കസാവ ഇലകൾ—കോടി​ക്ക​ണ​ക്കി​നാ​ളു​കൾക്കു ദൈനം​ദിന ഭക്ഷണം

മധ്യ ആഫ്രിക്കൻ റിപ്പബ്ലി​ക്കി​ലെ ഉണരുക! ലേഖകൻ

ആയിരത്തി അറുനൂ​റാം ആണ്ടോടെ പോർച്ചു​ഗീ​സു​കാർ തെക്കേ അമേരി​ക്ക​യിൽനിന്ന്‌ ആഫ്രി​ക്ക​യി​ലേക്ക്‌ കസാവ അല്ലെങ്കിൽ മേനീ​യോക്ക്‌ കൊണ്ടു​വ​ന്ന​പ്പോ​ഴാണ്‌ ഇതി​നെ​ല്ലാം തുടക്കം കുറി​ച്ചത്‌. കസാവ​യു​ടെ ജന്മദേശം ബ്രസീ​ലാ​ണെന്നു വിശ്വ​സി​ക്ക​പ്പെ​ടു​ന്നു. കാരണം, “മേനീ​യോക്ക്‌” എന്ന പദം ആമസോൺ താഴ്‌വ​ര​യി​ലുള്ള, ബ്രസീ​ലി​ലെ ടൂപീയൻ ഗോ​ത്ര​ക്കാ​രിൽനിന്ന്‌ ഉത്ഭവി​ച്ച​താണ്‌.

അതിന്റെ കിഴങ്ങു​കൾ ആഫ്രി​ക്ക​യി​ലെ ആളുകൾ ഏറെ വിലമ​തി​ക്കു​ന്നു, എന്നാൽ കടും പച്ച നിറത്തി​ലുള്ള ഇലകളു​ടെ കാര്യ​മോ? ചിലർ അത്‌ ഔഷധ​മെന്ന നിലയിൽ മുറി​വിൽ പുരട്ടാ​നോ ചിക്കൻപോ​ക്‌സ്‌ ചികി​ത്സി​ച്ചു മാറ്റാ​നോ ഉപയോ​ഗി​ക്കു​ന്നു. എന്നാൽ മധ്യ ആഫ്രിക്കൻ റിപ്പബ്ലി​ക്കി​ലും മറ്റു നിരവധി ആഫ്രിക്കൻ രാജ്യ​ങ്ങ​ളി​ലു​മുള്ള കോടി​ക്ക​ണ​ക്കി​നാ​ളു​കൾക്ക്‌ ഇതിന്റെ ഇലകൾ ദൈനം​ദിന ഭക്ഷണമാണ്‌, ഇതു​കൊണ്ട്‌ സ്വാദി​ഷ്‌ഠ​മായ ഒരു ഭോജനം തയ്യാറാ​ക്കാ​മെ​ന്ന​തു​തന്നെ കാരണം. വാസ്‌ത​വ​ത്തിൽ, പുതിയ വാച്ച്‌ടവർ മിഷന​റി​മാർ ഇവിടെ ആദ്യം പഠിക്കു​ന്നതു ങ്കുൻസാ എന്നാണ്‌. കസാവ ഇലകളിൽനി​ന്നു തയ്യാറാ​ക്കിയ രുചി​യേ​റിയ ഒരു പുഴു​ക്കാ​ണിത്‌. മാത്രമല്ല, മധ്യ ആഫ്രിക്കൻ റിപ്പബ്ലി​ക്കി​ന്റെ ദേശീയ വിഭവം കൂടി​യാ​ണിത്‌—മധ്യ ആഫ്രിക്ക സന്ദർശി​ക്കുന്ന ഒരുവൻ തീർച്ച​യാ​യും രുചി​ച്ചു​നോ​ക്കേ​ണ്ട​തായ ഒരു വിഭവം.

ആഫ്രി​ക്ക​യിൽ ജീവി​ക്കുന്ന ഒട്ടുമിക്ക യൂറോ​പ്യ​ന്മാ​രും ഈ ഇലകൾകൊ​ണ്ടു​ണ്ടാ​ക്കിയ ഏതെങ്കി​ലും ഭോജനം ഒരിക്ക​ലും തൊടില്ല. കാരണം, ഇത്‌ വിദേ​ശീ​യർക്കുള്ള ഭക്ഷണമല്ല സ്വദേ​ശീ​യർക്കു​ള്ള​താ​ണെന്ന്‌ അവർ കരുതു​ന്നു. എന്നാൽ പരമാർഥം എന്താണ്‌? മധ്യ ആഫ്രിക്കൻ റിപ്പബ്ലിക്ക്‌, സീയെറ ലിയോൺ, സയർ എന്നീ രാജ്യ​ങ്ങ​ളിൽ ഒട്ടേറെ കുടും​ബ​ങ്ങൾക്ക്‌ ഈ ഇലകൾ ദൈനം​ദി​ന​മുള്ള മുഖ്യ​ഭ​ക്ഷ​ണ​മാണ്‌.

മധ്യ ആഫ്രിക്കൻ റിപ്പബ്ലി​ക്കി​നു മുകളി​ലൂ​ടെ വിമാ​ന​ത്തിൽ സഞ്ചരി​ക്കു​ക​യോ അല്ലെങ്കിൽ ആ രാജ്യ​ത്തി​ലൂ​ടെ യാത്ര ചെയ്യു​ക​യോ ആണെങ്കിൽ പച്ചപുതച്ച മനോ​ഹ​ര​മായ ഒരു രാജ്യം നിങ്ങൾ കാണും—വൃക്ഷങ്ങൾ, കുറ്റി​ച്ചെ​ടി​കൾ, പുൽപ്ര​ദേ​ശങ്ങൾ കൂടാതെ, ഇടയിൽ വിശേ​ഷ​ത​ര​മായ കടും പച്ച നിറത്തി​ലുള്ള ഇലക​ളോ​ടു​കൂ​ടിയ കസാവ​യു​ടെ കൊച്ചു പാടങ്ങ​ളും. ഓരോ ചെറിയ ഗ്രാമ​ങ്ങൾക്കു ചുറ്റും കസാവ തോട്ട​ങ്ങ​ളുണ്ട്‌. ആളുകൾ തങ്ങളുടെ വീടി​ന​ടു​ത്താ​യി അവ നട്ടുവ​ളർത്തു​ന്നു. തലസ്ഥാ​ന​മായ ബാൻഗ്വി​യിൽപോ​ലും, വളരെ ചെറിയ നിലങ്ങ​ളി​ലും നഗര​പ്രാ​ന്ത​ത്തി​ലെ ബംഗ്ലാ​വി​ന​രി​കി​ലോ പ്രധാന നിരത്തി​ന​രി​കി​ലോ ഉള്ള തുണ്ടു​നി​ല​ങ്ങ​ളി​ലും നിങ്ങൾ കസാവ കാണും. തീർച്ച​യാ​യും, ലോക​ത്തി​ന്റെ ഈ ഭാഗത്ത്‌ ഇതൊരു പ്രധാ​ന​പ്പെട്ട ഭക്ഷ്യവ​സ്‌തു​തന്നെ.

അൽപ്പം ങ്കുൻസാ രുചി​ച്ചു​നോ​ക്കൂ

പുതിയ മിഷന​റി​മാർ എത്തി​ച്ചേർന്നാൽ വേഗം​തന്നെ അൽപ്പം ങ്കുൻസാ കഴിച്ചു​നോ​ക്കാൻ സുഹൃ​ത്തു​ക്കൾ അവരെ ക്ഷണിക്കു​ക​യാ​യി. മേനീ​യോക്ക്‌ ഇലകളിൽനി​ന്നു തയ്യാറാ​ക്കിയ പ്രസി​ദ്ധ​മായ വിഭവം അടങ്ങിയ ഒരു സദ്യയാ​ണിത്‌. തദ്ദേശ​വാ​സി​ക​ളായ സ്‌ത്രീ​കൾക്ക്‌, ഇത്‌ സ്വാദി​ഷ്‌ഠ​മായ വിധത്തിൽ തയ്യാറാ​ക്കാ​ന​റി​യാം. ഓരോ സ്‌ത്രീ​ക്കും തന്റേതായ പാചക​ക്കു​റി​പ്പു​ള്ള​താ​യി കാണ​പ്പെ​ടു​ന്നു. ചെറിയ പെൺകു​ട്ടി​കൾ തങ്ങളുടെ അമ്മമാ​രിൽനി​ന്നു പാചക​ത്തെ​ക്കു​റിച്ച്‌ ആദ്യമാ​യി പഠിക്കുന്ന കാര്യ​ങ്ങ​ളി​ലൊന്ന്‌ ങ്കുൻസാ തയ്യാറാ​ക്കുന്ന വിധമാണ്‌.

അതെന്താ​ണെ​ന്നും എപ്രകാ​ര​മാണ്‌ അത്‌ തയ്യാറാ​ക്കു​ന്ന​തെ​ന്നും വിവരി​ക്കു​ന്ന​തിൽ അവർ അഭിമാ​നം​കൊ​ള്ളു​ന്നു. ഈ നാട്ടു​ഭ​ക്ഷ​ണ​ത്തിൽ നിങ്ങൾ താത്‌പ​ര്യം കാണി​ച്ചാൽ സ്‌ത്രീ​കൾക്കു സന്തോ​ഷ​മാ​കും. ആദ്യം​തന്നെ, കസാവ ഇലകൾ ചെലവു​കു​റ​ഞ്ഞ​തും സുലഭ​വും നിങ്ങൾക്ക്‌ അവ മഴക്കാ​ല​ത്തും വരണ്ട കാലാ​വ​സ്ഥ​യി​ലും ഒരു​പോ​ലെ പറി​ച്ചെ​ടു​ക്കാ​വു​ന്ന​തു​മാ​ണെ​ന്നും അവർ നിങ്ങ​ളോ​ടു പറയും. സാമ്പത്തിക പ്രതി​സ​ന്ധി​യു​ടെ​യും പണപ്പെ​രു​പ്പ​ത്തി​ന്റെ​യും കാലങ്ങ​ളിൽ കുടും​ബത്തെ പോറ്റു​ന്ന​തിൽ കസാവ ഇലകൾ ഒരു പ്രധാന പങ്കുവ​ഹി​ക്കു​ന്നു. ആഫ്രിക്കൻ കുടും​ബങ്ങൾ പൊതു​വേ വലിയ​താ​ണെന്ന്‌ ഓർമി​ക്കണേ. പോറ്റാൻ അനേകം വായും നിറയ്‌ക്കാൻ നിരവധി വയറു​ക​ളും ഉണ്ട്‌. ങ്കുൻസാ തയ്യാറാ​ക്കാൻ കുറേ മണിക്കൂ​റു​ക​ളെ​ടു​ക്കും. ഭക്ഷിക്കു​ന്ന​തി​നു​മുമ്പ്‌ ഇലകളു​ടെ ചവർപ്പു​രസം മാറ്റി​യെ​ടു​ക്കേ​ണ്ട​തുണ്ട്‌. പരമ്പരാ​ഗ​ത​മായ രീതി​യിൽ അവയുടെ വിഷ​പ്ര​ഭാ​വം മാറ്റി​യെ​ടു​ക്കു​ന്നു, അരയ്‌ക്ക​ലും നിരന്ത​ര​മായ തിളപ്പി​ക്ക​ലും ഇതിലുൾപ്പെ​ടു​ന്നു.

ങ്കുൻസാ തയ്യാറാ​ക്കു​ന്ന​തിന്‌ പാമോ​യിൽ ഉപയോ​ഗി​ക്കാ​നാണ്‌ ആഫ്രിക്കൻ സ്‌ത്രീ​കൾക്കി​ഷ്ടം. കടും ചെമപ്പു നിറമുള്ള സ്വദേ​ശ​നിർമിത എണ്ണ ഒഴിച്ചു​കൂ​ടാ​നാ​വാ​ത്ത​താണ്‌. ങ്കുൻസാ​യോ​ടൊ​പ്പം കുറച്ചു പീനട്ട്‌ ബട്ടറും ചില​പ്പോൾ അൽപ്പം ഉള്ളിയും വെളു​ത്തു​ള്ളി​യും, ഒരു കുടും​ബ​ത്തി​ന്റെ ദൈനം​ദിന ആഹാര​മാണ്‌. എന്നാൽ നിങ്ങൾ അതിഥി​കളെ പ്രതീ​ക്ഷി​ക്കു​ന്നു​വെ​ങ്കി​ലോ? എങ്കിൽ ങ്കുൻസാ വിശേ​ഷ​ത​ര​മായ ഒന്നായി​രി​ക്കണം, അവർ അനുസ്‌മ​രി​ക്കുന്ന ഒന്ന്‌. അതു​കൊണ്ട്‌ ആതിഥേയ അവളുടെ പ്രിയ​പ്പെട്ട ചേരു​വകൾ ചേർക്കും—പൊള്ളിച്ച മീനോ പൊള്ളിച്ച മാട്ടി​റ​ച്ചി​ത്തു​ണ്ട​ങ്ങ​ളോ—കൂടാതെ വീട്ടി​ലു​ണ്ടാ​ക്കിയ പീനട്ട്‌ ബട്ടറിന്റെ കൂട്ടത്തിൽ ഏറെ വെളു​ത്തു​ള്ളി​യും ഉള്ളിയും. ഇതെല്ലാം വലി​യൊ​രു കലത്തി​ലി​ടും. ബാക്കി​വേ​ണ്ടത്‌ ക്ഷമയും കുറേ തിളപ്പി​ക്ക​ലും.

ഇക്കാലത്തു വീട്ടമ്മ​മാർ ങ്കുൻസാ വിളമ്പു​ന്നതു ചോറി​നോ​ടൊ​പ്പ​മാണ്‌. ഒരു കൂമ്പാരം ചോറും അതിന്മേൽ ഒന്നോ രണ്ടോ തവി ചൂടുള്ള ങ്കുൻസാ ഒഴിച്ച​തും, ആഫ്രി​ക്ക​ക്കാർക്കും ഒട്ടേറെ വിദേ​ശി​കൾക്കും പ്രിയ​പ്പെ​ട്ട​താണ്‌. അൽപ്പം എരിവുള്ള കുരു​മു​ളകു കൂടെ ചേർക്കുക, ഇപ്പോൾ ങ്കുൻസാ എന്താ​ണെന്നു നിങ്ങൾക്കു മനസ്സി​ലാ​കും. സദ്യ​യോ​ടൊ​പ്പം ഒരു ഗ്ലാസ്‌ ചെമന്ന വീഞ്ഞ്‌ കൂടെ കുടി​ച്ചാൽ നിങ്ങൾക്കു വിഭവ​ത്തി​ന്റെ രുചി പൂർണ​മാ​യും ആസ്വദി​ക്കാം.

അൽപ്പം ങ്കൂകാസാ അല്ലെങ്കിൽ കാൻഡാ രുചി​ച്ചു​നോ​ക്കു​ന്നോ?

രാജ്യ​ത്തിൽ കിഴക്കു​നി​ന്നു പടിഞ്ഞാ​റു​വരെ യാത്ര ചെയ്യു​മ്പോൾ ആളുകൾ വിവി​ധ​ത​ര​ത്തിൽ ങ്കുൻസാ തയ്യാറാ​ക്കു​ന്ന​താ​യി നിങ്ങൾ കണ്ടെത്തും. ങ്കൂകാ​സാ​യു​ടെ കാര്യ​മോ? കുളി​രുള്ള ഒരു മഴദി​വസം, തോട്ട​ത്തിൽ വളരുന്ന എല്ലാം​തന്നെ ചേർത്തു തയ്യാറാ​ക്കിയ സൂപ്പോ പുഴു​ക്കോ ആയിരി​ക്കാം നിങ്ങൾക്ക്‌ ഏറ്റവും പറ്റിയ സാധനം. പാമോ​യിൽ, വാഴപ്പഴം, നിലക്കടല, മധുര​ക്കി​ഴങ്ങ്‌, കോൺ (ചോളം), കൂടാതെ തീർച്ച​യാ​യും അൽപ്പം കസാവ ഇലകളും എല്ലാം ചേർത്ത്‌ ഉപ്പ്‌ ചേർക്കാ​തെ—ഉപ്പിന്റെ ഒരു തരി​പോ​ലും ചേർക്കാ​തെ—വേവി​ക്കു​ന്നു. അതാണു രഹസ്യം! സ്വാദി​ഷ്‌ഠ​വും പോഷ​ക​സ​മ്പ​ന്ന​വു​മായ വിഭവം. ഇനി നിങ്ങൾ ഒരു നീണ്ടയാ​ത്ര​യ്‌ക്കു പോവു​ക​യാ​ണെ​ന്നി​രി​ക്കട്ടെ, ഒപ്പം കുറച്ച്‌ കാൻഡാ കരുതി​ക്കൊ​ള്ളുക. കസാവ ഇലകളു​ടെ കൂട്ടത്തിൽ പൊള്ളിച്ച മീനോ മാംസ​മോ ചേർത്താണ്‌ ഇതു തയ്യാറാ​ക്കു​ന്നത്‌. ചേരു​വകൾ ഇലകളിൽ പൊതിഞ്ഞ്‌ അത്‌ കട്ടിയാ​യി ഉണങ്ങു​ന്ന​തു​വരെ നിരവധി മണിക്കൂ​റു​കൾ തീയ്‌ക്കു മുകളിൽ പൊള്ളി​ച്ചെ​ടു​ത്താണ്‌ കാൻഡാ തയ്യാറാ​ക്കു​ന്നത്‌. ഇതു കേടു​കൂ​ടാ​തെ ദിവസ​ങ്ങ​ളോ​ളം ഇരിക്കും, ഒരു കഷണം റൊട്ടി​ക്കൊ​പ്പം ഇതു കഴിക്കാം. ഇതു യാത്ര​ക്കാർക്ക്‌ ഏറ്റവും പറ്റിയ​താണ്‌.

നിങ്ങൾ എപ്പോ​ഴെ​ങ്കി​ലും ആഫ്രിക്ക സന്ദർശി​ക്കു​ക​യാ​ണെ​ങ്കിൽ കസാവ എന്തു​കൊണ്ട്‌ ചോദി​ച്ചു​വാ​ങ്ങി കഴിച്ചു​കൂ​ടാ? അതു രുചി​ച്ചു​നോ​ക്കുക, അത്‌ ആസ്വദി​ക്കുന്ന കോടി​ക്ക​ണ​ക്കി​നാ​ളു​ക​ളോ​ടൊ​പ്പം ചേരുക!