നിങ്ങളു​ടെ വീട്‌ ഭൂകമ്പത്തെ ചെറുത്തു നിൽക്കു​ന്ന​താ​ണോ?

ജപ്പാനിലെ ഉണരുക! ലേഖകൻ

“എന്നെ സഹായി​ക്കൂ! സഹായി​ക്കൂ!” 1994 ജനുവരി 17 അതിരാ​വി​ലെ ഇരുട്ടുള്ള സമയത്ത്‌ ഒരു മനുഷ്യൻ ഇങ്ങനെ വിളി​ച്ചു​കൂ​വി. ഒരു ബഹുനില കെട്ടി​ട​ത്തി​ന്റെ ഒന്നാം നിലയി​ലേക്ക്‌ മുകളി​ലത്തെ രണ്ടു നിലകൾ നിലം​പ​തിച്ച്‌ പാൻകേ​ക്കു​കൾ അടുക്കി​വെ​ച്ചി​രു​ന്ന​തു​പോ​ലെ കൂടി​ക്കി​ട​ന്നി​രു​ന്നു. ഭൂകമ്പ​മാ​പി​നി​യിൽ 6.6 കാണി​ക്കുന്ന ഒരു ഭൂകമ്പം യു.എസ്‌.എ., കാലി​ഫോർണി​യ​യി​ലെ ലോസാ​ഞ്ച​ല​സിൽ ആഞ്ഞടി​ച്ചി​രു​ന്നു. അത്‌ ആ കെട്ടി​ട​ത്തി​ലെ 16 പേരുടെ ജീവി​ത​ങ്ങളെ കവർന്നെ​ടു​ത്തു. ആ പ്രദേ​ശത്തു മരിച്ച​വ​രു​ടെ എണ്ണം 50-നു മേലാ​യി​രു​ന്നു.

1993, സെപ്‌റ്റം​ബർ 30-ന്‌ ഇതി​നെ​ക്കാൾ അൽപ്പം കുറഞ്ഞ തോതി​ലുള്ള ഒരു ഭൂകമ്പം ഇന്ത്യയു​ടെ പടിഞ്ഞാ​റു ഭാഗത്തുള്ള മഹാരാ​ഷ്ട്ര സംസ്ഥാ​ന​ത്തിൽ ഉണ്ടായി. അത്‌ 30,000 ആളുക​ളു​ടെ ജീവൻ കവർന്നു. “ഇത്‌ നന്നായി നിർമി​ക്ക​പ്പെട്ട വീടുകൾ ഉള്ള . . . മറ്റേ​തെ​ങ്കി​ലും സ്ഥലത്താണു സംഭവി​ച്ചി​രു​ന്ന​തെ​ങ്കിൽ അവിടെ ദുരന്തം ഇത്രയും ഭയങ്കര​മാ​കു​മാ​യി​രു​ന്നില്ല,” ഒരു ഭൂചല​ന​ശാ​സ്‌ത്ര​ജ്ഞ​നായ ശ്രീ കൃഷ്‌ണ സിംഗ്‌ പറഞ്ഞു. ഭൂകമ്പം ബാധിച്ച പ്രദേ​ശത്തെ മിക്ക വീടു​ക​ളും മണ്ണിഷ്ടി​ക​കൊ​ണ്ടു​ണ്ടാ​ക്കി​യ​വ​യാ​യി​രു​ന്നു.

അതേസ​മ​യം, ഇന്ത്യയി​ലു​ണ്ടായ ഏതാണ്ട്‌ അതേ തോതി​ലുള്ള ഒരു ഭൂകമ്പം ജപ്പാനി​ലെ ടോക്കി​യോ​യെ 1985-ൽ പ്രകമ്പനം കൊള്ളി​ച്ചു. അത്‌ 56 വർഷങ്ങ​ളിൽ ആ പ്രദേ​ശത്തെ ബാധി​ച്ച​തിൽവെച്ച്‌ ഏറ്റവും ശക്തികൂ​ടി​യ​താ​യി​രു​ന്നു. എന്നിട്ടും, മരണങ്ങ​ളോ തീപി​ടു​ത്ത​ങ്ങ​ളോ വസ്‌തു​വി​ന്റെ വൻ തോതി​ലുള്ള നാശമോ ഒന്നും ഉണ്ടായില്ല. എന്താണ്‌ ഈ വ്യത്യാ​സ​ത്തി​നു കാരണം?

കെട്ടി​ട​ങ്ങ​ളു​ടെ നിർമാണ രീതി​ക​ളാണ്‌ ഒരു കാരണം. കെട്ടി​ട​ങ്ങളെ ഭൂകമ്പത്തെ ചെറു​ത്തു​നിൽക്കു​ന്ന​വ​യാ​ക്കി​ത്തീർക്കു​ന്ന​തിന്‌ ഭൂക​മ്പോ​ന്മുഖ പ്രദേ​ശ​ങ്ങ​ളി​ലെ പല രാജ്യ​ങ്ങൾക്കും കർശന​മായ നിർമാണ രീതികൾ അവലം​ബി​ക്കുന്ന കെട്ടിട എഞ്ചിനി​യർമാ​രെ ആവശ്യ​മുണ്ട്‌. ഉദാഹ​ര​ണ​ത്തിന്‌, ഭൂകമ്പത്തെ ചെറു​ത്തു​നിൽക്കുന്ന കെട്ടി​ടങ്ങൾ ജപ്പാനിൽ എങ്ങനെ​യാ​ണു നിർമി​ക്കു​ന്ന​തെന്ന്‌ നമുക്കു കാണാം.

ഭൂകമ്പത്തെ ചെറു​ത്തു​നിൽക്കുന്ന സവി​ശേ​ഷ​ത​കൾ

കരുതി​ക്കൂ​ട്ടി​യ​ല്ലെ​ങ്കി​ലും ജപ്പാനി​ലെ പരമ്പരാ​ഗ​ത​മായ കെട്ടി​ടങ്ങൾ ഭൂകമ്പത്തെ ചെറു​ത്തു​നിൽക്കുന്ന സവി​ശേ​ഷ​ത​ക​ളാൽ സംവി​ധാ​നം ചെയ്യ​പ്പെ​ട്ടി​രു​ന്നു. മിക്ക വീടു​ക​ളും തടി​കൊ​ണ്ടു നിർമി​ക്ക​പ്പെ​ട്ട​തി​നാൽ വിവിധ രീതി​യി​ലുള്ള ചേർപ്പു​കൾ ഉപയോ​ഗി​ക്ക​പ്പെ​ട്ടി​രു​ന്നു. ഇത്‌ ഭൂകമ്പ​ത്തി​ന്റെ നടുക്ക​ത്തിൽ തകർന്നു വീഴാ​തി​രി​ക്ക​ത്ത​ക്ക​വി​ധം വഴങ്ങാ​നും വളയാ​നും വീടിനെ സഹായി​ക്കു​മാ​യി​രു​ന്നു. ഈ തത്ത്വങ്ങൾ ഉപയോ​ഗി​ച്ചു പണിത പഗോ​ഡ​ക​ളും കൊട്ടാ​ര​ങ്ങ​ളും മധ്യകാ​ല​ങ്ങൾമു​തൽ അതിജീ​വി​ച്ചി​രി​ക്കു​ന്നു. ദൃഢമാ​യി​രി​ക്കു​ന്ന​തി​നു പകരം അവ വഴങ്ങു​ന്ന​താ​യി​രി​ക്കു​ന്ന​താണ്‌ ഇതിന്റെ രഹസ്യം എന്ന്‌ ഈ കെട്ടി​ട​ങ്ങ​ളെ​ക്കു​റി​ച്ചുള്ള പഠനങ്ങൾ വെളി​പ്പെ​ടു​ത്തു​ന്നു. ഈ ആശയം ആധുനിക കെട്ടി​ട​ങ്ങ​ളി​ലും ഉപയോ​ഗ​പ്പെ​ടു​ത്തി​ക്കൊ​ണ്ടി​രി​ക്കു​ന്നു.

വളരെ പൊക്ക​മുള്ള കെട്ടി​ടങ്ങൾ ഭൂകമ്പത്തെ പ്രതി​രോ​ധി​ക്കു​മോ ഇല്ലയോ എന്നത്‌ ഉരുക്കി​ന്റെ ഫലപ്ര​ദ​മായ ഉപയോ​ഗ​ത്താ​ലാ​ണു നിർണ​യി​ക്ക​പ്പെ​ടു​ന്നത്‌. ഉരുക്കു​കൊ​ണ്ടുള്ള ശീലാ​ന്തി​ക​ളും (girders) ഉത്തരങ്ങ​ളും ഉപയോ​ഗി​ക്കു​ന്നു​വെന്നു മാത്രമല്ല, ദൃഢവും വഴക്കമു​ള്ള​തു​മായ ഒരു ഘടന രൂപീ​ക​രി​ക്കു​ന്ന​തിന്‌ കോൺക്രീറ്റ്‌ തൂണു​ക​ളി​ലും തറകളി​ലും ഭിത്തി​ക​ളി​ലും ഉരുക്കു​കൊ​ണ്ടുള്ള ഉപോൽബലക ദണ്ഡുകൾ സ്ഥാപി​ച്ചി​രി​ക്കാ​വു​ന്ന​താണ്‌. ഭൂകമ്പം പ്രഹരി​ക്കു​മ്പോൾ കെട്ടി​ടത്തെ ഒന്നായി നിർത്താൻ സഹായി​ക്കുന്ന വഴക്കം ഈ ഉരുക്ക്‌ പ്രദാനം ചെയ്യുന്നു.

ഭൂകമ്പം ഒരു കെട്ടി​ടത്തെ ഇളക്കുന്ന വിധം മനസ്സി​ലാ​ക്കു​ന്ന​തിന്‌ പുതിയ ഗവേഷണം ഇടയാ​ക്കി​യി​രി​ക്കു​ന്നു. ഭൂകമ്പത്തെ ചെറു​ത്തു​നിൽക്കുന്ന കെട്ടി​ടങ്ങൾ രൂപകൽപ്പന ചെയ്യു​മ്പോൾ വളരെ പ്രധാ​ന​പ്പെട്ട ഒരു കാര്യം കണക്കി​ലെ​ടു​ക്കു​ന്ന​തിന്‌ ഇതിട​യാ​ക്കി​യി​രി​ക്കു​ന്നു: അവയുടെ കമ്പന നിരക്ക്‌. ഒരു ചെറിയ കെട്ടി​ട​ത്തി​നോ ദൃഢമായ ഘടനയ്‌ക്കോ ഉയരം​കൂ​ടി​യ​തും കൂടുതൽ വഴങ്ങു​ന്ന​തു​മായ കെട്ടി​ട​ത്തി​ന്റേ​തി​നെ​ക്കാ​ളും കൂടുതൽ നാശക​ര​മായ കമ്പന നിരക്കുണ്ട്‌. കൂടാതെ, കെട്ടിടം നില​കൊ​ള്ളുന്ന തലത്തി​ന്റേ​തിൽനി​ന്നും വ്യത്യ​സ്‌ത​മായ നിരക്കിൽ കമ്പനം ചെയ്യാൻ തക്കവണ്ണം കെട്ടിടം രൂപകൽപ്പന ചെയ്യേ​ണ്ടതു പ്രധാ​ന​മാണ്‌. ഇത്‌ നടുക്ക​ത്തി​ന്റെ ശക്തി കൂട്ടുന്ന അനുസ്വ​ന​ത്തി​ന്റെ (resonance) ഫലത്തെ കുറയ്‌ക്കു​ന്നു.

കണക്കി​ലെ​ടു​ക്കേണ്ട മറ്റൊരു സംഗതി​യാണ്‌ അടിത്ത​റ​യു​ടെ കാര്യം. പശയുള്ള, കുലുക്കം കുറയ്‌ക്കുന്ന വസ്‌തു​ക്കൾക്കൊ​ണ്ടുള്ള റബർ പാഡു​ക​ളിൻമേൽ നിർമി​ക്ക​പ്പെട്ട ഒരു ഘടന ഒരു കമ്പനി വിജയ​പ്ര​ദ​മാ​യി പരി​ശോ​ധി​ക്കു​ക​യു​ണ്ടാ​യി. ഇവ കുലുക്കം കുറയ്‌ക്കു​ന്ന​തി​നുള്ള സജ്ജീക​ര​ണ​ങ്ങ​ളാ​യി പ്രവർത്തി​ക്കു​ക​യും കെട്ടി​ട​ത്തി​ന്റെ മുകളി​ലു​ണ്ടാ​കുന്ന ഭൂകമ്പ ഫലങ്ങൾ യഥാർഥ​ത്തിൽ ഏതാണ്ട്‌ 60 ശതമാനം കുറയ്‌ക്കു​ക​യും ചെയ്യുന്നു. ചില​പ്പോൾ കൂടുതൽ ഉറപ്പുള്ള അടിമൺ പാളി​യി​ലേക്ക്‌ കുഴൽത്തൂ​ണു​കൾ (pilings) കുഴി​ച്ചി​റ​ക്കേ​ണ്ട​താ​യി​വ​രു​ന്നു. കെട്ടിടം ചെരി​യാ​തി​രി​ക്കാ​നാ​വ​ശ്യ​മായ ഉറപ്പ്‌ അടിത്ത​റ​പോ​ലും പ്രദാനം ചെയ്‌തേ​ക്കാം.

ഭൂകമ്പത്തെ ചെറു​ത്തു​നിൽക്കുന്ന കെട്ടിടം പണിയൽ

വാച്ച്‌ ടവർ സൊ​സൈ​റ്റി​യു​ടെ ജപ്പാൻ ബ്രാഞ്ച്‌ 1989-ൽ അതിന്റെ അച്ചടി​ശാ​ല​യോ​ടു ചേർന്ന്‌ പുതു​താ​യി ഒരു കെട്ടിടം പണിതു. കെട്ടി​ട​ത്തിന്‌ 67 മീറ്റർ നീളവും 45 മീറ്റർ വീതി​യും ആറു നില പൊക്ക​വു​മുണ്ട്‌. കെട്ടി​ട​ത്തി​ന്റെ മുഴു ഭാഗത്തി​നും അടിത്ത​റ​യു​മുണ്ട്‌. ഈ കെട്ടിടം ഭൂകമ്പത്തെ ചെറു​ത്തു​നിൽക്കു​ന്ന​താ​ക്കി​ത്തീർക്കു​ന്ന​തിന്‌ 465 കുഴൽത്തൂ​ണു​കൾ മണ്ണി​ലേക്കു കുഴി​ച്ചി​റ​ക്കി​യി​ട്ടുണ്ട്‌.

ആ സ്ഥലത്ത്‌ മണ്ണി​ലേക്ക്‌ കുഴൽത്തൂ​ണു​കൾ അടിച്ചി​റ​ക്കു​ന്ന​തിന്‌ ശബ്ദവും വിറയ​ലും ഇല്ലാത്ത ഒരു രീതി​യാണ്‌ ഉപയോ​ഗി​ച്ചത്‌. 80 സെൻറി​മീ​റ്റർ വ്യാസ​വും 12 മീറ്റർ നീളവും ഉള്ള ഈ കുഴൽത്തൂ​ണു​കൾ കുഴലു​ക​ളാണ്‌. അഗ്രഭാ​ഗത്ത്‌ തിരി​വു​ളി​ക​ളുള്ള ഒരു തുരപ്പൻ യന്ത്രം കുഴൽത്തൂ​ണി​ലേക്കു കടത്തി​യ​ശേഷം അത്‌ കുഴി​ച്ചി​റ​ക്കേ​ണ്ടി​യി​രി​ക്കുന്ന സ്ഥാനത്തി​നു​മേലെ ലംബമാ​യി ഉയർത്തു​ന്നു. തുരപ്പൻ യന്ത്രം തിരി​യു​മ്പോൾ അത്‌ കുഴൽത്തൂ​ണി​ന്റെ മധ്യത്തി​ലൂ​ടെ മണ്ണു നീക്കുന്നു. കുഴൽത്തൂൺ ഇടുങ്ങിയ ദ്വാര​ത്തി​ലേക്കു സാവധാ​നം തള്ളി കടക്കു​ക​യും ചെയ്യുന്നു. പിന്നെ​യും ആഴമു​ണ്ടെ​ങ്കിൽ മറ്റൊരു കുഴൽത്തൂൺ കഷണം ഇപ്പോൾത്തന്നെ കുഴി​ച്ചി​റ​ക്കി​യി​രി​ക്കുന്ന കഷണത്തി​ലേക്ക്‌ വെൽഡു ചെയ്‌തു പിടി​പ്പി​ക്കാൻ കഴിയും.

മതിയായ ആഴത്തിൽ എത്തിക്ക​ഴി​യു​മ്പോൾ തുരപ്പൻ യന്ത്രത്തി​ന്റെ അഗ്രത്തി​ലുള്ള തിരി​വു​ളി​കൾ കുഴി​യു​ടെ വശങ്ങളി​ലേക്കു ചെല്ലു​ക​യും കുഴൽത്തൂ​ണി​ന്റെ അടിഭാ​ഗത്ത്‌ ഏറെ വിസ്‌താ​ര​ത്തിൽ കുഴി തുരക്കു​ക​യും ചെയ്യുന്നു. തുരപ്പൻ യന്ത്രം നീക്കി​യിട്ട്‌ ഈ ഭാഗത്തും കുഴൽത്തൂ​ണി​നു​ള്ളി​ലും കോൺക്രീറ്റ്‌ ഇടുന്നു. കോൺക്രീറ്റ്‌ ഉറച്ചു​ക​ഴി​യു​മ്പോൾ കുഴൽത്തൂൺ സ്ഥാനത്ത്‌ ഭദ്രമാ​യി ഉറച്ചു​നിൽക്കു​ന്നു.

ഇപ്രകാ​രം കുഴൽത്തൂ​ണു​ക​ളെ​ല്ലാം അടിത്ത​റ​യിൽ സ്ഥാപിച്ചു കഴിയു​മ്പോൾ അവയെ ഉത്തരങ്ങ​ളാൽ പരസ്‌പരം ബന്ധിപ്പി​ക്കു​ന്നു. തറയ്‌ക്കും അടിത്ത​റ​യു​ടെ ഭിത്തി​കൾക്കും താങ്ങായി വർത്തി​ക്കു​ന്നതു അവയാണ്‌. അത്തരം ഒരു അടിത്ത​റ​യു​ണ്ടെ​ങ്കിൽ കെട്ടി​ട​ത്തിന്‌ ന്യായ​മായ തോതി​ലു​ണ്ടാ​കുന്ന പ്രകമ്പ​നത്തെ ചെറു​ത്തു​നിൽക്കാൻ കഴിയും.

ഭൂകമ്പ​ത്തി​ന്റെ കാര്യ​ത്തിൽ നിങ്ങളു​ടെ വീട്‌ സുരക്ഷി​ത​മാ​ണോ? ഒരു കെട്ടിടം ഭൂകമ്പത്തെ നാശം കൂടാതെ അതിജീ​വി​ക്കു​മെന്നു രൂപകൽപ്പന ചെയ്യപ്പെട്ട പദ്ധതി​കൾക്കോ മറ്റു കരുതൽ നടപടി​കൾക്കോ ഉറപ്പു നൽകാ​നാ​വില്ല. ജനുവ​രി​യിൽ കോബി​ലും ജപ്പാനി​ലും ഉണ്ടായ തീവ്ര​മായ ഭൂകമ്പങ്ങൾ പ്രകട​മാ​ക്കി​യ​തു​പോ​ലെ ഏറ്റവും നന്നായി രൂപകൽപ്പന ചെയ്യപ്പെട്ട കെട്ടി​ട​ങ്ങൾക്കു​പോ​ലും നശീക​ര​ണത്തെ ചെറു​ത്തു​നിൽക്കാൻ പറ്റാത്ത തോതി​ലുള്ള ഭൂകമ്പം ഉണ്ടാകാ​വു​ന്ന​താണ്‌. എന്നിരു​ന്നാ​ലും, മനഃസാ​ക്ഷി​പൂർവം നിർമി​ക്ക​പ്പെട്ട ഒരു കെട്ടി​ട​ത്തിൽ പാർക്കു​ന്നതു മുഖേന ഭൂകമ്പം നിങ്ങളു​ടെ പ്രദേ​ശത്തെ ബാധി​ക്കു​മ്പോൾ നിങ്ങൾക്കു കൂടുതൽ സുരക്ഷി​ത​ത്വം അനുഭ​വ​പ്പെ​ടും.