “ദോഷത്തെ വെറുക്കു”ന്നുവെ​ന്നാണ്‌. (സദൃശ​വാ​ക്യ​ങ്ങൾ 8:13) നിസ്സം​ശ​യ​മാ​യി, യഹോ​വയെ അപ്രീ​തി​പ്പെ​ടു​ത്തു​ന്ന​തി​ലുള്ള ഭയം മനുഷ്യ​ഭയം നിമിത്തം വിട്ടു​വീഴ്‌ച ചെയ്യു​ന്ന​തിൽനി​ന്നു നമ്മെ തടയും. ഏതു പ്രയാ​സ​ങ്ങളെ തരണം​ചെ​യ്യേ​ണ്ട​തു​ണ്ടെ​ങ്കി​ലും ദൈവ​ത്തി​ന്റെ നിർദ്ദേ​ശങ്ങൾ അനുസ​രി​ക്കു​ന്ന​തി​നും അതു നമ്മെ സഹായി​ക്കും. കൂടാതെ, ദുഷ്‌പ്ര​വൃ​ത്തി​ക്കുള്ള പ്രലോ​ഭ​ന​ങ്ങൾക്ക്‌ അല്ലെങ്കിൽ ചായ്‌വു​കൾക്കു വഴങ്ങു​ന്ന​തിൽനി​ന്നു നമ്മെ അതു തടയും. തന്റെ പ്രിയ​പു​ത്ര​നായ ഇസ്‌ഹാ​ക്കി​നെ ബലിയർപ്പി​ക്കാൻ മുതി​രു​ന്ന​തിന്‌ അബ്രഹാ​മി​നെ പ്രാപ്‌ത​നാ​ക്കി​യതു യഹോ​വാ​ഭ​യ​മാ​യി​രു​ന്നു​വെന്നു തിരു​വെ​ഴു​ത്തു​കൾ പ്രകട​മാ​ക്കു​ന്നു. പോത്തീ​ഫ​റി​ന്റെ ഭാര്യ​യു​ടെ അധാർമ്മി​ക​മു​ന്നേ​റ​റ​ങ്ങളെ വിജയ​ക​ര​മാ​യി ചെറു​ത്തു​നിൽക്കാൻ യോ​സേ​ഫി​നെ പ്രാപ്‌ത​നാ​ക്കി​യതു യഹോ​വാ​ഭ​യ​മാ​യി​രു​ന്നു.—ഉല്‌പത്തി 22:12; 39:9.

17. നാം ഭക്തിപൂർവ​ക​മായ കീഴ്‌പ്പെടൽ പ്രകട​മാ​ക്കു​ന്ന​തിൽ വിശ്വാ​സം വഹിക്കുന്ന പങ്കെന്ത്‌?

¹⁷ മൂന്നാ​മത്തെ സഹായം യഹോ​വ​യാം ദൈവ​ത്തി​ലുള്ള വിശ്വാ​സ​മാണ്‌. സദൃശ​വാ​ക്യ​ങ്ങൾ 3:5, 6 നൽകി​യി​രി​ക്കുന്ന ബുദ്ധ്യു​പ​ദേശം അനുസ​രി​ക്കു​ന്ന​തി​നു വിശ്വാ​സം നമ്മെ പ്രാപ്‌ത​രാ​ക്കും: “പൂർണ്ണ​ഹൃ​ദ​യ​ത്തോ​ടെ യഹോ​വ​യിൽ ആശ്രയിക്ക; സ്വന്ത വിവേ​ക​ത്തിൽ ഊന്നരു​തു. നിന്റെ എല്ലാ വഴിക​ളി​ലും അവനെ നിനെ​ച്ചു​കൊൾക; അവൻ നിന്റെ പാതകളെ നേരെ​യാ​ക്കും.” നാം അന്യാ​യ​മാ​യി കഷ്ടപ്പെ​ടു​ന്ന​താ​യി അല്ലെങ്കിൽ നമ്മുടെ വർഗ്ഗമോ ദേശീ​യ​ത്വ​മോ നിമി​ത്ത​മോ ഏതെങ്കി​ലും വ്യക്തി​ത്വ​ഭി​ന്ന​ത​നി​മി​ത്ത​മോ വിവേ​ചനം കാട്ട​പ്പെ​ടു​ന്ന​താ​യി തോന്നു​മ്പോൾ വിശ്വാ​സം വിശേ​ഷാൽ നമ്മെ സഹായി​ക്കും. ഒരു മൂപ്പനാ​യോ ശുശ്രൂ​ഷാ​ദാ​സ​നാ​യോ സേവി​ക്കാൻ ശുപാർശ​ചെ​യ്യാ​ത്ത​പ്പോൾ തങ്ങളെ തെററാ​യി അവഗണി​ച്ച​താ​ണെ​ന്നും ചിലർ വിചാ​രി​ച്ചേ​ക്കാം. നമുക്കു വിശ്വാ​സ​മു​ണ്ടെ​ങ്കിൽ, തന്റെ തക്ക സമയത്തു കാര്യങ്ങൾ നേരെ​യാ​ക്കാൻ യഹോ​വ​ക്കാ​യി നാം കാത്തി​രി​ക്കും. ഇതിനി​ട​യിൽ നാം ക്ഷമാപൂർവ​ക​മായ സഹിഷ്‌ണുത നട്ടുവ​ളർത്തേ​ണ്ട​തു​ണ്ടാ​യി​രി​ക്കാം.—വിലാ​പങ്ങൾ 3:26.

18. ഭക്തിപൂർവ​ക​മായ കീഴ്‌പ്പെടൽ പ്രകട​മാ​ക്കു​ന്ന​തി​നുള്ള നാലാ​മത്തെ സഹായ​മെ​ന്താണ്‌?

¹⁸ നാലാ​മത്തെ സഹായം താഴ്‌മ​യാണ്‌. താഴ്‌മ​യുള്ള ഒരാൾക്കു ഭക്തിപൂർവ​ക​മായ കീഴ്‌പ്പെടൽ പ്രകട​മാ​ക്കാൻ പ്രയാ​സ​മില്ല, എന്തു​കൊ​ണ്ടെ​ന്നാൽ ‘മനസ്സിന്റെ എളിമ​യോ​ടെ മററു​ള്ളവർ തന്നേക്കാൾ ശ്രേഷ്‌ഠ​രാ​ണെന്ന്‌ അയാൾ പരിഗ​ണി​ക്കു​ന്നു.’ താഴ്‌മ​യുള്ള ഒരാൾ “ഒരു ചെറി​യവൻ” ആയി വർത്തി​ക്കാൻ സന്നദ്ധനാണ്‌. (ഫിലി​പ്പി​യർ 2:2-4; ലൂക്കോസ്‌ 9:48, NW) എന്നാൽ അഹങ്കാ​രി​യായ വ്യക്തി കീഴ്‌പ്പെ​ട്ടി​രി​ക്കു​ന്ന​തിൽ നീരസ​പ്പെ​ടു​ക​യും അതിൽ പ്രകോ​പി​ത​നാ​കു​ക​യും ചെയ്യുന്നു. അങ്ങനെ​യുള്ള ഒരാൾ വിമർശ​ന​ത്താൽ ദോഷം​ഭ​വി​ക്കാ​തെ സഹായി​ക്ക​പ്പെ​ടു​ന്ന​തി​ലു​പരി പ്രശം​സ​യാൽ വഷളാ​ക്ക​പ്പെ​ടു​മെന്നു പറയ​പ്പെ​ട്ടി​രി​ക്കു​ന്നു.

19. വാച്ച്‌ടവർ സൊ​സൈ​റ​റി​യു​ടെ ഒരു മുൻ പ്രസി​ഡണ്ട്‌ താഴ്‌മ​യു​ടെ എന്തു നല്ല മാതൃക വെച്ചു?

¹⁹ താഴ്‌മ​യു​ടെ​യും ഭക്തിപൂർവ​ക​മായ കീഴ്‌പ്പെ​ട​ലി​ന്റെ​യും നല്ല മാതൃക വാച്ച്‌ടവർ ബൈബിൾ ആൻഡ്‌ ട്രാക്ട്‌ സൊ​സൈ​റ​റി​യു​ടെ രണ്ടാമത്തെ പ്രസി​ഡൻറ്‌ വെക്കു​ക​യു​ണ്ടാ​യി. ഹിററ്‌ലർ ജർമ്മനി​യിൽ യഹോ​വ​യു​ടെ സാക്ഷി​ക​ളു​ടെ വേല നിരോ​ധി​ച്ച​പ്പോൾ തങ്ങളുടെ യോഗ​ങ്ങ​ളിൻമേ​ലും പ്രസം​ഗ​പ്ര​വർത്ത​ന​ത്തിൻമേ​ലു​മുള്ള നിരോ​ധ​ന​ത്തി​ന്റെ വീക്ഷണ​ത്തിൽ തങ്ങൾ എന്തു ചെയ്യണ​മെന്ന്‌ അവിടത്തെ സഹോ​ദ​രൻമാർ അദ്ദേഹ​ത്തോട്‌ എഴുതി ചോദി​ച്ചു. അദ്ദേഹം ഇതു ബെഥേൽ കുടും​ബ​ത്തോ​ടു പറയു​ക​യും ജർമ്മൻസ​ഹോ​ദ​ര​ങ്ങ​ളോ​ടു എന്തു പറയണ​മെന്നു തനിക്ക​റി​യി​ല്ലെന്നു തുറന്നു​സ​മ്മ​തി​ക്കു​ക​യും ചെയ്‌തു, വിശേ​ഷിച്ച്‌ ഉൾപ്പെ​ട്ടി​രുന്ന കഠിന​ശി​ക്ഷ​ക​ളു​ടെ വീക്ഷണ​ത്തിൽ. അവരോട്‌ എന്തു പറയണ​മെന്ന്‌ ആർക്കെ​ങ്കി​ലും അറിയാ​മെ​ങ്കിൽ അതു കേൾക്കാൻ തനിക്കു സന്തോ​ഷ​മാ​ണെന്ന്‌ അദ്ദേഹം പറഞ്ഞു. എന്തൊരു താഴ്‌മ​യുള്ള മനോ​ഭാ​വം!b

ഭക്തിപൂർവ​ക​മായ കീഴ്‌പ്പെടൽ പ്രകട​മാ​ക്കു​ന്ന​തി​ന്റെ പ്രയോ​ജ​ന​ങ്ങൾ

20. ഭക്തിപൂർവ​ക​മായ കീഴ്‌പ്പെടൽ പ്രകട​മാ​ക്കു​ന്ന​തിൽനിന്ന്‌ ഏതനു​ഗ്ര​ഹങ്ങൾ ലഭിക്കു​ന്നു?

²⁰ ഭക്തിപൂർവ​ക​മായ കീഴ്‌പ്പെടൽ പ്രകട​മാ​ക്കു​ന്ന​തി​ന്റെ പ്രയോ​ജ​നങ്ങൾ എന്താ​ണെന്ന്‌ ഉചിത​മാ​യി ചോദി​ക്ക​പ്പെ​ട്ടേ​ക്കാം. തീർച്ച​യാ​യും നിരവ​ധി​യാണ്‌. നാം, സ്വത​ന്ത്ര​മാ​യി പ്രവർത്തി​ക്കു​ന്ന​വ​രു​ടെ ഭാഗ​ധേ​യ​മായ ഉത്‌ക്ക​ണ്‌ഠ​ക​ളും നൈരാ​ശ്യ​ങ്ങ​ളും ഒഴിഞ്ഞു​പോ​കു​ന്നു. നാം യഹോ​വ​യാം ദൈവ​വു​മാ​യുള്ള നല്ല ബന്ധം ആസ്വദി​ക്കു​ന്നു. നമുക്കു നമ്മുടെ ക്രിസ്‌തീ​യ​സ​ഹോ​ദ​രൻമാ​രു​മാ​യുള്ള ഏററവും നല്ല സഹവാ​സ​മുണ്ട്‌. കൂടാതെ, നാം നിയമാ​നു​സൃ​തം പെരു​മാ​റു​ന്ന​തി​ന്റെ ഫലമായി ലൗകി​കാ​ധി​കാ​ര​ങ്ങ​ളു​മാ​യി അനാവ​ശ്യ​മാ​യി കുഴപ്പ​ത്തി​ലാ​കു​ന്ന​തൊ​ഴി​വാ​ക്കു​ന്നു. നാം ഭർത്താ​ക്കൻമാ​രും ഭാര്യ​മാ​രും എന്ന നിലയിൽ, മാതാ​പി​താ​ക്കൻമാ​രും മക്കളു​മെന്ന നിലയിൽ, സന്തുഷ്ട കുടും​ബ​ജീ​വി​ത​വും ആസ്വദി​ക്കു​ന്നു. മാത്ര​വു​മല്ല, ഭക്തിപൂർവ​ക​മായ കീഴ്‌പ്പെടൽ നിലനിർത്തു​ന്ന​തി​നാൽ നാം സദൃശ​വാ​ക്യ​ങ്ങൾ 27:11-ൽ നൽകി​യി​രി​ക്കുന്ന ബുദ്ധ്യു​പ​ദേ​ശ​ത്തിന്‌ അനു​യോ​ജ്യ​മാ​യി പ്രവർത്തി​ക്കു​ന്നു: “മകനേ, എന്നെ നിന്ദി​ക്കു​ന്ന​വ​നോ​ടു ഞാൻ ഉത്തരം പറയേ​ണ്ട​തി​ന്നു നീ ജ്ഞാനി​യാ​യി എന്റെ ഹൃദയത്തെ സന്തോ​ഷി​പ്പിക്ക.”

[അടിക്കു​റി​പ്പു​കൾ]

പുനരവലോകന ചോദ്യ​ങ്ങൾ

◻ ദൈവം ഏതു മനുഷ്യ​രെ ആശയവി​നി​മയ സരണി​യാ​യി ഉപയോ​ഗി​ച്ചി​ട്ടുണ്ട്‌, അവിടത്തെ ദാസൻമാർക്ക്‌ അവരോട്‌ എന്തു കടപ്പാ​ടു​ണ്ടാ​യി​രു​ന്നു?

◻ ഏതു വിവിധ ബന്ധങ്ങളിൽ ഭക്തിപൂർവ​ക​മായ കീഴ്‌പ്പെടൽ ബാധക​മാ​കു​ന്നു?

◻ ഭക്തിപൂർവ​ക​മായ കീഴ്‌പ്പെടൽ പ്രകട​മാ​ക്കു​ന്ന​തിന്‌ ഏതു ഗുണങ്ങൾ നമ്മെ സഹായി​ക്കും?

◻ ഭക്തിപൂർവ​ക​മായ കീഴ്‌പ്പെടൽ ഏതനു​ഗ്ര​ഹ​ങ്ങ​ളിൽ കലാശി​ക്കു​ന്നു?

[16-ാം പേജിലെ ചിത്രം]

ദൈവം തന്റെ ജനത്തെ തന്റെ ഇഷ്ടം അറിയി​ക്കു​ന്ന​തി​നു യെരൂ​ശ​ലേ​മി​ലെ ആലയസ്ഥാ​പ​നത്തെ ഉപയോ​ഗി​ച്ചു

[18-ാം പേജിലെ ചിത്രം]

നമുക്കു ഭക്തിപൂർവ​ക​മായ കീഴ്‌പ്പെടൽ പ്രകട​മാ​ക്കാൻ കഴിയുന്ന മണ്ഡലങ്ങൾ