യേശു​വി​ന്റെ ജീവി​ത​വും ശുശ്രൂ​ഷ​യും

കണ്ണുനീർ അത്യാ​ന​ന്ദ​മാ​യി മാറി

യായി​റോസ്‌ രക്തസ്രാ​വ​മു​ണ്ടാ​യി​രുന്ന സ്‌ത്രീക്ക്‌ സൗഖ്യം വന്നതു കാണു​മ്പോൾ നിസ്സം​ശ​യ​മാ​യി യേശു​വി​ന്റെ അത്‌ഭു​ത​ശ​ക്തി​ക​ളി​ലുള്ള അവന്റെ വിശ്വാ​സം വർദ്ധി​ക്കു​ന്നു. അന്ന്‌ നേര​ത്തെ​തന്നെ തന്റെ വീട്ടിൽ വന്ന്‌ തന്റെ പ്രിയ​പ്പെട്ട 12 വയസ്സു​കാ​രി മകളെ സഹായി​ക്കാൻ യായി​റോസ്‌ യേശു​വി​നോട്‌ അപേക്ഷി​ച്ചി​രു​ന്നു. അവൾ മരണാ​സ​ന്ന​യാ​യി കിടക്കു​ക​യാ​യി​രു​ന്നു. എന്നാൽ അവർ യായി​റോ​സി​ന്റെ വീട്ടി​ലേക്കു പോകവേ യേശു​വി​ന്റെ പുറങ്കു​പ്പാ​യ​ത്തി​ന്റെ തൊങ്ങ​ലിൽ കേവലം തൊട്ട ഒരു സ്‌ത്രീക്ക്‌ സൗഖ്യം കിട്ടുന്നു. യായി​റോ​സി​ന്റെ വീട്‌ കഫർന്ന​ഹൂ​മി​ലോ അതിന​ടു​ത്തോ ആണ്‌.

എന്നിരു​ന്നാ​ലും, ഇതിനി​ട​യിൽ, യായി​റോസ്‌ ഭയപ്പെ​ടു​ന്നത്‌ സംഭവി​ക്കു​ന്നു. യേശു ആ സ്‌ത്രീ​യോ​ടു സംസാ​രി​ച്ചു​കൊ​ണ്ടി​രി​ക്കു​മ്പോൾത്തന്നെ ചില പുരു​ഷൻമാർ വന്ന്‌ ശാന്തമാ​യി യായി​റോ​സി​നോ​ടു പറയുന്നു: “നിന്റെ മകൾ മരിച്ചു​പോ​യി! ഗുരു​വി​നെ ഇനി ശല്യ​പ്പെ​ടു​ത്തു​ന്ന​തെ​ന്തിന്‌?”

വാർത്ത എത്ര വിനാ​ശ​ക​ര​മാ​യി​രു​ന്നു! ചിന്തി​ക്കുക: ജനസമു​ദാ​യ​ത്തിൽ വലിയ ആദരവുള്ള ഈ മനുഷ്യൻ തന്റെ മകളുടെ മരണ​ത്തെ​ക്കു​റി​ച്ചു കേൾക്കു​മ്പോൾ തികച്ചും നിസ്സഹാ​യ​നാ​യി​ത്തീ​രു​ന്നു. എന്നിരു​ന്നാ​ലും, യേശു സംഭാ​ഷണം കേൾക്കു​ന്നു. അതു​കൊണ്ട്‌, യായി​റോ​സി​ലേക്കു തിരിഞ്ഞ്‌ അവൻ പ്രോൽസാ​ഹ​ജ​ന​ക​മാ​യി “ഭയപ്പെ​ടേണ്ട, വിശ്വാ​സം പ്രകട​മാ​ക്കുക മാത്രം ചെയ്യുക” എന്നു പറയുന്നു.

യേശു ദുഃഖാർത്ത​നായ മനുഷ്യ​നെ അയാളു​ടെ വീട്ടി​ലേക്ക്‌ അനുഗ​മി​ക്കു​ന്നു. അവർ വന്നെത്തു​മ്പോൾ അവർ കരച്ചി​ലി​ന്റെ​യും വിലാ​പ​ത്തി​ന്റെ​യും ഒരു വലിയ ബഹളം കേൾക്കു​ന്നു. ഒരു ജനക്കൂട്ടം തടിച്ചു​കൂ​ടി​യി​ട്ടുണ്ട്‌. അവർ ദുഃഖിച്ച്‌ അലമു​റ​യി​ടു​ക​യാണ്‌. യേശു അകത്തു​ക​ട​ക്കു​മ്പോൾ അവൻ ചോദി​ക്കു​ന്നു: “നിങ്ങൾ ഒച്ചപ്പാ​ടോ​ടു​കൂ​ടിയ ബഹളമു​ണ്ടാ​ക്കു​ന്ന​തെ​ന്തിന്‌? കുട്ടി മരിച്ചി​ട്ടില്ല, പിന്നെ​യോ ഉറങ്ങു​ക​യാണ്‌.”

ഇതു കേട്ട​പ്പോൾ ആളുകൾ യേശു​വി​നെ പുച്ഛി​ച്ചു​കൊണ്ട്‌ ചിരി​ക്കു​ന്നു, എന്തു​കൊ​ണ്ടെ​ന്നാൽ പെൺകു​ട്ടി യഥാർത്ഥ​ത്തിൽ മരിച്ചു​വെന്ന്‌ അവർക്ക​റി​യാം. എന്നിരു​ന്നാ​ലും, ഒരു അഗാധ​നി​ദ്ര​യിൽനിന്ന്‌ ആളുകളെ ഉണർത്താൻക​ഴി​യു​ന്ന​തു​പോ​ലെ​തന്നെ ദൈവ​ദ​ത്ത​മായ ശക്തിക​ളാൽ അനായാ​സം അവരെ മരണത്തിൽനിന്ന്‌ തിരികെ കൊണ്ടു​വ​രാൻ കഴിയു​മെന്ന്‌ പ്രകട​മാ​ക്കാൻ അവൾ ഉറങ്ങു​ക​മാ​ത്ര​മാ​ണെന്ന്‌ യേശു പറയുന്നു.

യേശു ഇപ്പോൾ പത്രോ​സി​നെ​യും യോഹ​ന്നാ​നെ​യും യാക്കോ​ബി​നെ​യും മരിച്ച പെൺകു​ട്ടി​യു​ടെ അമ്മയപ്പൻമാ​രെ​യും ഒഴിച്ച്‌ എല്ലാവ​രെ​യും പുറത്തി​റ​ക്കു​ന്നു. അനന്തരം അവൻ ഈ അഞ്ചു​പേരെ പെൺകു​ട്ടി കിടക്കു​ന്നി​ട​ത്തേക്ക്‌ തന്നോ​ടു​കൂ​ടെ കൊണ്ടു​പോ​കു​ന്നു. അവളുടെ കൈമേൽ പിടി​ച്ചു​കൊണ്ട്‌ യേശു പറയുന്നു: “തലീഥാ കൂമി,” വിവർത്ത​നം​ചെ​യ്യു​മ്പോൾ അതിന്റെ അർത്ഥം “ബാലേ, എഴു​ന്നേൽക്കൂ! എന്ന്‌ ഞാൻ നിന്നോ​ടു പറയുന്നു!” എന്നാണ്‌. പെട്ടെ​ന്നു​തന്നെ പെൺകു​ട്ടി എഴു​ന്നേ​ററ്‌ നടന്നു​തു​ട​ങ്ങു​ന്നു! ഈ കാഴ്‌ച അവളുടെ മാതാ​പി​താ​ക്കളെ അത്യാ​ന​ന്ദ​ത്താൽ ഏതാണ്ട്‌ ഉൻമത്ത​രാ​ക്കു​ന്നു.

കുട്ടിക്ക്‌ എന്തെങ്കി​ലും ഭക്ഷിക്കാൻ കൊടു​ക്കാൻ നിർദ്ദേ​ശിച്ച ശേഷം, സംഭവി​ച്ചത്‌ ആരോ​ടും പറയരു​തെന്ന്‌ യേശു യായി​റോ​സി​നോ​ടും അയാളു​ടെ ഭാര്യ​യോ​ടും ആജ്ഞാപി​ക്കു​ന്നു. എന്നാൽ യേശു പറഞ്ഞത്‌ ഗണ്യമാ​ക്കാ​തെ, അതി​നെ​ക്കു​റി​ച്ചുള്ള സംസാരം ആ പ്രദേ​ശ​ത്തെ​ല്ലാം വ്യാപി​ക്കു​ന്നു. ഇത്‌ യേശു നടത്തുന്ന രണ്ടാമത്തെ പുനരു​ത്ഥാ​ന​മാണ്‌. മത്തായി 9:18-26; മർക്കോസ്‌ 5:35-43; ലൂക്കോസ്‌ 8:41-56.

◆ യായി​റോ​സിന്‌ എന്ത്‌ വാർത്ത ലഭിക്കു​ന്നു, യേശു അയാളെ എങ്ങനെ പ്രോൽസാ​ഹി​പ്പി​ക്കു​ന്നു?

◆ അവർ യായി​റോ​സി​ന്റെ ഭവനത്തിൽ എത്തു​മ്പോ​ഴത്തെ സാഹച​ര്യ​മെ​ന്താണ്‌?

◆ മരിച്ച കുട്ടി ഉറങ്ങു​ക​മാ​ത്ര​മാ​ണെന്ന്‌ യേശു പറയു​ന്ന​തെ​ന്തു​കൊ​ണ്ടാണ്‌?

◆ പുനരു​ത്ഥാ​ന​ത്തി​നു സാക്ഷ്യം​വ​ഹി​ക്കാൻ യേശു​വി​നോ​ടു​കൂ​ടെ ഉണ്ടായി​രുന്ന അഞ്ചുപേർ ആരാണ്‌? (w87 6⁄15)