നിങ്ങളു​ടെ ഭാവി—അതി​നെ​ക്കു​റിച്ച്‌ ഗ്രഹി​ക്കാ​നുള്ള ഒരു മെച്ചമായ വിധം

“മകരരാ​ശി​യി​ലെ എട്ടു ഗ്രഹങ്ങ​ളു​ടെ അപൂർവ്വ സംയോ​ഗം നിമിത്തം” ലോക​വ്യാ​പ​ക​മായ ഒരു വിപത്തു​ണ്ടാ​വു​മെന്ന്‌ 1962-ൽ ഇൻഡ്യൻ ജ്യോൽസ്യൻമാർ മുൻകൂ​ട്ടി​പ്പ​റഞ്ഞു. പക്ഷെ, അതു നിമിത്തം ഒന്നും സംഭവി​ച്ചില്ല. ഏറെ അടുത്ത കാലത്ത്‌, അതായത്‌ 1980 അവസാ​ന​ത്തി​ങ്കൽ ഫ്രാൻസി​ന്റെ പ്രസി​ഡൻറായ ഗിസ്‌ക്കാർഡ്‌ ഡി എററാംഗ്‌ ഒരു രണ്ടാം പ്രാവ​ശ്യ​ത്തേ​ക്കു​കൂ​ടെ വീണ്ടും തെര​ഞ്ഞെ​ടു​ക്ക​പ്പെ​ടും എന്ന്‌ മിക്ക ഫ്രഞ്ച്‌ ജ്യോൽസ്യൻമാ​രും അഭി​പ്രാ​യ​പ്പെട്ടു. പക്ഷേ തെര​ഞ്ഞെ​ടു​പ്പിൽ വിജയി​ച്ചത്‌ അദ്ദേഹ​ത്തി​ന്റെ എതിരാ​ളി ആയിരുന്ന ഫ്രാൻസോ​യിസ്‌ മിററ​റാൻറാ​യി​രു​ന്നു. ഭാവി​യെ​പ്പ​ററി ഗ്രഹി​ക്കാൻ യാതൊ​രു സുനി​ശ്ചി​ത​മായ മാർഗ്ഗ​വും ജ്യോ​തി​ഷം പ്രദാനം ചെയ്യു​ന്നില്ല എന്ന്‌ ഇതു​പോ​ലുള്ള പരാജ​യങ്ങൾ നമ്മെ അനുസ്‌മ​രി​പ്പി​ക്കു​ന്നു.

ആ സ്ഥിതിക്ക്‌ മറേറ​തെ​ങ്കി​ലും മാർഗ്ഗം ഉണ്ടോ? ദൃഷ്ടാ​ന്ത​ത്തിന്‌ ഭാവി മുൻകൂ​ട്ടി​പ്പ​റ​യാ​നുള്ള ശാസ്‌ത്ര​ജ്ഞൻമാ​രു​ടെ ശ്രമങ്ങൾ നിങ്ങളെ സഹായി​ക്കു​മോ? കൊള്ളാം, 1980-ൽ എന്തുസം​ഭ​വി​ക്കാൻ പോകു​ന്നു എന്നത്‌ സംബന്ധിച്ച്‌ 1970 മാ​ഗ്രോ​ഹിൽ ഇൻസ്‌റ​റി​റ​റ്യൂട്ട്‌ (ഐക്യ​നാ​ടു​കൾ) നടത്തിയ പ്രവചനം ഇതാ: “കാൻസ​റി​നെ കീഴട​ക്കുന്ന മരുന്നു​കൾ, ചൊവ്വ​യി​ലേ​ക്കും ശുക്ര​നി​ലേ​ക്കും മനുഷ്യ​രെ​ക്ക​യ​റ​റി​യുള്ള ശൂന്യാ​കാ​ശ​യാ​ത്രകൾ, വിദ്യു​ച്ഛ​ക്തി​കൊ​ണ്ടോ​ടുന്ന കാറുകൾ, സർവ്വസാ​ധാ​ര​ണ​മായ ഭവന കംപ്യൂ​ട്ട​റു​കൾ, നിങ്ങളു​ടെ ശിശു​വി​ന്റെ ലിംഗം തെര​ഞ്ഞെ​ടു​ക്കാ​നുള്ള സാദ്ധ്യത, ത്രിമാന ടെലി​വി​ഷ​നും സിനി​മ​യും.”

അങ്ങ്‌ 1970-ൽ ഈ ഇൻസ്‌റ​റി​റ​റ്യൂ​ട്ടി​ലെ ശാസ്‌ത്ര​ജ്ഞൻമാർ പിൻവ​രുന്ന പ്രകാരം പ്രസ്‌താ​വി​ച്ചു: “ഈ സമ്പ്രദാ​യ​പ്ര​കാ​ര​മുള്ള [പ്രവചി​ക്കൽ] ഒരു സംഘം വിദഗ്‌ദ്ധ​രു​ടെ ഏകകണ്‌ഠ​മായ അഭി​പ്രാ​യ​ത്തി​ലൂ​ടെ​യുള്ള ആശ്രയ​യോ​ഗ്യ​മായ ഒരു ഭാവി ചിത്രം ലഭിക്കു​ന്ന​തിന്‌ ലക്ഷ്യം വച്ചു​കൊ​ണ്ടു​ള്ള​താണ്‌.” പക്ഷെ ഈ വിദഗ്‌ദ്ധ​രു​ടെ പ്രവച​നങ്ങൾ ഈ മണ്ഡലങ്ങ​ളി​ലും രാഷ്‌ട്രീ​യ​രം​ഗം, സാമ്പത്തിക രംഗം എന്നിങ്ങനെ ഒട്ടേറെ മററു മണ്ഡലങ്ങ​ളി​ലും തെറെ​റന്ന്‌ തെളി​ഞ്ഞി​രി​ക്കു​ന്നു.

വിവര​ങ്ങ​ളു​ടെ ഒരു സുനി​ശ്ചിത സരണി

ജ്യോൽസ്യൻമാർക്കും ശാസ്‌ത്ര​ജ്ഞൻമാർക്കും സംഭവി​ക്കാ​നി​രി​ക്കു​ന്ന​വ​യെ​ക്കു​റിച്ച്‌ എന്തെങ്കി​ലും കൃത്യ​ത​യോ​ടെ യാതൊ​ന്നും പ്രവചി​ക്കാൻ കഴിക​യില്ല എങ്കിൽ ഭാവിയെ സംബന്ധിച്ച്‌ ആശ്രയ​യോ​ഗ്യ​മായ വിവരങ്ങൾ ലഭിക്കുക അസാദ്ധ്യ​മാണ്‌ എന്ന്‌ അത്‌ അർത്ഥമാ​ക്കു​ന്നു​വോ? ആശ കൈ​വെ​ടി​യു​ന്ന​തിന്‌ മുമ്പ്‌ ഈ വിഷയ​ത്തെ​ക്കു​റിച്ച്‌ ബൈബിൾ പറയു​ന്ന​തെന്ത്‌ എന്ന്‌ നമുക്ക്‌ പരി​ശോ​ധി​ക്കാം. ബൈബി​ളി​ന്റെ ഗ്രൻഥ​കർത്താ​വായ യഹോ​വ​യെ​പ്പ​ററി “ആരംഭ​ത്തി​ങ്കൽത്തന്നെ അവസാ​ന​വും ദീർഘ​കാ​ലം മുമ്പേ​തന്നെ ചെയ്യ​പ്പെ​ട്ടി​ട്ടി​ല്ലാത്ത കാര്യ​ങ്ങ​ളും അരുളി​ച്ചെ​യ്യു​ന്നവൻ” എന്ന്‌ പറയ​പ്പെ​ട്ടി​രി​ക്കു​ന്നു.—യെശയ്യാവ്‌ 46:10.

ദൈവ​വ​ച​ന​ത്തിൽ നിരവധി പ്രവച​നങ്ങൾ അടങ്ങി​യി​രി​ക്കു​ന്നു. അവ ജ്യോൽസ്യൻമാ​രു​ടെ പ്രവച​ന​ങ്ങ​ളിൽ നിന്ന്‌ ഭിന്നമാ​യി​രി​ക്കു​ന്ന​തെ​ങ്ങനെ? മഹത്തായ ആശയങ്ങൾ എന്ന ഒരു ഗ്രൻഥം നൽകുന്ന മറുപടി പിൻവ​രുന്ന പ്രകാ​ര​മാണ്‌: “മർത്ത്യ മമനു​ഷ്യ​ന്റെ ഭാവി​ജ്ഞാ​നത്തെ സംബന്ധി​ച്ചി​ട​ത്തോ​ളം എബ്രായ പ്രവാ​ച​കൻമാർ അനന്യ​രാ​യി കാണ​പ്പെ​ടു​ന്നു. പുറജാ​തി ആഭിചാ​ര​ക്കാ​രിൽ നിന്നും ലക്ഷണം പറച്ചി​ലു​കാ​രിൽ നിന്നും ഭിന്നമാ​യി, . . . അവർക്ക്‌ കർമ്മങ്ങ​ളോ മന്ത്രോ​പ​ക​ര​ണ​ങ്ങ​ളോ ഉപയോ​ഗി​ക്കേണ്ടി വന്നിട്ടില്ല. . . . അവരുടെ പ്രാവ​ച​നിക ഭാഷണ​ങ്ങ​ളിൽ അധിക​പ​ങ്കും വിജാ​തീയ ദിവ്യോ​ച്ചാ​ര​ണ​ങ്ങ​ളിൽ നിന്ന്‌ വ്യത്യ​സ്ഥ​മാ​യി വളരെ വ്യക്തത​യു​ള്ള​താ​യി തോന്നു​ന്നു. കുറഞ്ഞ​പക്ഷം ദൈവ​നി​ശ്ച​യ​ത്തി​ന്റെ ഗതി മനുഷ്യർ മുൻകാ​ണാൻ ദൈവം താൻ ആഗ്രഹി​ക്കു​ന്ന​തായ കാര്യ​ങ്ങളെ സംബന്ധി​ച്ചുള്ള അവന്റെ നിർണ്ണയം മറച്ചു​വ​യ്‌ക്കയല്ല വെളി​പ്പെ​ടു​ത്തി​ക്കൊ​ടു​ക്കു​ക​യാണ്‌ അവയുടെ ഉദ്ദേശ്യം എന്ന്‌ കാണ​പ്പെ​ടു​ന്നു.”

ഇതിന്റെ ഒരു ദൃഷ്ടാ​ന്ത​മെ​ന്ന​നി​ല​യിൽ, യേശു​വി​നെ സംബന്ധി​ച്ചുള്ള ധാരാളം വിവരങ്ങൾ അവന്റെ ജനനത്തിന്‌ അനവധി നൂററാ​ണ്ടു​കൾ മുമ്പേ ബൈബി​ളിൽ രേഖ​പ്പെ​ടു​ത്തി​യി​രു​ന്നു. അവൻ ബേത്‌ല​ഹേം പട്ടണത്തിൽ ദാവീദ്‌ രാജാ​വി​ന്റെ പിതാ​വായ യിശ്ശാ​യി​യു​ടെ ഗോ​ത്ര​പ​ര​മ്പ​ര​യിൽ ജനിക്കു​മെ​ന്നും പ്രവചി​ക്ക​പ്പെ​ട്ടി​രു​ന്നു. (മീഖാ 5:2; യെശയ്യാവ്‌ 11:1, 10) അവൻ ഒരു സ്‌തം​ഭ​ത്തിൽ തൂക്ക​പ്പെ​ടു​മെ​ന്നും, എന്നാൽ അത്തരം വധനിർവ്വ​ഹ​ണ​ങ്ങൾക്കു​ശേഷം സാധാരണ ചെയ്‌തു പോന്നി​രു​ന്ന​തു​പോ​ലെ അവന്റെ അസ്ഥിക​ളി​ലൊ​ന്നും പക്ഷെ ഒടിക്കു​ക​യി​ല്ലെ​ന്നും തിരു​വെ​ഴു​ത്തു​കൾ മുൻകൂ​ട്ടി​പ്പ​റ​ഞ്ഞി​രു​ന്നു. ഈ വിശദാം​ശ​ങ്ങ​ളെ​ല്ലാം സത്യമാ​യി ഭവിച്ചു. ഒരു ബൈബിൾ പണ്ഡിതൻ നിർണ്ണയം ചെയ്‌ത​പ്ര​കാ​രം യേശു​വിൽ നിറ​വേ​റിയ 120-ലധികം പ്രവച​ന​ങ്ങ​ളിൽ ഇവ കേവലം ചുരുക്കം ചില ഉദാഹ​ര​ണ​ങ്ങ​ളാണ്‌.—സങ്കീർത്തനം 22:16, 17; 34:20.

ഇന്ന്‌ നിവൃ​ത്തി​യേ​റിയ ഒരു പ്രവചനം

കൂടു​ത​ലാ​യി, നമ്മുടെ നാളു​കളെ കേന്ദ്രീ​ക​രി​ച്ചു​കൊ​ണ്ടുള്ള പ്രവച​നങ്ങൾ ബൈബി​ളി​ല​ട​ങ്ങി​യി​രി​ക്കു​ന്നു. ഇവയി​ലേ​റ​റ​വും പ്രധാ​ന​മായ ഒന്നി​നെ​ക്കു​റിച്ച്‌ നമുക്ക്‌ പരിചി​ന്തി​ക്കാം. ഭൗമിക കാര്യ​ങ്ങ​ളിൽ ദൈവ​രാ​ജ്യം നാടകീ​യ​മാ​യി ഇടപെ​ടു​ന്ന​തിന്‌ തൊട്ടു​മു​മ്പുള്ള കാലയ​ള​വി​നെ അടയാ​ള​പ്പെ​ടു​ത്തുന്ന സംഭവ​ങ്ങ​ളു​ടെ ഒരു പരമ്പരയെ അത്‌ വർണ്ണി​ക്കു​ന്നു. ഈ സംഭവ​ങ്ങ​ളിൽ ലോക​മ​ഹാ​യു​ദ്ധങ്ങൾ, ഭൂകമ്പങ്ങൾ, പകർച്ച​വ്യാ​ധി​കൾ, ക്ഷാമങ്ങൾ, അധർമ്മ​ത്തി​ന്റെ വർദ്ധനവ്‌ എന്നിവ​യുൾപ്പെ​ടു​ന്നു. നമ്മുടെ 20-ാം നൂററാ​ണ്ടിൽ ഈ വക കാര്യ​ങ്ങ​ളു​ടെ രൂക്ഷഭാ​വം ലോക വാർത്ത​യിൽ പ്രാമു​ഖ്യത കൈവ​രി​ച്ചി​ട്ടി​ല്ലേ?—മത്തായി 24:3, 7-14; ലൂക്കോസ്‌ 21:7, 10, 11; 2 തിമൊ​ഥെ​യോസ്‌ 3:1-5.

വൃക്ഷങ്ങ​ളു​ടെ തളിർപ്പ്‌ വസന്തകാ​ലാ​ഗ​മ​നത്തെ പ്രഖ്യാ​പി​ക്കു​ന്നത്ര സുനി​ശ്ചി​ത​ത്വ​ത്തോ​ടെ ഈ പ്രവച​ന​ങ്ങ​ളു​ടെ നിവൃത്തി തന്റെ രാജ്യ​ത്തി​ന്റെ ആഗമനത്തെ വിളി​ച്ച​റി​യി​ക്കു​ന്നു എന്ന്‌ യേശു വിശദ​മാ​ക്കി. അവയെ​ല്ലാം ഒരൊററ തലമു​റ​യിൽ തന്നെ നിറ​വേ​റേ​ണ്ടി​യി​രി​ക്കു​ന്നു​വെ​ന്നും അവൻ വ്യക്തമാ​ക്കി. മേൽവി​വ​രിച്ച വിശദാം​ശ​ങ്ങ​ളുൾപ്പെടെ ആ അടയാ​ള​ത്തി​ന്റെ സർവ്വ വശങ്ങളും 1914a മുതൽക്ക്‌ നമ്മുടെ കൺമു​മ്പാ​കെ നിറ​വേ​റി​യി​രി​ക്കു​ന്നു. അതു​കൊണ്ട്‌ രാജ്യം വളരെ വേഗം കർത്തവ്യ​നിർവ്വ​ഹണം ആരംഭി​ക്കും എന്ന്‌ നമുക്ക്‌ തികഞ്ഞ ഉറപ്പു​ള്ള​വ​രാ​യി​രി​ക്കാം.—ലൂക്കോസ്‌ 21:29-33.

ഈ കാല​ത്തെ​ക്കു​റിച്ച്‌ പ്രവചി​ച്ചി​രി​ക്കുന്ന മറെറാ​രു സവി​ശേഷത “പോം​വഴി അറിയാ​തെ​യുള്ള രാഷ്‌ട്ര​ങ്ങ​ളു​ടെ അതി​വേദന“ ആയിരി​ക്കും.” (ലൂക്കോസ്‌ 21:25) ജ്യോ​തി​ഷ​ത്തി​ലും മററ്‌ രൂപങ്ങ​ളി​ലുള്ള ഗൂഢജ്ഞാ​ന​ത്തി​ലും ഇന്ന്‌ ഇത്രമാ​ത്രം ഔൽസു​ക്യം ഉള്ളതെ​ന്തു​കൊണ്ട്‌? ഫ്രഞ്ച്‌ വാർത്താ​പ​ത്ര​മായ ലീ മോൺടെ ഡി മാൽചെ മറുപടി നൽകുന്നു: “പ്രതി​സ​ന്ധി​യെ അഭിമു​ഖീ​ക​രി​ക്കവെ ജനങ്ങൾ, ശുഭ​പ്ര​തീ​ക്ഷ​യു​ടെ ഉറപ്പി​നു​വേ​ണ്ടി​യുള്ള അവരുടെ അന്വേ​ഷണം ഒന്നിലും ഒതുക്കി നിർത്തു​ന്നില്ല. അതീ​ന്ദ്രിയ മനഃശാ​സ്‌ത്രം (Parapsychology) അൽപ്പ പ്രയത്‌ന​ത്തിന്‌ വലിയ ആശ്വാസം നൽകുന്നു. ന്യൂക്ലി​യർ ശക്തി​കൊ​ണ്ടുള്ള മഹാകൃ​ത്യ​ങ്ങൾ, ജീൻ സംയോ​ജനം (Gene Splicing) എന്നിവ​പോ​ലുള്ള ഭയാവ​ഹ​മായ ശാസ്‌ത്രീയ നേട്ടങ്ങ​ളു​ടെ ഈ യുഗത്തിൽ അജ്ഞാത​വും സാമാന്യ ബോധ​ത്തി​ന​പ്പു​റ​മു​ള്ള​തു​മായ ലോക​ത്തേക്ക്‌, ജീവി​ത​ത്തി​ന്റെ അർത്ഥം വീണ്ടെ​ടു​ക്കാ​നുള്ള യത്‌ന​ത്തിൽ ഒളി​ച്ചോ​ടാൻ ആളുകൾ പ്രലോ​ഭി​പ്പി​ക്ക​പ്പെ​ടു​ന്നു.” അതു​കൊണ്ട്‌, ജ്യോ​തി​ഷം പോലുള്ള ഗൂഢജ്ഞാ​ന​വി​ദ്യ​ക​ളിൽ ആളുകൾക്കുള്ള വ്യാപ​ക​മായ താത്‌പ​ര്യ​ത്തിൽ നാം ആശ്ചര്യ​പ്പെ​ടു​ന്നില്ല. യേശു​വി​ന്റെ പ്രവച​ന​ത്തി​ന്റെ നിവൃത്തി എന്ന നിലയിൽ ആളുകൾ അനുഭ​വി​ക്കുന്ന “അതി​വേദന”യുടെ ലക്ഷണങ്ങ​ളി​ലൊ​ന്നാ​ണത്‌.

‘നിങ്ങളു​ടെ ശിരസ്സു​ക​ളു​യർത്തു​വിൻ’

ഈ കാര്യ​ങ്ങ​ളെ​ല്ലാം കാണു​മ്പോൾ ക്രിസ്‌ത്യാ​നി​കൾ എന്താണ്‌ ചെയ്യേ​ണ്ടത്‌? അവർക്കു ചുററു​മുള്ള ആളുക​ളെ​പ്പോ​ലെ ഭയത്തി​ന​ടി​പ്പെ​ടു​ക​യോ? യേശു പിൻവ​രുന്ന ബുദ്ധി​യു​പ​ദേശം നൽകി: “പക്തെ, ഈ കാര്യങ്ങൾ സംഭവി​ക്കാൻ തുടങ്ങു​മ്പോൾ, നിവർന്ന്‌ നിങ്ങളു​ടെ ശിരസ്സു​ക​ളു​യർത്തു​വിൻ എന്തു​കൊ​ണ്ടെ​ന്നാൽ നിങ്ങളു​ടെ വിടുതൽ അടുത്തു​വ​രു​ന്നു.”—ലൂക്കോസ്‌ 21:28.

നിങ്ങളു​ടെ ഭാവി​യെ​ക്കു​റി​ച്ചു കൂടുതൽ വിശദ​മാ​യി അറിയാൻ നിങ്ങളി​ഷ്ട​പ്പെ​ടു​ന്നു​വോ? എങ്കിൽ, ബൈബിൾ ആഴത്തിൽ പരി​ശോ​ധി​ക്കാൻ സമയം എടുക്കു​ക​യും “നിശ്വ​സ്‌ത​വ​ച​നങ്ങൾ ദൈവ​ത്തിൽ നിന്നു​ത്ഭ​വി​ക്കു​ന്നു​വോ എന്ന്‌ അറിയാൻ അവയെ പരി​ശോ​ധി​ക്കുക”യും ചെയ്യുക. (1 യോഹ​ന്നാൻ 4:1) ബൈബിൾ പ്രവച​നങ്ങൾ ക്രമമാ​യി ചർച്ച​ചെ​യ്യു​ക​യും അവയ്‌ക്ക്‌ നമ്മുടെ നാളി​ലുള്ള പ്രയുക്തത വിശദ​മാ​ക്കു​ക​യും ചെയ്യുന്ന വീക്ഷാ​ഗോ​പു​രം മാസി​ക​യു​ടെ സഹായ​ത്താൽ നിങ്ങൾക്ക്‌ ഇത്‌ ചെയ്യാൻ കഴിയും. ഇപ്രകാ​രം കുഴപ്പം നിറഞ്ഞ ഇന്നത്തെ ലോക​ത്തി​ന്റെ അന്ത്യം സമീപ​സ്ഥ​മാ​യി​രി​ക്കു​ന്നു​വെന്ന്‌ അറിയു​മ്പോൾ “നിങ്ങളു​ടെ ശിരസ്സു​യർത്താൻ” നിങ്ങളും പ്രാപ്‌ത​നാ​യി​ത്തീ​രും. ഹൃദയ​നീ​തി​യുള്ള സകലരു​ടെ​യും പ്രയോ​ജ​നാർത്ഥം ലോക​കാ​ര്യ​ങ്ങ​ളിൽ വേഗത്തിൽ ഇടപെ​ടാ​നി​രി​ക്കുന്ന മശി​ഹൈക രാജ്യ​ത്തി​ന്റെ അനു​ഗ്ര​ഹങ്ങൾ ആസ്വദി​ക്കാൻ നിങ്ങൾ ചെയ്യേ​ണ്ട​തെന്ത്‌ എന്നും നിങ്ങൾ ഗ്രഹി​ക്കാ​നി​ട​യാ​കും. (w87 3/1)

[അടിക്കു​റി​പ്പു​കൾ]

[5-ാം പേജിലെ ചതുരം]

“അടയാളം . . . സത്യമാ​യി ഭവിച്ചു”

ഭാഗ്യം പറയുന്ന ഒരാളു​ടെ അടുക്കൽ പോകു​ന്ന​തി​ലോ വാർത്താ​പ​ത്ര​ങ്ങ​ളിൽ നിങ്ങളു​ടെ നക്ഷത്ര വാരഫലം നോക്കു​ന്ന​തി​ലോ എന്താണ്‌ തെററ്‌? ഇത്‌ ഒരു നിരു​പ​ദ്ര​വ​മായ തമാശ അല്ലേ?

ബൈബിൾ ഈ കാര്യത്തെ അത്ര ലാഘവ​ത്തോ​ടെയല്ല കൈകാ​ര്യം ചെയ്യു​ന്നത്‌. വാസ്‌ത​വ​ത്തിൽ ആത്മമദ്ധ്യ​വർത്തി​കൾ, ആഭിചാ​ര​ക്കാർ എന്നിവർക്കെ​തി​രെ ബൈബിൾ നമ്മെ ജാഗരൂ​ക​രാ​ക്കി നിർത്തു​ന്നു. ആവർത്ത​ന​പ്പു​സ്‌ത​ക​ത്തിൽ യഹോവ പിൻവ​രുന്ന താക്കീത്‌ നൽകുന്നു: “ഒരു പ്രവാ​ച​ക​നോ ഒരു സ്വപ്‌ന​ത്തി​ന്റെ ദർശക​നോ നിങ്ങൾക്ക്‌ ഒരു അടയാ​ള​മോ, ശകുന​മോ നൽകു​ക​യും ‘നമുക്ക്‌ അന്യ​ദൈ​വ​ങ്ങ​ളു​ടെ പിന്നാലെ ചെല്ലാം’ എന്ന്‌ പറഞ്ഞു​കൊ​ണ്ടു നൽകിയ ആ അടയാ​ള​മോ ശകുന​മോ സത്യമാ​യി ഭവിക്കു​ക​യും ചെയ്‌താൽ, . . . ആ പ്രവാ​ച​കന്റെ, ആ സ്വപ്‌ന​ത്തി​ന്റെ, ദർശകന്റെ വാക്കുകൾ നീ ശ്രദ്ധി​ക്ക​രുത്‌.”—ആവർത്തനം 13:1-3.

ആത്മമദ്ധ്യ​വർത്തി​ക​ളു​ടെ​യും ജ്യോൽസ്യൻമാ​രു​ടെ​യും പ്രവച​ന​ങ്ങ​ളിൽ ചിലവ സത്യമാ​യി ഭവി​ച്ചേ​ക്കാം എന്ന വസ്‌തു​തയെ ബൈബിൾ ചോദ്യം ചെയ്യു​ന്നില്ല എന്നത്‌ നിരീ​ക്ഷി​ക്കുക. പ്രത്യുത, ഈ പ്രവച​നങ്ങൾ ആകാശ​ങ്ങ​ളി​ലെ ലക്ഷണങ്ങ​ളോ ആഭിചാ​ര​ത്തി​ന്റെ മററ്‌ വിധങ്ങ​ളോ ആധാര​മാ​ക്കി​യു​ള്ള​താ​ണെ​ങ്കിൽ അവ ഭൂതങ്ങ​ളിൽ നിന്ന്‌ വരുന്ന​വ​യും വഞ്ചിക്കു​ന്ന​വ​യും സത്യ​ദൈ​വ​ത്തിൽ നിന്ന്‌ മനുഷ്യ​രെ അകററു​ന്ന​വ​യും ആണെന്ന്‌ ബൈബിൾ നമുക്ക്‌ മുന്നറി​യിപ്പ്‌ നൽകുന്നു.—പ്രവൃ​ത്തി​കൾ 16:16-18 കാണുക.

ജ്യോൽസ്യൻമാർക്കോ ഭാവി മുൻകൂ​ട്ടി​പ്പ​റ​യു​ന്ന​വ​രെന്ന്‌ അവകാ​ശ​പ്പെ​ടുന്ന മററു​ള്ള​വർക്കോ ശ്രദ്ധ നൽകു​ക​യെ​ന്നാൽ ഗുരു​ത​ര​മായ ആത്മീയ പ്രശ്‌ന​ങ്ങൾക്കു വിധേ​യ​മാ​കു​ക​യും ഒടുവിൽ “സ്വർലോ​ക​ങ്ങ​ളി​ലെ ദുഷ്ടാത്മ സേനക​ളു​ടെ” അടിമ​യാ​യി​ത്തീ​രു​ക​യും ചെയ്യുന്ന അപകടം വരുത്തി​വ​യ്‌ക്കു​ക​യാ​യി​രി​ക്കും ചെയ്യുക. (എഫേസ്യർ 6:12) അപ്രകാ​രം, അത്തരം വ്യക്തി​ക​ളോട്‌ ആലോചന ചോദി​ക്കുക എന്നതിനെ ദൈവം ഒരു ഗുരു​ത​ര​മായ പാപമാ​യി കാണുന്നു; അത്തരം കാര്യങ്ങൾ ആചരി​ക്കുന്ന ആളുകൾ അവന്റെ കണ്ണുക​ളിൽ നിന്ദ്യ​രാണ്‌, അവർ അവന്റെ രാജ്യം അവകാ​ശ​മാ​ക്കു​ക​യില്ല.—വെളി​പ്പാട്‌ 22:15.

അതു​കൊണ്ട്‌, ജ്യോ​തി​ഷ​ത്തി​നും മററു രൂപങ്ങ​ളി​ലുള്ള ആഭിചാ​ര​ങ്ങൾക്കും എതിരെ ബൈബിൾ നമ്മെ ജാഗ്ര​രാ​യി നിർത്തു​ന്നത്‌ നമ്മുടെ സ്വന്ത നൻമയെ പ്രതി​യാണ്‌.

[6-ാം പേജിലെ ചതുരം]

ബൈബിൾ കാലത്തിന്‌ മുമ്പേ ഇങ്ങനെ പ്രവചി​ച്ചി​രു​ന്നു:

◆ യേശു ബേത്‌ല​ഹേ​മിൽ ജനിക്കും.—മീഖാ 5:2.

◆ ദാവീ​ദി​ന്റെ പിതാ​വായ യിശ്ശാ​യി​യു​ടെ ഭവനത്തിൽ അവൻ ജനിക്കും.—യെശയ്യാവ്‌ 11:1, 10.

◆ അവൻ സ്‌തം​ഭ​ത്തിൻമേൽ കൊല്ല​പ്പെ​ടും.—സങ്കീർത്തനം 22:16, 17.

◆ അവന്റെ അസ്ഥിക​ളി​ലൊ​ന്നും ഒടിക്ക​പ്പെ​ടു​ക​യില്ല.—സങ്കീർത്തനം 34:20.