കുട്ടികൾ നിങ്ങളു​ടെ നായ്‌ക്ക​രി​കിൽ സുരക്ഷി​ത​രാ​ണോ?

ദക്ഷിണാഫ്രിക്കയിലെ ഉണരുക! ലേഖകൻ

രണ്ടു വയസ്സു​കാ​രൻ സിഡ്‌നി, അക്രമ​സ്വ​ഭാ​വ​മുള്ള ഒരു റോട്ട്‌വെ​യ്‌ല​റി​നെ പൂട്ടി​യി​ട്ടി​രു​ന്ന​തി​നു വളരെ അടുത്താ​യി ചുറ്റി​പ്പ​റ്റി​നി​ന്നു. നായ അവനെ ആക്രമി​ച്ചു. അത്‌ അവന്റെ ഉച്ചി മാന്തി​പ്പ​റി​ച്ചു, അവന്റെ ഇടതു​ചെവി ഏതാണ്ട്‌ കടിച്ചു​പ​റി​ച്ചെ​ടു​ത്തു. നിരവധി പ്രാവ​ശ്യം അവന്‌ ചർമം ഒട്ടിച്ചു​ചേർക്കുന്ന ശസ്‌ത്ര​ക്രി​യ​യ്‌ക്കു വിധേ​യ​നാ​കേ​ണ്ടി​വ​രും.

സംരക്ഷ​ണ​ത്തി​നാ​യി ആളുകൾ നായ്‌ക്കളെ വളർത്തു​ന്നതു വർധി​ച്ചു​വ​രവേ, നായ്‌ക്കൾ കുട്ടി​കളെ ആക്രമി​ക്കു​ന്ന​താ​യുള്ള റിപ്പോർട്ടു​ക​ളും വർധി​ച്ചു​വ​രു​ന്നു. കുട്ടി​കളെ കടിക്കു​ന്ന​താ​യി അറിയ​പ്പെ​ടുന്ന ചില നായ്‌ക്കൾ റോട്ട്‌വെ​യ്‌ല​റു​കൾ, ഡോബർമാൻ, ബുൾമാ​സ്റ്റി​ഫു​കൾ, അൾസേ​ഷ്യ​നു​കൾ (ജർമൻ ഷെപ്പേർഡു​കൾ), ബുൾടെ​റി​യ​റു​കൾ എന്നിവ​യാണ്‌. പരി​ശോ​ധ​നാ​വി​ധേ​യ​മായ കേസു​ക​ളിൽ, കടിയേറ്റ കുട്ടി​ക​ളിൽ ഭൂരി​ഭാ​ഗ​വും ആക്രമി​ക്ക​പ്പെ​ട്ടത്‌ അവർക്കു പരിച​യ​മുള്ള നായ്‌ക്ക​ളാ​ലാ​ണെന്ന്‌ ദക്ഷിണാ​ഫ്രി​ക്ക​യിൽ നടത്തിയ ഒരു സർവേ വെളി​പ്പെ​ടു​ത്തി. ഇവരിൽ പകുതി​യോ​ളം അയൽക്കാ​രു​ടെ നായ്‌ക്ക​ളാ​ലും കാൽഭാ​ഗം സ്വന്തം നായ്‌ക്ക​ളാ​ലു​മാ​യി​രു​ന്നു ആക്രമി​ക്ക​പ്പെ​ട്ടത്‌. അലഞ്ഞു​ന​ട​ക്കുന്ന നായ്‌ക്ക​ളാൽ ആക്രമി​ക്ക​പ്പെ​ട്ടത്‌ വെറും 10 ശതമാനം മാത്രം. ആക്രമ​ണ​ത്തി​നി​ര​യാ​യവർ മിക്കവാ​റും ഏതെങ്കി​ലും വിധത്തിൽ, ഒരുപക്ഷേ അറിയാ​തെ​തന്നെ, നായെ ചൊടി​പ്പി​ച്ചി​രു​ന്നു. നായ്‌ക്ക​ളിൽനി​ന്നുള്ള പല ആക്രമ​ണ​ങ്ങ​ളും, മാതാ​പി​താ​ക്ക​ളോ നായുടെ ഉടമസ്ഥ​രോ ചില അടിസ്ഥാന മുൻക​രു​ത​ലു​കൾ എടുത്താൽ ഒഴിവാ​ക്കാ​വു​ന്ന​തേ​യു​ള്ളു എന്നു സ്‌പഷ്ടം.

കുട്ടിയെ പരിശീ​ലി​പ്പി​ക്കുക

മുതിർന്ന​വ​രു​ടെ മേൽനോ​ട്ട​മി​ല്ലാ​തെ കൊച്ചു കുട്ടി​ക​ളെ​യും നായ്‌ക്ക​ളെ​യും തനിച്ചാ​ക്കി പോക​രു​തെന്ന്‌ പല നായ പരിശീ​ല​ക​രും ഊന്നി​പ്പ​റ​യു​ന്നു. മൃഗങ്ങ​ളോട്‌ എങ്ങനെ പെരു​മാ​റ​ണ​മെന്നു കൊച്ചു കുട്ടി​കൾക്ക്‌ അറിയില്ല. അവരെ അതു പഠിപ്പി​ക്കണം. അതു​കൊണ്ട്‌, ചുമത​ല​യുള്ള മുതിർന്ന​വ​രു​ടെ അസാന്നി​ധ്യ​ത്തിൽ നായ്‌ക്ക​ളെ​യും കൊച്ചു കുട്ടി​ക​ളെ​യും ഒരുമി​ച്ചാ​യി​രി​ക്കാൻ അനുവ​ദി​ക്ക​രു​തെന്ന നിയമം ഒട്ടേറെ ആളുകൾ ബാധക​മാ​ക്കു​ന്നു. നിങ്ങളു​ടെ നായെ കുട്ടി​ക​ളു​മാ​യി ഇണങ്ങാൻ പഠിപ്പി​ക്കൽ (ഇംഗ്ലീഷ്‌) എന്ന തന്റെ പുസ്‌ത​ക​ത്തിൽ പരിശീ​ല​ക​നായ ബ്രയൻ കിൽക്കോ​മൺസ്‌ ഇപ്രകാ​രം അഭി​പ്രാ​യ​പ്പെ​ടു​ന്നു: “ഞങ്ങൾ കേൾക്കുന്ന വിവര​ണ​ങ്ങ​ളിൽനി​ന്നു മനസ്സി​ലാ​ക്കാൻ കഴിയു​ന്നത്‌, ഭൂരി​ഭാ​ഗം പ്രശ്‌ന​ങ്ങ​ളു​മു​ണ്ടാ​കു​ന്നത്‌ മുതിർന്ന​വ​രു​ടെ ശ്രദ്ധ പാളി​പ്പോയ അവസര​ങ്ങ​ളി​ലാ​ണെ​ന്നാണ്‌.”

മിക്ക​പ്പോ​ഴും മൃഗങ്ങൾക്കു കുട്ടി​ക​ളിൽനി​ന്നു സംരക്ഷണം ആവശ്യ​മാണ്‌! ഒരു വീട്ടിലെ വളർത്തു​നായ കുട്ടിയെ കടിക്കാ​നൊ​രു​മ്പെ​ട്ട​പ്പോൾ വീട്ടു​കാർ സഹായ​ത്തി​നാ​യി കിൽക്കോ​മൺസി​നെ വിളിച്ചു. രണ്ടര വയസ്സുള്ള മകൻ ഓടി​ച്ചെന്ന്‌ ഉറങ്ങി​ക്കി​ടന്ന നായെ ആഞ്ഞു​തൊ​ഴി​ച്ചെന്ന്‌ പരി​ഭ്രാ​ന്ത​നായ പിതാവു വിവരി​ച്ചു. വേദനി​ച്ച​പ്പോൾ നായ കുട്ടിയെ കടിക്കാ​നൊ​രു​മ്പെട്ടു. ഈ സാഹച​ര്യ​ത്തിൽ നായ കുട്ടിയെ കടിക്കാ​തി​രു​ന്നതു ശ്രദ്ധേ​യ​മായ ഒരു സംഗതി​യാണ്‌. ഈ പരിശീ​ലകൻ മാതാ​പി​താ​ക്കളെ ഇങ്ങനെ ഉപദേ​ശി​ക്കു​ന്നു: “മറ്റൊരു കുട്ടി​യോ​ടു ചെയ്യാൻ അനുവ​ദി​ക്കു​ക​യി​ല്ലാത്ത കാര്യം ഒരു നായോ​ടു ചെയ്യാ​നും നിങ്ങളു​ടെ കുട്ടിയെ അനുവ​ദി​ക്ക​രുത്‌.”

മൃഗങ്ങ​ളോ​ടു ദയാപൂർവം പെരു​മാ​റേ​ണ്ട​തെ​ങ്ങ​നെ​യെന്നു നിങ്ങളു​ടെ കുട്ടിയെ പഠിപ്പി​ക്കുക. നായെ ഒരിക്ക​ലും കളിയാ​ക്ക​രു​തെന്ന്‌ അവനെ പഠിപ്പി​ക്കുക. കുട്ടി​ക​ളും നായ്‌ക്ക​ളും ഒരുമി​ച്ചാ​യി​രി​ക്കുന്ന സന്ദർഭ​ങ്ങ​ളിൽ ഉണ്ടാകാൻ സാധ്യ​ത​യുള്ള ഏത്‌ അപകട​ങ്ങ​ളു​ടെ കാര്യ​ത്തി​ലും മാതാ​പി​താ​ക്കൾ ജാഗ്രത പുലർത്തണം. നായ കുട്ടി​യു​ടെ അരികിൽനി​ന്നു മാറി​പ്പോ​കാ​നോ ഒളിക്കാ​നോ ശ്രമി​ക്കു​ന്ന​താ​യി ശ്രദ്ധയിൽപ്പെ​ട്ടാൽ അതിനെ പിന്തു​ട​രു​ന്ന​തിൽനി​ന്നു കുട്ടിയെ തടയുക. കുട്ടി നായെ പിന്തു​ടർന്ന്‌ അതിന്റെ വഴിമു​ട്ടി​ച്ചാൽ അവശേ​ഷി​ക്കുന്ന ഏക പ്രതി​രോ​ധ​മാർഗം കുരയ്‌ക്കു​ക​യോ മുരളു​ക​യോ കടിക്കു​ക​യോ ആണ്‌. മാതാ​വോ പിതാ​വോ പറയു​ന്നത്‌ അനുസ​രി​ക്ക​ണ​മെന്നു കുട്ടി​യും നായും മനസ്സി​ലാ​ക്ക​ത്ത​ക്ക​വി​ധം മാതാ​പി​താ​ക്കൾ ക്രമമാ​യി ശിക്ഷണം നൽകേ​ണ്ട​താണ്‌.

നായെ വേണ്ടാത്ത വസ്‌തു​വാ​യി കാണരുത്‌. നായെ വളർത്തുന്ന ഒരു വിവാ​ഹിത ദമ്പതി​കൾക്ക്‌ ആദ്യത്തെ കുഞ്ഞ്‌ പിറക്കു​മ്പോൾ നായെ അവഗണി​ക്കാ​നും വീടിന്റെ പിൻമു​റ്റ​ത്തേക്കു തള്ളാനു​മുള്ള ഒരു പ്രവണത ഉണ്ടാ​യേ​ക്കാം. മുൻക​രു​ത​ലു​കൾ എടുക്കു​ന്നതു ബുദ്ധി​യാ​യി​രി​ക്കു​മെ​ങ്കി​ലും പരിശീ​ല​ക​നായ റിച്ചാർഡ്‌ സ്റ്റബ്‌സ്‌ ഉപദേ​ശി​ക്കു​ന്നു: “നായെ ഒരു വേണ്ടാത്ത വസ്‌തു​വാ​യി കാണരുത്‌. മറിച്ച്‌, നായ്‌ക്ക്‌ ദിവസ​വും ചെയ്‌തു​കൊ​ടു​ക്കാ​റുള്ള കാര്യ​ങ്ങ​ളിൽ വീഴ്‌ച വരുത്താ​തി​രി​ക്കാൻ കഴിയു​ന്നത്ര ശ്രദ്ധി​ക്കുക, അതിന്‌ ഉചിത​മായ ശ്രദ്ധ നൽകുക.”

നിങ്ങളു​ടെ കുട്ടികൾ പരിച​യ​മി​ല്ലാത്ത നായ്‌ക്ക​ളോ​ടു പ്രതി​ക​രി​ക്കുന്ന വിധം വീക്ഷി​ക്കുക. ഒരപരി​ചി​തൻ ഒരു നായെ തെരു​വി​ലൂ​ടെ നടത്തി​ക്കൊ​ണ്ടു​പോ​കു​മ്പോൾ അവൻ എന്തു ചെയ്യും? നായെ ഓമനി​ക്കാൻ ഒന്നും ആലോ​ചി​ക്കാ​തെ ഓടി​ച്ചെ​ല്ലു​മോ? അങ്ങനെ ചെയ്യരു​തെന്ന്‌ അവനെ പഠിപ്പി​ക്കുക. ആദ്യം അവൻ ഉടമസ്ഥന്റെ അനുവാ​ദം വാങ്ങണം. എന്നിട്ട്‌, ഉടമസ്ഥൻ സമ്മതി​ക്കു​ക​യാ​ണെ​ങ്കിൽ നായെ ഭയപ്പെ​ടു​ത്താ​തെ സാവധാ​നം അവന്‌ അതിന്റെ അരികി​ലേക്കു ചെല്ലാം. അൽപ്പം മാറി​നിന്ന്‌ നായോ​ടു ശാന്തമാ​യി സംസാ​രി​ച്ചു​കൊണ്ട്‌ അവനു സ്വയം പരിച​യ​പ്പെ​ടു​ത്താ​വു​ന്ന​താണ്‌. സൗഹൃ​ദ​മുള്ള നായ നിങ്ങളു​ടെ കുട്ടി​യു​ടെ അരികി​ലേക്കു ചെല്ലും. തെരു​വി​ലൂ​ടെ അലഞ്ഞു​ന​ട​ക്കുന്ന നായെ സമീപി​ക്കാ​തി​രി​ക്കു​ന്ന​താണ്‌ നല്ലത്‌.—22-ാം പേജിലെ, “നായുടെ ശരീര​ഭാഷ” എന്ന ചതുരം കാണുക.

നായെ പരിശീ​ലി​പ്പി​ക്കുക

എപ്പോ​ഴും നിങ്ങളു​ടെ നായെ പ്രശം​സി​ക്കുക, അതിന്‌ പ്രോ​ത്സാ​ഹനം നൽകുക. ശിക്ഷയോ പരുഷ​മായ വാക്കു​ക​ളോ പഠനത്തെ ത്വരി​ത​പ്പെ​ടു​ത്തു​ക​യില്ല. മറിച്ച്‌ അത്‌ വിപരീത ഫലമാ​യി​രി​ക്കും ഉളവാ​ക്കുക. വിളി​ച്ചാൽ വരാനും “ഇരിക്ക്‌!” എന്നതു​പോ​ലുള്ള അടിസ്ഥാന ആജ്ഞകൾ അനുസ​രി​ക്കാ​നും ഒരു നായ പഠിക്കു​ന്നത്‌ ഉചിത​മാണ്‌. യജമാ​നനു കീഴ്‌പെ​ട്ടി​രി​ക്കാൻ നായ പഠിക്കു​ന്നു. ദുഷ്‌ക​ര​മാ​യേ​ക്കാ​വുന്ന ഘട്ടങ്ങളിൽ ഉടമസ്ഥനു നായുടെ മേൽ മെച്ചമായ നിയ​ന്ത്ര​ണ​മു​ണ്ടാ​യി​രി​ക്കാൻ ഇതുമൂ​ലം സാധി​ക്കു​ന്നു. ലളിത​മായ വാക്കു​ക​ളും വാചക​ങ്ങ​ളും ഉപയോ​ഗി​ക്കു​ന്നത്‌ ഏറെ ഫലപ്ര​ദ​മാണ്‌. ഒരേ വാക്കു​കൾതന്നെ എപ്പോ​ഴും ഉപയോ​ഗി​ക്കുക. നായ നിങ്ങൾ ആഗ്രഹി​ക്കുന്ന കാര്യം ചെയ്യു​മ്പോൾ ഉടനടി പ്രശം​സ​യു​ടെ​യോ തലോ​ട​ലി​ന്റെ​യോ ഭക്ഷണനു​റു​ക്കി​ന്റെ​യോ രൂപത്തിൽ സമ്മാനം നൽകുക. നിങ്ങൾ ആഗ്രഹി​ക്കുന്ന ഫലം ഉളവാ​കാൻ പ്രവൃത്തി കഴിഞ്ഞ ഉടനെ സമ്മാനം നൽകണം. നായ ആ ശീലം പതിവാ​ക്കു​ന്ന​തു​വരെ അത്‌ ആവർത്തി​ക്കു​ന്ന​താണ്‌ അടുത്ത പ്രധാന ഘടകം.

നിങ്ങൾ ഒരു നായെ—നായ്‌ക്കു​ട്ടി​യെ​യോ വളർച്ച​യെ​ത്തിയ നായെ​യോ—വാങ്ങി​ച്ചാൽ കുട്ടി​ക​ളു​മാ​യി ഇണങ്ങാൻ അതിനു സഹായം ആവശ്യ​മാ​യി​രി​ക്കാം. കുട്ടി​ക​ളു​ടെ പ്രതി​ക​രണം മുതിർന്ന ആളുക​ളു​ടേ​തിൽനി​ന്നു വ്യത്യ​സ്‌ത​മാണ്‌. അവർ കൂടുതൽ ഒച്ചവെ​ക്കും, അവർ കൂടുതൽ സാഹസ​പ്ര​കൃ​തി​ക്കാ​രാണ്‌. അവർ ഒരു നായുടെ അരികി​ലേക്കു പാഞ്ഞു​ചെ​ന്നേ​ക്കാം. ഇതു നായെ ഭയപ്പെ​ടു​ത്തി​യേ​ക്കാം. അത്തരം ചപല സ്വഭാ​വ​ങ്ങ​ളോ​ടു പൊരു​ത്ത​പ്പെ​ടാൻ നിങ്ങളു​ടെ ഓമന​മൃ​ഗത്തെ പരിശീ​ലി​പ്പി​ക്കു​ന്നതു നല്ലതാണ്‌. കുട്ടികൾ അടുത്തി​ല്ലാ​ത്ത​പ്പോൾ പെട്ടെ​ന്നുള്ള ഒച്ചയോട്‌ ഇണങ്ങാൻ നായെ പരിശീ​ലി​പ്പി​ക്കുക. പരിശീ​ലനം ഒരു വിനോ​ദ​മാ​ക്കുക. ഉച്ചത്തിൽ ഒരു ആജ്ഞ നൽകി​യ​ശേഷം പെട്ടെന്ന്‌ നായുടെ അടുക്ക​ലേക്കു പാഞ്ഞു​ചെ​ല്ലുക. പിന്നെ ഉടനടി നായ്‌ക്ക്‌ ഒരു സമ്മാനം നൽകുക. നിങ്ങളു​ടെ ഒച്ച പടിപ​ടി​യാ​യി ഉയർത്തുക. എപ്പോ​ഴും ഒടുവിൽ അതിനെ ഓമനി​ക്കാൻ ശ്രമി​ക്കുക. താമസി​യാ​തെ അത്‌ ഈ വിനോ​ദം ആസ്വദി​ച്ചു തുടങ്ങും.

കൊച്ചു കുട്ടി​കൾക്കു നായ്‌ക്കളെ കെട്ടി​പ്പി​ടി​ക്കാൻ ഇഷ്ടമാണ്‌. എന്നാൽ അങ്ങനെ ചെയ്യരു​തെന്ന്‌ അവരെ പഠിപ്പി​ക്കണം. കാരണം അത്തരം അടുത്ത സമ്പർക്ക​ത്തിൽ വരുന്നത്‌ ചില നായ്‌ക്കളെ ഭയപ്പെ​ടു​ത്തും. നിങ്ങളു​ടെ കുട്ടികൾ നായെ കെട്ടി​പ്പി​ടി​ക്കാ​റു​ണ്ടെ​ങ്കിൽ അത്‌ അനുവ​ദി​ച്ചു​കൊ​ടു​ക്കാൻ അതിനെ പരിശീ​ലി​പ്പി​ക്കു​ന്ന​തി​നു സാധി​ക്കും. അൽപ്പസ​മയം നിങ്ങളു​ടെ നായെ കെട്ടി​പ്പി​ടി​ക്കുക. എന്നിട്ട്‌ എന്തെങ്കി​ലും ഭക്ഷണനു​റു​ക്കു നൽകു​ക​യും പ്രശം​സി​ക്കു​ക​യും ചെയ്യുക. സമയ​ദൈർഘ്യം ക്രമേണ കൂട്ടുക. നിങ്ങളു​ടെ നായ മൂളു​ക​യോ മുരളു​ക​ളോ ചെയ്യു​ന്നെ​ങ്കിൽ യോഗ്യ​ത​യുള്ള ഒരു പരിശീ​ല​ക​നിൽനി​ന്നു സഹായം സ്വീക​രി​ക്കുക.

അക്രമ​സ്വ​ഭാ​വ​മുള്ള നായ

ചില നായ്‌ക്കൾ പ്രകൃ​ത്യാ അക്രമ​സ്വ​ഭാ​വ​മു​ള്ള​വ​യാ​യി​രി​ക്കും. കുടും​ബാം​ഗ​ങ്ങളെ സംബന്ധി​ച്ചി​ട​ത്തോ​ളം അവ അപകട​കാ​രി​ക​ളാ​യേ​ക്കാം. അക്രമ​സ്വ​ഭാ​വം കൂടുതൽ പ്രകടി​പ്പി​ച്ചേ​ക്കാ​വു​ന്നത്‌ ആൺപട്ടി​ക​ളാ​യി​രി​ക്കും.

മേധാ​വി​ത്വ സ്വഭാ​വ​മുള്ള നായ്‌ക്കൾക്കു തങ്ങളെ സ്‌പർശി​ക്കു​ന്നത്‌ ഇഷ്ടമാ​യി​രി​ക്കു​ക​യില്ല, വിശേ​ഷിച്ച്‌ മുഖവും കഴുത്തും​പോ​ലുള്ള സംവേ​ദ​ന​ക്ഷ​മ​മായ ഭാഗങ്ങ​ളിൽ. എങ്കിലും മറ്റു സമയങ്ങ​ളിൽ നായ നിങ്ങളെ സമീപിച്ച്‌ മുട്ടി​യു​രു​മ്മു​ക​യോ അല്ലെങ്കിൽ ശ്രദ്ധ “ആവശ്യ​പ്പെ​ട്ടു​കൊണ്ട്‌” അതിന്റെ കാൽ നിങ്ങളു​ടെ മടിയിൽ വെക്കു​ക​പോ​ലു​മോ ചെയ്‌തേ​ക്കാം. വീട്ടിലെ പ്രത്യേക സ്ഥലങ്ങൾ അത്‌ കൈയ​ട​ക്കി​യേ​ക്കാം, കുടും​ബാം​ഗ​ങ്ങ​ളെ​പ്പോ​ലും അവിടെ പ്രവേ​ശി​ക്കാൻ അനുവ​ദി​ച്ചെന്നു വരില്ല. മിക്ക​പ്പോ​ഴും കളിപ്പാ​ട്ട​ങ്ങൾപോ​ലുള്ള വസ്‌തു​ക്കൾ അത്‌ കൈയ​ടക്കി വെച്ചേ​ക്കാം. അതുമാ​യി കളിച്ചു​കൊ​ണ്ടി​രി​ക്കു​മ്പോൾ ആരെങ്കി​ലും അടു​ത്തേക്കു ചെന്നാൽ അത്‌ മുരളു​ക​യോ കളിപ്പാ​ട്ടം കടിക്കു​ന്നതു നിർത്തു​ക​യോ ചെയ്‌തേ​ക്കാം.

തങ്ങളുടെ മേധാ​വി​ത്വം ഉറപ്പി​ക്കു​ന്ന​തി​നു​വേണ്ടി അത്തരം നായ്‌ക്കൾ പരിച​യ​മുള്ള ആജ്ഞകൾ മനപ്പൂർവം അവഗണി​ച്ചേ​ക്കാം. കുട്ടി​കളെ തള്ളിമാ​റ്റു​ക​യോ വാതി​ലി​ലൂ​ടെ ആദ്യം കടന്നു​പോ​കാൻ ശ്രമി​ക്കു​ക​യോ ചെയ്‌തേ​ക്കാം. ആളുക​ളു​ടെ പുറത്തു കയറാ​നുള്ള പ്രവണ​ത​യും അവ കാട്ടി​യേ​ക്കാം. ഇത്‌ “മേധാ​വി​ത്വം കാട്ടാ​നുള്ള ഒരു ശ്രമമാണ്‌” അല്ലാതെ ഇതിന്‌ “ലൈം​ഗി​ക​ത​യു​മാ​യി ബന്ധമൊ​ന്നു​മില്ല” എന്ന്‌ ബ്രയൻ കിൽക്കോ​മൺസ്‌ പറയുന്നു. അദ്ദേഹം മുന്നറി​യി​പ്പു നൽകുന്നു: ഇത്‌ “എപ്പോ​ഴും, താനാണ്‌ അധികാ​രി എന്നു നായ വിചാ​രി​ക്കു​ന്ന​തി​ന്റെ ഒരു സൂചന​യാണ്‌. തീർച്ച​യാ​യും ഇതിൽ അപകടം പതിയി​രി​പ്പുണ്ട്‌.” ശ്രദ്ധ പിടി​ച്ചു​പ​റ്റാൻ തക്കവണ്ണം ഉടമസ്ഥന്റെ കൈ വായി​ലാ​ക്കുന്ന ശീലവും നായ വളർത്തി​യെ​ടു​ത്തേ​ക്കാം.

അക്രമ​സ്വ​ഭാ​വ​ത്തി​ന്റെ ഇത്തരം സൂചനകൾ അവഗണി​ക്കാൻ പാടില്ല. അക്രമ​സ്വ​ഭാ​വം തനിയെ മാറില്ല; അതു വർധി​ക്കാ​നുള്ള സാധ്യ​ത​യുണ്ട്‌. വീട്ടിലെ കുട്ടികൾ അപകട​ത്തി​ലാ​കാൻ ഇടയുണ്ട്‌. അത്തരം ഒരു നായുടെ—അത്‌ ഏതു ലിംഗ​ത്തിൽപ്പെ​ട്ട​താ​യാ​ലും—പ്രത്യു​ത്‌പാ​ദ​ന​ശേഷി നശിപ്പി​ക്കാൻ പല പരിശീ​ല​ക​രും ശുപാർശ ചെയ്യുന്നു. കാരണം ഇത്‌ പൊതു​വേ അക്രമ​സ്വ​ഭാ​വം കുറയ്‌ക്കു​മ​ത്രേ.

യജമാനൻ ആരെന്നു കാണി​ക്ക​ത്ത​ക്ക​വണ്ണം അക്രമ​സ്വ​ഭാ​വ​മുള്ള ഒരു നായെ വെല്ലു​വി​ളി​ക്കു​ന്നത്‌ ബുദ്ധി​യാ​യി​രി​ക്കു​ക​യില്ല. അക്രമ​വും പരുക്കൻമ​ട്ടി​ലുള്ള ശിക്ഷണ​വും വാസ്‌ത​വ​ത്തിൽ അപകട​ക​ര​മാ​യേ​ക്കാം. കൂടുതൽ തന്ത്രപ​ര​മായ രീതി​ക​ളി​ലൂ​ടെ യജമാനൻ ആരാ​ണെ​ന്നു​ള്ളതു നായ്‌ക്കു കാണി​ച്ചു​കൊ​ടു​ക്കാൻ സാധി​ക്കും.

അക്രമ​സ്വ​ഭാ​വ​മുള്ള ഒരു നായ ശ്രദ്ധ ആവശ്യ​പ്പെ​ട്ടു​കൊണ്ട്‌ നിങ്ങളെ സമീപി​ക്കു​മ്പോ​ഴെ​ല്ലാം നിങ്ങൾ അതു നൽകു​ക​യാ​ണെ​ങ്കിൽ യജമാനൻ താനാ​ണെന്ന നായുടെ വിശ്വാ​സത്തെ അതു ബലപ്പെ​ടു​ത്തും. അതു​കൊണ്ട്‌ അത്തര​മൊ​രു നായ ശ്രദ്ധ ആവശ്യ​പ്പെ​ടു​മ്പോൾ അത്‌ അവഗണി​ക്കുക. മുഴു​കു​ടും​ബ​വും ഇതി​നോ​ടു സഹകരി​ക്കണം. ആദ്യ​മൊ​ക്കെ നായ അമ്പരന്ന്‌ കുരയ്‌ക്കു​ക​യും നിങ്ങളെ കൗതു​ക​ത്തോ​ടെ നോക്കു​ക​യും ചെയ്‌തേ​ക്കാം. എന്നാൽ അതിനു വശംവ​ദ​രാ​കാ​നുള്ള പ്രേര​ണയെ ചെറു​ത്തു​നിൽക്കുക. അത്‌ പിന്മാറി ഒരുപക്ഷേ ഒരു മൂലയിൽചെന്നു കിടക്കും. അൽപ്പം ശ്രദ്ധ നൽകാ​നുള്ള സമയം അതാണ്‌. നിങ്ങളാണ്‌ യജമാനൻ എന്നും ശ്രദ്ധ കൊടു​ക്കേ​ണ്ടത്‌ എപ്പോ​ഴാ​ണെന്നു തീരു​മാ​നി​ക്കു​ന്നതു നിങ്ങളാ​ണെ​ന്നും ഇപ്രകാ​രം നായ മനസ്സി​ലാ​ക്കു​ന്നു.

വടംവ​ലി​യും മൽപ്പി​ടി​ത്ത​വും പോ​ലെ​യുള്ള അക്രമാ​സ​ക്ത​മായ കളികൾ നായുടെ മേധാ​വി​ത്വ വാസനയെ ഉത്തേജി​പ്പി​ച്ചേ​ക്കാം. അതു​കൊണ്ട്‌, അത്തരം വിനോ​ദങ്ങൾ ഒഴിവാ​ക്കേ​ണ്ട​താണ്‌. പകരം അക്രമ​സ്വ​ഭാ​വ​മി​ല്ലാത്ത വിനോ​ദ​ങ്ങ​ളിൽ ഏർപ്പെ​ടാ​വു​ന്ന​താണ്‌.

നായ നിങ്ങളു​ടെ കിടപ്പ​റ​യിൽ കിടന്നു​റ​ങ്ങാ​തി​രി​ക്കു​ന്ന​താ​ണു നല്ലത്‌. കിടപ്പറ വിശി​ഷ്ട​മായ ഒരു സ്ഥലമാണ്‌. അവിടെ കിടന്നു​റ​ങ്ങു​ന്ന​തു​കൊണ്ട്‌ വീട്ടിലെ കുട്ടി​ക​ളെ​ക്കാൾ പദവി തനിക്കു​ണ്ടെന്ന്‌ നായ്‌ക്കു തോന്നി​യേ​ക്കാം. പകരം നായുടെ കിടപ്പ്‌ വരാന്ത​യി​ലോ പുറത്തുള്ള കൂട്ടി​ലോ ആക്കണം. മിക്ക​പ്പോ​ഴും തങ്ങളുടെ കിടപ്പ​റ​യിൽവെ​ച്ചാണ്‌ അക്രമ​സ്വ​ഭാ​വ​മുള്ള നായിൽനിന്ന്‌ ഉടമസ്ഥർക്ക്‌ ആദ്യമാ​യി കടി​യേൽക്കു​ന്നത്‌.

നായ നിങ്ങളു​ടെ ശ്രമങ്ങ​ളോ​ടു പ്രതി​ക​രി​ക്കു​ന്നി​ല്ലെ​ങ്കി​ലോ പരിശീ​ലി​പ്പി​ക്കു​ന്ന​തി​നി​ട​യ്‌ക്ക്‌ അല്ലെങ്കിൽ ഏതെങ്കി​ലും സമയത്ത്‌ നിങ്ങൾക്കു ഭീഷണി നേരി​ടു​ന്നെ​ങ്കി​ലോ വിദഗ്‌ധ​നായ ഒരു നായ പരിശീ​ല​ക​നിൽനി​ന്നു സഹായം സ്വീക​രി​ക്കുക. നിങ്ങളു​ടെ മൃഗ​ഡോ​ക്‌ടർക്ക്‌ ഒരാളെ ശുപാർശ ചെയ്യാൻ കഴി​ഞ്ഞേ​ക്കും. ആദ്യം​തന്നെ അയാളു​ടെ പരിശീ​ലന രീതി​ക​ളെ​ക്കു​റിച്ച്‌ അയാളു​മാ​യി സംസാ​രിച്ച്‌, നിയമി​ക്കു​ന്ന​തി​നു​മു​മ്പാ​യി അയാളു​ടെ കഴിവു​ക​ളിൽ നിങ്ങൾ സന്തുഷ്ട​നാ​ണെന്ന്‌ ഉറപ്പു വരുത്തുക. പരിശീ​ല​ക​നായ റിച്ചാർഡ്‌ സ്റ്റബ്‌സ്‌ മുന്നറി​യി​പ്പു നൽകുന്നു: “വിദഗ്‌ധ​നായ ഒരു പരിശീ​ല​ക​നോട്‌ നായ പ്രതി​ക​രി​ച്ചേ​ക്കാ​മെ​ങ്കി​ലും ഉടമസ്ഥ​നോ​ടും അപ്രകാ​രം​ത​ന്നെ​യാ​യി​രി​ക്കു​മെന്ന്‌ ഉറപ്പി​ക്കാൻ വയ്യ.” നിർണാ​യക സാഹച​ര്യ​ങ്ങ​ളിൽ തന്റെ നായെ നിയ​ന്ത്രി​ക്കാൻ തനിക്കു കഴിയു​മെന്ന്‌ ഉടമസ്ഥന്‌ ഉറപ്പു​ണ്ടാ​യി​രി​ക്കണം.

ഏറ്റവും നല്ല പരിശീ​ലനം ലഭിച്ച​ശേ​ഷം​പോ​ലും ചില നായ്‌ക്കൾ അക്രമ​സ്വ​ഭാ​വം കൈ​വെ​ടി​യു​ക​യില്ല. അത്തരം നായ്‌ക്കളെ വീട്ടിൽ വെച്ചു​കൊ​ണ്ടി​രി​ക്കു​ന്നത്‌ അപകട​ക​ര​മാ​യേ​ക്കാം. കഴിവി​ന്റെ പരമാ​വധി ശ്രമി​ച്ച​ശേഷം, അപകടം ക്ഷണിച്ചു​വ​രു​ത്തു​ന്ന​തി​ലും നല്ലത്‌ അത്തരം നായെ ഉപേക്ഷി​ക്കു​ന്ന​താ​ണെന്നു നിങ്ങൾക്കു തോന്നി​യേ​ക്കാം. ഉപദേ​ശ​ത്തി​നാ​യി ഒരു മൃഗ​ഡോ​ക്‌ട​റെ​യോ പരിശീ​ല​ക​നെ​യോ സമീപി​ക്കു​ന്ന​താ​യി​രി​ക്കും ബുദ്ധി. നിങ്ങളു​ടെ നായ്‌ക്ക്‌ മറ്റൊരു ഭവനം നിങ്ങൾ കണ്ടെത്തി​യേ​ക്കാം. എന്നാൽ നായിൽനി​ന്നു നിങ്ങൾ നേരി​ട്ടി​ട്ടുള്ള പ്രശ്‌ന​ങ്ങ​ളെ​ക്കു​റിച്ച്‌ പുതിയ ഉടമസ്ഥ​നോ​ടു പറയാൻ സ്വാഭാ​വി​ക​മാ​യും നിങ്ങൾ ബാധ്യ​സ്ഥ​നാണ്‌.

പരിശീ​ല​ക​നാ​യ പീറ്റർ നെവൽ ഇപ്രകാ​രം ഉപദേ​ശി​ക്കു​ന്നു: “മേധാ​വി​ത്വ സ്വഭാ​വ​മുള്ള നായ്‌ക്കളെ കൈകാ​ര്യം ചെയ്യു​ന്നത്‌ ശ്രദ്ധാ​പൂർവ​മായ മാർഗ​നിർദേ​ശ​ത്തിൻ കീഴി​ലാ​യി​രി​ക്കണം. അപകട​ത്തി​ലാ​കു​ന്നത്‌ ആരെന്നും എത്ര​ത്തോ​ളം അപകടം പതിയി​രി​പ്പു​ണ്ടെ​ന്നും ശ്രദ്ധാ​പൂർവം വിശക​ലനം ചെയ്യണം. ഭവനത്തിൽ, അപകട​ത്തിന്‌ ഏറ്റവും കൂടുതൽ വിധേ​യ​മാ​കാൻ സാധ്യ​ത​യുള്ള വ്യക്തിക്ക്‌ സുരക്ഷി​ത​ത്വം ഉറപ്പു​വ​രു​ത്താൻ സാധി​ക്കു​ക​യി​ല്ലെ​ങ്കിൽ അതിനെ പുതിയ ഉടമസ്ഥനു കൈമാ​റു​ന്ന​തോ കൊല്ലു​ന്ന​തോ ആയിരി​ക്കും നല്ലത്‌. പുതിയ ഉടമസ്ഥനെ തിരഞ്ഞു​പി​ടി​ക്കു​ന്ന​തും ശ്രദ്ധി​ച്ചു​വേണം.”

നായ്‌ക്ക​ളെ ഓമന​മൃ​ഗ​ങ്ങ​ളാ​ക്കു​ന്ന​തിൽനി​ന്നു കുട്ടി​കൾക്കു പഠിക്കാ​നും വൈകാ​രി​ക​മായ പ്രയോ​ജനം അനുഭ​വി​ക്കാ​നും സാധി​ക്കും. മാതാ​പി​താ​ക്കൾ ഉത്തരവാ​ദി​ത്വ​ത്തോ​ടെ മേൽനോ​ട്ടം വഹിച്ചാൽ തങ്ങളുടെ ഓമന​മൃ​ഗ​ങ്ങ​ളെ​ക്കു​റി​ച്ചുള്ള കുട്ടി​ക​ളു​ടെ ഓർമ​ക​ളെ​ല്ലാം മധുര​മു​ള്ള​താ​ക്കാൻ സാധി​ക്കും.

[22-ാം പേജിലെ ചതുരം]

നായുടെ ശരീര​ഭാ​ഷ

അക്രമ​സ്വ​ഭാ​വ​മുള്ള നായുടെ പെരു​മാ​റ്റ​ത്തിൽ സൗഹൃ​ദ​ത്തി​ന്റേ​ത​ല്ലാത്ത സൂചനകൾ പ്രകട​മാ​യി​രി​ക്കും. നായുടെ ഈ ശരീര​ഭാഷ തിരി​ച്ച​റി​യാൻ കുട്ടിയെ പഠിപ്പി​ക്കു​ന്ന​തു​വഴി അപകട​ക​ര​മായ സാഹച​ര്യ​ങ്ങൾ ഒഴിവാ​ക്കാൻ തക്കവണ്ണം നിങ്ങൾക്ക്‌ അവനെ സഹായി​ക്കാൻ സാധി​ക്കും.

● അക്രമ​സ്വ​ഭാ​വ​മുള്ള നായ വലുപ്പ​ക്കൂ​ടു​ത​ലു​ള്ള​താ​യി തോന്നി​പ്പി​ക്കാൻ ശ്രമി​ക്കും. അതിന്റെ കഴുത്തി​നു പുറകി​ലുള്ള രോമം എഴുന്നു​നി​ന്നേ​ക്കാം. നായ വാൽ മുകളി​ലേ​ക്കാ​ക്കി മുരളു​ക​യോ കുരയ്‌ക്കു​ക​യോ ചെയ്‌തേ​ക്കാം. വാൽ വടി​പോ​ലെ​യാ​ക്കി തുട​രെ​ത്തു​ടരെ ചലിപ്പി​ക്കു​ക​യാ​ണെ​ങ്കിൽ അത്‌ സൗഹൃ​ദ​ത്തെയല്ല പ്രകട​മാ​ക്കു​ന്നത്‌. നായെ വെറുതേ വിടു​ന്ന​താ​യി​രി​ക്കും നല്ലത്‌.

● പേടി​യുള്ള നായ അതിന്റെ തലയും ചെവി​യും താഴോ​ട്ടാ​ക്കി വാൽ കാലു​കൾക്കി​ട​യിൽ തിരുകി പതുങ്ങി​ക്കി​ട​ന്നേ​ക്കാം. ഈ നായെ ആരെങ്കി​ലും സമീപി​ക്കു​ക​യാ​ണെ​ങ്കിൽ പേടി​മൂ​ലം അത്‌ അക്രമാ​സ​ക്ത​മാ​യേ​ക്കാം. അതിനെ വെറുതേ വിടുക.

● ശാന്തനാ​യി നിൽക്കുന്ന ഒരു നായ തല നേരേ പിടി​ച്ചി​രി​ക്കും. വായ്‌ തുറന്നും വാൽ അൽപ്പം താഴ്‌ത്തി​യും പിടി​ച്ചി​രി​ക്കും. പക്ഷേ വാൽ താഴേക്കു വീണു​കി​ട​ക്കു​ക​യില്ല. വാലാ​ട്ടു​ന്നതു സൗഹൃ​ദ​ത്തി​ന്റെ സൂചന​യാണ്‌. ഈ നായു​മാ​യി സൗഹൃ​ദ​ത്തി​ലേർപ്പെ​ടു​ന്ന​തിൽ പൊതു​വേ അപകട​മൊ​ന്നു​മില്ല.

(ബ്രയൻ കിൽക്കോ​മൺസും സാറ വിൽസ​ണും രചിച്ച നിങ്ങളു​ടെ നായെ കുട്ടി​ക​ളു​മാ​യി ഇണങ്ങാൻ പഠിപ്പി​ക്കൽ എന്ന പുസ്‌ത​ക​ത്തിൽനി​ന്നു സ്വീക​രി​ച്ചത്‌.)

[23-ാം പേജിലെ ചതുരം]

നായ്‌ക്കളിൽനിന്നു സുരക്ഷ

1. കൊച്ചു കുട്ടി​ക​ളു​ടെ​യും നായ്‌ക്ക​ളു​ടെ​യും മേൽ കണ്ണുണ്ടാ​യി​രി​ക്കുക.

2. നായെ ഒരിക്ക​ലും കളിയാ​ക്ക​രു​തെന്ന്‌ കുട്ടിയെ പഠിപ്പി​ക്കുക.

3. പരിച​യ​മി​ല്ലാത്ത ഒരു നായെ ഓമനി​ക്കു​ന്ന​തി​നു​മുമ്പ്‌ അതിന്റെ ഉടമസ്ഥ​നിൽനിന്ന്‌ അനുവാ​ദം വാങ്ങുക.

4. അടിസ്ഥാന ആജ്ഞകൾ അനുസ​രി​ക്കാൻ നിങ്ങളു​ടെ നായെ പരിശീ​ലി​പ്പി​ക്കുക.

5. നിങ്ങളു​ടെ നായെ കെട്ടി​പ്പി​ടി​ക്കു​ന്ന​തു​മാ​യി പരിചി​ത​മാ​ക്കുക.

6. അക്രമ​സ്വ​ഭാ​വ​മുള്ള കളികൾ ഒഴിവാ​ക്കുക.