എന്റെ കുട്ടി​യു​മാ​യി ആശയവി​നി​യമം നടത്താൻ ഞാൻ മറ്റൊരു ഭാഷ പഠിച്ചു

ആയിര​ത്തി​ത്തൊ​ള്ളാ​യി​ര​ത്തി​യെൺപത്തി​രണ്ട്‌ ആഗസ്റ്റിൽ, ഞങ്ങളുടെ മകൻ സ്‌പെൻസർ ജനിച്ചു. അതു ഞങ്ങളുടെ ജീവി​ത​ത്തി​ലെ ഏറ്റവും സന്തോ​ഷ​ക​ര​മായ നിമി​ഷ​ങ്ങ​ളി​ലൊ​ന്നാ​യി​രു​ന്നു. പൂർണ ആരോ​ഗ്യ​വാ​നായ ഒരു ശിശു ആയിരു​ന്നു അവൻ! എന്റെ ഭർത്താ​വും ഞാനും ഞങ്ങളുടെ ആദ്യത്തെ കുട്ടി ജനിക്കു​ന്ന​തി​നു​മുമ്പ്‌, ഒരു അഞ്ചു വർഷത്തെ കാത്തി​രി​പ്പിൻ കാലാ​വധി ആസൂ​ത്രണം ചെയ്‌തി​രു​ന്നു. അവന്റെ ജനനത്തി​നു ശേഷം മാസങ്ങൾ കടന്നു​പോ​കവേ അവൻ വളരു​ന്നതു കാണു​ന്നതു ഞങ്ങൾക്ക്‌ എത്ര ആനന്ദദാ​യ​ക​മാ​യി​രു​ന്നു! ഡോക്ട​റു​ടെ ഓഫീ​സി​ലെ മാസാ​മാ​സ​മുള്ള പതിവു​പ​രി​ശോ​ധ​നകൾ എല്ലായ്‌പോ​ഴും നല്ല ഫലങ്ങൾ കാണിച്ചു. ഇതു​പോ​ലെ അത്ഭുത​ക​ര​മായ ഒരു അനു​ഗ്ര​ഹ​ത്തി​നാ​യി ഞാൻ യഹോ​വ​യ്‌ക്കു നന്ദി പറഞ്ഞു.

എന്നാൽ, സ്‌പെൻസ​റിന്‌ ഒമ്പതു മാസം പ്രായ​മാ​യ​തോ​ടെ എന്തോ കുഴപ്പ​മി​ല്ലേ എന്ന ശങ്ക എനിക്കു​ണ്ടാ​യി​ത്തു​ടങ്ങി. അവൻ ശബ്ദങ്ങ​ളോ​ടും ചിലതരം ഒച്ചക​ളോ​ടും പ്രതി​ക​രി​ക്കു​ന്നി​ല്ലാ​യി​രു​ന്നു. അവന്റെ കേൾവി പരി​ശോ​ധി​ക്കാ​നാ​യി, ഞാൻ അവനു കാണാൻക​ഴി​യാത്ത ഒരു സ്ഥാനത്തു നിന്നു​കൊ​ണ്ടു പാത്ര​ങ്ങ​ളി​ലോ മറ്റെ​ന്തെ​ങ്കി​ലും വസ്‌തു​ക്ക​ളി​ലോ തട്ടി ശബ്ദമു​ണ്ടാ​ക്കു​മാ​യി​രു​ന്നു. ചില​പ്പോ​ഴൊ​ക്കെ അവൻ തിരി​ഞ്ഞു​നോ​ക്കും, പക്ഷേ എപ്പോ​ഴും ആ പ്രതി​ക​ര​ണ​മു​ണ്ടാ​യില്ല. അവന്റെ ഒമ്പതാം​മാ​സത്തെ പരി​ശോ​ധ​ന​യിൽ, ഞാൻ എന്റെ ഉത്‌ക​ണ്‌ഠകൾ ഡോക്ട​റു​മാ​യി ചർച്ച​ചെ​യ്‌തു. എങ്കിലും, എന്റെ മകനു കുഴപ്പ​മൊ​ന്നു​മി​ല്ലെ​ന്നും ഭയപ്പെ​ടാ​നൊ​ന്നു​മി​ല്ലെ​ന്നു​മാണ്‌ അദ്ദേഹം എനിക്ക്‌ ഉറപ്പു​ത​ന്നത്‌. എന്നിരു​ന്നാ​ലും, മാസങ്ങൾ കടന്നു​പോ​യി​ട്ടും അവൻ പ്രതി​ക​രി​ക്കു​ക​യോ എന്തെങ്കി​ലും സ്വരം പുറ​പ്പെ​ടു​വി​ക്കു​ക​യോ ചെയ്‌തില്ല.

അവന്‌ ഒരു വയസ്സാ​യ​പ്പോൾ നടത്തിയ പരി​ശോ​ധ​നാ​സ​മ​യത്ത്‌, ഡോക്ട​റോ​ടു ഞാൻ വീണ്ടും എന്റെ വേവലാ​തി​കൾ പ്രകടി​പ്പി​ച്ചു. അദ്ദേഹ​ത്തിന്‌ അപ്പോ​ഴും കുഴപ്പ​മൊ​ന്നും കണ്ടെത്താ​നാ​യില്ല. എങ്കിലും ഒരു ശ്രവണ​വി​ദ​ഗ്‌ധന്റെ അടുക്കൽ പോകാൻ അദ്ദേഹം ഞങ്ങളോ​ടു നിർദ്ദേ​ശി​ച്ചു. ഞാൻ സ്‌പെൻസ​റി​നെ പരി​ശോ​ധ​ന​യ്‌ക്കാ​യി അവിടെ കൊണ്ടു​പോ​യെ​ങ്കി​ലും പരി​ശോ​ധ​നാ​ഫ​ലങ്ങൾ തൃപ്‌തി​ക​ര​മാ​യി​രു​ന്നില്ല. രണ്ടാമ​തും മൂന്നാ​മ​തും ഞാൻ അവിടെ മടങ്ങി​ച്ചെ​ന്നെ​ങ്കി​ലും, ഫലങ്ങൾ തൃപ്‌തി​ക​ര​മ​ല്ലെ​ന്നാണ്‌ എന്നോടു പറഞ്ഞത്‌. സ്‌പെൻസർ വളർന്നു​വ​രു​മ്പോൾ മെച്ചപ്പെട്ട ഫലങ്ങൾ കൈവ​രി​ക്കു​മെന്നു ഡോക്ടർ വിചാ​രി​ച്ചു. ഒരു കുട്ടി​യു​ടെ ജീവി​ത​ത്തി​ലെ ആദ്യ മൂന്നു വർഷം ഭാഷ വികസി​പ്പി​ച്ചെ​ടു​ക്കു​ന്ന​തി​നുള്ള നിർണാ​യ​ക​ദ​ശ​യാണ്‌. ഞാൻ അങ്ങേയറ്റം ഉത്‌ക​ണ്‌ഠാ​കു​ല​യാ​കു​ക​യാ​യി​രു​ന്നു. ഒരു നിഗമ​ന​ത്തി​ലെ​ത്താൻ സഹായ​ക​മാ​വും​വി​ധ​മുള്ള പരി​ശോ​ധ​നകൾ നടത്തു​ന്ന​തി​നെ​പ്പറ്റി ഞാൻ ശ്രവണ​വി​ദ​ഗ്‌ധ​നോ​ടു ചോദി​ച്ചു​കൊ​ണ്ടേ​യി​രു​ന്നു. ഒടുക്കം, അദ്ദേഹം മസാച്ചു​സെ​റ്റ്‌സ്‌ നേത്ര-കർണ ചികി​ത്സാ​കേ​ന്ദ്ര​ത്തിൽ ലഭ്യമായ കർണേ​ന്ദ്രി​യ​സം​ബ​ന്ധ​മായ ഒരു മസ്‌തി​ഷ്‌ക​സ്‌തംഭ പരി​ശോ​ധ​ന​യെ​ക്കു​റി​ച്ചു പറഞ്ഞു.

ആകെ തകർന്ന​തു​പോ​ലെ എനിക്കു തോന്നി

പിറ്റേ ആഴ്‌ച ഞങ്ങൾ ബോസ്റ്റ​ണി​ലെ ആ ആശുപ​ത്രി​യിൽ ചെന്നു. ഫലം എന്തുത​ന്നെ​യാ​യി​രു​ന്നാ​ലും അത്‌ അഭിമു​ഖീ​ക​രി​ക്കാ​നുള്ള ശക്തി നൽകാൻ ഞാൻ യഹോ​വ​യോ​ടു പ്രാർഥി​ച്ചു. സ്‌പെൻസ​റിന്‌ എന്തോ ശ്രവണ​വൈ​ക​ല്യ​മു​ണ്ടെ​ന്നും ഒരു ശ്രവണ​സ​ഹാ​യി​യു​ടെ ആവശ്യം വരു​മെ​ന്നും മാത്രമേ എന്റെ ഹൃദയ​ത്തിൽ എനിക്കു തോന്നി​യു​ള്ളൂ. എന്റെ ധാരണ തെറ്റാ​യി​രു​ന്നു! പരി​ശോ​ധ​ന​യ്‌ക്കു ശേഷം ടെക്‌നീ​ഷ്യൻ ഞങ്ങളെ അവരുടെ ഓഫീ​സി​ലേക്കു വിളിച്ചു. ഫലങ്ങൾ ഉറപ്പാ​യി​രു​ന്നു: സ്‌പെൻസ​റിന്‌ ആഴത്തി​ലുള്ള സംവേ​ദ​ക​നാ​ഡീ​തന്തു കേൾവി​ന​ഷ്ട​മാ​യി​രു​ന്നു ഉണ്ടായി​രു​ന്നത്‌. അതിന്റെ കൃത്യ​മായ അർഥ​മെ​ന്താ​ണെന്നു ചോദി​ച്ച​പ്പോൾ, എന്റെ മകനു സംസാ​ര​വും മിക്കവാ​റും മറ്റെല്ലാ ശബ്ദങ്ങളും കേൾക്കാൻ കഴിയു​ക​യി​ല്ലെന്ന്‌ അവർ വിശദീ​ക​രി​ച്ചു. ഇതായി​രു​ന്നില്ല ഞാൻ കേൾക്കാൻ പ്രതീ​ക്ഷി​ച്ചി​രു​ന്നത്‌; ആകെ തകർന്ന​തു​പോ​ലെ എനിക്കു തോന്നി.

ഉടനെ​ത​ന്നെ, ഞാൻ ആലോ​ചി​ച്ചു, ‘ഇതെങ്ങ​നെ​യാ​യി​രി​ക്കും സംഭവി​ച്ചി​ട്ടു​ണ്ടാ​വുക? എന്തായി​രി​ക്കും ഇതിനി​ട​യാ​ക്കി​യത്‌?’ ഞാൻ എന്റെ ഗർഭകാ​ല​ത്തെ​യും പ്രസവ​ത്തെ​യും കുറിച്ചു പുറ​കോ​ട്ടു ചിന്തി​ച്ചു​നോ​ക്കി. ഒരിട​ത്തും കുഴപ്പ​മു​ണ്ടാ​യി​രു​ന്നില്ല. സ്‌പെൻസ​റി​നു ചെവി​യിൽ എന്തെങ്കി​ലും രോഗ​ബാ​ധ​യോ ശക്തമായ ജലദോ​ഷ​മോ ഒരിക്ക​ലും ഉണ്ടായി​ട്ടില്ല. ഞാൻ വികാ​രാ​ധീ​ന​യാ​യി. എനിക്കി​നി എന്തു ചെയ്യാൻ കഴിയും? ഞാൻ എന്റെ കുടും​ബ​ത്തി​ലു​ള്ള​വ​രോ​ടും ഏതാനും സുഹൃ​ത്തു​ക്ക​ളോ​ടും പരി​ശോ​ധനാ ഫലങ്ങ​ളെ​പ്പറ്റി ഫോൺ ചെയ്‌തു പറഞ്ഞു. സ്‌പെൻസ​റി​നെ മറ്റൊ​രു​വി​ധ​ത്തിൽ പഠിപ്പി​ക്കേ​ണ്ടി​വ​രു​മെ​ന്നേ​യു​ള്ളൂ; അതു​കൊണ്ട്‌ ഇതൊരു വെല്ലു​വി​ളി​യാ​യി കണക്കാ​ക്കണം എന്നു പറഞ്ഞു​കൊ​ണ്ടു സാക്ഷി​യായ ഒരു കൂട്ടു​കാ​രി എന്നെ ധൈര്യ​പ്പെ​ടു​ത്തി. ആവശ്യ​മായ ശക്തി നൽകി​യ​തി​നു ഞാൻ യഹോ​വ​യോ​ടു നന്ദിയു​ള്ള​വ​ളാ​യി​രു​ന്നു.

സ്‌പെൻസ​റിന്‌ ഏറ്റവും ഉത്തമമാ​യ​തെ​ന്താ​യി​രി​ക്കും?

ബധിര​നായ ഒരു കുട്ടിയെ വളർത്തി​യെ​ടു​ക്കു​ന്നത്‌ എങ്ങനെ​യെ​ന്നോ ബധിര​നാ​യി​രി​ക്കുക എന്നാൽ എന്താ​ണെ​ന്നോ എനിക്ക​റി​യി​ല്ലാ​യി​രു​ന്നു. എന്റെ മകനെ വളർത്തി​ക്കൊ​ണ്ടു​വ​രാ​നും അവനു​മാ​യി നന്നായി ആശയവി​നി​യമം ചെയ്യാ​നും എനിക്ക്‌ എങ്ങനെ സാധി​ക്കും. വളരെ​യ​ധി​കം ചിന്തക​ളും ആകുല​ത​ക​ളും എന്റെ മനസ്സി​ലൂ​ടെ കടന്നു​പോ​യി.

പിറ്റേ ആഴ്‌ച ഞങ്ങൾ ആശുപ​ത്രി​യിൽ മടങ്ങി​ച്ചെ​ന്ന​പ്പോൾ, ഞങ്ങൾക്കു നടത്താ​വുന്ന തിര​ഞ്ഞെ​ടു​പ്പു​ക​ളെ​ക്കു​റി​ച്ചു ടെക്‌നീ​ഷ്യൻ ചർച്ച​ചെ​യ്‌തു. ഒരു മാർഗം സംസാര, അധരച​ല​ന​വ്യാ​ഖ്യാ​ന വൈദ​ഗ്‌ധ്യം വളർത്തി​യെ​ടു​ക്കു​ന്ന​തിൽ കേന്ദ്രീ​ക​രിച്ച വാചിക സമീപനം ആണെന്ന്‌ അവർ വിശദീ​ക​രി​ച്ചു. ബധിര​രു​ടെ ഭാഷയായ ആംഗ്യ​ഭാഷ ഉപയോ​ഗി​ക്കു​ന്ന​താ​ണു മറ്റൊരു വിധം. ആംഗ്യ​ഭാഷ സംബന്ധി​ച്ചു പ്രബോ​ധനം തരുക​യും പിന്നീട്‌ അതി​നോട്‌ അധരച​ല​ന​വ്യാ​ഖ്യാ​ന​വും, സംസാര വൈദ​ഗ്‌ധ്യ​വും ബന്ധിപ്പി​ക്കു​ന്ന​തു​മായ ഒരു പരിപാ​ടി ഉണ്ടായി​രു​ന്നു. എന്റെ മകന്റെ അവശേ​ഷി​ക്കുന്ന കേൾവി​ശക്തി വർധി​പ്പി​ക്കാൻ ശ്രവണ​സ​ഹാ​യി​കൾ ഉപയോ​ഗി​ക്കു​ന്ന​തി​നും ആ ടെക്‌നീ​ഷ്യൻ ശുപാർശ ചെയ്‌തു. പിന്നീടു ഞങ്ങൾ ഒരു പ്രാ​ദേ​ശിക ശ്രവണ​വി​ദ​ഗ്‌ധനെ സന്ദർശി​ച്ചു, അദ്ദേഹം സ്‌പെൻസ​റിന്‌ ഇയർ മോൾഡു​ക​ളും ശ്രവണ​സ​ഹാ​യി​ക​ളും ഘടിപ്പി​ച്ചു. ഞങ്ങളുടെ സന്ദർശ​ന​സ​മ​യത്തു സ്‌പെൻസർ വാചി​ക​രീ​തി​ക്കു നന്നായി യോജി​ക്കുന്ന ഒരു വിദ്യാർഥി​യാ​യി​രി​ക്കു​മെന്ന്‌ ആ ശ്രവണ​വി​ദ​ഗ്‌ധൻ പറഞ്ഞു.

സ്‌പെൻസ​റിന്‌ ഏറ്റവും ഉത്തമമാ​യ​തെ​ന്താ​യി​രി​ക്കും? യഥാർഥ​ത്തിൽ പ്രധാ​ന​മാ​യ​തി​നെ​ക്കു​റി​ച്ചു ഞാൻ ചിന്തിച്ചു. നമ്മുടെ കുട്ടി​ക​ളു​മാ​യി നന്നായി ആശയവി​നി​യമം നടത്താൻ യഹോവ നമ്മോട്‌ ആവശ്യ​പ്പെ​ടു​ന്നു; വിജയ​ക​ര​മായ ഒരു കുടും​ബ​ജീ​വി​തം ഉണ്ടായി​രി​ക്കാൻ നാം ആഗ്രഹി​ക്കു​ന്നു​വെ​ങ്കിൽ ഇത്‌ അത്യന്താ​പേ​ക്ഷി​ത​മാണ്‌. ഞങ്ങൾക്കു വാചിക സമീപനം തെര​ഞ്ഞെ​ടു​ത്തു സംസാ​ര​ത്തി​ലും അധരച​ല​ന​വ്യാ​ഖ്യാ​ന വൈദ​ഗ്‌ധ്യ​ത്തി​ലും ശ്രദ്ധ​കേ​ന്ദ്രീ​ക​രി​ക്കാൻ കഴിയും. സ്‌പെൻസർ പറയു​ന്നതു മറ്റുള്ള​വർക്കു മനസ്സി​ലാ​ക്കാ​നാ​വുന്ന ഘട്ടത്തോ​ളം സംസാ​ര​പ്രാ​പ്‌തി വികസി​പ്പി​ച്ചെ​ടു​ക്കുക സാധ്യ​മാ​യി​രു​ന്നു. പക്ഷേ അതു തിരി​ച്ച​റി​യാൻ വർഷങ്ങൾതന്നെ വേണമാ​യി​രു​ന്നു! ഞങ്ങൾക്കി​നി എന്തു ചെയ്യാൻ കഴിയു​മാ​യി​രു​ന്നു? ഞങ്ങൾ ആംഗ്യ​ഭാഷ ഉപയോ​ഗി​ക്കാൻ തീരു​മാ​നി​ച്ചു.

തുടർന്നു​വന്ന മാസം, സ്‌പെൻസ​റി​നെ ആ സമയത്ത്‌ സമഗ്ര ആശയവി​നി​മയ പരിപാ​ടി എന്നു വിളി​ച്ചി​രുന്ന ഒന്നിൽ അംഗമാ​യി ചേർത്തു. സ്‌പെൻസ​റും ഞാനും ഒരുമിച്ച്‌ അടിസ്ഥാന ആംഗ്യ​ഭാഷ പഠിച്ചു. സ്‌പെൻസ​റി​നു സ്‌പോ​ക്കൺ ഇംഗ്ലീ​ഷി​ലും അധരച​ല​ന​വ്യാ​ഖ്യാ​ന വൈദ​ഗ്‌ധ്യ​ത്തി​ലും അഭ്യസ​ന​വും ലഭിച്ചു. മകനെ എങ്ങനെ പഠിപ്പി​ക്കാ​മെന്ന്‌ എനിക്കു കാണി​ച്ചു​തന്നു. മാസങ്ങൾ കടന്നു പോകവേ, സ്‌പെൻസർ നന്നായി പുരോ​ഗ​മി​ച്ചു​കൊ​ണ്ടി​രു​ന്നു. എന്നുവ​രി​കി​ലും, എനിക്കു നിരാ​ശ​യ​നു​ഭ​വ​പ്പെട്ട നിമി​ഷ​ങ്ങ​ളു​മു​ണ്ടാ​യി​രു​ന്നു. മറ്റു കുട്ടികൾ “മമ്മി” എന്നു പറയു​ന്ന​തും “യഹോവ” എന്നു പറയാൻ പഠിക്കു​ന്ന​തും ശ്രദ്ധി​ച്ച​പ്പോൾ എനിക്കു നിരു​ത്സാ​ഹ​മ​നു​ഭ​വ​പ്പെട്ടു. പക്ഷേ അപ്പോ​ഴൊ​ക്കെ ഞാൻ എന്നോ​ടു​തന്നെ ചോദി​ക്കും, ‘എനിക്കി​ങ്ങനെ തോന്നാൻ കാരണ​മെ​ന്താണ്‌? എന്റെ മകൻ സന്തോ​ഷ​മു​ള്ള​വ​നും ആരോ​ഗ്യ​വാ​നു​മാണ്‌.’ ഇത്ര നല്ല ഒരു കുഞ്ഞു​ണ്ടാ​യി​രി​ക്കു​ന്ന​തി​ലെ പ്രത്യേക അനു​ഗ്ര​ഹ​ത്തോ​ടു വിലമ​തി​പ്പു കാണി​ക്കാൻ എന്നെ സഹായി​ക്കാ​നാ​യി ഞാൻ യഹോ​വ​യോ​ടു പ്രാർഥി​ച്ചു.

സ്‌പെൻസ​റി​നു രണ്ടു വയസ്സു​ള്ള​പ്പോൾ, കാര്യ​പ​രി​പാ​ടി​കൾ അമേരി​ക്കൻ ആംഗ്യ​ഭാ​ഷ​യിൽ (എഎസ്സ്‌എൽ) വിശദീ​ക​രി​ക്കുന്ന യഹോ​വ​യു​ടെ സാക്ഷി​ക​ളു​ടെ ഒരു കൺ​വെൻ​ഷ​നിൽ സംബന്ധി​ക്കാൻ ഞങ്ങൾ ക്രമീ​ക​രണം ചെയ്‌തു. ബധിര​രായ സാക്ഷി​ക​ളോ​ടൊ​പ്പം നിരവധി വർഷങ്ങൾ പ്രവർത്തി​ച്ചി​ട്ടുള്ള ഒരു ദമ്പതി​ക​ളു​മാ​യി എന്റെ നിരു​ത്സാ​ഹ​ത്തി​ന്റേ​തായ വികാ​രങ്ങൾ ഞാൻ പങ്കു​വെച്ചു. മസ്സാച്ചു​സെ​റ്റ്‌സിൽ വെച്ചു​ന​ട​ത്ത​പ്പെ​ടുന്ന യഹോ​വ​യു​ടെ സാക്ഷി​ക​ളു​ടെ പ്രതി​മാസ എഎസ്സ്‌എൽ യോഗ​ങ്ങ​ളെ​പ്പറ്റി പറഞ്ഞ അവർ, അവിടെ പോകാൻ എന്നെ പ്രോ​ത്‌സാ​ഹി​പ്പി​ച്ചു.

ഞാൻ അവരുടെ ബുദ്ധ്യു​പ​ദേശം പിൻപറ്റി, സ്‌പെൻസ​റും ഞാനും അവിടെ ഹാജരാ​കാ​നും തുടങ്ങി. അവിടെ ഞങ്ങൾക്കു ബധിര​രായ മുതിർന്ന​വരെ കണ്ടുമു​ട്ടി ഇടപഴ​കു​ന്ന​തി​നുള്ള അവസരം ലഭിച്ചു. ഞങ്ങളുടെ ഇംഗ്ലീഷ്‌ സഭയിൽവെച്ച്‌, യോഗ​ങ്ങ​ളിൽനി​ന്നു സ്‌പെൻസ​റി​നു വളരെ​ക്കു​റച്ചു പ്രയോ​ജ​ന​ങ്ങളേ ലഭിച്ചി​രു​ന്നു​ള്ളൂ. അവന്‌ ആശയവി​നി​യമം നടത്താൻ സാധി​ക്കു​മാ​യി​രുന്ന ഒരേ ഒരാൾ ഞാനാ​യി​രു​ന്ന​തി​നാൽ അവൻ എന്റെ ഒരു വശത്തു പറ്റിക്കൂ​ടു​മാ​യി​രു​ന്നു. അവൻ വളർന്നു​വ​രും​തോ​റും അത്തരം മീറ്റിം​ഗു​ക​ളോ​ടുള്ള അവന്റെ അതൃപ്‌തി വർധി​ച്ചു​വന്നു, മാത്രമല്ല അവന്റെ പെരു​മാ​റ്റം മോശ​മാ​യി​ത്തീ​രു​ക​യും ചെയ്‌തു. ഞങ്ങൾ ആംഗ്യ​ഭാ​ഷ​യി​ലുള്ള യോഗ​ങ്ങൾക്കു ഹാജരാ​യ​പ്പോൾ സ്ഥിതി വ്യത്യ​സ്‌ത​മാ​യി​രു​ന്നു. അവന്‌ അമ്മയെ ഒരു വ്യാഖ്യാ​താ​വാ​യി ഇടയ്‌ക്കു നിർത്താ​തെ​തന്നെ സ്വത​ന്ത്ര​മാ​യി എല്ലാവ​രോ​ടും ഇടപെ​ടാൻ സാധിച്ചു. അവൻ സഭയി​ലുള്ള ആളുക​ളു​മാ​യി വളരെ അനിവാ​ര്യ​മായ ബന്ധങ്ങൾ കെട്ടി​പ്പ​ടു​ത്തു. ഞങ്ങളി​രു​വ​രും ആംഗ്യ​ഭാ​ഷ​യു​ടെ ഉപയോ​ഗ​ത്തിൽ അഭിവൃ​ദ്ധി കൈവ​രി​ച്ചു. ഞങ്ങളുടെ ഭവന ബൈബി​ള​ധ്യ​യ​ന​ത്തിൽ എനി​ക്കെ​ങ്ങനെ ഒരു മെച്ചപ്പെട്ട അധ്യാ​പി​ക​യാ​യി​രി​ക്കാ​നാ​വു​മെന്നു ഞാൻ പഠിക്കു​ക​യും ചെയ്‌തു. അതെത്ര വിസ്‌മ​യാ​വ​ഹ​മാ​യി​രു​ന്നു! ഇപ്പോൾ, ആദ്യമാ​യി, എനിക്ക്‌ എന്റെ മകനോ​ടൊ​പ്പം യോഗ​ങ്ങൾക്കു ഹാജരാ​കു​ന്ന​തി​നും അവന്റെ വ്യാഖ്യാ​താ​വാ​കു​ന്ന​തി​നെ​ക്കാ​ളു​പരി തീർച്ച​യാ​യും അവന്റെ മമ്മി ആയിരി​ക്കു​ന്ന​തി​നും സാധി​ക്കും!

ഒരു വലിയ വഴിത്തി​രിവ്‌

സ്‌പെൻസ​റി​നു മൂന്നു വയസ്സു​ള്ള​പ്പോൾ, ഭർത്താ​വി​ന്റെ അനുമ​തി​യോ​ടെ, ഞാൻ അവനെ ഒരു പൊതു വിദ്യാ​ല​യ​ത്തിൽ ബധിര​രും ശ്രവണ​വൈ​ക​ല്യ​മു​ള്ള​വ​രു​മായ കുട്ടി​കൾക്കു​വേ​ണ്ടി​യുള്ള ഒരു പരിപാ​ടി​യിൽ ചേർത്തു. രക്ഷിതാ​ക്കളെ പരിശീ​ലി​പ്പി​ക്കു​ന്ന​തി​നാ​യി സമൂഹ​യോ​ഗങ്ങൾ നടത്തി​യി​രു​ന്നു, കൂടുതൽ പഠിക്കാ​നാ​യി ഈ അവസരം ഞാൻ ഉപയു​ക്ത​മാ​ക്കി. ഒരു യോഗ​ത്തിൽ ബധിര​രായ മുതിർന്ന​വ​രു​ടെ​യും കൗമാ​ര​പ്രാ​യ​ക്കാ​രു​ടെ​യും ഒരു സമിതി കൂട്ടത്തെ അഭിസം​ബോ​ധന ചെയ്‌തു. തങ്ങളുടെ മാതാ​പി​താ​ക്ക​ളു​മാ​യോ കുടും​ബ​ങ്ങ​ളു​മാ​യോ വളരെ​ക്കു​റച്ചേ ആശയവി​നി​യമം നടത്തി​യി​രു​ന്നു​ള്ളൂ അല്ലെങ്കിൽ ഒട്ടും​തന്നെ നടത്തി​യി​രു​ന്നില്ല എന്നു സമിതി​യം​ഗങ്ങൾ വിശദീ​ക​രി​ച്ചു. അതെന്തു​കൊ​ണ്ടാ​ണെന്നു ഞാനവ​രോ​ടു ചോദി​ച്ച​പ്പോൾ, തങ്ങളുടെ മാതാ​പി​താ​ക്കൾ ഒരിക്ക​ലും ആംഗ്യ​ഭാഷ പഠിച്ചി​രു​ന്നി​ല്ലെ​ന്നും, അതു​കൊ​ണ്ടു​തന്നെ അവർക്കൊ​രി​ക്ക​ലും ജീവി​തത്തെ സംബന്ധി​ച്ചോ തങ്ങളുടെ വികാ​രങ്ങൾ സംബന്ധി​ച്ചോ അല്ലെങ്കിൽ തങ്ങളുടെ താത്‌പ​ര്യ​ങ്ങൾ സംബന്ധി​ച്ചോ തങ്ങളുടെ മാതാ​പി​താ​ക്ക​ളു​മാ​യി പൂർണ​മാ​യി ആശയവി​നി​യമം ചെയ്യാൻ സാധി​ച്ചി​രു​ന്നി​ല്ലെ​ന്നും അവർ പ്രതി​ക​രി​ച്ചു. തങ്ങൾ കുടും​ബ​ത്തി​ന്റെ ഭാഗമ​ല്ലാ​ത്ത​താ​യി അവർക്കു തോന്നി​യ​തു​പോ​ലെ കാണ​പ്പെട്ടു.

ഇത്‌ എനിക്ക്‌ ഒരു വലിയ വഴിത്തി​രി​വാ​യി​രു​ന്നു. ഞാൻ എന്റെ മകനെ​പ്പറ്റി ചിന്തിച്ചു. മാതാ​പി​താ​ക്ക​ളു​മാ​യി ഒരു ബന്ധവു​മി​ല്ലാ​തെ അവൻ വളർന്നു​വ​രു​ന്നത്‌ എനിക്കു ചിന്തി​ക്കാ​നേ കഴിയു​മാ​യി​രു​ന്നില്ല. ആംഗ്യ​ഭാ​ഷ​യി​ലുള്ള എന്റെ വൈദ​ഗ്‌ധ്യം മെച്ച​പ്പെ​ടു​ത്തു​ന്ന​തിൽ തുടരു​ന്ന​തിന്‌ എപ്പോ​ഴ​ത്തെ​ക്കാ​ളും കൂടുതൽ ഞാൻ നിശ്ചയ​ദാർഢ്യ​മു​ള്ള​വ​ളാ​യി. കാലം കടന്നു​പോ​യ​പ്പോൾ, ആംഗ്യ​ഭാഷ ഉപയോ​ഗി​ക്കാ​നുള്ള തീരു​മാ​നം ഞങ്ങൾക്ക്‌ ഏറ്റവും അനു​യോ​ജ്യ​മാ​യ​താ​യി​രു​ന്നു​വെന്ന്‌ എനിക്കു കൂടുതൽ കൂടുതൽ ബോധ്യ​മാ​യി. അവന്റെ ഭാഷ പുരോ​ഗ​മി​ച്ചു​കൊ​ണ്ടേ​യി​രു​ന്നു​വെന്നു മാത്രമല്ല, “അവധി​ക്കാ​ലത്തു നമുക്ക്‌ എവി​ടെ​പ്പോ​കണം?” അല്ലെങ്കിൽ “നിനക്കു വലുതാ​കു​മ്പോൾ ആരായി​ത്തീ​രണം?” തുടങ്ങി ഏതു വിഷയ​ത്തെ​പ്പ​റ്റി​യും ഞങ്ങൾക്കു ചർച്ച​ചെ​യ്യാ​നും സാധി​ക്കു​മാ​യി​രു​ന്നു. ഞാൻ ആശയവി​നി​മ​യ​ത്തി​നുള്ള ഉപാധി​യാ​യി സംസാ​ര​ത്തി​ലാ​ശ്ര​യി​ച്ചി​രു​ന്നെ​ങ്കിൽ എനിക്ക്‌ എത്ര വലിയ നഷ്ടമാ​യി​രു​ന്നു ഉണ്ടാകു​മാ​യി​രു​ന്നത്‌ എന്നു ഞാൻ തിരി​ച്ച​റി​ഞ്ഞു.

അഞ്ചാം വയസ്സിൽ സ്‌പെൻസ​റി​നെ കേൾവി​ശ​ക്തി​യുള്ള കുട്ടി​ക​ളും ആംഗ്യ​ഭാ​ഷ​യ​റി​യാ​വുന്ന ഒരു അധ്യാ​പി​ക​യു​മുള്ള ഒരു സാധാരണ സ്‌കൂൾ ക്‌ളാ​സ്സിൽ ചേർത്തു. അവൻ മൂന്നു നീണ്ട വർഷങ്ങൾ ഈ പരിപാ​ടി​യോട്‌ ഒത്തു​പോ​യി. അവൻ സ്‌കൂ​ളി​നെ വെറു​ത്തു​വെ​ന്നു​ത​ന്നെയല്ല, അതു​പോ​ലുള്ള വലിയ കഷ്ടതക​ളി​ലൂ​ടെ അവൻ കടന്നു​പോ​കു​ന്നതു കാണു​ന്നതു ഞങ്ങൾക്കും അത്ര എളുപ്പ​മ​ല്ലാ​യി​രു​ന്നു. ഞങ്ങൾ അവന്റെ നിരാ​ശയെ നേരി​ടാ​നാ​യി പല വഴികൾ പരീക്ഷി​ച്ചു​നോ​ക്കവേ എനിക്ക്‌ അവനു​മാ​യി നന്നായി ആശയവി​നി​യമം ചെയ്യാൻ സാധിച്ചു എന്നതിൽ ഞാൻ സന്തോ​ഷ​മു​ള്ള​വ​ളാണ്‌. എന്നിരു​ന്നാ​ലും, പൊതു​വി​ദ്യാ​ല​യ​ത്തി​ലെ ഈ പരിപാ​ടി അവന്റെ ആത്മാഭി​മാ​ന​ത്തി​നോ വിദ്യാ​ഭ്യാ​സ പുരോ​ഗ​തി​ക്കോ നന്നല്ല എന്ന അനുമാ​ന​ത്തിൽ ഞാൻ ഒടുക്കം എത്തി​ച്ചേർന്നു.

1989-ൽ എന്റെ വിവാ​ഹ​ജീ​വി​തം അവസാ​നി​ച്ചു. അങ്ങനെ, ആംഗ്യ​ഭാ​ഷാ വൈദ​ഗ്‌ധ്യ​ത്തിൽ സത്വരം പുരോ​ഗതി പ്രാപി​ച്ചു​കൊ​ണ്ടി​രി​ക്കുന്ന ഒരു ആറു വയസ്സു​കാ​രൻ മകനുള്ള ഒറ്റക്കാ​രി​യായ ഒരു മാതാ​വാ​യി​ത്തീർന്നു ഞാൻ. എനിക്ക്‌ അവനു​മാ​യി ആശയവി​നി​യമം ചെയ്യാൻ കഴിയു​മാ​യി​രു​ന്നെ​ങ്കി​ലും, ഞങ്ങളുടെ ഇടയി​ലുള്ള ആശയവി​നി​യമം നിലനിർത്തു​ന്ന​തി​നും ശക്തമാ​ക്കു​ന്ന​തി​നു​മാ​യി എന്റെ എഎസ്സ്‌എൽ-ലിലുള്ള വൈദ​ഗ്‌ധ്യം മെച്ച​പ്പെ​ടു​ത്തേ​ണ്ട​തു​ണ്ടെന്ന്‌ എനിക്ക​റി​യാ​മാ​യി​രു​ന്നു.

ഒരു സ്ഥലം മാറ്റത്തി​നുള്ള സമയം

ബധിര​രായ കുട്ടി​കൾക്കു​വേണ്ടി വ്യത്യസ്‌ത സ്റ്റേറ്റു​ക​ളി​ലാ​യി നടത്ത​പ്പെ​ട്ടി​രുന്ന പല പരിപാ​ടി​ക​ളെ​പ്പ​റ്റി​യും അന്വേ​ഷണം നടത്തിയ ഞാൻ ഒരു ദ്വൈ​ഭാ​ഷാ സമീപ​ന​മാ​യി കണക്കാ​ക്കി​ക്കൊണ്ട്‌ എഎസ്സ്‌എൽ-ഉം ഇംഗ്ലീ​ഷും ഒരുമിച്ച്‌ ഉപയോ​ഗി​ച്ചി​രുന്ന മസാച്ചു​സെ​റ്റ്‌സി​ലെ ഒരു സ്‌കൂൾ കണ്ടെത്തി. മാത്രമല്ല, ബോസ്റ്റൺ പ്രദേ​ശത്തു വളരെ​പ്പെ​ട്ടെ​ന്നു​തന്നെ യഹോ​വ​യു​ടെ സാക്ഷി​ക​ളു​ടെ ഒരു എഎസ്സ്‌എൽ സഭ രൂപീ​ക​രി​ക്ക​പ്പെ​ടു​മെ​ന്നും ഞാൻ അറിഞ്ഞു. അങ്ങോട്ടു പോകാൻ ഒരു സുഹൃത്ത്‌ ഞങ്ങളോ​ടു നിർദേ​ശി​ക്കു​ക​യും ചെയ്‌തു. ഒറ്റയ്‌ക്കുള്ള ഒരു മാതാ​വെ​ന്ന​നി​ല​യിൽ ഉൾനാടൻ പ്രദേ​ശ​മായ ന്യൂ ഹാം​ഷെ​റി​ലെ ഞങ്ങളുടെ ഭവനത്തിൽനി​ന്നും കുടും​ബ​ത്തിൽനി​ന്നും സുഹൃ​ത്തു​ക്ക​ളിൽനി​ന്നും അകലെ ഒരു വൻനഗ​ര​പ്ര​ദേ​ശ​ത്തേക്കു താമസം മാറ്റുക എന്ന ചിന്ത ഉൾക്കൊ​ള്ളുക പ്രയാ​സ​മാ​യി​രു​ന്നു. സ്‌പെൻസ​റും നാട്ടു​മ്പു​റത്തെ ജീവിതം ഇഷ്ടപ്പെ​ട്ടി​രു​ന്നു. എന്നിരു​ന്നാ​ലും, എനിക്കു കണക്കി​ലെ​ടു​ക്കേണ്ട രണ്ടു സംഗതി​ക​ളു​ണ്ടാ​യി​രു​ന്നു. അധ്യാ​പ​ക​രും വിദ്യാർഥി​ക​ളും എല്ലാം സ്വത​ന്ത്ര​മാ​യി ആംഗ്യ​ഭാ​ഷ​യിൽ ആശയവി​നി​യമം ചെയ്യുന്ന ഒരു സ്‌കൂ​ളിൽ സ്‌പെൻസർ ആയിരി​ക്കേ​ണ്ട​താ​വ​ശ്യ​മാ​യി​രു​ന്നു. മാത്രമല്ല, ബധിര​രായ മറ്റു സാക്ഷി​ക​ളുള്ള ഒരു സഭയി​ലാ​യി​രി​ക്കു​ന്നതു കൂടുതൽ മെച്ചമാ​യി​രി​ക്കു​മെ​ന്നും എനിക്കു തോന്നി.

നാലു വർഷം മുമ്പ്‌, സ്‌പെൻസ​റിന്‌ ഒമ്പതു വയസ്സു​ള്ള​പ്പോൾ ഞങ്ങൾ താമസം മാറ്റി. അതിനു​ശേഷം താമസി​യാ​തെ മസാച്ചു​സെ​റ്റ്‌സി​ലെ മാൽഡെ​നിൽ ആംഗ്യ​ഭാ​ഷാ സഭ രൂപീ​ക​രി​ക്ക​പ്പെട്ടു. അപ്പോൾ മുതൽ സ്‌പെൻസർ വമ്പിച്ച പുരോ​ഗതി പ്രാപി​ച്ചി​രി​ക്കു​ന്നു. അവന്റെ പെരു​മാ​റ്റം വളരെ മെച്ച​പ്പെ​ട്ടു​വെന്നു മാത്രമല്ല യോഗ​ങ്ങ​ളി​ലാ​യി​രി​ക്കു​ന്നത്‌ അവൻ ആസ്വദി​ക്കു​ക​യും ചെയ്യുന്നു. അവൻ മറ്റുള്ള​വ​രു​മാ​യി ആശയവി​നി​യമം നടത്തു​ന്ന​തും നല്ല ബന്ധങ്ങൾ കെട്ടി​പ്പ​ടു​ക്കു​ന്ന​തും കാണു​ന്ന​തിൽ ഞാൻ വളരെ​യ​ധി​കം സന്തോഷം കണ്ടെത്തു​ന്നു. സഭയി​ലുള്ള ബധിര​രായ സഹോ​ദ​ര​ന്മാ​രും സഹോ​ദ​രി​മാ​രും എന്റെ മകനു വിസ്‌മ​യാ​വ​ഹ​മായ മാതൃ​കാ​പാ​ത്ര​ങ്ങ​ളാണ്‌, ആത്മീയ ലക്ഷ്യങ്ങൾ കൈവ​രി​ക്കാൻ തനിക്കും സാധി​ക്കു​മെന്നു തിരി​ച്ച​റി​യാൻ അവനെ അവർ സഹായി​ക്കു​ന്നു. അതവൻ സാധി​ച്ചെ​ടു​ക്കു​ക​യും ചെയ്‌തു. ഇപ്പോൾ അവൻ ദിവ്യാ​ധി​പത്യ ശുശ്രൂ​ഷാ സ്‌കൂ​ളിൽ പ്രസം​ഗങ്ങൾ നടത്താ​റുണ്ട്‌, ഒരു സ്‌നാ​പ​ന​മേൽക്കാത്ത പ്രസാ​ധ​ക​നാ​യി സേവി​ക്കു​ക​യും ചെയ്യുന്നു. സ്‌നാ​പ​ന​മേൽക്കാ​നുള്ള തന്റെ ആഗ്രഹ​വും അവൻ പ്രകടി​പ്പി​ച്ചു.

മറ്റു ബധിര​രായ ആളുക​ളോട്‌ ആംഗ്യ​ഭാ​ഷ​യിൽ അവൻ തന്റെ വിശ്വാ​സം പ്രകടി​പ്പി​ക്കു​ന്നതു കാണു​ന്നത്‌ ശുശ്രൂ​ഷ​യിൽ എനിക്ക്‌ എത്ര ആനന്ദം കൈവ​രു​ത്തു​ന്നു! അവന്റെ ആത്മാഭി​മാ​നം വളരെ​യ​ധി​കം വർധി​ച്ചി​രി​ക്കു​ന്നു. സഭയെ​ക്കു​റിച്ച്‌ അവന്‌ എങ്ങനെ തോന്നു​ന്നു​വെന്ന്‌ സ്‌പെൻസർ എന്നോടു പറഞ്ഞു. “ഞങ്ങൾ ഇവിടു​ത്തെ അംഗങ്ങ​ളാണ്‌. സഹോ​ദ​രീ​സ​ഹോ​ദ​ര​ന്മാർക്ക്‌ എന്നോട്‌ ആശയവി​നി​യമം ചെയ്യാൻ കഴിയും.” യോഗങ്ങൾ കഴിയു​ന്ന​യു​ടനെ സ്ഥലം വിടാൻ എന്റെ മകൻ മേലാൽ ഒരിക്ക​ലും എന്നോടു കെഞ്ചു​ന്നില്ല. രാജ്യ​ഹാൾ വിടാൻ സമയമാ​യി എന്ന്‌ ഇപ്പോൾ ഞാൻ അവനോ​ടു പറയേ​ണ്ടി​യി​രി​ക്കു​ന്നു!

തന്റെ ഇപ്പോ​ഴത്തെ സ്‌കൂ​ളിൽ ബധിര​രായ മറ്റു കുട്ടി​ക​ളു​മാ​യി സ്‌പെൻസ​റിന്‌ എളുപ്പ​ത്തിൽ ആശയവി​നി​യമം നടത്താൻ സാധി​ക്കു​ന്നു. അവരു​മാ​യി നടത്തിയ ചർച്ചകൾ കുട്ടി​ക​ളെ​പ്പ​റ്റി​യുള്ള ലോക​ത്തി​ന്റെ വീക്ഷണ​വും അവരെ​പ്പ​റ്റി​യുള്ള യഹോ​വ​യു​ടെ വീക്ഷണ​വും തമ്മിലുള്ള വ്യത്യാ​സം കാണാൻ അവനെ സഹായി​ച്ചി​ട്ടുണ്ട്‌. ബൈബിൾ തത്ത്വങ്ങൾക്ക​നു​സൃ​ത​മാ​യി, സ്‌പെൻസ​റും ഞാനും സ്വത​ന്ത്ര​മാ​യി ആശയവി​നി​യമം ചെയ്യു​ക​യും പരസ്‌പരം ഒരു ഉറ്റബന്ധം ആസ്വദി​ക്കു​ക​യും ചെയ്യുന്നു. അവൻ ഉച്ചകഴി​ഞ്ഞു വീട്ടിൽ മടങ്ങി​യെ​ത്തു​മ്പോൾ ഞങ്ങൾ ഒരുമി​ച്ചി​രുന്ന്‌ അവന്റെ ഗൃഹപാ​ഠം ചെയ്യുന്നു. യോഗ​ങ്ങൾക്കും വീടു​തോ​റു​മുള്ള ശുശ്രൂ​ഷ​യ്‌ക്കും ഞങ്ങൾ ഒരുമി​ച്ചു പോകു​ന്നു. എങ്കിലും, തന്റെ സ്‌കൂ​ളി​ലെ എല്ലാ കുട്ടി​കൾക്കും തങ്ങളുടെ മാതാ​പി​താ​ക്ക​ളു​മാ​യി ഇത്തരം അടുത്ത​ബന്ധം ഇല്ല എന്നു സ്‌പെൻസർ തിരി​ച്ച​റി​യു​ന്നു.—കൊ​ലൊ​സ്സ്യർ 3:20, 21.

“നമുക്ക്‌ എന്തി​നെ​ക്കു​റി​ച്ചും സംസാ​രി​ക്കാൻ കഴിയു​ന്നു”

ഏകദേശം ഒരു വർഷം മുമ്പ, എന്നോ​ടെ​ന്തോ പറയാ​നാ​ഗ്ര​ഹി​ക്കു​ന്ന​തു​പോ​ലെ സ്‌പെൻസർ എന്നെ നോക്കു​ന്നതു ഞാൻ ശ്രദ്ധിച്ചു. എന്തെങ്കി​ലും വേണോ എന്നു ഞാനവ​നോ​ടു ചോദി​ച്ചു. “വേണ്ട,” അവൻ മറുപടി പറഞ്ഞു. സ്‌കൂ​ളി​ലെ കാര്യ​ങ്ങ​ളൊ​ക്കെ എങ്ങനെ പോകു​ന്നു തുടങ്ങിയ ചില ചോദ്യ​ങ്ങൾ ഞാനവ​നോ​ടു ചോദി​ച്ചു. എന്തോ അവനെ​ന്നോ​ടു പറയാ​നു​ണ്ടാ​യി​രു​ന്നു​വെന്ന്‌ എനിക്കു മനസ്സി​ലാ​യി. പിന്നീട്‌, ഞങ്ങളുടെ കുടുംബ വീക്ഷാ​ഗോ​പു​ര​പഠന സമയത്ത്‌ അവൻ ചോദി​ച്ചു, “എന്റെ സ്‌കൂ​ളി​ലെ ചില കുട്ടി​ക​ളു​ടെ മാതാ​പി​താ​ക്കൾക്ക്‌ ആംഗ്യ​ഭാഷ അറിയി​ല്ലെന്നു മമ്മിക്ക​റി​യാ​മോ?” ഞാൻ അവനെ അതിശ​യ​ത്തോ​ടെ നോക്കി. “ഞാൻ കാര്യ​മാ​യി​ട്ടാ​ണു ചോദി​ച്ചത്‌,” അവൻ പറഞ്ഞു. “തങ്ങളുടെ മക്കളു​മാ​യി ആശയവി​നി​യമം ചെയ്യാ​നാ​വാത്ത മാതാ​പി​താ​ക്ക​ളുണ്ട്‌.” ചില മാതാ​പി​താ​ക്കൾ സ്‌കൂൾ സന്ദർശി​ച്ചി​രു​ന്നു​വെ​ന്നും അവർ തങ്ങളുടെ കുട്ടി​ക​ളോട്‌ ആശയവി​നി​യമം ചെയ്യാ​നുള്ള ശ്രമത്തിൽ പറയാ​നാ​ഗ്ര​ഹി​ക്കുന്ന സംഗതി​കൾ ചൂണ്ടി​ക്കാ​ണി​ക്കു​ന്ന​തും അഭിന​യി​ച്ചു കാണി​ക്കു​ന്ന​തും താൻ കണ്ടു​വെ​ന്നും അവൻ വിശദീ​ക​രി​ച്ചു. “മമ്മി ആംഗ്യ​ഭാഷ പഠിച്ച​തി​നാൽ ഞാൻ ഭാഗ്യ​വാ​നാണ്‌. നമുക്ക്‌ ആശയവി​നി​യമം ചെയ്യാൻ കഴിയും. മമ്മി വെറുതെ ചൂണ്ടി​ക്കാ​ട്ടു​കയല്ല ചെയ്യു​ന്നത്‌; നമുക്ക്‌ എന്തി​നെ​ക്കു​റി​ച്ചും സംസാ​രി​ക്കാൻ കഴിയു​ന്നു.”

ഇത്‌ എന്റെ ഹൃദയത്തെ എത്രമാ​ത്രം സ്‌പർശി​ച്ചു​വെ​ന്നോ! നമ്മിൽ മിക്കവ​രും മുതിർന്ന​വ​രാ​കു​ന്ന​തു​വരെ നമ്മുടെ മാതാ​പി​താ​ക്ക​ളു​ടെ പരി​ശ്ര​മ​ങ്ങളെ വിലമ​തി​ക്കാ​റില്ല. പക്ഷേ ഇതാ 12-ാം വയസ്സിൽ, എന്റെ മകൻ, ഞങ്ങൾക്ക്‌ അർഥവ​ത്തായ ആശയവി​നി​യമം ആസ്വദി​ക്കാൻ സാധി​ക്കു​ന്ന​തിന്‌ അവനെത്ര നന്ദിയു​ള്ള​വ​നാ​ണെന്ന്‌ എന്നോടു പറയുന്നു.

ഒരു അമ്മയെന്ന നിലയ്‌ക്കുള്ള എന്റെ ലക്ഷ്യങ്ങ​ളി​ലൊ​ന്നാ​യി​രു​ന്നു എന്റെ മകനു​മാ​യി ഒരു നല്ല ബന്ധമു​ണ്ടാ​യി​രി​ക്കുക എന്നതും അവനോട്‌ അടുത്താ​യി​രി​ക്കുക എന്നതും. ഞാൻ ആംഗ്യ​ഭാഷ പഠിച്ചി​ല്ലാ​യി​രു​ന്നെ​ങ്കിൽ ഒരുപക്ഷേ ഇതു സാധി​ക്കു​മാ​യി​രു​ന്നില്ല. യഹോ​വ​യ്‌ക്കുള്ള എന്റെ സമർപ്പണം, ഒരു മാതാ​വെന്ന നിലയി​ലുള്ള എന്റെ ഉത്തരവാ​ദി​ത്തങ്ങൾ ഗൗരവാ​വ​ഹ​മാ​യി കണക്കാ​ക്കു​ന്ന​തിന്‌ എന്നെ പ്രേരി​പ്പി​ച്ചു; അത്‌ ആശയവി​നി​യമം സംബന്ധിച്ച പ്രധാ​ന​പ്പെട്ട തീരു​മാ​നങ്ങൾ എടുക്കുക എളുപ്പ​മാ​ക്കി​ത്തീർത്തു. ഈ തീരു​മാ​നങ്ങൾ നിമിത്തം ഞങ്ങളി​രു​വ​രും ആത്മീയ​മാ​യി പ്രയോ​ജനം നേടി​യി​രി​ക്കു​ന്നു. “വീട്ടിൽ ഇരിക്കു​മ്പോ​ഴും വഴി നടക്കു​മ്പോ​ഴും കിടക്കു​മ്പോ​ഴും എഴു​ന്നേൽക്കു​മ്പോ​ഴും” യഹോ​വ​യു​ടെ കൽപ്പനകൾ സംബന്ധിച്ച അറിവു മക്കൾക്കു പകർന്നു​കൊ​ടു​ക്കാൻ മാതാ​പി​താ​ക്കളെ ബുദ്ധ്യു​പ​ദേ​ശി​ക്കുന്ന ആവർത്ത​ന​പു​സ്‌തകം 6:7-ലെ വാക്കുകൾ എത്ര പ്രധാ​ന​മാണ്‌. “ദൈവ​ത്തി​ന്റെ വൻകാ​ര്യ​ങ്ങളെ” സംബന്ധി​ച്ചു സ്‌പെൻസ​റി​നും എനിക്കും സ്വത​ന്ത്ര​മാ​യി ആശയവി​നി​യമം ചെയ്യാൻ സാധി​ക്കു​ന്ന​തിൽ ഞാൻ വാസ്‌ത​വ​മാ​യും കൃതജ്ഞ​ത​യു​ള്ള​വ​ളാണ്‌. (പ്രവൃ​ത്തി​കൾ 2:11)—സിൻഡി ആഡംസ്‌ പറഞ്ഞ​പ്ര​കാ​രം.

[12-ാം പേജിലെ ആകർഷ​ക​വാ​ക്യം]

‘മാതാ​പി​താ​ക്ക​ളു​മാ​യി ഒരു ബന്ധവു​മി​ല്ലാ​തെ അവൻ വളർന്നു​വ​രു​ന്നത്‌ എനിക്കു ചിന്തി​ക്കാ​നേ കഴിയു​മാ​യി​രു​ന്നില്ല’